|
هل تقبلين بزوج راتبه 1500 ريال ...للنقاش ؟؟
السلام عليكم ورحمة الله وبركاته
بسم الله الرحمن الرحيم اللهم صل على محمد وعلى آله وصحبه أجمعين هل تقبلين بزوج راتبه 1500 ريال "" للنقاش من قبل الشباب والفتيات " كلنا يعرف الظروف التي نمر بها .. في الوقت الحالي من عطاله وبطاله ويا سعد منهو وجد له وظيفة ... وطبعاً أغلب الوظائف " الجديده " إن لم تكن كلها .. براتب لا يتجاوز الـ 1500 ريال سعودي .. وإن زاد وصل 2500 ريال فهل هذا المبلغ قادر على ...... أن يزوج الشاب ..... ويتتم به نصف دينه ..... ويفتح بيت ...... ويكون اسرة وابناء ؟؟ وهل تقبلين بزوج يمتلك هذا الراتب ؟؟؟؟؟ ملاحظة :- جداً مهمه .. نريد إجابات واقعيه ويقبل بها العقل .... مجهولة القصه |
حياك الله اختي هيام ،،
موضوعك رااائع اختي بالنسبه لي المال لا يستطيع تقدير السعاده فحيث ما كانت السعاده والتفاهم كانت الحياه عمر المال ما يقدر الحياه ممكن اعيش مع شخص يقدر رابته بـ 1500 حياه في منتهى السعاده واعيش مع شخص يقدر راتبه بـ 25000 حياه في منتهى العذاب الحياه تفاهم عزيزتي هذا رأيي وبالتوفيق للجميع |
هلا بك أختي هيام الجنوب من يقول من الشباب أستطيع الزواج براتب 1500 أو حتى 3000 يغالط نفسه إلا إن كان سوف يعتمد على والده بأمر السكن وبعض المصاريف الإضافية أعرف شخص موظف براتب 2500 بأحد الشركات ومتزوج وساكن مع أهله له شقة مستقلة ومع ذالك لا يستطيع تلبية بعض الأساسيات وراه مصروف زوجة وطفل وسيارة غير الإلتزامات الأخرى مثل هؤلاء الأشخاص كيف بيقدرون يأسسون أنفسهم ويمتلكون على الأقل شقة إيجار ليعيش مع زوجته في مكان مستقل كيف راح يكون وضعه مع الغلاء المعيشيء اللي كل يوم بزيادة بسبب جشع وطمع التجار اللي يأخذون ولا يبذلون همهم الأكبر مصالحهم الشخصية على حساب الوطن والمواطن إذا أستمر الوضع على هذه الحالة سوف تنتشر الجريمة والعنوسة بشكل فضيع ومريب أعجبتني أحد الحلقات ببرنامج 99 للمذيع المتألق صلاح الغيداني تكلم فيها عن البطالة واستضاف شخصيات لها دور فعال في علاج مشكلة البطالة لاكن لاحياة لمن تنادي كل الشكر اختي هيام الجنوب |
