|
العنصر النسائي بالمنتديات .. استطلاع ورأي
السلام عليكم ورحمة الله وبركاته
بسم الله الرحمن الرحيم موضوع حبيت اتطرق له اخواني وخصيته بهالقسم لاني حسيت انه الانسب اولا وجود العنصر النسائي في المنتديات البعض يراه مشكله وخصوصا المنتديات القبليه وهناك العكس .. لم اكتب هذا الكلام من فراغ .. ولكن اعتقد بل اجزم ان الاغلبيه يرون اغلبيه المشاركات لايثق بهن من حيث تواجدهن والغير يعتقد بانه اختلاط :093: <<ليه جالسين بمجلس حنا الله يخلف بس ااعتقد من حق المراه المشاركه والتفاعل وابداء رأيها ومنعها لايكون الا بجهل وتخلف !! فعلا بماتحمله الكلمه ........... وكأنها لاتعلم ماتقول وماتكبت ومع من تتحدث .....؟؟؟؟؟؟؟؟؟؟؟؟؟؟ ولم يرد شي بتحريم تفاعلها فلماذا النظره السئيه من قبل البعض بمشاركة اخواتهم وبنات عمهم وبنات ارضهم ولماذا النظر للمراه بأن لاتعطى الثقه الكامله بممارسة حقوقها على اكمل وجه .. وعدم انتقاصها وكأنها بلا عقل لاتعلم شيئا ولاتعرف شئيا .......... لاتنسو ان كيدهن عظيم ولاتنسو ا ان الاسلام عزز مكانتها ورفعها .... ولكن هناك بعض الفئه اللي مدري وش اسميهم ينظرون لها بنظره سوداويه واذا علينا تركنا هذه الفئه بكوكبهم ورحلنا بكوكب اخر لنرى هل يتحملون العيش من دوننا ام لا .. ! انا اطرح الموضوع لاخذ اكبر الاراء ويهمني بشده ان ارى مايراه الرجال بمشاركة النساء .. وموضوعي ليس الا تحاور فقط واراء .. هل انت مع يا اخي الكريم مشاركة بنتك او زوجتك او اختك بالمنتديات اولا مع التبرير ؟؟ وهل تعطيها حق التصفح العنكبوتي ؟ ووجة نظرك تهمنا اخي فلاتبخل .. وشكرا لكم انتظر الاارء والتصويت |
هلا فيك اختي
شموخ الاصيلة بالنسبة للسؤال الاول فانا ماعندي مانع من مشاركت احد قريباتي في المنتديات واساسا اكثر قريباتي مشاركات بمنتديات وعادي مافيها شي لاني واثق منهن وهذا هو الاساس لكل شي بالدنيا ولابد اننا نشوف راحتهن وين بما يرضي الله والمنتديات مافيها شي ان شاء الله لانهن مايدخلن الاللفائده والسؤال الثاني انا اعطي اهلي الحريه الكامله في تصفح النت لاني مثل ماقلت قبل كذا اثق فيهم وهذا اهم شي والانسان على مبادئه وتربيته سوا كان بنت او شاب اشكرك على الموضوع يعطيك العافيه اخوك قناص الشمال |
تسلمين شموخه على الموضوع الحلو
انا بصراحه بعد ماجربت النت لا اويد ابداا دخول اي بنت للنت الا بشرط تكون عارفه مصلحتها وعارفه مايضرها اما منتديات لاباس فيها بشرط اخر وهو عدم اعطاء اي رساله غير شريفه رد عليها خصوصا الاحتكاك بالشباب الذئاب هداهم الله البعض منهم وليس الكل |
مشكور اخوي قناص على رأيك احترمه واحترم شخصك
وفعلا تفكيرك راقي والثقه لازم تكون متواجده لدوام الالفه وصح الله لسانك وانت قدوه لمن خلفك .. تحياتي لشخصك الكريم روض القلب هلابك اخوي يعني وش اللي بتسويه عشان تعرف هي عرفت مصلحتها ولا لا يعني بتراقبها اخالفك الراي مع احترامي لرايك لكن انت تولد هنا شك وبالعكس يمكن بكذا بتنحرف اجعل لها الثقه ولاتمنعها الا اذا شف شي وكنت على يقين منه ام مجرد شكوك ماتدخل العقل لا .. تحياتي لك واحترم رايك |
