|
ايضاً مساجلاتي مع الشاعر/ ممدوح ركاد السلماني ابو نايف
رداً على الشاعر/ ممدوح الركاد الشمري يقول اللي رقاء راس الرعيله = تهيض خانق العبره براسه سبايب من سقتني حنضليله = وذقت المر من بعد الوناسه عميل (ن) بالهوى ينكر عميله = بعد ماسلمت عرش الرياسه أوصف كيف أوصف من جديله = يحير الفكر وتجيه إنتكاسه شعر ضافي على متنه تشيله = شبيه الليل يعجبني مقاسه وثمانه مثل براق المخيله = يذوب القلب في حين إلتماسه عيونه سود ورموشه ضليله = وصدر وردف يزعل من لباسه وعنقه عنق ريم (ن) في مقيله = عنود (ن) ذيَّرة سمعت حساسه وضميره وآهني من يلتجيله = والا ماودي أدخل بالسياسه وخد وقد وأوصاف (ن) جميله = نضيف القلب عن درب النجاسه وعوده عود نعناع المسيله = عن المخلوق حطو له حراسه عنود لانشاش ولاجليله = عفيف (ن) ماوطت درب الدناسه علَّى مشاهده صعب الوسيله = وقلبي زاد بعد اليوم ياسه عليها من تواصيف الكحيله = حظيظ اللي تحبه في سلاسه ثلاث سنين والمده طويله = ولا طوّل عذابي غير ناسه عليه العين ماياقف هميله = وغربلني زماني بالتعاسه تشكالي وقلبي يشتكيله = وطبيب الحب كادته الدراسه عذلت القلب لأجل أترك سبيله = ولكن عامر بالحب ساسه أنا والله لولاها فشيله = لخطف اللي حرم عيني نعاسه وأبزبن للذي يزبن دخيله = من رجال ٍ يسرك قو باسه يابو نايف ترى روحي عليله = وتعجبني فعولك والحماسه رد الشاعر/ ممدوح ركاد السلماني الشمري / أبو نايف حي الجواب وحي من خط نيله = إعداد خلق وعدة حساسه وإعداد ماتمشي على القاع زيله = وعد النهار وعد مظلم دماسه يابو طناء شوق الهنوف الجميله = شوق الهنوف اللي زهت في لباسه قريت معنى خطكم وتحليله = عرفت مضمونه وعرفت ساسه تشكي هوى غرون رموشه ضليله = اللي عروق القلب زوّد يباسه ليته تجي بالغصب وإلا مثيله = نبي نجرب روحنا بالفراسه نبي على حيَّه نشب الفتيله = ياما جروح القلب نبري نحاسه ياما الخليل يقوم يلعن خليله = يبين طيّبها ويسقط خساسه وإنته وأنا والكل يشفي غليله = ياثارة الهيجاء وصارت حماسه وإلكان هي بالمال ندفع جزيله = ندفع لهم مهره ونكمل قياسه اللي ماهو موجود ناصل كفيله = وعند الولي مد الرشا وإنغماسه فزعت زميل (ن) يوم ينخى زميله = على شقى بقعاء وكثر التعاسه راع الهوى دايم دروبه خجيله = يضرب طريق (ن) فيه من كصم ياسه يركض ولكنه قليل (ن) حصيله = مثل الذي يبي اللحم طبخ فاسه وأنشدك عن رجل ٍقليل ٍحصيله = مشى على درب القراده وداسه دايم ورى اللوعات يومي شليله = ليله نهاره ضاري (ن) بالشراسه مشيت في دربه سنين(ن) طويله = وشربت من بحر المرارة بكاسه حلاً للغز في القصيدة اعلاه ورداً على الأخ العزيز الشاعر/ ممدوح الركاد السلماني الشمري وفيما يلي لغز مشابه قصيدة وجهتها للشاعر ممدوح ابونايف وفيها حل لغزه كما اسلفت ي ياراكب اللي ميزته سلف وعكوس = ومضبط ٍ مافيه كنّه وتقطيع يفز قبل إسليتره يلحقــه دوس = لو زاد فيه السوم مايطري البيع التانكي مملي والأسبير متروس = والسايق الشاطر يعرف المطاليع وليا إعترض بالعرض مع عرض طخموس= شال الشجر من قوّة الحفر تشليع يلفي على اللي حاش طيب ٍ وناموس = ماجمعو ساسه وفصله تجاميع ممدوح شوق اللي زهت كل ملبوس = الجادل اللي هي غناة المطاميع تنشدعن اللي حاس كل البشرحوس = أهل القرى وأهل الفلا والمداريع ياما من أجله راحت نفوس ونفوس = أنشهد إنه ضيّع الناس تضييع طرد الهوى مابه فوايد وناموس = الخاتمه ماغير دمعه وتوديع الله من هم ٍ وضيق ٍ وهاجوس = بين الحنايا له محل ومشاريع هم ٍ يطاولني وهم ٍ يجي قوس = وهم ٍ يجي في كل لحاله وتنويع مافيه شي إلا مجرب ومدروس = إلا هوى الخفرات صعب