بسم الله الرحمن الرحيم
http://www.b3b7.com/vb/imgcache/5125.imgcache.gif
((ديوان الشاعر نواف بن بندر))
http://www.b3b7.com/vb/imgcache/5126.imgcache.jpg
الشاعر نواف بن بندر
شاعر غني عن التعريف
نتوق لقراءة قصائدة ..
و السفر بين اسطر اشعاره ..
فهي ليست كلمات عاديه .. ليست كلمات مكرره ..
بل هي كلمات ذات مغزى .. ذات هدف .. ومعنى ..
كلماته .. تعزف على اوتار واقعنا.. و نفوسنا
وهو شاعر غزلي من المرتبة الذهبية
حصل على وسام
http://www.b3b7.com/vb/imgcache/5127.imgcache.gif
الشاعر المميز
ووسام التألق

http://www.b3b7.com/vb/imgcache/5129.imgcache.gif
من منتديات بعد حيي
تقديرا له..

ان جيتني تنشد عن الحال ياخي=شف وردتي ذبلت على المزهريه
ماتت عطش وايامها ترجي الري=يوم انقطع نبع المياه العذيه
احاول اطوي صفحته داخلي طي=وتطويني الذكرى ثمانين طيه
اذكر ليال الشيطنه واول الغي=يوم القصايد في جنابه نديه
يلبس قصيدي بالغلا عقد وحلي=صبح ومسا يلبس قصيدي هديه
اسريه ليل ٍ يشتعل داخلي ضيَ=محلاك ياليل ٍ شعى فيه ضيه
برق ورعد ورذاذها يسعد الحي=نسناسها غربي وريحه نديه
ريح الغزال اللي سقاني من المي=من سلسبيل ٍ مابعد ذقت زيه
واليوم راح ولابقى داخلي شي=غير السراب وليلة ٍ جرهديه
الحال هذي حالتي يابعد حي=من جيت للدنيا وهي سرمديه
فيني من الضيقه بحر واكثر شوي=وفيني طنا من عزوة ٍ شمريه
شمس القوايل لو زمت شفتها في=الراس شامخ والعزايم قويه
ياخاطري لاتنكسر دامني حي=من شان لاتــِفرح عذولي عليه

يارجاوي تف مافدتي ولا جبتي مفيد=غيرذل<ن> وانحلال وصوت نبح لكل عاوي
يارجاوي تف ملينا حصادك مايفيد=كل هم <ن> يعتلينا كان باسبابك رجاوي
نرتجي <بوم> ونرزه بالهدايا والنشيد=ترقص اطفال<ن> هنا وهناك سوابه بلاوي
يشرب الفنجال الاشقر ويتّبّسم من جديد=من متى هالكلب الاجرب ضاري<ن> شرب القهاوي
من شرب دم العروبه صار سلطانه عنيد=دم عز<ن> شربته كانت لهم حلم ومناوي
التخاذل والتشتت ارخص الدم الفريد=لين صار < البوم > ينزل عندنا وكر النداوي
من تخاذلنا < بقرهم > صارت بشره تزيد=يارسول الله فديتك ضاعت علوم وهقاوي
يكرم الطاهر نبيي عن اساءات البليد=واعترف له من زمن ماعاد تطربنا النخاوي
السحابه مادرت عن نبح كلب <ن> من بعيد=مايضرك يالسحايب لو نبح لك كل واوي
قاطعوهم واهجروهم دامه الحل الوحيد=وارتجوا رب السماء يرسل لهم شر<ن> سماوي
يا الهي غير وجهك ما ارتجينا يامجيد=غير رجوا الله وحده تف ياكل الرجاوي