خوش موضوع
لكن انا بالنسبه لي بنتي اختي مستحيل تدخل عالم النت ولو انا واثق لان كثير دخلو داعيات والان مصيرهم ..!!!.. والقصه مذكوره بكل المنتديات عن قصه اكبر داعيه وناصحه لان عقل المراءه ضعيف وبدون زعل للحريم هنا هذا الاكيد ولكن الحذر واجب |
أحم أحم كح كح:) شموخ الأصيلة اشكرك يالغلا على روعة الطرح واسمحي لي بنقله الى قسم الحوار والنقاش ونحن بانتظار آراء أكبر قدر من التماسيح:ert4: |
بصراحة موضوع خطير وحلووو .. سويت أستطلاع لأتنين من أخواني .. طبعاً كل واحد له رئي .. ننتظر باقي الشباب .. * شموخ الأصيلة * يعطيكِ العافية .. نقاش واقعي .. |
مليقيف
لا بس مالك حق ابد ووش دخل الداعيات ياخوي والناصحات واللي كويس كويس حتى لو بوسط الخربانين واللي موضبوط لو تسرحه مع الغنم بالخلا بيظل خربان والجوال هذا كان اول مسوي مشكله واللحين النت وبعدين السواقه وهكذا وبعدين ابسالك بالله واسال الللي مثل تفكيرك ياخوي الجوال وش فرقه عن النت تدري عاد ان فيه نت وتقدر اذا تبي تدخل النت من الجوال فرفضك ماله موقع من الاعراب مع احترامي لك ياخيي مافيه داعي للرفض ابدا الا اذا ودك تاخذ بنت اخيك وتعزلها بكوكب مابه انس ولاجن عشان تتطمن على قولك <<وش ساالفتي على الكواكب شكل صدق بشيل قشي واهاجر لكوكب ثاني :093: واذا حنا بنظرتك عقولنا صغيره ابشرك فيه رجال عقولهم عقول دجاج ولاهو صحيح اللي تقول يمكن كنت بتقول انها عاطفيه وتمشي ورى عاطفتها وخانك التعبير وقلت عقولهم ضعيفه ابشرك هالمقوله مالها موقع من الاعراب النحوي ولو عقولنا ظعيفه على قولتك ماوصفنا ((بكيدهن عظيم))) والعقول الضعيفه وارده بين الجنسين وتقبل تعقيبي |
بالعكس اخوي مليقيف ..
صح فيه نساء ضعيفات وسهل يلعبون عليهم الذئاب البشريه .. لكن فيه بنات شريفات وما يدخلن النت الا لطلب الفائده و نشرها .. راح اضرب لك مثال | انا |.. تقريباً مسجله بثلاث او اربع منتديات فقط .. لكن كل منتدى فيه لي قريب سواء اب او اخ او حتى من اولاد العمومه .. اخواني كلهم يعرفون القابي وحتى ارقام المرور لإيميلاتي .. لأن الحمد لله الثقه هي الأساس .. و ابوي الله يطول بعمره .. متواجد دائماً بكل المنتديات اللي اشارك فيها .. ويعقب على كل مشاركاتي و مواضيعي أو على الأقل يطلع عليها .. ما قال لي ليش تدخلين بالعكس هو يشجع على دخولي للنت .. وكل الحريه اللي عطوني اياها الحمد لله كونت ثقتي بنفسي وان الشي اللي اسويه صح .. بالعكس صار عندي رقابه ذاتيه مو لأنهم يطلعون على اللي اكتبه لكن لأني اكتب باسمي واسمائهم بعد ..! أما سالفة انك خايف عليهم من عيال الحرام و سوالفهم .. هذا اسمح لي مو عذر .. هم