|
شوارع حايل وماادراك ماشوارع حايل !!
السلام عليكم .. اخواني كلنا نعلم بدور بلدية منطقة حائل ووزارة المواصلات النشط - عساهم على القوه - .. لكن اللي يشوف بعض شوارع مدينة حائل يقول هاذي مدينه بدوله افريقيه .. المطبات ماهي معلمه ودائما تجيك فجأه او تكون خربانه وقديمه !! مع اننا نعلم ان المطبات ماتقام الا بعد تشكيل لجنه خاصه وبصراحه سيارات اهل حايل تكسرت من المطبات وشوارعنا خربت وتكدست السيارات وصارت الديره مزحومه مع انه صغيره !! لكن ارجو من المرور والبلديه وكافة الجهات المعنيه بالامر انه تتوجه لعلاج هذا الامر والكل يعلم ان المطبات ماوضعت الا لتخفيف السرعه لكن الان صارت لتخريب السيارات وكذلك بعض المطبات بغير مكانه وصارت كثيره على الناس لذلك وجب تقليل المطبات . لكن اللي نشوفه الان ان المطبات صارت الحل السحري لأي مشكله .. مثلاً اذا صار فيه شارع بإتجاهين سريع على طول تقوم الجهات وتحط مطب صناعي ؟؟ وكذلك لأي شي ناظروا شارع الثلاثين الفاصل بين حي المطار والجامعيين !! صار حادث ومن بكرا قمنا من النوم على مطب صناعي !! ليش ؟؟ مافيه حلول اخرى ؟؟ هذا عن المطبات !! اما الاسفلت والدوارات ؟؟ حدث ولا حرج .. الاسفلت مؤقت ودايماً يكون قديم وخربان اذا تبون تتأكدون من هذا ناظروا للدوارات خصوصاً دوارات وسط الديره . كأنك تمشي على ردميه والله !! اما حي صديان ولا كأنك بالسعوديه والله .. والاحياء الشعبيه كذلك .. اما الاحياء مثل: الجامعيين - المطار - صبابه - شراف - الوسيطاء .. كل هالاحياء مسفلته من جديد ... لكن الحين كلنا نشوف هالاسفلت شلون شكله كله حفر وفتحات لانابيب الهاتف والمجاري-الله يعزكم ويكرمكم- وكذلك مشروع تحويل خطوط الكهرباء من هوائيه الى ارضيه .. يعني محتاجين نسفلت حائل كله من جديد ..
أنا ماابخس دور الاماره والمرور والبلديه وباقي الجهات المعنيه .. لكن كلنا علم ان فيه تقصير وكذلك عدم تخطيط وقلة ارتباط بين الجهات المعنيه ومااعتقد فيه احد من اهل الديره ماتضايق من هالامور ... والسلام .. |
والله ياحلو حايل هي ومطباتها
ومشكور يالغالي زيزوم على المشاركة ونأمل من اللجان المختصة النظر في هذا الموضوع وربي لا يحرمنا منك وننتظر جديدك تحياتي... الفيصل |
هذا الوضع اللي نشوف كل شارع فيه سبع مطبات صناعيه من غير الحفريات
بس انشالله تحسن عن الوضع اللي هي فيه وانشالله نشوف حائل من اجمل المدن فالمملكه هلا وغلا اخوي الغالي زيزوم المنتدى يابعد حيي عساك على القوه والله لايحرمنا منك ولا من مشاركاتك الغاليه على قلوبنا تسلم ولا قصرت ننتظر جديدك ولا تحرمنا من روائعك تقبل فائق الاحترام والتقدير اخوك نزف المشاعر |
اخواني الفيصل ونزف المشاعر .. شكراً على مروركم ..
الفيصل .. اذا انت مصمم على رأيك أمسك طريق بقعاء القديم وعطنا النتيجه بعده !! .. |
|
زيزوووم
مشكور على هذه المشاركه وربي يعطيك العافيه بس انا اقول وشفيه طريق حائل بقعاء بالعكس والله لما تروح مع طريق تربه ولينه الا تقول احنا بجنه في طريق حائل بقعاء لكن المشكله عندنا مافيه رقابه من البلديه والمواصلات <========عندهم بالديره المطبات اجبال الله لايوريك اخوووك رعـ<حائل>ـد |
. . . مشكور اخوي زيزوووم على المووضع ونا اقولك فعلا كلامك عين الصوااب بس حائل على كثر المطبات الاصطناعيه الي فيهاا . الا انهااا اروئع المناطق في المملكه . . . تقبل فائق التقدير اخوك هــــمــز |
مشكورين ياحيي على المرور .. ال ساري .. كلنا واحد وش دعوى !؟ .. ال ساري ، همز 077 ، رعد حائل ... سلمكم ربي ...
انا ماقصدي طريق بقعاء - حائل القديم .. وبس ! ناظر لكل شوارعنا !! حائل - الروضه .... حائل - جبه .... بصراحه اعدمت الخلق !! والسلام عليكم ... |
كثرت المطالب ولكن لا داعى ولامجيب سلمتى اخى العزيز فحايل ياطربتى مريضه ولم تجد من يضمد جرحها مسكينه يامدينتى يتموا مشاريعك وسلبوا اموالك كم انتى مسكينه يامدينه الامجاد |
|
| الساعة الآن 09:04 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010