تعقيباً على كلام الأخت شادن لسنا في مجال للكلام عن السعادة مع أن المال من مقومات السعادة يقول أبن القيم في تفسير قوله تعالى (( المال والبنون زينة الحياة الدنيا )) يقول ابن القيم بما معناه إذ توفر المال قبل الأولاد فإن هذا من رغد العيش اللذي يجلب السعادة أما في حالة قلة الحيلة فإنها تعتبر من منغضات الحياة لإنشغال فكر الأب الدائم بتوفير المال لسد حاجة أطفاله وزوجته لذلك قدم الله سبحانه وتعالى المال على البنون في الآية (( طبعاً لا أتذكر ما قاله أبن القيم بالتفصيل لأني قرئته من زمن بعيد )) لكن من أراد الإستزادة فعليه بقراءة كتب العالم الجليل أبن القيم كلام الأخت شادن أحدى مغالطات الواقع فهي تفكر بعواطفها قبل قلبها يجب تحكيم العقل على القلب نحن في زمن الحياة فيه أصبحت صعبة جداً بـــ 1500 ريال أيش راح يقدر يسوي الزوج هل بيصرف على سيارته ولا على السكن ولا على الأمور المفاجئة والطارئة |
حياك الله اخوي شاعر ،،
هذي وجهة نظري عمر المال ما يقدر السعاده والحياه تضحيه اخوي ممكن اضحي بالرغد والمال واللبس بس اعيش مع شخص يفهمني وافهمه لو عشت في قصر ولبست من اغلى شي وانا اعيش بعذاب وش راح يقدم لي المال؟؟؟؟ شكرا لتعقيبك على كلامي |
اوافق الاخت شادن كلام واقعي جدا وعقل ماشاء الله عليك
|
ماننكر أن الدين والأخلاق أهم شيء .. صحيح الفلوس مو كل شي الاهم الرجال ودينه وخلقة وحبة واخلاصة لزوجتة لكن لما نجي نشوف متطلبات الحياة 1500ريال وش بتسوي فيكِ هي لأجار البيت أو لأغراض البيت أو لفواتير الجوالات أو لأغراضكم الخاصه ولا اغراض العيال....! لوتحملت سنه ماراح أتحمل السنوات الباقيه وألحين 1500يالله تكفيك تروحين فيه للســوق ...؟! بصراحه صعبه مره فيه ناس رواتبهم على ثمانيه وتسعه الاف ماتكفيهم مع تغير المعيشة .. مو تفهمون من كلامي انها نظره ماديه بحته ولكن هذا الواقع وشكرا على هذا الموضوع .. |
بصراحه اعرف واحد راتبه 1500 ومتزوج وعايش احلى عيشه
السبب هو انه مايضيع فلوسه على الفاضي هو وزوجته مقسمين راتبهم بحيث انه مكفيهم ومعيشهم اكيد ان اهله ساعدوه في البدايه بانهم علموه كيف يامن البيت بالاول وبعده يجمع تكاليف الزواج وبعدين الوحده اذا مارضت كيف الشباب بيتزوجون صراحه فيه رجال رواتبهم قليله لكن انهم رجال بمعنى الكلمه صح المال ضروري لكن فيه شي اسمه حسن تصرف يعني كل شي بالمعقول وكلن يمد رجوله ع قد لحافه يعني اي وحده بتتزوج واحد راتبه قليل تكون عارفه انه لازم تقدر حالته وتوقف معه وماتزيده عليه وصدقيني بيعيشون احلى عيشه وانا شفت اكثر من حاله واسفه ع الاطاله |
أيــــــــــــــــــه اقبل لــــــــــــــــيه لا ...ان يكونو فقراء يغنيهم اللـــــــــــــــــــــــــه..