المواضيع ياليت لوللحب قاضي وقاموس = الختم رسمي والشهود التواقيع كم راح لأجل الحب ريس ومريوس = حتى كبار السن واللي مراضيع غصب ٍعلى العشاق تخضع له الروس= خص ٍإذا كان المواصل تقاطيع ويلي على خلى مراقب ومحروس = الصاحب اللي طوّع القلب تطويع ممدوح لو يشرا هوا البال بفلوس= شاريه لكن ماشقو بالمنافيع اللي حدى قلبي على شاطر الموس = بنجل العيون اللي سهومه قواطيع أحساسه أودع داخل القلب محسوس = لقيت في داخل ضميري طواليع الناس تدله بين حفلات وعروس = وأنا أرتجيه سنين وأشهر وأسابيع كنّه يهددني بجيش ٍ من الروس = ضيّق علي القاع والحزم والريع كنِّي بحال مساهرالليل مضروس= يميل في جسمي هبوب الذعاذيع ممدوح لو يشرا هوا البال بفلوس= شاريه لكن ماشقو بالمنافيع الحظ الأقشر صار نقص (ن) وعاكوس = يلعنك ياحظي قليل التسانيع يابن ركاد الشنص لازال متعوس = طرد العذارى طبعه خوش تطبيع مر(ن) يوردني جهنم وفردوس = وأمرار أذوق أمرار كاس القراطيع أنشدك عن ربع (ن) على نار وجلوس = وقت اللوازم فعلهم بالأصابيع يخضع لهم مسلم وكافر وممسوس = لكن لبعض الناس نوب (ن) مطاويع لاهم من الخزرج ولاهم من الأوس= ولاهم من الحضران وأهل المرابيع وصلو عدد مابالوطا رمل وطعوس = على شفيع الخلق يوم التشافيع والشاعر ممدوح ابونايف رد على تلك القصيده وحل اللغز بشكل لامثيل له واعتذر لأنني لم احفظها سمعتها بشريط كاسيت بصوت الشاعروعدة مرات اسأله عنها فيقول ناسي جل من لاينسى اخوكم ومحبكم الشاعر/ مبارك طناء مبيريك الشمري [/quote] |
مرحبا
شاعرنا الذوق الراقي والفخامه المميزه صح لسانك في غاية الذوق والروعه وبستان يفيض برياض الورد وفستان يحاك لخيوط الذهب وعقد لولو ذات بريق كا النور المتوهج حكم ودرر جميله للغايه يعطيك الف عافيه علي طيب الطرح وجمال ما وضعت لنا تحياتي لك https://1.top4top.net/s_1390mbt8e0.gif |
يسلم الحضور غالينا وهذا الكم
الرائع من المفردات النصية الانيقة شكرا لجمال ماتفضلت به |
اقتباس:
بعد التحية وفائق الأحترام والتقدير شرفني مرورك أختى الكريمة والإطراء الجميل صح بدنك وأعتلا مقدارك وشأنك دمت بخير وموده سيدتي أخوك ومحبك الشاعر/ مبارك طناء مبيريك التبيناوي |
اقتباس:
بعد التحية وفائق الأحترام والتقدير شرفني مرورك أختى الكريمة والإطراء الجميل صح بدنك وأعتلا مقدارك وشأنك دمت بخير وموده سيدتي أخوك ومحبك الشاعر/ مبارك طناء مبيريك التبيناوي |
شاعرنا .. مبارك الطناء .. تسلم ويسلم الشاعر / ممدوح قصائد جداً رائعه وممتعه من شاعرين قديرين يعطيكم الله العاااااااااااااااااااااااااافيه تحياتي للجميع .. |
استمتعت بحق بما اوردت لنا
يسلم لسانك ولسان ممدوح شعراء عن جد كبار .. كل تقديري |
عشت شاعرنا مبارك الطناء لاهنت صح لسانك انت والشاعر ممدوح الركاد لاعدمناكم يسلم راسك يابعد راسي واذا حولك قصيدتك ياروح ملي يابعد حيي ننتظرها منك لاهنت |
الأخ العزيز الشاعر/ ولد القصيد الأخ العزيز الشاعر/ الساري السلام عليكم ورحمة الله وبركاته اشكركم اخواني الأفاضل على مروركم السار وتعليقكم المشرف دمتم بخير وموده وشكرا أخوكم ومحبكم الشاعر/ مبارك طناء التبيناوي |
اقتباس:
السلام عليكم ورحمة الله صح بدنك يالغالي سرني مرورك وتعليقك المشرف لاهنت يافاضلي دمت بخير وموده والسلام اخوك ومحبك الشاعر/ مبارك طناء |
سلمت يداك جميل جدا شكرا |
هلا أخوي العزيز/ أمير الشمال
السلام عليكم ورحمة الله اشكرك على مرورك وتعليقك المشرف صح بدنك وماعليك زوددمت بخير وموده وشكرا اخوكم ومحبكم / مبارك طناء |
| الساعة الآن 11:44 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010