|
[ .. ديـوان الشآعر - نايف الناجي..]
[TABLE1="width:95%;background-color:black;"] | [/TABLE1]السلام عليكم ورحمة الله وبركاته http://im.gulfup.com/2011-02-22/1298402050303.png http://im.gulfup.com/2011-02-22/1298402273723.png الشاعر \ نايف الناجي شآعر يتدفق جمآلا وشعراً كل ابيآته تعبر عن شآعريه راقيه .. وتجسد صوراً ذات حبكه لا يتقنهآ الآ شاعر .. مختلف شعراً وأسلوباً يمتلك جمآل الأسلوب وعذوبة المعنى.. ويجيد العزف على آوتآر القصيد.. وقصآئده خير معرف له .. اترككم معهآ للأستمتآع .. |
[TABLE1="width:95%;background-color:black;"] | [/TABLE1]ياشاربين الكيف من كل فنجال http://www.b3b7.com/vb/showthread.php?t=97042 ياشاربين الكيف من كـل فنجـال في نجد الانجد ماتضيق الفجاجـي = حربي ولي في ماكر العز مدهـال عين(ن)قراح ولا خلطها هماجـي = سلا يلي من روس ماضين الافعال العزوه اللي مادخلهـا ارتجاجـي = وقفاتهم من ساس جداعلى خـال لامـال راس ولا تعقـد حجاجـي = ذباحت الحايل موازيـن الاثقـال فرسان لاجا با لمخايـل عجاجـي = يلي عن النايف تبا علم وسـوال حربي على اسمي نايفا وبن ناجي = ابشر بعزك كان فيـك الدهرمـال= بيض المنازل مثل ضوء السراجي ازبن وتلقا مع هـل العز مدخـال= ياناشد(ن) عني على الله خراجي |
[TABLE1="width:95%;background-color:black;"] | [/TABLE1]مايضيع العرف صدره خابرينه http://www.b3b7.com/vb/showthread.php?t=96991 من وراء جده وانا وسط المدينه= والهجوس تلاعب سهيل اليماني كل ماوجهـت ربـان السفينـه= ضاع بين الكوكبـه والكوكبانـي ليه لان سهيل مندوبـه ظنينـه= صدر يجفاني وصدر(ن)مرحباني كل من وسوس على راسه قرينه= ضاع بين الحنظله والسيسبانـي مايضيع العرف صدره خابرينـه= لابلشنا فـي طويـلات المبانـي كاسبين الطيب ماهـم مرتجينـه= محسبـو رد الزمـان القلبانـي وقتنا محسوب لو دارت سنينـه= كل دله كيـف تلقـا مشربانـي |
[TABLE1="width:95%;background-color:black;"] | [/TABLE1]شمس الرياض http://www.b3b7.com/vb/showthread.php?t=96686 ياالجامحه بالعطر فى ظلمت الليل= عطرك سطى بالليل واشرق ظلامه الجدي يرقص لك وغنالك اسهيل= والليل ضاعت هيبتـه واحترامـه ومن الحياء محمر وجه القمرحيل= والارض فاحت بالنفل والخزامـه حتى السماء جمع نجومه بمنديل= وده يزيـن شيلـتـك والثـامـه رذاذ عطرك ستل الجـو تستيـل= نفحة نسيم وعاكستـه الغمامـه ماتنقص الكفات مع وافي الكيـل= ترجح موازينـه لعيـن اليمامـه وليا تمادينا عن الـدرب بلحيـل= شمس الرياض ومشرقه بالثمامه |
[TABLE1="width:95%;background-color:black;"] | [/TABLE1]الليل رفرف ياعلم بالسماء فوق http://www.b3b7.com/vb/showthread.php?t=96741 الليل رفرف ياعلم بالسمـاء فـوق= الله يعزالـلـي بخـيـره شملـهـا الروح خضراء كلهـا دم وعـروق= لون العلم والعيـد بقلـوب اهلهـا شعب وقياده مادخـل بينـه فـروق= روح وجسد لوزلزلت فـي جبلهـا بارواحنا حب الوطن شـى مخلـوق= وقلوبنـا حـب الموحـد نزلـهـا من دونها لواحمـر الـدم مدفـوق= روح السعـودي دون داره بذلـهـا ترخص لها الارواح في ساعة العوق= نفـدا رواسيهـا ونفـدا سهلـهـا حنا سعودييـن واعـلا منـا فـوق= وراية هل التوحيـد بيديـن اهلهـا |
[table1="width:95%;background-color:black;"] | [/table1]ترجح الكفات بالميـزان للعقـل السليـم= كل ضلع وهيبته مانقصت قـدره حصـاه مانت جاهل بالمعاني يابحر نهجك قديـم= ان نقضناوان فتلنا عندك الزير وغطـاه عكس غيرك يامحمد خابرك رجل(ن)حكيم= تحكم المعني وحنـا ماوصلنـا مستـواه غلطة العاقل بعشره وانت رجال(ن)فهيـم= لوتغنى جاهل المعنى بلا عرف يعصـاه ان غدت بين الثلاثه عد خامسهـا يتيـم= ليه لانه مايواخذ جاهـل العلـم بخطـاه اليتيمه عقبت بنتين مـن عود(ن)عقيـم= وانت عارف يامحمد علـة العـود ودواه وعذابه يا محمـد كـل ماهـب النسيـم= لويجر الصوت بالحسره يعودلـه صـداه والبلاءلطاحت الهقوات في يدين الغشيـم= الجبل ماهزقـدره ماتقلـع مـن حصـاه هذه الابيات كتبت دافع وفاء لاهل الوفاء في الاخ العزيزالشاعر/ زابن بن محمد