|
يــذكرك في خير .!
ليش تهديني مع الساعه قلم=دمعتي تكتب حروفك ياملاك لو نسيتك كيف ينساني الألم=غلطتي ماكنت اوضح لك غلاك يامساحات الحزن كلي وهم=احرقي شمعة عذابي في لقاك ياحياتي كل مافيني ندم=كيف مدري بس انا اتنفس هواك انهزم بك من وجود ومن عدم=ياسراب ارجوك يرويني ضماك شوف بعدك كيف حزني مبتسم=يذكرك في خير وجروحه معاك ارسمك قلبٍ دخل جرحه سهم=كل ماينزف يوصي في رضاك |
أدعيك بحســاسـي .!
يوم الغلاء ماشفت زولك ولا جيت.=واليوم بجروحي وصدك لفيتن مات الخفوق اللي له الحين حنيت.=ماعاد تلقى به امل لو بغيتن مصدوم من حبٍ مضى به تمنيت.=جيتك بقلبي وانت بالصد جيتن اطرد غرامك وانت باالشوق قفيت.=ادعيك بحساسي ولكن نسيتن حتى رجع شوقي علي يوم صديت.=يقول ياعيادة علامك رميتن خلن معك ياما بصدرك تقهويت.=من زفرةٍ فاحت ومنها سقيتن لاتتركن للي له الحزن غنيت.=انت الوحيد اللي تحس وبكيتن قلت المصيبه يوم انا فيه حسيت.=ماحسْ بي ياشوق يومك دعيتن |
مـذنب وتـآآآيب .!
يابنت انا من كل الاشواق محروم = ومن دمعة الفرقا انا جيت غايب امر بيتك واجرح الحزن بااللوم = وينزف غلاك وتنتحربي مصايب اتسحرك حزن(ن) قبل ما الزمك صوم = وافطر على ذكرى به الحب ذايب استنشقك لو نسمتك جتني هموم = الذ عندي من نسيم الهبايب انام فيك بدمعتي حزت النوم = واصحى عليك بخوف مذنب وتايب لوكنت في دارك من الوصل معدوم = يكفيني اني كل ما اخطيت صايب انتي مطر لو جف غيمك علي يوم = اسقي خفوقي من قديم السحايب طبيت في بحرك وانا شخص مااعوم = ابي غرق جوفك يصير النصايب |
الصـبر دمعي .!
لادارت الـدنـيــا عــلــى ســــود الايــــام.=اتسئلـيـنـي لـيــه انــــا جــيــت يــمــك غـــلاك مـاهــو حـلــم يـاكــل الاحــــلام.=اللي سقيت الـروح مـن شهـد همـك غــــلاك خــلانــي اصــــدق بــالاوهـــام.=اشفت طيفي ياريـش العيـن ضمـك اتخـيـلـك مـــن يـــوم ودعـتـنـي الـعــام.=نـك معـي واضحـك علـى خـف دمــك رحـتـي وانـــا كـلــي صـبــر كـلــي آلآم.=الصـبـر دمـعــي والألـــم ريــــح كــمــك من حسرتي مالي جدى غير الابهام.=عضيت انا ابهامي على حب ظلمك الــدمـــع مــاوقـــف ولاجـــفـــت أقلام.=حـتـى الــورق بـحـروف حـزنـه يلـمـك صحيـح انـا بسهـر مـع النجـم وانــام.=اسهـر ولَـه وانـام مــن شــان اضـمـك ياغالـيـه حـبـك عـلـى لـوعـتـي صـــام.=تكفيـن أبفطـر لـو علـى اليـوم سـمـك |
الردف يطرب .!
