مسآء الخير وصحت السنتكم شعراؤنا الرائعون ..

الورد شوفه طلعت الصبح يبهجك
.. وانته ليا جيت الخيال ابتهج دوم

......
تاهـ الفكر واحترت كيف الطريقه
....في قلب قاسي ما يعرف الخضوعي
......
ليت لي قلب مثل قلب الاطفالي
مايفكر غير في اغلى لعابيبه

على النيه
,,

كل الشكر لك يا طلال ابدعت
من جد

كنت أحسب الرجال تنشد عن المراجل
بس أبو ..نايف ..مطلوب(ن) عند الرجوله

اخاف اكتب و يخون القصيد احساسي
لأنك نادرٍ وحبك بقلبي كبير

*همس*

اخواني الشعراء صحت السنكم جميعا ابيات وافيه وجميله ما قصرتوا //


وانا اليوم في نبضي شعور ٍ ساكت وْمخْفي
.......... يناجيه في طيفه دلال وبسْمة ٍ سمرا

طغى الروج في شفّه وشفّه لونها يكْفي
.......... عن الروج مادامت ربيع وْ وردة ٍ حمرا

على الروض ضمّيني عليل وضمّتك تشفي
.......... ترى الجرح من رشْفـة غديرك يسْكت ويبرا

جرحتني وأقفيت وش عاد بآقي ‏..‏ بآقي رفات الروح وتفداك والله ‏..‏ ‏ بوحي ‏/‏ صمت الحنآيا ‏..‏!‏

الله صح لسانك اختي صمت .. بيت حلو وربي فيه صدق ومعنى جميييييييييييل




غنّى الولع بلبل على الشفّه شدى
.......... باجْمل أحاسيس الهوى تلحينه

وذابت له مزون الغرام اللي بدى
.......... ينزل رذاذه بالرخا وش زينه

وطارت له طيور الفرح عبر المدى
.......... كنّ الملا صوته ونظرة عينه !

..

صح بدنك اخوي خالد تسسلم ..!

يالله يارب المخاليق والكوون ..
تفرج هموم اللي جروحه عطيبه ..
راحوا وانا دموعي عليهم يهلوون ..
واقفوا ولاقالوا ورانا حبيبه ..
ودعتكم ربي بس لاتبطوون ..
قلبيي عليكم توقد لهيبه ..

للأسف لم تكتمل ...!

" بووحي الألييم : صمت الحنآيا "

صح لسانك شباصه كل بيت اقوى من الثاني والله //

صمت الحنايا من جد انتي مشروع شاعره قويه .. شوية وزن بس وبإمكانك تنزلي قصايدك تحت مع الشعراء





يا عـذاب الوجد دام الوجد فيني
............ يشتكي بعدك وفي قربك دمار !

في حضورك لو سمحْتي أبهريني
............ وارجفيني نغمه بْدقّّات طار

ونْ حكا لك عاذل بْحقْد ٍ دفيني
............ لا تهمّك كلمته حاقد وغار!

واشرحي همّك وقولي واسمعيني
............. لا يصير الحاجز الوهمي جدار

من فنون الحب ساعه متّعيني
............. ادخلي فيني مساحات وْحوار

وان قسا ليلي بْنورك نوّريني
............ كنّك النجمه وانا حولك مدار

واركبي موجة خيالي وسافريني
............ كننّا رحْـله وماضينا المطار

صحت ألسنتكم جميعآ ‏..تسلم استآذي خالد عالنقد البناء ‏ ‏ احتآج فعلا لتوجيه منهم أطول مني باعا في الشعر ‏.. ونتعلم منك استاذنا الفاضل ‏..‏ شكرآ لك ‏..