سمعت الزود ياعمري مصيره دوم للنقصان=ولكن ليه ماينقص غلاك بوسط شرياني
غلاك اللي سكن روحي الا ياسيد الخلان=يزود ولا نقص فيني رغم هجرك وهجراني
سنين الحب وايامه وهجر الخل والحرمان=بقت ذكرى تذكرني مساري نبض وجداني
ذكرت اسمي على لسانه يناديني وانا ولهان=يناديني والبي له يعض شفاه طرباني
ذكرت احلى العتب منه وبحت صوته الذبلان=ذكرت البرد والرجفه وشاله يومه ادفاني
ذكرت الغيره العميا اسميها عبث وجنان=ترد بضحكة <ن> صفراء انا عاجبني جناني
ذكرت الحرف بكتابي وانا مع طيفها سهران=البّسها القصيد عقود من لؤلو ومرجاني
ذكرت اخر مواعيده وانا انطر جيته شفقان=ذكرت الورده الحمرا وفرحي يومه اهداني
ذكرت الليله الغبرا ودمع ٍ حــرٌق الاوجان=ذكرت الشوق بعيون <ن> تناظرني وتنخاني
ذكرت فراقنا موت < ن > غدى لدروبنا عنوان=غدى لون السماء اسود وشق القاع بركاني
ذكرت اني غديت اجبن رجل في لحظة الحرمان=وانا اللي ماعرفت الخوف واروّض كل شيطاني
ذكرت اني جبنت اصلاً على شانك ياغصن البان=سبب خوفي عليك انتي رضيت العيش وحداني
ذكرت انه عوايدنا علينا حكمها سلطان=تدوس بحكمها قلب <ن> نبض بالحب واشقاني
ذكرت وجتني الذكرى وانا اطوي صفحة النسيان=سنين فراقنا كثره كثر تذكار قيفاني
وبعد اذن الهوا والحب ابسقي وردة البستان=خلصت من الهوا كله عقب هجران خلاني
تعالي نكتب الفرحه تعالي بس ياوجدان=اذا ماهو على شانك تعالي بس من شاني
تعالي واحضنيني حب وابعطيك الغلا تحنان= رهنت العمر لعيونك ولاني شايف < ن> ثاني

جيت المكان اللي جمعنا من سنين=ولفتني الذكرى على حد بابه

اذكر هنا نزرع غلانا بساتين=اذكر حياه وعزتــه والمهآبه

أذكره في ليلن مع الدرب سارين=نور القمر فج النحر منه جابه

زاح السواد وذوبه كامل الزين=ذوب خفوقن طال ليلن سرابه

فيه اختلط عنبر ومسك ورياحين=وفيه اجتمع ليل ونهار بغرابه

ليله جديلن ينثني فوق ردفين=ورموش وعيونن ذبحني صوابه

ولاينستر ليلن تجي فيه شمسين=وجمر الغضا والثلج صاروا قرابه

جيت المكان وقلت ياساكنه وين=وين الغزال اللي وحشني غيابه

اللي جلس في مهجتي بين ضلعين=كنّه عديل الروح يوم ارتكابه

اثر المكان من البشر قاضي الدين=مافيه حيّن عانقه وانتشابه

قعدت اردد واسئل جداره الطين=الصمت طال ولا لقيت الاجابه

جلست اراجع مامضى داخل العين=واذكرك ياسيد الحلا والذرابه

وشجابني عقب البطا للعناوين=عقب السنين اشذكرن في غيابه

جيت لوطا دارن بها دوم تمشين=ماهو غلا للدار للي مشابه

انتي ولاغيرك من الناس تدرين=اللي يزيح عن الخفوق الكأبه

حبيبي مابقي ليلـن يراجـي طلـت الديجـور=يموت الليل من نورن سطع مـع طلتـك كلـه
حبيبي لو على وصلك يمد الليل بحـر جسـور=قسم مايستره شيّـن مـدام انـك رفيـق لـه
حبيبي واتّحد ليل الدجى مع شعـرك المنثـور=سطع من بينهم برقن خفـوق المهتـوي دلـه
حبيبي والصباح العذب بحضورك غدى مخمور=شرب خمر الحلال اللي مذاقـه يبـري العلـه
حبيبي والفضاء كله تنفس من حـلاك عطـور=تنفس من نفسك العـذب هنيّـه يـوم يحتلـه
حبيبي حلمي البارح كشف مابالحشا مستـور=اترجم حلمي لشعـري مـع الفنجـال والدلـه
حبيبي والقصيد اليوم يجي في حضرتك مسرور=ابي منك السماح ان شفت ياخلي ربـع زلـه