غمازتك طيبك ورقت حضورك.=طولك وضحكات الغنج في محياك عينك تعلمني الغزل من غرورك.=واهيم في جيدك وشعرك وممشاك الخد ورده يستحي من ظهورك.=والعنق يخجل لاتمايل مع خطاك والصدر يبرز كل ماضاق طورك.=واليا رضيتي زاد حجمه مع رضاك والبطن ظامر متقي عن زهورك.=الزهرتين اللي نفسهم تغذاك والردف يطرب لاتقهوى سرورك.=يرقص طرب من قبل يعرف نواياك والراس من ريحه تنفس بخورك.=طاب البخور براس مثلك وشرواك ليلٍ سواده طاح والجيد نورك.=حتى غشى الساقين بشويش ينخاك حبك معي وشلون حبك يزورك.=ياللي خذيتيني وانا غبت وياك هذا وانا جسر الامل في عبورك.=اعبر حفظك الله والحب يرعاك جذعك وغصنك والورق مع جذورك.=وسط الحشى فيني حبيبي تحراك بالله قلي كيف اباصف شعورك.=لاصرت مستني قصيدي على شفاك |
كتف الزمــان .!
كليـت الحـزن .. مـن كتـف الزمـان .. اللـي بـرى حالـي.=وسـمّـت بـــي .. هـواجـيـس الـزمــان .. الـلــي بـهــا ونـــه معي جرح(ن) .. قديم(ن) صادفه جرح(ن) .. لفا تالي.=وراحــن بــي .. عـلـي هــم(ن) فقـدنـي .. والسـبـب ظـنـه لقيـت الحـزن .. مـن كثـره .. معـي احيـااااان يحـلا لـي.=ادور فـيـه .. عــن ضـيـم القـهـر .. حــزن ٍ بـــلا مـنــه شـربــت الـهــم .. ســـم وغـــم .. وغـنــى الـحــزن مـوالــي.=ورسمـت مـن العـذاب .. اللـي معـي لوحـة .. نعـت فـنـه فــقــدت الـلـيــل ونـجـومــه .. ودمــعــة واحـــــد(ن) غــالـــي.=عسـى قبـره .. ريـاض(ن) ينفتـح بابـه .. عـلـى الجـنـه الا يــــاوقــــت مــابـــاقـــي .. ســــــــوى رقــــمـــــه بـــجـــوالـــي.=ادق الــرقــم .. مــــن حــــزنٍ .. بـقـلـبـي مــاوقـــف عــنـــه وانـــاادري حـــزن قـلـبـي .. يـازمــن يـشـكـي مـــن هـبـالـي.=ظــــــروف الـــوقــــت والله .. يـــازمــــن بـاالــحــيــل هـــدنــــه اشـــوف بعـيـنـي اليـمـنـى .. طـريــق(ن) ضــــم غـربـالــي.=واشـــــوف بـعـيــنــي الــيــســرى .. نـــجـــوم الـــيـــل خــلــنــه |
كحل قـوووت .!
ياراكـب اللـي لـون بديـه كـحـل قــوت.=او رمــش عيـنـه لاغـفـى فــي مبيـتـه لاصـار عنـدك حــزن والـهـم مكـبـوت.=والـنـاس حـولـك والاحـاسـيـس مـيـتـه نزل شماغك وازعج الجرح بالصـوت.=واركب على منخات عمشاء وصيتـه من فوق حرٍ اشتهر بأسمـه الحـوت.=يـجـيــب لـحــظــات الامـــــل لابـغـيـتــه بديـه مثـل غـروٍ غنـج لابسـن كــوت.=ضـيـق عـلـى خـصـره والارداف بـيـتـه ومـراتــبــه فــيــهــا مـعـانــاتــك تـــفـــوت.=ويـــروح مـــن فـكــرك ســـرابٍ رجـيـتــه في داخله لـون البنفسـج مـع التـوت.=وفــي مـقـدمـه شـيــخٍ فـــزع مانخـيـتـه صدامه الخلفي على الحزن منحوت.=كـــنـــه يــــــوادع كــــــل دربٍ مـشـيــتــه ياسـايـقـه كـــوّع عـلــى خـــط بـيــروت.=وانـص الـذي لاضـاق وقتـي نصيـتـه يفدونه اللـي بـس كشخـات وبشـوت.=اللـي علـى شيخـة حكـي مـن وعيتـه ويفدونه اللي طيبهـم غمـز وسكـوت.=الـلــي عـلــى خــبــث ولـعـانــه لـقـيـتـه مـمــدوح عـــزي يـابـعـد كـــل سـربــوت.=الـلــي عـلــى مــرقــاب هــمــي لـفـيـتـه رجمٍ رقيته من غثاء الوقـت مبهـوت.=والـيــوم مـــن فـعـلـك طـنـاخـه رقـيـتــه يابـو طويـرش جعـل الانـذال للـمـوت.=يـاعـلــهــم فــــــدوت نـــعـــولٍ رمــيــتـــه |
خاطرة (لاتزعلين)
.