خواتك وانت واثق بتربيتهم .. فما اشوف منعك لهم من دخول النت هو الحل السليم نهائياً .. اسمح لهم في البدايه طبعاً مع الرقابه المشدده لتعليمهم عن هالعالم .. وشوي شوي يقدرون هم يحصنون انفسهم .. وبالنهايه هذي حرية شخصيه لكن حبيت اوضح لك وجهة نظري كبنت على ردك .. *** بالنسبه للموضوع الأساسي .. أنا مع العنصر النسائي في المنتديات وبقوه ^^ وراح يتم التصويت على ذلك .. تسلمين أختي على موضوعك الرووووعه .. دمتِ .. |
نور الدنيا مشكوره على مرورك ورايك ترى يهم بعد
هايدي مشكوره على المرور والاستطلاع وراي اخوانك يهم بعد امل كفيتي ووفيتي واضفتي شي نسيته اعط الثقه ولن تندم بالعكس راح اكون واثقه من نفسي وماخون الثقه بالعكس اما تشك تحاول تمنع هذي كلها سلبيات تنقلب عليك وعليها بالعكس بيكون فيه اشياء سلبيه ماتتمناها ولانحتاج الا الثقه ولا اعتقد هاللحين فيه من يجبر اخته على عدم دخول النت ولهالشي اقول لاتحاول تشك فيها اوعطها الثقه |
شموخ الله يعطيك العافية على الطرح الراقي
لا امانع دخول اي من قريباتي المنتديات مدام الثقة موجودة ولله الحمد والمنتديات فيها ايجابيات وسلبيات وهذا راجع للمتصفح من شاب او شابة احترامي لك |
مشكوره شموخ صراحه ماكل اصابعك واحد
لا كل البنات واحد وربنا يريد الي فيه خير وامل قالت كل شي ربي يعافيها |
اموله موضوع جميل لنقاش
ان عن نفسي اوايد دخول البنت النت ولكن بالشي المعقول الي ممكن منه تستفيد والي اعتقدوا في زمنه هذا مافي بيت يخلي من النت الكبير والصغير يدخل النت وبالنسبه للعنصر النسائي لازم ولا بد من وجده في المنتديات والمنتديات مافيها اي شي ممكن الواحد يخاف منه بالعكس يدي رائيه ويحاور الاشخاص حتي تعم الفائده للجميع ومن حق المراءه ان تشارك العالم برائيها وفي مثل يقول وراء كل امراءة رجل عظيم اعتقد لااحد يشك في ذلك اما الاشخاص الي يمنعون الاهل اوالاخت او البنت من النت اعتقد قلة ثقه وشك وتخلف في شخصييته مع احترامي الجميع وكلا له رأي وانا احترم راي الاخرين وسامحوني علي المداخله |
بسم الله الرحمن الرحيم
اولا اشكرك على طرحك لقضيه دائما تحاكي المجتمع وهي مشكله كبيره يعاني منها كثير من البشر ولكن الذهب مهما وضعناه اي مكان لايصداء بما معناه ان الجوهره تبقى جوهره مهما ذهبت فالبنت التي تثق فيها لو تكون وحدها في دوله وانت في دوله كما هو النت دخول البنت له لفائده لاباس عندي عادي اذا انا اثق فيها اشكرك شموخ الاصيله دام نبض قلبك |
عندي تعقيب فقط للمعارضين البنت تدخل النت وانه النت هو خرابها وضياعها
سؤال واحد فقط ... قبل زمن النت والجوال الم يكن هناك نساء منحرفات ... ماهي الوسيله اذن علما بان الجوال والنت لم يكن حاضر زمانهم وكلن يدخل مجال حسب نيته وتفكيره اذا كانت البنت سليمه تختار كل ماهو سليم با النت والعكس .. من ناحية دخول الاخت والبنت الحمدلله با النسبه لي اي موضوع انزله احب اتشارك فيه مع اخواني وبا العكس حتى افتخر لامنهم شافو موضوعي احس بفرحه تغمرني لكن لو كان العكس لو كان الاخ دائما يشك با اخته هي تحس بنقص او يمكن تنحرف فعلا من كثر الضغوط ... شموخ االصيله ... موضوع جدا مهم اشكرك جزيل الشكر لطرحه للنقاش تحياتي لك |