الدوسري ياطيب من للطيب يتعـب ركابـه= في طاعة اللي عالم السروالغيـب اللي على االفطره ودينـه زهابـه= ماردهاعـن فجهـا لوعواالذيـب وهبه من الله خصهامـن لقابـه= كل الخصال الطيبـه يالمعازيـب ان قلت زبن الحرف جاءله مهابه= من هيبته مايرخص القاف ويشيب اسم الشجيع اللي عزيز(ن)جنابـه= ما يلحقه ينقـال شك(ن)ولاريـب من لابة(ن)شرع لهاالمجـد بابـه= على النقاوالجود كسابـة الطيـب دافع وفا ءخط القلم مـن كتابـه= دافع وفاء جزل القوافي مناديـب رد الشاعر القدير /زابن بن محمد الدوسري حيا الله اللي محكم القـاف جابـه راعى الكلام اللي منزه عن العيب = ليـثٍ تعـلا كـل مجـد ورقابـه له همة (ن) ترقى طوال المراقيب = اليا زمّا جـو(ن) تقطـع سرابـه يارد على العدّ المطرف اليا هيـب = قرم(ن) طليق حجاج يحسب حسابه ذيب مع المسرى طويل المهاذيـب = مـن لابـة يانعـم والله لابــه نسل الرجال مكمليـن المواجيـب = نايف حليف الجود واصل الوفا به يركي على كبد المعادي لواهيـب = لاكبـرت القالـه وكـلّ هقـابـه كدّر مشاريبٍ وصفـى مشاريـب = بينه وبين الطيب وصـل وقرابـه لاكشرت بعض الوجيه المغاضيـب = |
[table1="width:95%;background-color:black;"] | [/table1](صوتي الاول) قدام ميعـاد القنـص هـدو الطيـر= ماهو بوقتـه ياهـوات المقانيـص والطيـر حـر ودربـوه المناعيـر= لكـن غـره بالقنـوص البلابيـص اطلع معي مكتـب وكلمـك يامنيـر= ترا مكاري دايما صاحـب غليـص ياسين قدم الجيـم مسيـت بالخيـر= اقولهـا والعلـم مابـه نواقـيـص لورسلـوك محرريـن التقـاريـر= ماينزل الغالـي ولايرفـع رخيـص والكيـف كلـه بالـدلال المباهيـر= فنجال قرم وخصص الكيف تخصيص ببيـوت بـدوا مادخلهـا تقاصيـر= ماترخص الغالي ولاترفـع رخيـص مجاراة الشاعر القدير/عبدالله بن طلال يانايف ان كان المعانـي تماريـر؟= تراك ما عندك وثيقـه وترخيـص وان كانها ؟ مابين (جمران والنير)= تراك عاقل يا ابن الاجواد وابخيص تنقد معانـي مثـل نقـد الدنانيـر= لكن تحوص وما نحب المحاويـص اضرب على الاعداء مثل سالم الزير= ولاّ اترك الهرجه لنا يا (حريميص) يـا نايـف الدنيـا تراهـا مقاديـر= واحد على ورده و واحد على شيص وان طعتني لاشفت راعـي مغاتيـر= خل الجهام ، وخل عنك التحاويـص عليك يا حربي بـروس المناعيـر= واللي سواتك ، ما يبي نوع تحريص ( صوتي الثاني ) يلي علـى الغبـه تمـد النواظيـر= لطقت اذنك طق روس المفاريـص يقضي على السبار بعض التسابيـر= وليا سبرها فوق حـد المقاصيـص يلي تبا رقم الوثيقـه علـى خيـر= شد العقال وشخص العلم تشخيـص وليا استوى دلوك على جمة البيـر= تلقا على الحيضان عمك حريميص يابـن طـلال الله ولـي التدابيـر= واحد على دربه وواحد على جيص ماضاق صدر الصيرفي بالطوابيـر= لو شاف وجهه مقفص العلم تقفيص بالبر هبـره والبحـر فيـه هبيـر= والضلع فوقه ذيب ومجاور النيـص |
[TABLE1="width:95%;background-color:black;"] | [/TABLE1]عابر سبيل http://www.b3b7.com/vb/showthread.php?t=92174 طش الهواء شيلته واظهرحلا خـده= يانكبتي ياهبوب(ن) طشت الثامـه والقلـب فـي شوفتـه وده ولاوده= الموت الاحمر رموش العين وزمامه وده يرد الهواء مير الهـواء شـده= لف لف عباته وبين باقـي اقسامـه ومن الحياء دس وجهه من وراء يده= وازرت ايدينه لاتستر باقي القامـه الله واكبر عفيف(ن) والهواء ظـده= بالصد فه اللي هواها طير ارقامـه يالله تستر عفيف(ن) ماكشف سـده= مير الهواء سارمن خلفـه وقدامـه عظت بهامه قهريوم الهـواء حـده= زاد الحلا مع زمامه عظت ابهامـه |
[TABLE1="width:95%;background-color:black;"] | [/TABLE1]حجتك والبرهان يلي تتقوا http://www.b3b7.com/vb/showthread.php?t=97303 حجتـك والبرهـان يلـي تتقـوا= ماتنقبل دعواء على غيـر حجـه نبانصـك البـاب لكـن تـحـدوا= ولاودنا يطلع لـه البـاب رجـه يلي على راس الطويلـه تعـدوا= اذهن ترا بعض المخاييـل عجـه ماينمشي درب(ن) لضلعه ترقـوا= ولاحد(ن) بحد السيف صدره يفجه ولاتندفن هقـوه وبالقلـب هقـوا= ناخذ وراء الهقوه ثلاثيـن سجـه هذا وانا بقـول حيـل الله اقـوا= يامنجين موسى من البحـر نجـه ياواردين العـد شربـه وسقـوا= واللي تناكر شربـت المـا يبجـه |