. لاتزعلين يااللي على قلبي تجين لاتزعلين قلبي انتظر .. ماشاف بحساسك حنين .! لا لا تقولي وش تبين ماعاد قلبي يسمعك لوكان ماشي .. هو معك ابجرحه لو تزعلين .! ابجرحه .. واخذ من جروحه انين واجرح حياتي واجرحه وابكي على ماضيه وارجع له عتاب استسمحه قلبي تعال بخافقي ارضيك وانا بحزني من يراضيني راحت علي .. بس الاماني فيك ارجوك بهمومك تبكيني وين الحبيب اللي مواعيدك معه .!؟ غايب وطيبك يتبعه اخلصت له ..! وانا انادي لك قريب ..! ماجيتني تتبع هواه ووسادتك تشكي جفاه هذا اذا مثلك يانام يامعلم اليل الغرام .! اضحك على صدري ونام وانا بدور لك عذر وسط الظلام اشكي لك ايامي وتبكي من وفاك ياما وفينا ..! والنهايه وش لقينا ..! لاجيتني راضي ولا استنى رضاك يكفي علي شفت المصايب من وراك واليوم لايمكن ادورلك عذر حتى الصبر لا مايبيك انا الذي حزني عليك وانا الذي جيتك وانا كلي عذر خااااايف عليك ياقسوة الدنيا علينا وش تبي افراحنا ماتت وعيوننا صاحت وجروحنا ناحت وتبيعنا ولا تشترينا .!؟ حتى السحاب بوقفته ياقف على لحظة الم وحتى المطر ياقسوته اصبح يجي فينا وهم .! انا انتهيت والقلب فيني يبتدي وانا معه اذبح خفوقي في يدي . . بقلمي ...!! عيادة الجهيلي |
لون الغروووب .!
القصيدة بصوت والقاء الشاعر القدير حمد العيد :shm : [rplayer]http://www.hamed-aleed.com/loonalgroup.mp3 [/rplayer]
ياشمـس .. لوغبتـي .. حبيـبـي مـعـك غــاب.= شـوفــي غـيـابـك .. كــيــف .. قــــرب مـغـيـبـه لون الغروب .. اللي معك .. باالحشى ذاب.= مــمـــزوج .. بــاألــوانــه مــــــع الـــشـــك ريـــبـــه يرسـم علـى شوفـي .. مـن الحـزن لـي بــاب.= يــفــتــح عـــلــــى حـــــــظ(ن) تــعــثـــر نـصــيــبــه حــــل الــظــلام .. ولــيــل الاشــــواق مـنـصــاب.= مـاجــور .. مـــا بـعــد المـصـيـبـه .. مـصـيـبـه قـفـى مـعـك .. مغـصـوب .. لغـيـابـه اسـبــاب.= وابــحــتــرق .. فــــــي غـيـبــتــه .. واعـتـنـيـبــه وش جاب حظي .. وش بعد فيه .. ماجاب.= خـــلـــه يــجــيــب .. الـــلـــي يـجــيــبــه يـجــيــبــه شيبت .. من جـور الزمـن .. جـور وعتـاب.= وخـذيــت .. مـــن دمـــع الـزمــان .. ونـحـيـبـه حزنـي معـي .. عـن هاجـس الهـم .. ماتـاب.= يـاخــذ .. مـــن اســـرار .. الـجــروح العطـيـبـه |
خاطرة (تعالي من بعيد)
لاتروح ارجوك يكفيني غياب
الصبر من غيبتك ياعمري ذاب انتظرتك وكل ماترجع علي ابتسم لك ولااشوف الا العذاب .! ارحم اللي في حياته ماعرف لاطموح ولاترف ..! غير دمعه في عيونه تسألك عن غيابك .؟ عن عذابي .؟ اللي تحطم عند بابك كل ماغبتي حياتي تنتهي وكل ماجيتي حياتي تنتهي وكل مافيني حياتي ينتهي انت عمري .. وانت عطري .. كل ماشميت ريحك قلت بدري النجوم اللي معي تسهر همومي والقمر عاتب من اللهفه غيومي من منامك لاتقومي اسهرك ليل جديد لو نزف جرح الوريد لايهمك بسهرك . بس نامي في عيوني وان صحيتي بي تعالي من بعيد اسمعي اهاآآآت مجنونك تزيد . وان وصلتي يمها خلي اشواقك تجي وتضمها خلي اشواقك تجي وتضمها لايروح الليل ونجومه معك الدموع اللي بعيني تمنعك كان تقدر تمنعك . وكان ماتقدر انا كيف امنعك علميني اسمعك . علميني اسمعك . علميني اسمعك . , , بقلمـي . عيادة الجهيلي |
حطاب لـيـل .!