وعليكم السلام ورحمة الله وبركاته اهلا اختي ... اولا قبل ادخل الموضوع .. احب اوضح الفرق بين النت (( كلمة شمولية للشبكة العنكبوتية )) والمنتديات. الشبكة العنكبوتية .. ليش امنع الاهل عنها ... بالعكس عادي مثلا تبحث عن مقالة عن قصيدة عن اي شئ كان .. اما اذا كان دخول المرأة لموقع يصفها برمز انها امرأة تشارك الرجال وتناقشهم وتمازحهم كـ منتدى او دردشة او البالتوك او.. او.. فهذا مستحيل جداً ولا أقصد بذلك عدم الثقة ولكن هناك مغريات كثيرة .. اولاً تلطف الرجال ولباقتهم بالكلمة وتصنعهم بحسن الخلق والكثير منهم يسعى (( للتعرف )) على فتاة وثانياً ان المرأة عاطفيتها تودي بها احياناً .. اعني بذلك البعض من النساء يثير اعجابها احد الشباب المتواجدين بالمنتدى ولا تستطيع مقاومة كلمة (( انا احبك )) من هذا الشخص ولو استطاعت مرة ومرة و.و. لكن يأتي ساعة ستضعف فيها امام عاطفتها وامام اعجابها ... وكل من ينفي ان دخول المرأه لمثل هذه المجتمعات يثبت بداخله انها صحيحه ... لكن يصر على قوله حتى لا يتصادم مع ضميره. أما عن الفتيات اللواتي يقلن ان هناك من هم قرباء او اخوه معها بالنت ... فلا أدري هل الذي يريد ان يصطاد فتاة يعلن امام الكل انه يريد ان يتعرف على هذه الفتاة أو انه على علاقة معها؟؟ كونوا صادقين مع انفسكم... ويا أخواتي لا تلقن بايديكن للتهلكه .. واجعلن من قبلكن عبرة. |
عذراً على المداخله الثانيه شموخ ^^
لكن حبيت اعقب على الأخ نجم الشمال .. أنا معك أخوي ان البنات عاطفيات جداً و أحط تحتها خط .. لكن هذا مو معناته انهم غبيات لهالدرجه .. وما اظن فيه بنت الحين تشارك في منتديات تسمح لنفسها انها تورط عاطفياً مع اعضاء رجال .. لأن عالم النت والمنتديات خصوصاً خادع .. و يكفي ان الكل يشارك بألقاب وهذي بعد احط تحتها خط .. يعني ما فيه شي صريح ورسمي .. وكل الكلام اللي يكتب او يقرأ وهم و سراب ما له اساس .. *** ما ادري بس حسيت انك تقصدني بالبنت اللي موجوده مع قرايبها بالمنتدى .. فراح ارد عليك على هالأساس .. أنا ادري انهم قرايبي .. لكن هم ما يعرفوني .. قصدي اولاد عمي و غيرهم .. بس ابوي واخواني يعرفون القابي .. و الحمد لله عمري فمنتدى ما احد تحرش او حتى حاول يطيح الميانه معي .. لأني ماشيه بالمسطره وما عندي لف ودوران والكلمه اللي لها عشرين الف معنى .. حتى بردودي مع البنات عشان ما يصير تمييز بالمعامله ولا افتح باب على نفسي .. واللي واثق من نفسه ما عليه من احد .. أما سوالف البالتوك والمسن وبنت تكلم ولد .. هذي معروفه اهلها .. ومو حلوه تجمع الكل تحت هالعنوان .. أنا ادري بتقول الخير يخص والشر يعم .. لكن الله اعلم بالنوايا وما يصير تحط بذمتك اخوي .. ومسألة الخوف مو مبرره .. لأن كل الناس عندهم بنات ومحارم .. لكن العبرة بالثقه والتربيه .. هذا اللي حبيت اوضحه .. و اتمنى اكون وفقت بشرحه .. والشكر لشموخ على فتح المجال ^^ و دمتم .. |