كتبت الشعر من صغري غزل لعيونها وجنون=وكتبته للوفاء مبدا ولاهل الطيب عنواني

ولاعمره كتبني لجل عين اللي يدق لحون=ولامره كتبني للرجاء من واحد<ن> ثاني

شموخي مارجاء غير الكريم اللي يمد العون=كفل رزقي وسجل في كتابي يومي الفاني

وقبل العمر لايفنى بسطّر بالقصيد فنون=وفاء للي وفائهم جاوز القاصين والداني

على لهجة هلي اسم المكان وبه هله يسمون=سمو في طيبهم قمة جبل سموه حوراني

(بعد حي) انا مدري قصيدي فيك كيف يكون=ولاادري كيف اعبّر عن مشاعر نبض وجداني

تجاه اللي على درب النقا والمرجله يمشون=وذربات الجناب ورود فل وعطر ريحاني

من اكبركم الى اصغركم غلاكم بالحشا تدرون=ولاابالغ اذا قلت الغلا مع دم شرياني

تطوقني جمايلكم مثل سحب<ن>سبقها مزون=همت من خيرها واسقت وعمت كل الاوطاني

ولو تلِحق جمايلكم عليها لابتي يسرون=تعودنا نرد الطيب على اهل الطيب باحساني

ومهما يفعل الثاني بقى في شرعهم مديون=لان اللي فعل طيبه قبل فاز وتحداني

بعد حي بعد حي بعد حي بعد حي انا ممنون=انا ممنون لاصغركم مع اكبركم من اخواني

انا اعظم ماقدرت املك هنا شكراً لكم مليون=خذوها واقبلوها واعذروا هفوات قيفاني

شاقني حرف القصيد وقلت اجاريه بمحله=حرف حر ٍ حبكته بالشعر تلقى به عذوبه
ياحمد جددت جرحن بالحشا يزداد غله=سبّة الفرقى وطاري من عن دروبي غدوبه
الغلا بالله قلي ياحمد منهو يمله=والمفارق لعن ابوه ولعن ابوناسن سعوبه
عان ربي كل خلن غاب عنه بيوم خله=من يلومه لو يصيح من القهر ويشق ثوبه
لعن ابو جد الفراق اللي يهد الحيل كله=من عرفته كن شمس الصبح تطلع من غروبه
انعكس شكل الحياة وكل دربن كنت ادله=تاهت الخطوه وضيّع صاحبك ابسط دروبه
لاتذوق النفس زاد ولا شراب ولا حصله=من يفسر او يوضح سبّة اسباب العقوبه
العلاج الوصل ندري بس داره مستحله=شبوا النيران ربعه واعلنوا وقت الخطوبه
اه من لاظي شبوبن يكوي الروح ويذله=ابتدا موتي بعيني ساعتن فيها سروبه
لاخطاي ولاخطاه ولا حصل باسباب زله=مثل ماني فيه ميّت هو يموت الفين نوبه
كل نبضن من خفوقي كان خلي يستحله=وكل عرقن من عروقه كنت فيه ولا دروبه
من يلومك جعلها مثلي غرابيله تتله=لين يعلن عن ملامك ياحمد مليون توبه
الغلا بالله قلي ياحمد منهو يمله=والمفارق لعن ابوه ولعن ابوناسن سعوبه

ليل السهر !هم وعذاب وكآبه=الثانيه كنّه على الروح ساعات
من يوم غابت من كسته الرحآبه=الجادل اللي عقبها خافقي مات
تغيّرت كل الامور بغرآبه=من يوم قفّا مودع الليل لحظات
يضمنّي حلمه بليل ٍ هقآبه=اشوف وجهه رغم طول المسافات
يذكر علي شكله وارددّ هلآبه=اضمها والقلب تملآه عبرات
دّرة بحر أو هي لكوني سحآبه=وبالجو عطره تنتشي به مساحات
العين سوداء تمتليها مهآبه=والرمش ضل وناعم الخد به بات
الورد حب خدودها وانتشآبه=انعم وعيّن خير وازدآن خيرات
جمره وثلجه ياعذابي قرآبه=ياكثر ماثلجه سقى الجمر عضات
سئلت ثلجه ليه ؟ وارسل جوآبه=من ذاق بشفاه العسل جتّه سكرات
حظه هنيّه بالعسل سـِعِـدِ نأبه=وياقرد ناب ٍ مالقى غير حسرآت
يكفي هنا توصيف حضرة جنآبه=من خوف لاحرفي يجيب المطمات
ابكتفي وابختصر كل مآبه=واقفّل الموضوع باحلى العبارات
الحسن كله والشرف والذرآبه=منها وفيها ترتسم به علامات
تدري وش أحلى مايمّيز عتآبه=انه يجي من نظرة العين بسكات
عزي لمن مثلي يموت وحيآبه=وياحظ راس ٍ وسدّته الكريمات