حـطــاب لـيــل ولا لـقــى بـالـخـلاء فـــاس.=والـــبـــرد بـضــلــوعــه مـــســــوي ســـوايــــا فـي ليلـة(ن) ذيـبـه تعـشـى مــن الـيـاس.=حــتــى شــبــع مــــن شـامـخــات الـنــوايــا العـمـر قـفــى وابـيــض الـشـيـب بـالــراس.=مــاعـــاد بــاقـــي مــــــن ســــــواده بــقــايــا حافي قدم يمشـي علـى حمـر الاطعـاس.=ويــصــيــح خـــوفـــه مــتــقـــي بـالـحـنــايــا يرقب على قبر(ن) بعيد(ن) عن الناس.=ويــفـــزلـــه فـــــــــز الــــكـــــرم بـاالــطــنــايــا يلـقـاه فــي سمـعـه وشـوفـه والاحـسـاس.=والــــــــروح ودمــــوعــــه لــفـــنـــه هــــدايــــا غـــلاه يـمـشـي ياالشمـيـلـي بـاالانـفــاس.=اســــري مــعــه واحــيــان يــســري مـعـايــا كــان الامــل فـــي هـمـتـي شـــدة الـبــاس.=والــيـــوم ذى اول عــــــزاء فــــــي عـــزايـــا مـــرت ثـمــان اسـنـيـن ياعـلـقـم الــكــاس.=ابــشــربــك لــوكــنـــت تـــجــــرح حــشــايـــا اجـــرح مـــدام الـجـيـد يبـكـيـه الاالــمــاس.=ابـنـتـحــربــك لـــــــو ســقــانـــي ضــمـــايـــا |
شــدتني الذكرى .!
القصيدة بصوت والقاء الشاعر القدير حمد العيد :shm : http://www.hamed-aleed.com/ayaaadhj6.mp3 [rplayer]http://www.hamed-aleed.com/ayaaadhj6.mp3[/rplayer]
اصبحت بعيون الامل شخص مفقود=وامسيت بجروح السهر والنكاده فيني مساحات الالم مالها حدود=وين انت يادرب الفرح والسعاده شدتني الذكرى مع ايامي السود=وحطيت لوعات الزمن لي وساده صبرت مافاد الصبر كل مقرود=لوكان عنده فوق صبره جلاده مريت في عيني جفاء هبت النود=ولقيت حزني يشتكي من عناده ماني انا موجود لوكنت موجود=الحزن غيبني بقسوة سواده والجسم من همي نحل كنه العود=والعين دمعه ضاق فيها مراده من ضيقتي بابي من الوصل مردود=لو كان ماتنفع هبايب براده |
غــلاك محرقني .!
