قالو مِشـَل مَوجـُود قـِلْت السّمَاء جُودْ=والارض مَالـَتْ له ومَالَتْ اجْبـَاله
من جَيـّتــَك يَاامير... حَائل بَها زُودْ=حتى الوَغـَـد يَاامير مَيـّل عقاله
لـنــّه يـَعَرْفْ إنـه مَعَ العـِّـز مَوْجُودْ=جـَاه السِّطـَرْ مِن شـُوفـتــَك حَي فاله
الليل يَنـْشِدْنـِي عـَن العُود ويعـُودْ=واقــُول لـِهْ هـذا البَطـَل مِنْ اعْيـَاله
هـَذا مِشـَل مَالـه مِسَاحَآت وحْدُودْ=هـَذا الامِيرْ اللِّي قِصِيدِي عَنـَا له
هـَذا الذي مِنْ جـَاه عَـانِي ومَظْهـُودْ=نـَوَّخ شِقــَاه وجَابْ حِمْلِه وشـَالَه
هـَذا الذي مِنْ جَآه ضـَايــِقْ ومَلْهـُودْ=بَـرَّكْ هُمُومِه وانـْتــَهـَضْ وارْتـِكَا لَه
هـَذا الذي فِي بيْت الابـْطـَال مَولـُودْ=العـِزْ هـُو عَمِّه والامْجـَادْ خــَالـَه
ان قـِلْت انــَا عـدوان فالعِلْم مَرْدُودْ=فــُوق السَّحـَاب اللي كِفــَخ واعْـتــَلاَ لَه
وان صَوّتــُو لِنـْعِـيس فــَالفِعـْل مَشْهـُودْ=المُوت مـِن رَاسْ الشـِّجـَاعَه حـَدَا لـَه
وانْ قـِلْت ضـَآرِي طــَاحَتْ أشْبـَال وفهـُودْ=السّيف مِنْ فـِعـْلـِه وِقـَـفْ وانـْحـَنـَى لـَه
تــَارِيْخـُكُم مـَا لـَمِّعـِه حَفـل و وفــُودْ=تــَارِيْخـُكُم مَجـْـد المَعـَالِي رِقــَا لـَه
حتى المَعـَالـِي مالها كتــُـوف وزنـُودْ=عـَن مَجـْــدكُم يـَا امِير تــَقْصِر احْبـَالـَه

سلام ياهل الطيب والعز والصيت=سلام ياشمر اماره اماره
وسلام للي فزعته به تغنيت=فزعة شرف من راس عز ونعاره
يحرم علي اني لشخصك تمنيت=ابي اقبل لحيتك ياوقاره
انت الفخر كلك سطر يوم قفيت=ورجعت لي شمسٍ غشاها نهاره
انا اشهد انك يابن الابطال عديت=مرقاب طيب وصرت فوق الصداره
ابتبعك لكن تعبت وترديت=ممشاك يتعب يازعيم الوزاره
تاصل ونقطع نقطع الوصل وتبيت=في حاجة اللي جاير الوقت زاره
الطيب في حضرت سموك لقاء بيت=واكبر شرف انك وليه بداره
انا اشهد انك يابوطارق تعليت=فوق السحاب اللي غزانا سماره
الصيت من صيتك خذاء فزعتك صيت=ومن لايعرفك راح عمره خساره