هلا اخت امل .. أولاً انا آسف وان كنت تظنين اني اقصدك .. تراك غلطانه انا ما اقصدك ولا اقصد اي شخص هنا والغرض من وجود ردي هنا هو اني تحمست مع الموضوع فقط ولا يمكن ان احاول ان اجرح احد سواء كان معي او ضدي . ثانياً: اقتباس:
اقتباس:
وانا معك ان كل ما يقال هو سراب . اما القصد ارجع اقول انا ما قصدت احد بكلامي .. الكل هنا ما بين اخ واخت وانا عن نفسي ما اعرف احد فيكم عشان اقصد هذا واصطاد على هذا .. وفي النهاية وزبدة الكلام .. سلبيات وجود المرأة بالمنتديات اكثر من ايجابياتها. وشكراً كاتبة الموضوع ,,, |
عذراً آخرى لشموخ << من كثرهم نسيت العد ^^
ليش تعذر أخوي ؟؟؟ القسم قسم نقاش و انا حبيت اناقشك بالنقاط اللي ذكرت .. وبالعكس انت ما قلت شي يزعل .. و اما انك تقصدني انا ما زعلت عليها بس حسيت انك ما فهمت قصدي عشان كذا وضحته لك .. اما عن العاطفه أنا فاهمه قصدك اخوي .. البنات كلهم عاطفيات بس ما أظن ينجرفون وراء هالعاطفه خصوصاً في عالم النت .. لأن صح مع العاطفه فيه عقل وادراك .. ومثل ما استشهدت الأخت شموخ من البدايه بالآيه " إن كيدهن عظيم " .. صح فيه نماذج لكن ولله الحمد قليله جداً حتى تكاد تكون نادره .. انا اتكلم من واقع خبره ومن المنتديات اللي دخلتها .. رغم قلتها إلا انها افادتني كثير .. و ما اظن فيه مجال أصلاً لدخول مثل هالعينات اليها .. لكن تبقى خبرتي في النت قليله لا تتعدى السنتين بالإجمال .. و مشكور اخوي على تعقيبك .. وصدقني لو بزعل كان ما رديت .. و في النهايه اختلاف الآراء لا يفسد للود قضيه .. دمتم .. |
مرحبا اخوي نجم الشمال الله محييه
والله ياخوي انت قاعد تبرر تبيرير مهو منقنع معليش ونفس الاخوان اللي قبل عاطفيه انا معك عاطفيه صحيح بس بحدود ولا اعتقد فيه بنت تتاثر من كلام على قولتك الا وحده فاقده العاطفه اساسا ولا لقت من يحن ويحس فيها وهذي بعد مشكلتكم اعتقد وسبب انحراف البنت 90% سببه الاهل يعني لما تجي وكل شي لا ؟؟! وتقابل بالرفض وتعامل بلا حس هنا اعتقد بتنحرف مو من نت من اشياء كثيره !! وكل شي يرجع للمعامله الزينه وانا مابي اطلع من الموضوع لكن ارجع واقول ماهو عذر كلامك ياخي خلها تفلها بالمنتدى وتاخذ وتعطي طبعا عالمكشوف لكن شي خاص لا انا معك بهالشي وقولت اعجاب وا اعجاب بعد ماهو عذر ابدا واول شي يا اخي ليش تمنعون شي الدين ماقال فيه شي يعني ماهو حرام ليش يمنع لاعذار واهمه وشك وخوف سلامات ياليت تصحون شوي ترى الدنيا فيها خير والناس واللي خربان خربان واللي كويس كويس فما له داعي تبرير العاطفه قولو الشك اللي ما لي الراس والظن والنظره السوداء :093: ومشكور اخوي وجة نظرك احترمها واحترم شخصك وتقبل تعقيبي |
