|
المثل الـعــشــرون : "ما يعاف العود الا المقرود" ويقصد بالعود هو البخور ذو الرائحة الطيبة ويستخدم هذا المثل انه اذا جاك شي زين استمتع فيه وا تتكبر وتقول ما ابيه |
تسلم الايادي
ويعطيك الف عافيه شرح جميل عساك ع القوه دوم تحياتي من الجوري |
المثل الواحد وعشرون : "ما يستر الشاة الا ذنبتها"
ويستخدم هذا المثل اذا تخلى عن الشخص من حوله او ما كان يفكر في الاعتماد عليه واكتشف انه ماله الا الاعتماد على امكانياته |
المثل الثاني وعشرون : "ما عنده الا الضعوي"
يستخدم هالمثل للي طفران ويحب يهايط ويسوي انه يملك مال ولو تفتشه وتنخله لقيته طفران |
المثل الثالث وعشرون : "الماطر واحد"
هالمثل وهو تشبيه كمية المطر بالتساوي ويستخدم لاثبات ان الامور متساوية اما زينه او شينه |
المثل الرابع وعشرون : "ما دام الرخا فتدوم الشدة"
هالمثل يبين تقلب حال الانسان والدنيا انها لا تدوم على حال ويستفاد منه انه اذا كنت في رخا احذر من الشدة واذا كنت في شدة لا تيئس فالفرج قريب باذن الله |
مشكور
سلم لنا جودك ووجودك |
المثل الخامس وعشرون: "ما دافع الله كان أعظم"
هالمثل يقصد فيه ان ما دفعه الله عنك من الشر اعظم من ما يصيبك ويستخدم في حال تخفيف مصاب اخر بان الي جاك ربي سبحانه راد عنك اكثر منه |
المثل السادس وعشرون : "ما خلى حية في جحرها"
هالمثل شبهه بالسيل الي يدخل الجحور ويغطي كل شي ويستخدم للشخص الي فيه شر واقشر وقوي ويبلش العالم وينبش وراهم |
المثل السابع وعشرون : "الدمنة تفلق الجمل"
الدمنه اجلكم الله هي بعرة البعير وهالمثل يبين انه مهما كان الشي صغير وحقير قد يؤثر على الكبير |
اقتباس:
شكرا على الامثلة الجميلة والشكر موصول لزفرات الحنين والله يرحم الشيبان كانوا يذكرون مثل هالامثال |
جزاك. الله خير ... فكره جميله
وطرح جذاب .. تحياتي✋️ |
المثل الثامن وعشرون : "سكين قصاب"
يستخدم هالمثل للشي الي شكله شين لكن يقضي الحاجه |
المثل التاسع وعشرون : "سكتنا ودخل بحماره"
يستخدم هالمثل للي تكرمه ويقابل كرمك بنذاله ولو تسكت له يتمادى معك اهم شي مصلحته واصل المثل انه كان يدخل للمزرع بنفسه ويوم تغاضو عنه صار يدخل بالحمار اعزكم الله |
رائعه جدا شكري وتقديري لك
|
| الساعة الآن 04:11 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010