يَاالطـَنـَايَا يَالطـَنـَايَا يَالطـَنـَايَا =ياهَلْ الوقـْفـَات باليوم الشِدِيدْ
العطايا ماكسَبـْنـَاها عَطـَايَا=والعـَطـَاء مَاهُو علَى شمّر جـِدِيدْ
لابتـِي مَالَهْ تضَارِيسْ وزَوَايَا=وينْ مَاتــَاقفْ تحَصّلْ لِهْ رصِيدْ
مَاخـَذِينـَا الصّـيتْ من كِذْب الحَزَايَا=ولاَ خَذِيْنـَا المَجْد من سَاعِي البَرِيدْ
مَجْدِنـَا فوق المِزَايَا يَامِزَايَا=وشْ أخـَلّي وشْ أوَصّفْ وشْ ازِيدْ
ابْشِري يَابـِنـْت نـَوّخـْنـَا القضـَايَا=لَجْل عيـْنـِكْ وانـْشِدِي دَمْ الوِرِيدْ
والله انْ افـْعـُولنـَا مَاهِي حَكَايَا=شوْفْ عيـْنِي فِعْلِهُم هَذا أكِيدْ
كِلْ شِبْل(ن) طَوّع الهـِمّه هَدَايَا=ليْنْ غـَلّـفْـهَا عَلَى الرَايْ السِدِيدْ
مُوْتـتْ ابْن هْذِيلْ مِنْ غـَبـْن النـَوَايَا=مَاتْ لكنْ حَيْ فِعْلهْ مَايبـِيدْ
يَا امْ يَاسِرْ مَابقـَى فِيْهَا بِقـَايَا=دَامْ شمّر فِيهْ ماعَنـْهَا بعِيدْ
الطنايا لااعْتـلُو صِفـْر المطايَا=رَوّحَوا بَالعِزْ والفِعْل الفِريدْ

الخيل جَتـْكُم يَالطنـَايَا ضِمّر =مِنْ طِيـْبْ فِكْرِي مَامَعَهْ خـَيـّالهْ
فرْسَانـَهَا فِعْل الطـَنـَايَا شـَمّر=أهْل السّطـَرْ لاَ مَالـَتْ المَيـّالـَهْ
برْزَانْ طِيـْنـِه بَالقـُلُوبْ مْعـَمّر=لَوْ طـَاحْ طـِيـْنـِهْ خـَافـِقـِي شـَيـّالـِهْ
تــَنـْخـَاكْ مِنْ صَبْرَه ذِكَرْكْ وجَمّر=تــَنـْخـَى الطـَنـَايَا لاَبـِتـَه وِعْيـَالـَهْ
الحِزْن فِي شـَوْفـَه ورُوْحَهْ ثــَمّر=اللِيلْ مُوْتِه والعـَزَاء مِقـْيـَالِهْ
الدَمْع فِي عِيـْنـِه شِقـَاهْ مْسَمّر=يـَنـْزِفْ عَلَى ضِيْم(ن) يــِجـِرْ اذيـَالِهْ
والهَمْ بـِضْلُوعِهْ عـَذابـِهْ زَمّر=والجَرْحْ تـِرْقِبْ لِهْ تِخـِيـْل اخـْيـَالِهْ
تِقــُوْل أبـِي يَاسِرْ هـَلِي يَاشـَمّر=لاَغـَابْ يَاسِرْ وِشْ أنـَا أحْيـَالِهْ

ياغرام الشوق ياريح النفل والجوري=كل مانرضيك ياروح الحشى تِزْعِلـْنا
أنت حزني وأنت حبي يارسول شعوري=وأنت عنوان الحنان اللي رحل واهْمَلـْنا
كل ما يطري وجودك استفز غروري=ينكسرلك قلبي اللي في هواك اشْـغـَلـْنا
وكل مامريت بيتك اصبعي بالبوري=غصب لو راح القمر ضَوّه هنا يَسْألـْنا
بعدكم يازين ضايع لو رضيت بدوري=النهايه مؤلمه والذاكره تــَحْمِلـْنا
ماتت الفرحه بطعنات السهر يانوري=والصباح اللي انتظرته بااللقاء يَجْهلـْنا
ويل حالي غاب عنها مهجتي وسروري=لا تجمّلـْنا معه والوقت ماجَمّلـْنا