[TABLE1="width:95%;background-color:black;"] | [/TABLE1]حطولها قوسين ذيك العباره http://www.b3b7.com/vb/showthread.php?t=97537 انا استضيف اهـات واودع اهـات= وسهيل ماضاق الفضاء فى مـداره طبع بدوي ماغيرتـه الحضـارات= ولاغيرونـي مدعيـن الحضـاره وان كان يااهل العولمه عصرنا فات= حطولهـا قوسيـن ذيـك العبـاره لاحاصلا حاصل ولاشيـن وفـات= يـا مختبرمعنـا فنـون المهـاره ان كان تحسبها علينـا مهـارات= حنا غزينا بليـس فـى عقـر داره هيهات ياسيـد الغناديـر هيهـات= ماهو بنا من تخلفه عـن مسـاره |
[TABLE1="width:95%;background-color:black;"] | [/TABLE1]بالزين خصه عن بنـات المدينـه http://www.b3b7.com/vb/showthread.php?t=97579 يا بايعين الشوق من يملك الشوق= والشوق مرباع القلـوب الحزينـه ساقتني القدره على راعي النـوق= لحظه تضيع ابها العقول الرزينـه الله وحده يعطي الحسـن والـذوق= بالزين خصه عن بنـات المدينـه كن الحلا نصه على الخد مدفـوق= وانص الاخر بين رمشـه وعينـه والشعر الاشقر فوق الامتان مفهوق= والبدر كنـه مشرقـا فـي جبينـه افتريومن شافنـي تقـل مطفـوق= وقفا تسابق مـع يسـاره يمينـه منـا عليـك لله ياراعـي النـوق= والبدو طبـع سلومهـم حافظينـه |
[TABLE1="width:95%;background-color:black;"] | [/TABLE1]الله ولاطرد النجوم المزله http://www.b3b7.com/vb/showthread.php?t=97721 الهواء ذعذع من الغربي طراء في البال شي= ونايف الناجي ليا سرت هوا جيسه سـراء صيت ياضلعان حايل صيت لاهل العزطـي= يارموز(ن)حاتميـه ثابتـه فـوق الثـراء بالغصون الحاتميـه للنـداء قطـرات مـي= بالعروق اللي ورقها عن هواء الغربي ذراء والغصون اللي غلاهـا راوي(ن) بالعـزري= ما درت لوذعذع الغربـي ولا عنهـا دراء ....... نوب الغباء ينقال نعمه مـن الله= ونوب الذكاء هم(ن)وبلوه لراعيه مايكتمل شيـن علـى غيرحلـه= والليل تفلج طلعة الشمس تاليـه راع الوفاء والطيب بيـن محلـه= لوحاولت بعض المخاليق تخفيـه درب الوفاء عين السنافي تدلـه= يوم الردي عينه تشوفه وتخطيه احد(ن)على الوقفات حطه وخلـه= واحد(ن)على الوقفات ماسدداعيه لاخير في رجل(ن) رضا بالمذله= ولاخير في جمع(ن)يبيعه ويشريه الله ولاطـرد النجـوم المـزلـه= ان كان ماجاء العبد حظه يابريه لوالذكاء ينقـال نعمـه مـن الله= نوب الغباء هم(ن)وبلو لراعيـه |
[TABLE1="width:95%;background-color:black;"] | [/TABLE1]ليه الغــــلا مثـل القـزاز يتكسـر http://www.b3b7.com/vb/showthread.php?t=94878 اثرالغلا مثـل القـزاز يتكسـر= واصغر قزازه حافي الرجل تدميه تسعين سنفه يا نمرمـا تفسـر= وشعيل يرزم والخطر في مواطيه ساق الرغى قدم الهدير وتيسـر= والامر للي ميت الروح يحييـه حلو النبا يا نمر كيف يتجسـر= وام الحمام القوز ماهي تواليـه وهي كذا يا نمـر مـا تنتفسـر= اصغر قزازه حافي الرجل تدميه . , . . . . . . الحشـوزادن بالثمـن ياكحـيـلان= وحنا الحقايـق غيرهـا مـا جلبنـا ترزم غلا وارخصتها لجـل سلمـان= ارخص غلاها شيمـة اللـي طلبنـا الشيمه اللـي زلزلـت هيبـة ابـان= ندفع ثمنهـا مـن غوالـي عربنـا تبقى شواهدنـا علـى كـل ميـدان= نطرب ووقفات الوفاء مـن طربنـا لو لاالهدب جاء فى حلا العين نقصان= تسلم عيون(ن) ظلهـا مـن هدبنـا |
[TABLE1="width:95%;background-color:black;"] | [/TABLE1]ذابت حروف القصيده قبل ناصف طرفك http://www.b3b7.com/vb/showthread.php?t=98131 يامـلاك الشعـر لمنـي بديـت بحرفـك= اشرب اسمك من بحور الشعر قطره قطره ذابت حروف القصيده قبل ناصف طرفـك= وان وصفت العين كيف القاف ياصف نظره لوقالوالي ياراع العـرف ضايـع عرفـك= فيه بيت من القصيده مـا كتبتـو شطـره حاذف(ن)نص القصيده واسبايـب ظرفـك= والوفاءمن طبعنا في البدو فطـره فطـره وانت تدري ويش هو سعر الجنيه بصرفك= لو سرينا ليلة الصـراف خطـره خطـره وانت روح من القوافي والقصيـد يعرفـك= منك عن كل القصيده بيت يكفـي سطـره يامـلاك الشعـر لمنـي بديـت بحرفـك= اشرب اسمك من بحور الشعر قطره قطره |