والمال مو كل شي بالحياة.. اذا الحياة فيها حب وسعاده .. والله راح اقبل.. وش ضيع شبابنا اليــــــــــــــوم..الا عدم قبولهم ..ياناس كثرة الفتن..ضيعت الشباب وارتكاب المحرمات .. وهذا رايي بكل صراحه ..دام ان 1500 راح تاكلنا.. وتقضي حوائجنا الحمدلله هذا والله اعلم.. هيام الجنوب يعطيك العافيه على طرحك للموضوع... بنتظار جديدك.. لك مني كل الود.. |
كنت آقرآ الردود وبصراحة فيها من الصحة وايضآ من البعد عن الواقع عني انا لو بفكر بقلبي راح آرضى آتزوجه لكن هذه عشرة عمر لازم فيها تفكير يعني بالوقت الحالي 1500 ريال ايش بتكفي بالحياة الزوجية وهمآ شخصين فقط كيف لوكان فيه اطفال من الصعب بصراحة ضمان الحياة وان الزوج يقدر يتكفل بكامل احتياجات زوجته واطفاله لو وجد اطفال وماننسى بالوقت الحالي بنات هالوقت مستحيل ونادر جدآ ترضى بهالشيء اذا هي ببيت ابوها طلباتها كثيرة وعلى قولة محبة الجنة 1500 بالعافية تكفيها روحة للسوق مع انها غلط كيف الزواج والحياة بوقت غلاء المعيشة وفيه ناس رواتبها تتعدى العشرة آلآلآف ومع كذآ تزوج بالدين وماهو ملحق مصاريف وطلبات للبيت وبنص الشهر الراتب كله يطير ويروح تسديد ديون وآقساط بنك وفواتير .. عني آنا مابرضى لاني راح آظلم نفسي وآظلم زوجي معاي وآطفالي .. |
الاغلبية يقولون مايهمن الراتب ولما تصير الحقيقه تحصل اكبر المشاكل بسبب المادة
لازم الانسان قبل مايقرر با الارتباط يفكر با المستقبل قدام شوي الحياة الزوجيه مو بس انت وهي راح تكونون اسره اطفال لكل طفل احتياجه ... اغلب الطلاقات اللي تصير بسبب المادة ويقع ضحيتها الاطفال ... وفيه نقطة انا ملاحظتها كثير با با الوقت الحالي وخصوصا قلة الرواتب ... الحين نلقى الرجل بعد مايتزوج هو ببيته مع اهله وهي ببيتها مع اهلها مايلتقون الا بوقت المناسبات ؟؟ طيب هذولا مافكرو لو ينجبون اطفال وش مصيرهم وهم حالتهم كذا !!! |
يمكن حضوري بيكون لهذا الموضوع متكرر،، انا مع اللي يقولون بغلا المعيشه والمصاريف وشغلات السوق ومن هالكلام لكن لو تزوجت واحد يحقق لي كل هذي الامور وما فيه تفاهم وسيئ في التعامل هل تستمر الحياه ؟ فيه فرق بينه وبين لو تزوجت واحد يفهم افكاري وطيب التعامل معي ويحترمني بوجهة نظري ومن قراري الشخصي اتنازل عن كل هذه المصاريف والاسواق واكون قنوعه بالشي اللي يكون قوت يوم لي وله لان حكمتي دائما : اذ كنت بمالديك قانع ... انت ومالك الدنيا سواء أهم شي القناعه :) يسعد ربي الجميع ،، |
في الحياه الزوجيه عوامل عديده للنجاحها وكل عامل مكمل للثاني
واذا كنتي تسئلين هل 1500كافيه لبناء حياه زوجيه سعيده اقولج بتكون كافيه اذا كان فيه رضى وقناعه بالواقع وحاول كل فرد اقناع نفسه ان المال مو سر السعاده وان كان قصدج هل 1500 كافيه للمتطلابات الحياه الزوجيه اكيد لا والف لا وخصوص في وقتنا الحالي وغلا المعيشه اللي زاد عن حده ويعطيج العافيه وتقبلي مروري .......... |