قـالــت عـيــادة قــلــت لـبـيــه يــانــوف.=قــالــت احــبــك قــلــت قـلــبــي هــديـــه قـالـت ابــي اشـريـه بـرمـاح وسـيـوف.=واذبـــح معـانـاتـه واجـــي لـــه عـطـيـه غـلاك محرقنـي وجمـره كـوى الجـوف.=حــتــى لــقــى بــــه حــســرة الـعـامـريـه كتبت فيك الحرف كذبـه وانـا اشـوف.=واصبحـت اغنـي فـي حـروفـك شقـيـه اموت بك واغليك والشـوق مكشـوف.=كـلــي عـلــى بـعـضـي نخـيـتـك عـنـيـه امسيت فـي دمعـي قلـم ليلـه حـروف.=يـكـتـب عـلــى بـيــض الـنـوايـا مـطـيـه يـاروح روحـي والغـلاء فيـك مـعـروف.=اشفق علي مـن قبـل حـوض المنيـه يانـوف لا يـانـوف مايسـمـح الـخـوف.=انــــا حـيــاتــي ظــلـــم يـكــفــي عـلــيــه أُظلـم والاأظلـم والنظـر فيـك مكـفـوف.=اخـــاف لانـصـبــح جـمـيــع الـضـحـيـه شوفـي قمـر ليلـي رحـل كلـه خسوف.=بـيـنـي وبـيـنــه وقــفــت(ن) عـاطـفـيـه وشمسي تجلى تنتظر لحظة كسوف.=راحـــت عـلــى ريـــق الـوجـيـه الـرديــه قالـت عيـادة قلـت وش فـيـه يـانـوف.=قـالـت تذكـرنـي بصـمـتـك ,,,, قـويــه |
الرمـش طـآيح .!
القصيدة بصوت والقاء الشاعر القدير حمد العيد :shm : http://www.hamed-aleed.com/abokhleefh.mp3 [rplayer]http://www.hamed-aleed.com/abokhleefh.mp3 [/rplayer]
لاتسألين الناس عني وانا حي.=ان مت قولي وش حصل في حياته خلي هواجيس الغلا تاخذك في.=وتعيش بدموعك حزن من صفاته في دنيتي ماشفت انا باالسماء ضي.=غيرك عكس نور القمر ياغناته ياللي عيونك من صفاها بها مي.=والرمش طايح وان وقف هو عباته وان سلهمت طير السماء صابه الغي.=حول عليها ومرها من حلاته والخشم سيف(ن) جهزه خالقه لي.=اموت به طعنة امل من غلاته والفم يدعيني وهو مانطق شي.=لولو ورى ياحمود ضحكت شفاته الشفه اللي فوق فيها اللحم ني.=مالامسه روج القلم من نباته والشفه اللي تحت جرحه بقى بي.=مالت وعضتها قديم امنياته |
خاطرة (أنا الســحاب)
,
, , انا السحاب اللي على شانك وقف وانا العذاب اللي على شانك نزف وانا مسافات التعب وانت القمر والشمس وانت النسيم اللي تنفسته صباح وانت الهبوب اللي تغنابي مساء شوقي على قربك رسى لاتترك اشواقي تموت من بعدها روحي تموت واموت انا ..! يااللي خذيت الروح وجروحي تنوح سلم عليها وقلها كيف السهر اصبح طموح.؟ خذني معك لوكان حزني يتبعك لاتترك احزاني على شاطيك ارحل وانا برحل معك انا معك حتى نهايات المطاف انا معك انت الشتاء والصيف وانت الخريف يعني اكيد انت الربيع بضحكتي هذا اذا مثلي ضحك . انتي خذيتي الروح من روحي وماتت بسمتي انتي خذيتي البوح من نوحي وضاقت دمعتي انتي حياتي والعمر يفداك كل امنياتي تستبيح رضاك وانا تمنيتك فقط ماابيك حرف ولا نقط ابيك بحساسي تعيش واضماك واشرب من ضماك كذب السراب جيتك غلا خذني عتاب خذني على كيفك عيشني في طيفك حتى ولوكذب ونفاق فرقاك لايمكن يطاق . , , , بقلمي .. عيادة الجهيلي |
| الساعة الآن 05:04 PM. |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010