|
مداعبه بيني وبين جوالي
مداعبه بيني وبين جوالي
جوالي من النوع القديم جالكسي اصابه امرسوء أرسل رسالة معايده لصديق لي قيد الارسال ومن ثم لم يتم وارسل رسالة تعزية لصديق هو من تلقاء نفسه يكررها اسبوع كل شوي تم التسليم والمعايده لم يتم مرة من المرات قلت لنفسي لي اكثر من ثلاثة الاف قصيده غزليه بالخيال مااكر ولامعجبه حرام لازم القاء لومعجبه وحده تقول احبك لوكذب ذهبت لبرزان شغلت البلوتوث قدامي اكثرمن عشرين عجوزشوي حضرلي حق الهيئة ومعه مطاوعه قال لي انت بالإتجاه المعاكس للمغازل خذراحتك ولكن ازعجتنا قلت عيب عليك ياشيخ هالكلام قال رقم كذا قلت صحيح ماهوغريب علي هالرقم قال ماعندك ماعند جدتي خذراحتك زعلت ومشيت وحل بيني وبين جوالي مشاده انهته كلياً صفقت فيه بالجدارواليكم المعاتبه يالنوكيا مادام بك ريح الأبراج = بارك لاخوي العيد قل عاد عيدك يقول ابوثاني أجاء مثل هداج = وإلا أنت ماغربلني الا قصيدك قلت الشعر لي ورث قال ايه هراج= موروثك أمحق ورث يلعن كديدك ماإنت بولد بلبيد والا رضا الحاج= شاعر وراوي مايزود رصيدك لولك كذا فدان بحدود سوهاج = ماغاص خناق النفس في وريدك أوعشر خلفات ومداهيلك الفاج= وضح ٍ معه وضحاء تناسب جديدك قلت الزمان الشين مامنه مخراج= تخشا مناعير النشاما وعيدك وقت ٍ خطير يشيخ به كل هلباج= وهيالع الندّر تهاب تهديدك قال اعشراك أصواتهم هم وإزعاج= يقطع صدا صوت النواعم نشيدك تدري وش أكثرمايسبب لي إحراج= أخجل لياشافتني البنت بيدك قلت أنت باسم الغنطسه بين الأزواج= إهجد هجد بلفك وكل من رديدك حتى بلوتوثك لبو دقن منعاج = لو دونه الخفرات يطفح بريدك توي لقيت دواك ياعفن الإنتاج = خل اللذي جابك يجمع حديدك والسلام |
صح لسانك قصيدة جميلة
وزين صكيت به الجدار يستاهل ماجاه وتتعوض خير |
اقتباس:
صح بدنك اختي ومشكوره على مرورك السار وكلماتك الجميله دمت بخير وموده وشكرا اخوكم / مبارك طناء |
صح لسانك شاعرنااا وتستاهل التميز شاعرنا الراقي والذوق مَاذَا عَسَايَّ اَنْ اَقُولْ جمل يعقب جمال وحروف مبعثره لايجيد تركيبها الا انت فتصبح كلمات ذات رونق ومعاني جذتبها مخطوطه من جمال ومحاكاه من ذوق كل الشكروَالاحْتِرَام عَ البَوْحْ الراقي الكامل العذوبه لرَوحِك الرائَعه http://papillon1964.p.a.pic.centerblog.net/bb7vo5l0.png |
ههههههه طلب استقاله قليل فيه صكه الجدار
يباغله دهس مع فرم بسعدك شاعرنا قلم انيق كأنت |
شاعر جبل شمر صح فكرك وبوحك وجوالك
|
يسلّم منطوقك شاعرنا العذب
إلهي يسعدك دومات يّ مبدع ~ |
هلاوغلا اختي الكريمه / ذوق الحنان = = = = / هدوء الجوري = = = = / جنون الشوق هلا ومرحبا بقمة الابداع / وتم بعيد بعد التحية والتقديروالاحترام اشكركم جزيل الشكر على تفاعلكم معي ضد هذا النكبه وصحة ابدانكم واعتلا شأنكم شرفني مروركم والتفاعل الحار ولايستغرب من رموز هذا الصرح الشامخ بكم انتم أهل الحمية من قديم دمتم جميعاً بخير وموده والسلام اخوكم ومحبكم / مبارك طناء التبيناوي |
صح لسانك ابيات راائعه شكرا |
اقتباس:
هلا وغلا الأخ العزيز/ أمير الشمال بعدالتحية والأحترام صح بدنك يالغالي شرفني مرورك ياسيدي بيض الله وجهك وانت اجمل وذلك بتشيعكم لي ودعمكم وتعليقاتكم الرائعه دمت بخير وموده وشكراً اخوك / مبارك طناء التبيناوي |