[TABLE1="width:95%;background-color:black;"] | [/TABLE1]ماكل من قال يحمى موقفه قله http://www.b3b7.com/vb/showthread.php?t=98193 جعل اليمين اللي للا نذال تنمد= تبتربحدالسيف من مفصل الكف لصا ر ترخص هامتي يا محمد= اناغني بدونهـا قبـل تنكـف وانته حبالك جزها الشد والمـد= تارد ولا ترويك دلو(ن)تواكف ياحمود كثر اللغى مانـي براعلـه= ولايرخي السمع كود اللي يوحالـه ماكل عين(ن)تشوف الدرب وادلـه= ياكم قرم(ن)حداه السيل واشتالـه ماكل من قال يحمى موقفـه قلـه= ياكثر من قيـدوا رجليـه بعقالـه الوضع حسـاس والايـام مختلـه= الله يستر علـى الفـلاح وعيالـه وقفت رجلي وذاك الـدرب ابازلـه= شيمة عرب مابحلت بذاك وامثاله لب الهرج ياوسيع المعرفـه قلـه= مايرخي الراس غير مضيع(ن)خاله |
[TABLE1="width:95%;background-color:black;"] | [/TABLE1]يلعب بي الطاروق في يد ين جني http://www.b3b7.com/vb/showthread.php?t=89210 يلعب بي الطاروق في يد ين جني= غاضب عليه الله وملعون جـده لطارملعـون الثـوى مايـونـي= عجله مسا بيقه على كـل خـده وان شبت النيران نجـره يدنـي= محظوظب(ن)بين الحطب والمخده اقراء عليـه ولقريـت استكنـي= بين الرجا والياس حيلـه يشـده وليا عطفته وان حكم زاغ عنـي= يرطن لنا يا حمـود جيبـه ووده ولو بطلقه يا حمود ليلـه فتنـي= وردني بحور(ن)وراء سيف جده |
[TABLE1="width:95%;background-color:black;"] | [/TABLE1]ياحمود راحو محتمين المغاتير http://www.b3b7.com/vb/showthread.php?t=98293 ياحمود راع المسك ماينفخ الكير= والعودالازرق عنبره بالمداخيـل للسفن في غبة بحرهـا فنانيـر= ويدلها ياحمود في ظلمة الليـل فى غبة(ن)ماطوعتها البواخيـر= زرق البحور مضيعت كل حلحيل ياشف بالي يالبيـوت المعاميـر= على الوفا ما تقبل القال والقيـل ياحمود راحو محتمين المغاتيـر= ماعاد تلقى فزعة الهجن والخيل هذا وانا باقول باقي لنـا خيـر= والطيب باقي في صدور الرياجيل الوقت غيـر ودورة ايامناغيـر= والعلم عند ام الرموش المظاليل وختامها ياحمود تصبح على خير= العودالازرق عنبـره بالمداخيـل |
[TABLE1="width:95%;background-color:black;"] | [/TABLE1]ياالنجمه اللي تلاش ضوء كوكبها http://www.b3b7.com/vb/showthread.php?t=98327 الخظ يلعب معي لعبـه ولاعبتـه= طاحت حروف القصيده قدم كاتبها يا ليتني مع مسار الليـل جنبتـه= ياالنجمه اللي تلاش ضوء كوكبها يامعناد الحظ ليتك معـي جربتـه= يلعب معي لعبت(ن)من عام كاسبها يا ليتني فـى بعيـد الدارغربتـه= قدام اخسر البطوله قـدم لاعبهـا وياحظ يلي كتبت الحرف واعربته= الجمله اللي كتبتم كيـف نعربهـا . . اناهجوسي سرت مع راعي الصوره= حشايم الاسم احييهـا بصورتهـا الاعب المحترف ميضيـع الكـوره= على خطوط الوسط يقو هجمتهـا يالاعب الاجنحه خطتك مشهـوره= واسمك موقع من الفيفاو لجنتهـا صاحت جماهيرك اللي فيك مبهوره= وانـا متابـع لهجمتكـم وردتهـا هواجسي من صميم القلب منثوره= يوم إرفعت الجنة التحكيم رايتهـا الراس مرفوع والاعلام منشـوره!= حشايم الاسم انا حييت صورتهـا |
[TABLE1="width:95%;background-color:black;"] | [/TABLE1]لون شوقي مثل شوقك على الراحل http://www.b3b7.com/vb/showthread.php?t=98417 يالـب قلبـي ياشمـوخ النـوايـف= مثل المزون ليا سرت فـي سماهـا يسوقهـا برقا(ن)رعـوده رجايـف= بعيـون بدو(ن)خيلـو وش مداهـا سحابة(ن) تمطرعلـى كـل نايـف= يروابها الضميـان لوشـرب ماهـا هذاوانا ماني مـن الغيـث حايـف= مخيـل(ن) تبـرق بعيد(ن)نحـاهـا الله واكبريـا مـزون المصـايـف= يشـوق بارقهـا لوابعـد سنـاهـا وان كان جاء بالقول بعض الوصايف= هاذي شموخ الهاجس اللـي قراهـا > < > ياسعـود شدوهـل المظهورلساحـل= من نجد شالو ومنزلهم ورا رضـوا راحو وخلو فيافي حزمـك الماحـل= عهدي بهم بالربيع اللي وراء شجوا معاد يلقاء دواء فى جسمك الناحـل= اخذ الخبركان لك بدروبهـم شقـوا ان كان ياسعود فى درب العرب باحل= شد المطايا بعـد علمتـك بنـق!!! لون شوقي مثل شوقك على الراحل= والله لااحظر الهقـواء ورا الهقـوا يالله ترد الدمي فى عرقـه القاحـل= لاتقطع سعود والرجواء ورا الرجوا |
