|
ياليل ...
بسم الله الرحمن الرحيم
السلام عليكم ورحمة الله تعالى وبركاته هنا جديدي اطرحه بينكم واتمنى ان يرتقي الى ذائقتكم العذبه مدخلـــ دفتري حقل وتجارب صفحته الأولى غلاف وبعدها صفحة خلاف من قريتك قمت ادون فيها رأيي حتى صار الإختلاف وبعد هالصفحة رسومي شاملة يقظة حلومي من شخابيط الأماني فيها رسمة قلب حاني وفيها سهم اخترق قلبي وطار وفيها شفة ولعت قلبي بنار وفيها جملة قالها استاذ القواعد (يا ولد خليك قاعد والا قوم على الجدار) خوّف عيون الصغار ليتني اعود طالب بس يوم ونصف ليلة وصاحت انفاسي وقالت ما معك اية وسيلة غير تسهر كل ليلة غير تسهر كل ليلة *** زمان كنت اسمع سالفة عندك قرين يسكنك في كل حين وحين تحتاجه يجيلك يلهمك بعضك بليلك ثم تهدأ فيك روحك ليتها تبرأ جروحك حتى تشعر بالأمان وما معك اية وسيلة غير تسهر كل ليلة غير تسهر كل ليلة *** ليلة.!! لا لا كل ليلة احتسي كأس السهر وادمنه حد الثماله والقهر كل القهر لا سكن همك بداله صار لك مثل النديم والخناجر والجحيم حين يطعنها وليفك وما معك اية وسيلة غير تسهر كل ليلة غير تسهر كل ليلة *** (( يالـيــل ))
ياليل./لا تحسب اني اسهرك فرحه=او تحسب ان الوله اختار منزوله ولا تظن ابحياتي ./زايد الفسحه=شفها حياتي كماهي العام مشغوله اضحك لثغر الثريا واطرح السمّحه=حتى يجيني القمر ويطيح من طوله يعنى معاك السهر قد صابني رمحه=ما غير ادندن مع حرفي بتفعوله كذا تعودت مجلاسي./الى صبحه=اشخبط ابدفتري من عرضه لـ طوله اروح لأبعد خيالٍ واصل ن جرحه=واشوف ذكرى بأقصى القلب مقتوله فيها حزن ما قوى قلبي على طرحه=وفيها فرح /كل من حوله يغنوا له وفيها بقايا غرام ن/قام من ضرحه=وفيها سوالف/خذت قلبي لمجموله تجمعت كلها../حزني مع مرحه=فرصه./وكلن يغنى لي على موله الليلة كالبارحه وبكره ترى شرحه=عزاه ياقلب ن اصحابه تعدووا له صارت حياتي كما طير بلا جنحه=اسير ليله ومن حوله تواصوا له فالقلب ماعاد به ملي بلا رمحه=يعني تعود على طعنات من حوله.!! من كثرهمه خلط نقصه مع ربحه=عجز يبين من اللي صدق يصفوا له لين اصبح الهمّ ./مقباله وفي نزحه=تثور فيني شظايا./غير مجهوله يغيب فكري ويفرك كفي السبحه=بين الحنايا/ انين ن زاد مفعوله حتى لفا صوت خفف قوة الذبحه=وحاول يعيد طرفي قبل ياجوا له وقال يابوحي الغافي كفى سرحه=خل السوالف./مع ليلك ومسئوله يا بوح رح نام يالله /عدها مزحه=وشوف لا مات قلبك كيف يرثوله وقمت ودعت ليل ن طايل صبحه=غمضت عيني تعب قدام ماتوله وقلت ياليل/خذها بآخر الصفحه=ان نمت /والا سهرتك كلها جولة مخرجـ يقلون باب ن يجيب الريح لا تتركه.... .......قفله وارتاح وانسى كل شرهاته خلك على مبدأك وعالم الفبركه..... .........لابد من يوم يتعرى بشطحاته شعر احمد المنتشري بوح القصيد http://www.b3b7.com/vb/showthread.php?t=56583 |
رسالة وطن...الى من يهمه امر الوطن
بسم الله الرحمن الرحيم