ياسلام عليك وصح الله لسانك ملايين
مبارك طناء ابدعت وامتعت ولاهنت شاعرنا دمت ودام مداد قلمك ورقي حرفك الشامخ ومداعبتك الراقيه تقديري لسموك |
اقتباس:
هلا ومليون مرحبا اخوي الشاعر / الساري بعد التحية والتقدير صح بدنك يالغالي تشكر على الكلمات الجميله ومرورك المشرف بتشجيعكم وتواجدكم معنا واشرافكم بحد ذاته شرف لنا وخصوصا الاعضاء والعضوات المميزين والمميزات اللواتي لاتمر قصيدة ومشاركة جديد الا ولهم بصمة مشرفه عليها عاجز عن الشكر دمتم بخير وموده والسلام اخوكم ومحبكم / مبارك طناء التبيناوي |
هلابك يابوعبدالله وصـــــــح لسانك بحجم الكووون
دائماً تتحفنا بمواقف رااائعة وقصائد أروع تقبل تحياتي لاعـــــــــدمنا وجووودك. |
اقتباس:
هذا مثل راعية يعتريه مس صح لسانك ابوعبدالله 🌷🥀 |
اسلم وصح الله لسانك لاهنت وعلى قول الاخوان مايبيله الا الدهس ههههههههه سلم الفكر وسلمت الاياااادي لرووعة طرحك تحية لك ولحرفك الراقي وجميل تواجد قلم مثل قلمك لك تقديري وتقييمي وبانتظااار جديدك دمت وكون بخير |
اقتباس:
هلا وميلون مرحبا الاخ العزيز مراقبنا وشاعرنا القدير/ ابو طارق السلام عليكم ورحمة الله وبركاته صح بدنك شرفني مرورك والإطراء الجميل اما (مواقف رائعه ) وانت أروّع تقصد مروعه دمت بخير وموده يالغالي والسلام اخوك ومحبك / ابو عبدالله |
هههههه ربي يسعدك رووووعه
|
مبارك الطناء ..... يعطيك الله العااااااااااااااااااافيه
رائع جداً ما قدمت لنااااااااا .... لاهنت شكرا لك .. |
الاخ الشاعر / عواد العلي الاخت الكريمه / عيون المها الأخت الكريمه / فرح الأخ العزيز جدا / سليكو صحة ابدانكم ورفع الله حظكم وشانكم لكم الشكر الجزيل متفقين انتم الثلاثه على ههههههه معكم حق دمتم بخير والسلام |
اقتباس:
ياحفيد اللي باسم شمر قلط صح لسانك ابوعبدالله سامحنا على برودة تفاعلنا |
اقتباس:
هلا شاعرنا عواد لا بالعكس انا سألت ابو فيصل قلت عسى ماثقلنا عليكم بالقصائد ومماخلينا للشعراء والشاعرات المبدعات فرصه قال انت وعواد بيض الله وجيهكم حركتو المنتدى قبل لاتجون الوضع بالبطي صح بدنك يابو صالح انت كمايلي |
اشكر استاذنا ابوفيصل
وعسى الله يجملنا ولايفشلنا اما انت يابوعبدالله ارفع لك الراية البيضاء مرتين الاولى استسلام والثانية افتخار |
اقتباس:
وهذا من طيبك وطيب اخلاقك كلنا مكملين لبعض والعين ماتعلا على الحاجب ليه ماذكرتني انا نسيت اذكر منهو أخوي / ابو ثاني هذا الاستاذ/ ضيف الله حمود السويدي غني عن التعريف رمزه (أجاء) رئيس منديات شمر قطر انذاك والسلام |
صح لسانك شاعرنا
قامة شعرية شامخة تسلم على الابداع |
اقتباس:
هلا ومليون غلا اخوي العزيز / متابع بعد التحية والتقدير والأحترام صح بدنك شرفني مرورك وكلماتك الجميله ماعليك زود يالغالي سلمت ودمت بخير وموده والسلام اخوك ومحبك / مبارك طناء انا نسيت اذكر منهو أخوي / ابو ثاني هذا الاستاذ/ ضيف الله حمود السويدي غني عن التعريف رمزه (أجاء) رئيس منديات شمر قطر انذاك والسلام |
| الساعة الآن 03:09 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010