أحس الواقع مفقود عند البنات ماعدا اختي انوار
كلام البنات نقبل وليش لا ولما يتم الزواج تنصدم بالواقع أظن صاحبة الموضوع وضعت ملاحظة انه نتكلم بواقعية 1500 من غير مصدر دخل ثاني المشاكل وبعدها الطلاق:h27: شكرا عالموضوع اختي هيام |
اقتباس:
حياك الله اخوي بالعكس الواقع مو مفقود عندي وليه انصدم بالواقع وانا من الاساس عارفه بمقدار دخله الشهري انصدم لو كنت مو عارفه بمقدار مرتبه او كنت اقول بعد الزواج بيجيه دخل ثاني وانصدم اني اقف عاجزه لكن اذا كانت اللبنه الاولى مبنيه على هذا المبلغ المحدد راح تستمر السفينه في الابحار بكل امان :) اخوي قريت مره هذا الخبر: طرحت إحدى الصحف البريطانية سؤالا مفاده : ما المال ؟ فكانت الإجابة الفائزة : المال جواز سفر عالمي يمكن لحامله السفر إلى أي مكان ماعدا السماء وهو يجلب أي شي ماعدا السعادة ... كثير نسمع بمشاكل اللي تصير في بعض الاسر تقول الزوجه ما يهتم فيني كزوجه واذا ناقشته يقول ما قصرت معك بشي موفر لك متطلبات الحياه من بيت وسواق وخدامه وغيرها أو الزوج يقول ما تهتم فيني كزوج رغم اني ما اقصر معاها بشي اوديها سوق واشتري لها لبس بالمبلغ الفلاني وتحضر حفلات و.. و.. لكن وين التفاهم هل المال حقق لهم السعاده؟؟؟؟ بالطبع لا سعدت بحضورك واتمنى ما تضايقكم وجهة نظري :) يا تقنعوني يا اقنعكم :) :) |
اقتباس:
إنه لو تقدم لك زوج راتبه 1500 بتوافقين بالوضع الحالي الي حنا فيه بصراحة |
اخوي اذا كان انسان فاهم ويقدر الحياه بس الزمن حكم عليه بهذي الوظيفه وهذا الراتب
وش ذنبه؟ |
طيب السعادة ودرينا واذا طلبتي شي وقال ماعندي مامعي
راح تبدأ المشاكل:h27: انا اتكلم مو زمان بيوت الشعر والخيام اتكلم من زمن الشقق الغالية الفواتير الكثيرة المستلزمات النسائية الي مالها حد وما تغطيها 1500 رجاء خليكي واقعية واذا كلامك واقعي مو من نسج الخيال بالعكس ياليت البنات كلهم مثلك |
اخوي شوف ردي على شاعر المشاعر
الحياه تضحيه يعني بعرف وش اطلب ومتى اطلب اذا انا من قوم الطلبات واقوم مشاكل اذا ما توفرت طلباتي فمن قاصرها ليه اشغل نفسي بمشاكل انا في غنا عنها وانا ادري انه ما راح يوفرها لي لقصر ذات اليد ؟؟ يمين بالله ان كلامي من اقتناع >>>>>> بيعطوني وسام اكثر عضو رد على هذا الموضوع :) |
الله يرضى عليك
بس ماني مقتنع بكلامك 1500 ماتكفي عزوبي وانا ابغى وسام لاتحاولي تقنعيني امرأه بهالزمان كذا مســـــــــــــــــتحيل!!!!!!!!! |
تبقى أراء وكل شخص له الحرية لكن هناك فرق بين شخص يتكلم من واقع الخيال والمثاليات وشخص يتكلم من واقع الحياة التي يعاصرها أحنا بعصر طغت فيه المادة أيجارات الشقق بأرتفاع والمواد الغذائية بإرتفاع والذهب بأرتفاع والرواتب بإنخفاض :59ar: البنت تتكلم أقبل بزوج راتبه 1500 ريال وبعد الزواج بفترة تبدأ المشاكل وتتفاقم المشاكل مع تزايد عدد الأطفال إذا لم يجد الزوج مصدر دخل أخر أو وظيفة ذات راتب أعلى على العموم مجرد وجهات نظر وأختلاف الرأي لا يفسد للود قضية |