[TABLE1="width:95%;background-color:black;"] | [/TABLE1]لو تبخترما حسب معها نزول ولاطلوع http://www.b3b7.com/vb/showthread.php?t=98703 يصهل الخيال والمهره حوا فرها تـزوع= تسهج الميدان والسايس رسنها في يـده الرسن محكم لجامه لانواها بـا لرجـوع= وان عصت طبع العسافه تل حبله وجرده لو تبخترما حسب معها نزول ولاطلـوع= ونوا يشرب مطرها يسبق الغيث رعـده ياالزويكي لو تسون الخصايل والطبـوع= كان ما يحسب من الايام بكـره وبعـده الخرز منظوم والسبحه على الخيط البتوع= وان حسبته باخره قدم اوله جاب عـدده ودي اعيده وحسبه مير شيمت الجمـوع= وعن رداهم ياالزويكي سقت لطيب سعده وانت عينك لثلوث اللي سبق يوم الربوع= وش نسوي بالخميس اللي تغير موعـده |
[TABLE1="width:95%;background-color:black;"] | [/TABLE1]الكيف لاهل الكيف ياراعي الذوق http://www.b3b7.com/vb/showthread.php?t=98859 لحل طاريك قالوا نعـم بالغايـب= وللي حاظرتم يزيد النعم بحظورك يلي تبيع وتشتري داخل السـوق= ذابت عناقيد العنب فـي عذوقـه ان كنت وبالا وتسرح مع النـوق= لاطعتني ذاك الجمـل لاتسوقـه من خلقته ماهو مضراعلى اسوق= ماكب مرحانه ولاعـاف نوقـه خيلت مزنا بالسماء جاله بـروق= والغيث يعرف ماطره من بروقه الكيف لاهل الكيف ياراعي الذوق= مايرخص البن اليمانـي بسوقـه ياطالب البن اليماني من السـوق= حرام يابعض العـرب مايذوقـه |
[TABLE1="width:95%;background-color:black;"] | [/TABLE1]الله اكبرعقب مجنون ليلى جات نـوف http://www.b3b7.com/vb/showthread.php?t=98952 عامل الايـام غيرمفاهيـم الحـروف= والسحابه ضايع(ن)عرضها فى طولها دارت الايام والوقت طبعـه مايـروف= البقـا لله والنـاس حسـب عقولهـا خابرانك ياجمل ماتنوخـك الظـروف= ولايهمك لو تقرقـع عليـك طبولهـا راحت الرقاب النشاما على حد السيوف= وانت تبكي حب عذراء تكـد جدولهـا انشد الايام عنهم ترا الفعـل معـروف= من زحول(ن)ما تناظرتـوال خبولهـا لاتوارا يا قمـر قبـل تقديرالخسـوف= لخسفتبك شمسها مانت ويـا زولهـا الله اكبرعقب مجنون ليلى جات نـوف= لوماهي مثـل ليلـه ولاهـي حولهـا وحده والثانيه قبل تطويك الحسـوف= طيها تسعيـن قامـه بعيـد نزولهـا |
[TABLE1="width:95%;background-color:black;"] | [/TABLE1]مثل الدواء ولكل الاوجاع شافي http://www.b3b7.com/vb/showthread.php?t=99285 ياطيب من طيبه على الناس ضافي= على الوفاء ماخـص هـذاولاذاك مثل الدواء ولكل الاوجاع شافـي= والطيب يامحمد على كف يمنـاك حراعلـى راس الطويلـه يشافـي= على السلـوم الاولـه لاعدمنـاك دندون قـوم وبالمواقـف سنافـي= وابوك قدمـك بالمواقـف تعـداك من عزوتـا مابيحتهـا الخوافـي= على الوفاء والطيب ساسك ومرباك والعذب لو بالشعر ساق القوافـي= شابت حروف القافيه ماوصفنـاك عساك في كـل السنيـن متعافـي= نتعـب ويتعـب قافنامالحقـنـاك |
[TABLE1="width:95%;background-color:black;"] | [/TABLE1]ختامه مسك/تجى وحده قبل وحده http://www.b3b7.com/vb/showthread.php?t=99385 قليل من العرب لامن نصيته في لزومك سد= الا ياقل من وقـت الـوزام يقضـي الازم على روس الاصابع يامحمد لوبغيـت تعـد= ضريبة وقت مدفوعه مابين الضيف والعازم الاياشين وقتٍ ضاق في وجهه العباد وصد= زمانٍ يامحمد ضاع فيه العـارف الحـازم خذن الشهب منا يامحمـد كـل صافـي ود= يدينـن يامحمـد حقهـا فـي سيفهـا... الا يجعل بيت العز واهل الطيـب ماينهـد= على ساس الوفاء والطيب جدرالبيت متلازم زحولا طيبهم بالوقـت لايحصـى ولاينعـد= إلا من غاضت الكفات جاك الغيث متـرازم تساوا في بحرها ماحسبنا جزرهـا والمـد= ليا منا حسبناها نعـرف الخيـط والخـازم تجى وحده قبل وحده ليامني قطعـت الحـد = وانا ماني بمرخص كف لو في بترها جازم |
[TABLE1="width:95%;background-color:black;"] | [/TABLE1]اشواق قلبي من الاعماق هزتهـا http://www.b3b7.com/vb/showthread.php?t=100781 ودي لك ابوح سدي يابعـد حيـي= لكن نفسـي تعارضنـي بعزتهـا محدا سهر ليله وغنا بـلا شيـي= اكيد يشكي من الظيقـه وحزتهـا مشاعري لسرت في ليلها الحيـي= اشواق قلبي من الاعماق هزتهـا انشهد انك جمعت الغنج والغيـي= ياعنق ريما تسـاوا قـدم فزتهـا مقدر على اللي تبي والخاطر معيي= بسلوم بدوا تسامت فوق عزتهـا روسنا بحد السماء ماتقبل الليـي= ماتنحني لو ظروف الوقت حزتها |