السلام عليكم ورحمة الله على غير العادة في طرح قصائدي هنا رسالة وطن تختلف عن غيرها و لعلها تصل الى من يهمه امر هذه البلاد الى مولاي خادم الحرمين الشريفين وولي عهده الأمين وسمو النائب الثاني حفظهم الله ورعاهم والى جنودنا البواسل على جبهة الجهاد نسأل الله ان حفظهم ويمدهم بنصره وهي رسالة بصوت كل مواطن تشرف بالإنتماء الى هذا الوطن الشامخ بدينه ورجاله نقول لهم فيها ( اننا نجدد لكم الولاء ولكم منا العهد والوفاء بما عاهدناكم عليه وارواحنا نقدمها فداء لكل شبر من هذه البلاد الطاهره فسيروا رعاكم الله ولا تأخذكم في اعدائنا واعداء الدين والوطن لومة لائم ونحن معكم بأرواحنا ودمائنا وابنائنا وكل ما نملك فداء لكم ) : رسالة وطن
الحمد لله ناصر أهل الدين نصر الفاتحين=حامي البلاد اللي على دينه بني دستورها ديار ابو متعب ديار الخير وارض الصالحين=دار على التقوى مشيّد وامتعلي سورها في يوم ن اغبر فوق روس الحوثنه الماردين=كان الثمن (تركي) وروحه يافديت حبورها لما نمى للقائد الأعلى فلول المعتدين=وان الألم بأقصى الجنوب يصيح يادكتورها بلغ اوامره الكريمه للرجال المخلصين=خَلّوا كلاب المجزره تدفن بدون اقبورها صاح الشمالي يالجنوب لباك يالدر الثمين=وذعذع الشرقي في الدخان نقطع زورها والساحل الغربي زحف لأرض الشهاده طالبين=جيزان حنا لك فدى / لجبالها لبحورها تحرك الجيش السعودي امهللين وامكبرين=الله واكبر يالشهاده ريحها وزهورها وغطوا اصقور السما كل الجنوب محلقين=والليل اصبح قايله والنار قلب جحورها دكوا معاقل حوثنتهم من شمال ومن يمين=خلوا من الدخان شمعه ما يطفي نورها ولقنوا خاين وطنه ادروس كيف الخاينين!!=ماله لنا جيره ولا له غير دق نحورها حتى اعلنوا استسلامهم في ظنهم امسامحين=مايدروا انا لابطشنا /الجبال نثورها ياخايني الجيره تبون الصدق حنا طيبين=نعطي كرم نجزي وفا من ارضنا وتمورها لكن من هو خاننا نجعله عبره للسنين=ويسجل التاريخ تأديبه لباقي عصورها نجعل من ارض المعركه كتاب كله مخلصين=ودمائنا حبر الورق جنه نطالب حورها ياخادم البيتين ابشر في علوم الغانمين=جنودك بيضان الوجيه افعالها منشورها خلوا فلول الحوثنه يشوفوا الحق المبين=من جبل الدخان لاقصى الدوود وفي منظورها وطهروا ارض الوطن حتى ان فلوا هاربين=الحوثنه واعوانهم ومنهوا يحمل زورها فأرتاح ياصقر العروبه واهتنوا يامسلمين=حجوا وضحوا عيدكم والنفس يا محظورها قبل الختام هنا رساله من بلاد الحرمين=ترسل الى اقصى مدى تحفظ بكل سطورها هنا عقيده اهنا ملك واهنا وطن ومجاهدين=ندفع ثمن هذا الولاء لترابها وصخورها ديار نشرب حبها من صغرنا ومرددين=الله ثم ولا(*) الملك ثم الوطن دستورها * ولاء كتب الرسالة بكل فخر المواطن السعودي الشاعر احمد بن عبيدالله المنتشري بوح القصيد http://www.b3b7.com/vb/showthread.php?t=56954 |
| الساعة الآن 05:57 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010