صح عليك شاعر المشاعر
بعيد الخطوة/ 1 شادن/ صفر |
اخوي شاعر حياك الله للمره الثانيه ما نتكلم من خيال
اذا المرتب محدود بيكون الاكل محدود والذهب محدود او منعدم بالاصح عمر الكماليات ما كانت سبب للسعاده والسكن بيكون بمقدار المرتب والرواتب بانخفاض لان للاسف ما فيه حسن تصرف ابوي الله يرحمه دايم كان يقول لي ( الريال اللي يطلع ما عاد يرجع ولو عرف الشخص قيمة الريال عرف وين يصرفه بالمكان الصح) سعدت بتواجدي في هذا الموضوع >>>>> لا عاد تعقبون ما عاد فيني حيل ارجع ارد :) بحفظ المولى |
اختي شادن أنا معك وكلامك كله عقل
وليش مافي بنات زي كذا بهالزمن الدنيا مليانه |
بالنسبة لي انا اخر شي افكر فيه الجانب المادي اهم شئ يكون الأنسان اللي بترتبطين فيه انسان ملتزم ويخاف ربه
وانسان ذو اخلاق عاليه 0 واذا كانت الأسرة متعاونه مع بعضها مراح يكون فيه اي عوائق في طريقهم 0 |
هههههههههههههه
يابنات الدعوة مو فزعة :h27: الدعوى رأي واقعي واقعي أجل ترضن بزواج 1500 طيب طيب وتشرفت بالحوار مع اختي شادن:sd64: والنتيجة كل متمسك برأيه |
متمساكات بالراي بالمنتدى لكن لا رحت تخطب أختلف الوضع وبدن يفكرن بجدية هههههههههههههههههههههههههه أختي هيام الجنوب بينت أن النقاش يكون واقعي ترى بناخذ بكلامكم وبنروح نخطب وبننصدم بالواقع |
ليش انتم مستغربين ياخي فيه عائله
تعيش وراتبهم 1500 وعايشين احلى عيشه الام والاب متفاهمين بخصوص المصاريف ياخي انتم مكبرين المساله انا مع شادن لاني انا اتكلم من واقع شايفته مو واحد ولااثنين ان شفت اكثر من حاله وبالعكس عايشين ومو قاصرهم شي ابدا انتم تشوفون حياتكم انتم يمكن انكم تحب الصرف والتبذير اذا على كذا والله 10000 ماراح تكفيكم واحنا هنا نتكلم عن دور البنت او الزوجه لانه هي اللي اختارت العيشه هذي وبتكون عارفه انه صاحب دخل محدود لازم توقف معاه على الحلوه والمره ولا وش فايدةالزواج ان ماكان فيه تقدير للشخص الاخر انا هذا رايي |
:df5:
:hhhhh::hhhhh: انا ابعلق بعد ابي وسام :sd64: بحالة وحده يستمر زواج اللي راتبه 1500 اذا كانت زوجته موظفه بكذا هي تكون شايله مصروفها من راتبها ( اقصد السوق وخرابيطه والبذخ والتكشخ ) وهو يصرف على ايجار الشقه والكهرب >>> بديت احلل واكيد الموظفه بتشترك مع زوجها بخصوص المواد الغذائيه بها الحاله هذي اقول يستمر الزواج لكن !!! اذا كان الدخل ومصروف البيت با اكمله فقط على الزوج وزوجته غير موظفه وراتبه 1500 فقط صعبه جدا الا اذا كان يعتمد على اهله في بعض الامور وشكرا للجميع :) |
وصعبه ليه يا انوار اذا فيه عقل مدبر وتدبير صحيح ارح يعيشون
الزوجه هي اللي بيدها دفة الحياه يا تبذر يا تصرف بالمعقول مو شرط تكون موظفه طيب اعرف ناس زوجاتهم موظفات ولا تصرف ولا ريال على روحها وتعتذر بكلمة اجل هو وش دوره ليه ما يصرف عليه يعني اخذوا الحياه صرف واكل ومشتروات وبس! |