[TABLE1="width:95%;background-color:black;"] | [/TABLE1]شي يحداني يازبن لتكلم http://www.b3b7.com/vb/showthread.php?t=100988 هذا القصيده موجهه الى الشاعر القدير زابن الدوسري يازبن يا مشكـاي لاجيـت باقـول شـي يحدانـي يـا زبـن لتكلـم = ماخايل(ن)والغيث بطلوع ونـزول ربانها يـا الدوسـري لـك يسلـم = اسوقها يا زبن بالعرض والطـول لو الغلا يـا زبـن شي(ن)مسلـم = نتبع سنا شعر(ن)من الكيف مصقول لوصغتهـا بلسـان الابكـم تكلـم = وانته من اللي يحكم العلم والقـول صحايفـك بيضـا ومنهـا نتعلـم = رد الشاعر القدير زابن الدوسري يا نايف اللي مثلك يقـول ويطـول= واليا حبك له قـاف حبكـة معلـم ورخم السحاب اليا همل منه هملول= قامـت بكـوره للمناشـي تـولـم الشعر مضمونه رساله ومرسـول= لو كان من بعـض العبـاد يتظلـم وشرواك يعرف يفرق الفلز واللول= مثايلـه منـهـا الفهـيـم يتـألـم من سمعها ياخذ له شوي مذهـول= يقـول انـا فـي علـم ولااتحلـم |
[TABLE1="width:95%;background-color:black;"] | [/TABLE1]ياالتاجر الي بدم الشعب بتاجر http://www.b3b7.com/vb/showthread.php?t=101266 سمعت دعوت فقيرن يطلـب القـادر= يدعي على اللي سرق قوته من عياله ياالهندي اللي تدير نظامنا الساهـر!= ارحم سعودي يـدور رزق لعيالـه! وان كان عمـك بهذالفعـل متفاخـر= قول السعودي رما ثوبه على عقالـه ياالتاجر الي بـدم الشعـب بتاجـر= اللي سواتـك عسـى مافالنـا فالـه يلي سلبتم جيوب الشعـب ياساتـر= راع الملايين ضاق الشعـب بفعالـه ماهو بربحان طشـه حظـه العاثـر= التاجر اللـي يعيـن الفقـر بريالـه لو شاف دمعة عزيز من العرب قاصر= الغا نظامه وصـدق باقـي اموالـه |
[TABLE1="width:95%;background-color:black;"] | [/TABLE1]من يبادلني شعورالغلا ماله مراح http://www.b3b7.com/vb/showthread.php?t=101877 لوتروح الناس يبقى غلاكم ما يـروح= من يبادلني شعورالغلا مالـه مـراح انت خاويت القوافي وسامرت الجروح= كل كلمه قلتها من مشرايـب القـراح اشهدانك باب طيبا من زهوره يفـوح= والعروق الوافيه ماتزعزعها الريـاح قلتها قدام كـلا علـى دربـه يـروح= والطيور الطايره ماتطير بـلا جنـاح كان قافي ضيق الصدر طالبك السموح= والغلا سده غلا بالمجـي وبالمـراح ياهجوسي قدم قافي مع المسراء يبوح= اوقفيني قدم لاينقض القاف الجـراح |
[TABLE1="width:95%;background-color:black;"] | [/TABLE1]درتا في بحرها واصلها مغربي http://www.b3b7.com/vb/showthread.php?t=102231 الله اكبـر تجـلا حسنـه اليعـربـي= والله اللي عطاها شـي ماهوبمعقـول جـل ربـا بخلقـه للعطـاء وهبـي= باالدلال وحسنها فاق تصوير العقـول درتا فـي بحرهـا واصلهـا مغربـي= ضاع نايف بوصفه ويش بقي له يقول لوفـا بـاب الكنيسـه شافهاراهبـي= يصبحون النصارا معلنيـن الدخـول دون كل النساء بالارض قلت ارحبـي= قلتها بالسـان وحالتـي فـى ذهـول لوترحيبي بمثلـك يخالـف مذهبـي= صاينا ذاتي ونفسي ياراودها القبـول |
[TABLE1="width:95%;background-color:black;"] | [/TABLE1]ياسيدي للقاف معنا ومضمون http://www.b3b7.com/vb/showthread.php?t=102433 ياسعود عادات العرب تكرم الضيف= مافالعرب مـن ينكـرون الحميـه عداتهـم ودلالهـم رمـز للكيـف= من ساسها الاول علـى الشاذليـه والجارمعهم مشكا الهم والحيـف= العـز ثابـت والمواقـف قويـه .. ياسيدي للقـاف معنـا ومضمـون= لاتعترض بالدرب من غير داعـي كلا على عرفه يلـف الدركسـون= مايبحـر القـارب بليـا شراعـي موج البحر بالجزر والمد مرهـون= وان هاج في غب المحيطات ضاعي بعيون بدوا لقبل الغيـث يـدرون= لجالبـراق الـمـزون التمـاعـي وان طاحت وسوم الحياله يحيلـون= ماحسبو بالبعـد نقـص المتاعـي وانا رسمت الحرف في كف مزيون= لاهان كفـك ياحسيـن الطباعـي ياسيدي للقـاف معنـا ومضمـون= مايبحـر القـارب بليـا شراعـي |