اخواتي السحالي المحترمات
صراحه حنا مجتمعنا القبلي البدوي لايؤيد انفتاح البنت وممارستها عاداتها علنياً واعني انفتاح اي اخذ البنت حريتها انا اقول لو شاركت البنت بمنتدى ماهو معروف عند اقاربها ممكن افضل عندي ان تشارك بمنتدى معروف عند اقاربها بشرط ان يعرفون اهلها انها تشارك بمنتديات وان لاتخفي عنهم حتى لاتفقد ثقتهم فيها النت مااحد سالم منه الان ولاكن نصيحتي هي الابتعاد عن مايغضب الرب سبحانه وتعالى وان تحافض البنت على سمعتها وسمعة اهلها |
صح الله لسانك اخوي ابن سلمان
النت مااحد سالم منه الان ولاكن نصيحتي هي الابتعاد عن مايغضب الرب سبحانه وتعالى اعتقد كلامك هنا موجه للجنسين وليس للانثى فقط ! تحياتي لك |
هلا ومرحبا اخت أمل ... الحمد لله انك ما زعلتي ... صراحة لهجتك كانت قوية شوي . فية نقطة اولاً فقط للتنبية.. لا يوجد في القرآن آية فيها" إن كيدهن عظيم" بل الآية هي:"فلما رءا قميصه قُد من دبر قال إنه من كيدكن إن كيدكن عظيم" يوسف آية رقم 28 بعدين نكون اكثر صراحه .. انا من رواد المنتديات و لا قلت كلامي هذا من فراغ . يعني شفت الكثير من الشباب والبنات اللي مشاركين خاصة واللي لهم فترة طويلة وهم بالمنتدى واكثرهم ما اقول كلهم يكون متبادلين الايميلات و علاقتهم تطور لخارج المنتدى .. و من هذا يكون متعارف بينهم ان فلانة صديقة فلان او بالأحرى (( حبيبته )) وهذا شئ لا يرضاه الدين ولا العقل ولا العرف .. أما بنظري خيانة. .. ,, .. ,, .. ,, .. ,, .. ,, .. أهلاً وسهلا شموخ أصيلة .. يمكن تتكرر العاطفة بردودنا .. وارى انه ان دل على شئ يدل على ان العاطفة هي نقطة ضعف المرأة. ذكرتي أن بعض الأهالي هم السبب .. انا معك والاسباب كثيره لكن هذا لا ينفي ان يكون المنتدى هو أحدها. اقتباس:
اقتباس:
وأما قيادة السيارة هي موضوع آخر بعيد عن موضوعنا ولو تكلمت عنه لطال الحديث ولكن هو ذريعة للشر. اما عن الحرام والحلال .. النظرة وهي وجرد نظر ..حرام .. وكيف بالسوالف والمزاح والضحك ..!! اقتباس:
الشك مشكلة وخراب للبيوت ... لكن بالمقابل الانفتاح مشكلة ايضاً .. ,, .. ,, .. ,, .. ,,.. وأخيرا انا ما اعم النت كله .. لكن المنتديات اللي تجمع البنت بالولد ربما تطول لسنوات .. وشكرا لكم .. انني اسعد لمثل هذه المناقشات واتمنى ان اكون خفيف الظل على الجميع .. تقبلوا خالص إمتناني. |
بصراحة استمتعت جدا بالقراءة طرح ومناقشة عسى ربي يسعدكم فيه نقطة مهمه تطرق لها أخوي نجم الشمال وهي حكاية الغيرة أعتقد لو كنت متزوجة ماراح أسمح له بدخول المنتدى ويسولف مع البنات:) واتوقع نفس التصرف من الآخر:ert4: <<<وجه نظر شخصية جدا ولاتمثل أحد غيري:) اشكر الجميع على اسلوب الحوار الراقي:h64: |
عذراً آخرى ..