مع إني المفروض أكون [ محآيده ] ..!! لكن ضروري أتخذ جآنب في هـ النقآش ..!! أنا [ مع ] شآدن و إيثآر و مجموعه من البنآت .. المآل مو كل شيء !!!! الزوآج مو تبآدل مصآلح و [ صفقة تجآرية ] .. هو صفقة إلتقآء أروآح و [ تفآهمـِ و عشرة ] ..!!! الزوآج علآقة دآخلية أكثر منها مآدية أو مصآلح !! و إذا بـ تزوج أبي أتزوج رجـــل مو منظر لـ الكشخه و الترزز !!!!!!!! و الرجآل ما تعيبها جيوبها أبدا ً ..! إذا كآن رآتبه [ 1500 ] و انا عآرفه قبل الزوآج .. ليش ما أوآفق ما عندي أي مآنع .. و { إذا أتآكمـِ من ترضون دينه و خلقه فـ زوجوه } !!! أنا معآكمـِ عقليا ً و منطقيا ً 1500 [ ما تحكـْ فيها سنكـْ ] .. زي ما نقول بـ العآمي .. لكن ليش أضيع مصروف وأستأجر بـ شقه ؟؟ فيه [ بيت أبوه ] أو [ بيت أبوي ] يلمنا لـ حد ما نوقف على رجلينا .. و الحيآة الزوجية كل ما كآن فيها مغآمره و تضحيه و كفآح .. كل ما قويت [ العلآقة بين الزوجين ] أكثر و أكثر .. كل ما تفآهموا و عرفوا أفكآر بعض .. كل ما سآعدتهمـِ يبنون أسر ..! أنا ما أتكلمـِ من خيآل أو جآنب عآطفي .. أنا أتكلمـِ من وجهة نظري .. و من [ منطق ] معتقده فيه و مصدقه به !!!! و فيه بنآت كثييييير مثلي أنا و شآدن و إيثآر و غيرنا .. الزوآج تفآهمـِ و سعآده و قنآعة أكثر منه مظآهر و فشخره .. و 1500 تسد ضروريآتنا و أظن تكفي !! لي عوده .. فـ النقآش [ يحتسب بـ النقآط ] :):) و شكر مبجل لـ روحكـْ يا [ هيآمـِ ] :) |
بأآأأآأك
:) ابعلق على بعض نقاط اختي روووح اسمحيلي حنا نبي نشوف الموضوع من جميع الجوانب ... لنفرض اني عشت مع هذا الرجل ببيت اهله وانا قبلت فيه من البدايه براتبه القليل با الحياة يصادفنا الوان واصناف من الناس خصوصا اهل الزوج انا اعرف وحده رضت بواحد فقير وعشات معه ببيت اهله تقديرا لظروفه لكنها شافت الويل من اهله بها الحاله هل من الممكن انه يستاجر لها شقه وظروفه الماديه صعبه او انها تقبل ان تعيش معهم وهي تبتسم وتغني يا ليل يا عين ... اما البنت هذي الحين هي بدرب وهو بدرب وبينهم ولدين من اللي تضرر الحين >>>> الاطفال مو بس نفكر با الجانب المادي لاننسى ان المراءه من حقها ان يكون لها مملكة خاصه مهما كان !! ... فعلا ماقلنا شي نرضى بدينه وخلقة نزوجه لكن لايعني انه مافيه مهر !!! هل هذي نظره ماديه اذا الشرع فرض على الرجل دفع المهر لما يريد الزواج لكي تحدد اذا كان فعلا قد المسئوليه او لا !!! وليس المنظزر منظور مادي |
لا مااتزوج منه
معليش مااقدر أعيش بمستوى معيشه اقل من مستوى معيشتي مع اهلي 1500 ايش تجيب؟؟؟ ماتجيب فستان الحين هذي الدنيا ( المال والبنون زينة الحياه الدنيا ) |
عودة اخيره والله اكثر المصاريف ماله داااعي ابد بل إسراف لا الملبس ولا المسكن ولا وسائل الاتصال0الله يرحم الحال0