[TABLE1="width:95%;background-color:black;"] | [/TABLE1]قدام تغمض عيونك وصل مفعوله http://www.b3b7.com/vb/showthread.php?t=102484 اقرا بخاطرك كل اللـي تبـي قولـه= من دون لاتقولـي وش وده الخاطـر رمش الدلع لايغـط العيـن بنزولـه= يطغى على حمرة الاوجـان ويخاطـر قدام تغمض عيونك وصـل مفعولـه= وانا ليا ادرجت رمش العين مخاطـر! الله يااهل الريـاض الوقـت ياطولـه= شوق المشاعر على حد السماء ساطر همسة وفاء ياعيون الشوق مرسوله= واجبتـا لسـؤال اليـا متـى ناطـر يكفي من الغيث قطره لقبـل نزولـه= مير البلاء كان راح الغيث والماطـر نص الكلام انتهى يلـي تبـي قولـه= والخط مكتوب بالطبشـور يالشاطـر |
[TABLE1="width:95%;background-color:black;"] | [/TABLE1]الصمت مايملك حقوق الاجابه http://www.b3b7.com/vb/showthread.php?t=85937 ما للمد ينه نور يا سيـد النـور= من غير نورك ضوها ويش نبابه يامشغلين الخط دستور دستـور= الصمت مايملك حقـوق الاجابـه في شاطي الحرمان عشرين بابور= والبحر يا مـا قارب(ن)قدغدابـه انته مع المخرج تبا تلعب الـدور= والاتبا تقـرا نصـوص الكتابـه فمسلسل الايـام ياصفحةالنـور!= لحنك تناغم مع لحـون الربابـه بس البلاء بالقوس منهي ومامور= والصمت مايملك حقوق الاجابـه |
[TABLE1="width:95%;background-color:black;"] | [/TABLE1]الحل الا نسب قطع راسه http://www.b3b7.com/vb/showthread.php?t=94420 باعوا الجولان لعيـون الرئاسـه= وستلم حافظ من الغـازي ثمنهـا مارتفع راساً رضا بالـذل ساسـه= هضبة الجولان تلعن مـن لعنهـا شاربا من ساس ابوه الذل كاسـه= حافظ النعجه ولـو غيـر لكنهـا هادم بيوت العرب ظلم وخساسـه= ويش يكفي بالنفوس اللي دفنهـا يا دمشق الحل الا نسب قطع راسه= و غسلو بالدم جدرانـن سكنهـا يارجال الشام عرقه مـن نجاسـه= اقطعو عرق اللعيـن الـي فتنهـا ياحلب ما با قياَ عرف او سياسـه= داركم والارض تشكي من طعنهـا باعوا الجولان لعيـون الرئاسـه= حافظ النعجه ولـو غيـر لكنهـا |
[TABLE1="width:95%;background-color:black;"] | [/TABLE1]من دق صدره للخطوط العريضه http://www.b3b7.com/vb/showthread.php?t=102804 من دق صدره للخطوط العريضـه= يثبت ليا عدا علـى عالـي النيـف ما تنكتـب دعـوه بليـا عريضـه= ولاينجبر حرا على الذل والحيـف بين الرجل والكفر ترك الفريضـه= ونبينا وصا على الجـار والضيـف والصبر مفتاح الفرج فيـه ريضـه= ومن لاتريض ماشرب صافي الكيف يصبح وبنه محترق فـي قريضـه= لاحامـلا رايـه ولارافـعٍ سيـف وضعوف الاريا والنفوس المريضه= قامت تعـد امجادهـا بالسواليـف من دق صدره للخطوط العريضـه= يثبت ليا عدا علـى عالـي النيـف |
صوتي الاول يا هيلمان الفرس ياروح الاقبـاط= يانكبتي يـا الـوردة النرجسيـه لبيـه يالصدفـه ولبيـه ياشبـاط= ولبيه يـا وقت(ن)جمعنـا سويـه لقيتها صدفه وراء طلعـة الغـاط= خـراب موترهـا حداهـا عليـه قلت السـلام ورده بعيـد محتـاط= قال انشد السواق ويـش القضيـه عطال موترها مسبب لها احبـاط= استيكـره لـدولـه الهاشمـيـه ارقام لوحتها عليها اربـع انقـاط= لو با صفه ماجبـت منـه البليـه يبلش سعد في وصفها وبن شلحاط= اهل المعانـي والبيـوت القويـه مجاراة الأخ والشاعر القدير/ صعفق الرسلاني كل(ن)يابو ناجي من العرف محتاط= يملي ويدرك. بيـن هـذي وذيـه للحفـر فاروعـه وللنـار ملقـاط= والصبـح نـوره تقتفيـه العشيـه كان انت بالصدفه على فرش وبساط= عليـك جزيـه والفزايـع هـديـه عابر سبيل وجاير الوقـت شخـاط= والمملكه باهـل النخـاوي غنيـه وراع الهواءحر(ن)على وقت مرباط= في حزة الشطـه يعـاف الضحيـه صوتي الثاني لوحه رسمتوها على ايدين خطاط= حاولت ابقراها وضاعـت عليـه وامست مثل عذر(ن)تكدد بالامشاط= خطابها عشريـن والنـار حيـه ليتـه بقـي بالبدوشـداد حطـاط= واصيح له لجـات هيـه وهيـه للقـدر ميزانـه ولـرز مصـواط= والما بير(ن)طيتـه فـوق طيـه لاشك ماني مع هل الغـي نطـاط= والكيف الاشقـر دلتـه شاذليـه وافرح بخوت كل قرم(ن)وشبـاط= شباط عـرف ولابتـه صيرميـه والمملكه صوره على كف خطـاط= يفرح بها النايف ويفـرح خويـه |