شمّريه شمّريه شمّريه =بـِنـْت شمّر بـِنـْت شمّر بـِنـْت شمّر
تِنـْتِخِي عند البلاوي بالحَميّه=تِنـْتِخـِي والعلم بالفزعه مسمّر
انتهض برزان لعيون القضيّه=شوف عيني من سناعِيسِه معَمّر
يابوخوذه يالعطاء اصْل العطيّه=كل فعلك في غصُون الجُود ثمّر
وراعي السوداء ابو كف(ن) نديّه=فزعته بصدورنا والخيل ضمّر
دون ياسر ماتموت المقدريّه=ليه؟ لن الطيب في شمّر مأمّر
ماخذينا العزْ دبْك وعـنـْجهيّه=عـِزنا يكْفـِيْه ان المجد شمّر

وين الاسْلَمْ؟ وينْ سِنـْجَاره وعَبْده؟=عند شمّر نـَوّخـَتْ كِلْ الهَقـَاوِي
وابْتدَى مَجْد(ن) نزح من وسْط لبـْده=وانتهى عِز(ن) تبـَاريه النخاوِي
ابْشِرِي يابنت حزنك مَانِهِدّه=الطنـَاوِي طـَوّح البشـْت الحَسَاوِي
كل دمعه من عيونِكْ لِكْ نِرِدّه=من يدين الطـّيْب والكف السَخاوِي
الطنايا سيف والعِبـْره بحدّه=وان طنينا صار للدّعْوَه دَعَاوِي
الردِي خلّه على ليْن المَخدّه=ماسِمِعـْنـَا ان الردِي للحمل قاوِي
يا أم ياسر لا حشى ماعَنـْك صده=دام شمّر فيه حدّك يابلاوِي

تكفون ياشمّر هل العزْ تكفـُون=يااهْل الحمَيـّاء لا تِغِيبْ الحمَيـّا
((شمّر هلْ الطولاتْ وابليسْ ملعُون))=شمّر اعلوْمَهْ فوقْ سَطـْح الثرَيـّا
شمّر الياضـَاقتْ على كِلْ مَغـْبـُون=شمّر تجي فزعة طنايا ابْلـَيـّا
شمّر منارة مجْـد و المَجْد مَصْيُون=فوق السّحَاب وفوق ظـَهْر العبـَيـّا
شمّر ثلاثْ حروف بالحرف مليون=فعل(ن) رقــَى قولْ القصيد وتهـَيـّا
وينْ السّيافا لابتـِي لا يصدُون=اسم الخريصي ينـْتِخِي به هنـَيـّا
قلْ للسَيَآفا كلهم لايغيبُون=لو كان مَهْمَا كان والفقرْ عـَـيّا
ياسر سِجينْ وداخل السّجْن مَسْجُون=بدْمُوعْ من تــَنـْخـَى عن الموت حيّا
تكفون كُونوا عونْ وانـْتــُم لها عون =الشّمّريّة تِسْتِجـِير الحمَـيّا

((شمّر جزور(ن) والسيافا سنامه)) =ربعي هل الوقفات بالماقف الشين
اهل السطر واهل الطناء والزعامه=من قبل مايُوْلد شيوخْ وسلاطين
ربعي لهم بين المكارم كرامه=تاريخهم ماهو صحافة عناوين
ربعي تجيب الكايدة من زمامه=حتى تنوّخـْها غصب ماتجي لين
واليوم ياربعي علينا ملامه=تكفون ياسر لا يوَلِـّي به البين
ياسر سجين وفك سجنه غرامه=وش عاد تعني عند شمّر ملايين
تكفون هدوا سور قصر الندامه=من قبل مايبْـنـَى على السور سورين
طار الحمام وناح فيهم حمامه=وطاحت على صيت الرجال المسمّين
حنا خوال الطيب حنا عمامه=حنا العطاء لو مابقــَى للعطاء شِين

الليله التــّتـْويج بالكاس والفوزْ = العالمي له كل شي(ن) دعانا
الكاس له اسبوع للنـّصْر محجوزْ = من قبل نعطيه التــّحيه عطانا
الشمس جمهورك على العزْ مرْزُوزْ = شمس(ن) غشى نوره سمَاك وسمانا
الليله التورته مع الجوز واللوزْ = والشمعة الصفرا تزيـّن حلانا
الخصم من قبل المباراة مهزوزْ = وشلون لا شاف الذهب في لقانا
موتوا قهر ومن القهر طاح مركوزْ = رمح(ن) نوانا بس ربك وقانا
ماجازْ لي غيره ولا غيره يجوزْ = هذا البطل بـَفـْعـَال مجده رعانا