لاكن انتم يالنساء صارت الامور بيديكن 0هات العصاء ياولد الي بعدي بمحطه مع الكتف هع امزح ومشكورة اختي على الطرح الجميل |
صحيح ما تقآرن أبدا ً .. لكن إنتي بـ تتزوجين رجل مو بنكـْ متنقل .. هذي فكرتي بس .. صحيح الفلوس [ مهمه ] .. و [ ضرورة ] قبل تكون زينه !! لكن مو لـ هالدرجة .. [ 1500 ] توفر الأسآسيات ما دمنا نستغني عن الكمآليات .. صحيح أنا ما أقول رآح تكون [ حيآتنا مثآلية ] .. لـ أني رآح أكذب على نفسي و عليكمـِ .. أكيد رآح تكون فيها مشآكل و منآوشات و شد و جذب .. لكن رآح تكون قلوبنا على بعض أكثر من غيرنا .. لـ أننا متزوجين عن [ قنآعه بـ الشخص ] .. مو بـ رصيده بـ البنكـْ .. أدري بـ تقولون ما تهمنا و ما هو سبب زوآجنا أبدا ً !! لكن هو بـ يفكر كذا .. أو أي شخص بـ يفكر إنكـْ متزوجته عشآن هـ الكمـِ ألف بـ البنكـْ .. [ أنا ] مو هذي نظرتي أبدا ً .. [ الزوآج حرية شخصية و قنآعه ] .. و أنا ما أفرض وجهة نظري .. أنا أوضح فقط ليش أنا أفكر بـ هـ الطريقة .. أنا [ ما أتهمـِ أحد ] بـ المآدية و لا السطحية .. هذي وقآحه و ما أسمح لـ نفسي فيها أبدا ً يا [ غآليات ] .. و كل وآحد يقرر إيش اللي ينآسبه .. لكن أنا أشوف الـ 1500 .. ما تأثر ذآكـْ التأثير الجذري على علآقتي مع زوجي .. أو حتى سبب إني [ أرفض ] أرتبط فيه أسآسا ً .. أتمنى وضحت فكرتي .. و انا [ ما أهآجمـِ أو أدآفع ] عن أي جآنب .. انا فقط اوضح جوآنب اللبس و وجهآت النظر .. و أعتذر إن لمـِ أكن قد وفقت في إيصآل الفكرة :) |
لحظه والله لو استطيع لا اقول لكل وحده منكن يامن لا ترضين بالقليل الحقي باهلك كما قال ابراهيم عليه السلام لزوجة ابنه اسما عيل والقصه معروفه
والتي لا ترضى بالقليل لا يمكن ترضى بالملايين اقول الي عنده جده اسالها كيف عاشو وتشوف العجب لمن جاهم الجوع لم يهربن من بيوتهن بالكانوا نساء صالحات راضين بما قسم الله وعاشوا اقول تذكرو بيت النبوه وما ذا قالت ام المومنين عندما سالها ابن اختها ثلثة شهور لم توقد النار في بيت الرسول عليه السلام فقال وما ذا تاكلون يا اماه فقالت الاسودان التمر والماء اقول كيف الحال انا مويد للي تتزوج بمن تحب لان الحب الصح هو الي يبني السعاده والتفاهم |
الواحد اذا ماعنده دخل زين وقدرة على انه يستقر ويريح عياله بالمستقبل
ليش ينضرب على دماغه ويتزوج ؟؟؟ |
النقاش محتد مع اختلاف وجهات النظر لكن احنا نتكلم من باب الحياة اللي نعيشها بهالوقت مو من ناحية الرضى والسعادة صحيح راح اعيش مرتاحة مع زوج انا مقتنعه فيه لكن الاقتناع مايفيد بوقت زي وقتنا بيقولوا البنات حسن التصرف والتدبير طيب انا الان ومن حياتي الواقعية وحسن تدبيري وصرفي مو قادرة بعض الاحيان آمشي اموري فكيف بحياتي الزوجية وعندي اطفالي الواحد يفكر بعقل ولو الكلام صحيح كان الان مانشوف شباب ماتزوجوا بسبب قلة الرواتب والماديات مشاء الله البنات هالوقت طلباتهم تعجيزية واكيد