لكن عذري هذ المره ان الموضوع يستحق النقاش فعلاً ^^ في البدايه .. الأخ نجم الشمال .. صدقني الواقع اللي قلته صدمني .. لاني ما توقعت ولا واحد بالميه انه فيه بنات ضعيفات لهالدرجه !! بس المشكله هنا مو بالعاطفه .. المشكله بالتربيه .. لان ما عندها رادع لا دين ولا اخلاق .. ومو معلمه الحدود وين والغلط من الصح .. العواطف مو مشكله تقدر ترميهم على جنب ., لانهم ماراح يقدمون ولا يأخرون .. ويمكن يتغيرون بين رد والثاني .. لكن الأصل انها خفيفه و غبيه هذا ما راح تقدر تغيره .. وهالنوعيه المفروض فعلاً تمنع من دخول النت .. لانه دمار لها ولغيرها اللي راح يتشبهون بها .. نور الدنيا .. اردت ان اعقب على ما ذكرتيه .. بالعكس .. مستحيل امنع غيري انه يدخل نت .. ويكلم بنات طبعاً بحدود الأدب و الأخلاق .. لكن لو تجاوز حدوده .. ما راح امنعه بعد .. بس راح اخليه يتهنى بمنتداه ^^ ونرجع لقضية العقلانيه .. وان الرجل اعقل و اثقل من البنت .. فـ اكيد ما راح يتمادى .. وإذا صار كذا .. أنا ماني مسؤوله عنه أو ولية امره عشان امنعه .. فاخلي له الجمل بما حمل .. لأن المعامله بالمثل .. وانا واثقه اني ماراح اسوي كذا .. ولو سويت راح يتركني .. وتعتبر المسأله في البدايه و النهايه مسألة حريه شخصيه .. وتربيه وثقه .. يعني على حسب الأشخاص ونظرتهم للموضوع .. بصراحه صدمات الموضوع .. ما توقعت فيه غباء في هالوقت .. ووحده تصدق قناع ..!!!! لاننا ياما سمعنا عن بلاوي المكالمات وغيرها .. فما توقعت يمتد الموضوع للنت ..!!! مشكورين جميعاً عالإفاده .. والشكر موصول للغاليه شموخ .. |
والله ماقول الا الي هاديها الله ماعليها لوتروح
اي مكان بالنت او غيره تسلمين شموخ وربي موضوع ونقاش عسل |
مشكورين الجميع على المرور والتعقيب
نوير ابوها انتي العسل مشكوره اخواني نقاشي من الموضوع هو توضيح بعض النقاط والتفاهم وتطوير الحوار فيما بيننا اخواني الرجال النت كثر وانتشر واصبح اداة لا يستغنى عنها سواء تعليميه تطويريه ترفيهيه فيه الصالح والخربان اولاد بنات ....... لكن الا نعطي للمراه حق بتطوير ذاتها والتناقش كما نحن الان نتناقش لمن يحرم محارمه تصفح النت ودخول المنتديات اتعتقد ان وسيلة الحرمان هي الحل لكي لايقعن في المحضور اللي تخاف منه في مجتمعنا النساء مالهن الا البيت بالعربي لاطلعه وبين اربع جدران وبس وايضا حرمانها من ابسط حق اعتقد النت فلماذا كل هذا ؟؟ ولماذا هذه المعامله وكا قلت كان المرا ه مخلوق لايعرف كيفية التعامل مع الذئاب حسب قولكم اتعلمون ان المراه اذكى من الرجل ؟؟ قل من اختراع انشطار الذره ؟؟ .........اقل لك امرأه .. عطها ثق فيها حبها........... لك انها ماتخون .!!! والنت ليس وسيله للانحراف بل بالعكس زيادة ثقافه ووعي وتوسع في القراءه وفهم عقليات الناس وزياده في مهارة الكتابه ... فلماذا تحرمها من تطوير ذاتها اخي الكريم واعلم اخي ان ((اكذب الحديث الظن)) اختك ابنتك زوجتك منك وفيك فلا تشك وتظن بهم الا الخير اعطها واعطها واعطها ولن تندم.. ولا تجعل اداة ((لا)) بين شفتاك لانك ستندم بيوم من الايام لمنعها واجعل الحوار الهادئ وسيلة للرقي والتفاهم بينك وبين حواء ((ولو كنت فظا غليظ القلب لنفظو من حولك )) تحياتي لكـــــــــم |
موضوع مميز شي عااادي البنوتاااات هم الي مزينين المنتدى
|
صراحة النقاش حامي جداً وفيه فائدة
طبعاً كل واحد قال رأيه .. وأتوقع أن ارائكم أوفت بالغرض ولكن ودي أوضح نقطة بسيطة والكلام للجميع ( التجربة في الواقع غير الكتابة أو التصور ) شموخ .. شاكر لك طرحك الراقي جداً |
مساكم الله بالخير جميعاً .. أخت شموخ اصيلة .. كيف حالك واستأذنك بكلمات فقط انا ما اعم النت .. فية اشياء تفيد بالعكس نؤويد دخولها .. انا اخص مثل المنتديات الصغيرة .. والدردشات . والبالتوك .. .. ,, .. ,, .. ,, .. اقتباس:
وشكرا للجميع . |
| الساعة الآن 12:13 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010