يـاهـلا مـلـيـون مـلـيـون يـاشـبـل الأسـد=إيـه أسـد مـاهـو عـلـى نـعـيـم لا والـلـه أسـود
شـيـخـتـه يـوم الـطـنـا بـرق والـشـلـفـا رعـد =وان مـشـى مـابـه تـضـاريـس مافـيـهـا حـدود
والـكـرم يـكـفـيـه خـوذه ولـو تـاخـذ بـلـد=ولا انـتـخـى يـعـنـي انـتـهـت إلـزمـوا وضـع الـركـود
وانـت يـا نـواف والـد لـنا وايـضـا ولـد=كـلـهـن قـدرك عـلـى الـراس والـفـعـل مـحـمـود
مـاخـذيـت الـصـيـت مـن فـيـلـكـا وام الـعـمـد=آخـذه مـن فـعـل جـدك ومـن قـبـلـه إجـدود
فـعـلـكـم تـاريـخ مـاضـي وحـاضـر للأبـد=مـايـغـيـب إلا إذا كـنـت في وضـع الـسـجـود
يـابـعـد بـرج الـتـجـارة وبـنـك الـمـتـحـد=الـعـرب تـنـزل وجـدك تـبـاهـا بـالـصـعـود
لا مـلـك لا شـيـخ مـثـلـك يـابـو خـوذه وجـد=يـكـفـي إنـك أبـو خـوذه بـلا عـقـد وبـنـود
إن عـطـا قـال الـعـطـا مـن لـنا غـيره سـنـد=والعطا من عقب جدك ابوخوذه ينود

مع السلامه لاتجيني ولااجيك = خل السنين السود تلطف بحالك
وان مرّتك صورة خيالي تحاكيك = لاتنتظر هذا وهَم من خيالك
ماني على خبْرك توصّيه وارضيك = قل له كفى يرتاح باله وبالك
خلاص يكفي مات في قلب مغليك = شوق الوصل لوكان قلبه عنـَى لك
راحت هواجيس العتب لم طاريك = وذبْلت مواعيد الحزن في جمالك
صحيح إنـّي لافقدتك اناديك = يامالكن روحي ومازلت مالك
شف رحلتي تطوي نهاياتها فيك =لوتبتدي قطع اللقاء عن وصالك

يابنت سموني انا وهج الابداع=ماهو على شعري على شانك انتي
يدرون في حبك معي تل الاضلاع=انا معك من وين رحتي وكنتي
انتي غلاي اللي كلاء روس الاصباع=لا اصبع(ن) سالم ولابه سكنتي
حبك يصوت له خفوقي باالاجماع=مهره على صدري الجهيلي زبنتي
ماطعت بك عاذل ولاعاذلي طاع=رغم الغياب اللي بعيني ضمنتي
انتي شفاء بلسم دوى كل الاوجاع=نمتي بعيني كيف بالعين خنتي
ابيك سهرانه مع الرمش لو ضاع=كل ماغفى بين الهدب حيل زنتي

قالت مطر قلت المطر ذكّرن فيك = قالت نسيتن قلت ذاكر ولكن
ابي اتذكر لحظة الشوق وابكيك = حتى تواسيني جميع الاماكن
قالت حرام وقلت قلبي يناديك = شوفي مقامك داخل القلب ساكن
مايزعلك من شان يابنت يرضيك = لوكان ظرفه داخل الصدر داكن
قالت وذا في يوم انا قلت مابيك = قلت الحواس الخمس عندك تباكن
قالت خلاص ارجوك عذبت مغليك = شفايفي بسمك حبيبي تحاكن
قلت القصيد اللي معي قبل يرثيك = عزا الخفوق اللي جروحه تراكن