[TABLE1="width:95%;background-color:black;"] | [/TABLE1]ياالجامحه بالعطرفي ظلمة الليل http://www.b3b7.com/vb/showthread.php?t=86508 ياهاجسـي لوقيـد تـك المحابيـل= حبر القلم باقي على بيض الاوراق تضحك وانا اضحك لليال المقابيـل= لوان وقتي محرق(ن)قلبي احـراق شي(ن)كتمته بالضلـوع المداخيـل= لوجيت اعيده دمع الاعيان ينسـاق ياالجامحه بالعطرفي ظلمـة الليـل= ليلا وصبحه بان قـدام الاشـراق ملتي وذاب الغصن من دون تقبيل= ينثر نداء عطره على خضرالوراق! ياالجامحه قـدام لاتجمـح الخيـل= قلبي وداعـه عنـد درارالاشفـاق |
[TABLE1="width:95%;background-color:black;"] | [/TABLE1]في شاشة الجوال كول مي ورنه http://www.b3b7.com/vb/showthread.php?t=103627 يخبرك عن بيت القصيده مشـده وبين الحروف ورمزالادغام غنه = عفوا صدى صوت اتصالي يرده في شاشة الجوال كول مي ورنه انت معي والحرف ما با ح سده= سره مع اللي جر تسعيـن ونـه من نجد روحه والغـلا يستمـده= بوح المشاعر كيف هيلـه وبنـه اول حروفه بين رمشـه وخـده= واخر حروفه للمصليـن سنـه وهنا وقفت مع القلم دون حـده= وبين القلم والحبرنار(ن)وجنـه . . . في جيرة الله لوان النفس ملهـوده= يااللي رحلتم عـن ديارالسعوديـه مع السلامه عسى في روحتك عوده= بانسى موادعـك لبشـرت بالجيـه عوامل الوقت والاعصاب مشدوده= والوقت تسبق سهومه صافي النيـه مزون غيث(ن)مطرها يسبق رعوده= على النقاوالوفاء من نـاره الحيـه والله ماهوبذنبـي يااهـل السـوده= ميا سمه بين حـر النـار والكيـه |
[TABLE1="width:95%;background-color:black;"] | [/TABLE1]شف كسير العام ساقه من بشامك جابـره http://www.b3b7.com/vb/showthread.php?t=103766 جعل اليمين اللي للا نذال تنمد تبتربحدالسيف من مفصل الكف = لصا ر ترخص هامتي يا محمد اناغني بدونهـا قبـل تنكـف = . . ياجبـل همـك سـواد الليـل والاساهـره وانت مزبان الضعيف اليا شكى باس القوي = كان همك ليـل كيـف اللـي زمانـه..... ويش يشكي ياجبل من كان همه له خـوي = جيت يمك ياجبـل والهـم سيفـه شطـره اطرق اللحن الرديني لين نفسـي ترتـوي = شف كسير العام ساقه من بشامك جابـره مثل ماقالوا بالامثـال اخرالطـب الكـوي = والدواء والسم مربـاع العيـون الساهـره يامفاتيـح الجـروح الهـم يزوينـي زوي = بس يبقى ياجبـل ينقـال شـي بخاطـره كل ذيب(ن)في طويلك ذيب يومـن يعـوي = |
[TABLE1="width:95%;background-color:black;"] | [/TABLE1]الفـــــزاعـه http://www.b3b7.com/vb/showthread.php?t=104068 ياللي تقول العلم بين ومشهـود= الشمس ماغطى عليها الغمامـي لوالبحر من غبته يروي العـود= مارحت له ظامي وعودت ظامي ... اه من ونّت صداء صوتي بضلع(ن)ذاعه= لجّت الضلعان حوله وانكشف مكنونـه ياهبوب(ن)ذعذت بالعطرمـن ملفاعـه= عوّدي به لايجي بالساعـه المجنونـه واخبريه ان الوعد نفسه ونفس الساعه= بعد نص الليل في ضلع الحصى ومتونه مايلين العـود الاخضرفـي يدالفزاعـه= وان تساوى اليل يا صغر الجبل بعيونه من يقول الذيب الاشهب تخلعه فزاعه!= ما درى عن ثورت الدخان في غليونـه شقحتين الضلع الاشهب والمراح ذراعه= ميرمـا وده يبيـح الـدره المكنونـه |
[TABLE1="width:95%;background-color:black;"] | [/TABLE1]كل ضلع وهيبته مانقصت قدره حصاه http://www.b3b7.com/vb/showthread.php?t=104717 ترجح الكفات بالميـزان للعقـل السليـم= كل ضلع وهيبته مانقصت قـدره حصـاه مانت جاهل بالمعاني يابحر نهجـك قديـم= ان نقضناوان فتلنا عندك الزيـر وغطـاه عكس غيرك يامحمد خابرك رجل(ن)حكيم= تحكم المعني وحنـا ماوصلنـا مستـواه غلطة العاقل بعشره وانت رجال(ن)فهيـم= لوتغنى جاهل المعنى بلا عـرف يعصـاه ان غدت بين الثلاثه عـد خامسهـا يتيـم= ليه لانه مايواخذ جاهـل العلـم بخطـاه اليتيمه عقبت بنتيـن مـن عود(ن)عقيـم= وانت عارف يامحمد علـة العـود ودواه وعذابه يا محمـد كـل ماهـب النسيـم= لويجر الصوت بالحسره يعودلـه صـداه والبلاء لطاحت الهقوات في يدين الغشيـم= الجبل ماهزقـدره ماتقلـع مـن حصـاه |
| الساعة الآن 04:37 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010