منهم اخوانكم او بعض شباب المنتدى .. الحياة الزوجية ماهي عشرة يوم ويومين والرجال او البنت ماتزوجوا علشان كل واحد يعيش لحاله ومتفرقين هو ببيت اهله وانا ببيت اهلي على كذا خلاص ماراح نلقى شباب ماتزوجوا ولابنات عوانس انا مو مادية ولا تهمني المظاهر ولا لازم البس ماركة او جوالي كذا لكن لازم افكر بجدية وعقل بعيد عن العاطفة والمظاهر علشان اعيش حياتي كل وحدة فيكم اللحين ترجع وتشوف اخوها او حتى ابوها بتلقى احيانا انهم بنص الشهر مامعهم شيء وينتظروا الراتب الجاي او اخوها يتسلف او يدخل جمعيات كلمة اخيرة للي تقول انها ترضى بهالشيء ولفتى الاسلام الحياة الزوجية ماهي حقل تجارب ايوه اقدر اعيش معه براتبه القليل او ما اقدر ولا احنا بزمن الرسول والصحابة وانت فتى الاسلام تقدر تقول انك تستطيع تحمل تكاليف الزواج هالايام او بدون قرض او مساعدة اكيد لا اذن لازم تفكروا بعقل وجدية وتعرفوا انه فيه عشرة واطفال بالمستقبل ومجتمعنا مليان قصص زوج مو قادر يوفر لبيته اللقمة والبعض نلقى لهم اعلان طلب مساعدة وماعندهم حتى بيت عايشين بغرفة يادوب تكفيهم .. |
حياك الله اختي زهره طيب واللي عايشين بهذا الزمن بمقدار هذا الراتب وعايشين حياه سعيده الى ابعد حد وربي طارح البركه بحياتهم؟؟ وانا اعرفهم شخصيا وبنفس الوقت اللي عايشين بمرتبات عاااليه وبنهاية الشهر ما يلحقون على شي ؟؟ اشوف ان الفرق بين هالحالتين هو حسن التصرف والتدبير وبنفس الوقت اعقب على كلام اختي استاذن سكونك ان اللي ترضى بهذا الزوج مو معناته انها تعيش مع اهلها حياه اقل من العيشه معاه بالعكس يا قمر؟ والله اني اعرف بنات حياتهم المادية في بيوت اهاليهم فوق المتوسط و متزوجين رجال ما عندهم دخل شهري غير ليموزين يكد عليه وسبحان الله السعاده والراحه ما تفارقهم الله لا يضرهم والبساطه في بيوتهم الى ابعد حد وما يعرفون للهم والكدر طريق وتبقى وجهات نظر لكل شخص |
والله النقاش جميل وشدني عشان ارد
بغض النظر عن كل مانوقش .. وجهة نظري انا اقبل ونص.. لاني ماراح اطالع لجيب الرجل راح اطالع لشخصه اذا هو رجل وكفء ولكن الظروف حدته يعني مجبور.. ياخوان بعض الرجال يجيك راتبه 8000 ولكن يكون بخيل ولانص راتبه مثلا من ربا بالله عليكم مافيه حتى مقارنه بعض الشباب الله يهديم ياخذون قروض ربويه وهذا الحاصل اغلبهم كذا ؟؟ والله لوعلي اقبل اهم شي حلال حتى المهر لوعشر الاف مو ياخذ قرض ربوي ونتنكد والبنت ماتقاس بفلوس ابدا انا اقول اقبل لكن بعد ماعرف واتاكد من اللي بيتقدم لي وهل يستاهل اضحي عشانه لاني بالنهايه اكسب رجل يرفع قدري والرزق على منشي السحاب على ربي الرزق ..والفلوس ماتبقا ودوام الحال من المحال.. يعني خلو الرزق على الرازق وتوكلو على الله الواحد المفروض مايشيل هم وش ياكل بكره يشيل هم هو صرف فلوسه وين .. |
| الساعة الآن 08:19 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010