بسم الله الرحمن الرحيم
http://www.b3b7.com/vb/imgcache/4880.imgcache.gif
((ديوان الشاعر طلال الشلاقي))
http://www.b3b7.com/vb/imgcache/4881.imgcache.jpg
طلال الشلاقي
هو شاعر قدير .... متنوع العطاء مابين الشعر القبلي والسياسي والغزلي
أهتم بقضايا الساحة وقضايا مدينته حايل
الشاعر طلال الشلاقي
حاصل على وسام
http://www.b3b7.com/vb/imgcache/4882.imgcache.gif
الشاعر المميز
من إدارة منتديات بعد حيي
تقديرا له,,,,,,,,,

الله يهدك واول الخفـس وطيـح=وتسجلي باحداث أهـل الغرايـب
واول خبر عاجل سعودي وتصريح=منقول منـا للشعـوب الحبايـب
وغبارها عجن تشتت مـع الريـح=والي بقى لارضه هشيم وخرايـب
والحين دجي يالكـلاب المنابيـح=ماقابلك غيـر اللحـد والنصايـب
هلا ببو فيصل هلا ويـن ماسيـح=أعداد ماهلـن مـزون السحايـب
قولك ثبت ياشمري صعب مازيـح=لانك سعودي واثق الحق صايـب

عدنان مع لينه وانا معك يانـوف=وعبسي رسول(ن) بيننا بالتخفـي

وانا مغامر بالهوى مابني خـوف=أتبع على طاريك برق(ن) مقفـي

طايش وحيل وحيل بالحيل ملقوف=لاكن معك كـل الركايـد بصفـي

جيتك بدون أعقال وشماغ منسوف=ماني هبيلن لاكن أرجـوك خفـي

تعبت أعيش العمر والعمر ويطوف=خوفي علي من دون لانال شفـي

منك.. ذلي بان واطلق أسهمـه=وكل سهم(ن) فيه جمر وسعيـر
ماسمعت اللي بناء الحب أهدمـه=ولادريت إن الوفى صعب وخطير
كيف خنتي يالـورود المسلمـه=كيف [ قلبك] صار للوافي نكيـر
كيف [ قلبك] خان فيه ولارحمه=كيف يرفض عن عذابه يستخير
ليت [ قلبك] من حنانه ماحرمـه=ولا.. وقف ضده بالحد الشطيـر
ليـت ماذلـه وخانـه واهزمـه=فيه ليته قبـل مقـدم مستخيـر
المفارق .. حـل والله أقسمـه=والنهايه لي معكشيـن المصيـر
مغرمه .. بي لاتقولـي مغرمـه=قولي أنك.. مانويتينـي بخيـر

قويت نسيانك وانـا كنـت ماقـوى=وقويت قتلك مـا أبـي زود أحيـاك
ياما رجيتك مانفـع فيـك رجـوى=والحين عايف يوم الانـذال ويـاك
عرقك ظماء فيني ولافيـه يـروى=يشرب سحابت صيف من كف طغياك
قلبً تعلـم للغـلا وكيـف يهـوى=صار إيتعلم للجفـى لجـل نسيـاك
عند الكرامه كل الاحبـاب تطـوى=أيـت غـلا والـذل مالـي بدنيـاك
من ينتظر في جمرتك مـل يكـوى=ويموت حرق ولاعرف منك لقيـاك
لاكن أبرحـل لـي يمكنـه أشـوى=واصيح باعلا الصوت ياهيه مابغاك
وامشي لحايل للجبل زين الاجـوى=بشنطه صغيره مابها غيـر ذكـراك

تبي فـرقـاي أنا ميت على لقياك=أنـا بــرداً وقـربـــــك حـيـل دفاني
تبي تجرح أنــا مجروح قبل القاك=جـروح أحـبـاب حتى قبل تلقاني
تبي ترحل أمانع والدروب أشواك=تبي أجفاك فـكـر قبل تجفاني
عطيتك يوم من الوقت ماأعطاك=بخيل الوقت تكرم فيك واعطاني
عذولي كـم تحديته على فرقاك=واشوفك جيت يمي به تحداني
أمن أيدي واصافح بالعمر يمناك=فداك العمر فداك العمر وازماني
أبي لحظه قبل لارحل قبل لانساك=أبي أهناك مره قبل تنساني

مواطن كان بالمنفى تزيدي ليه بالغربه=وليل(ن) شع به نورك ونورك ليه تطفينه
أنا باحلم بطيفك أنت لتال الليل واسهربه=أعيشك حلم والواقع هذاك أنتي تعيشينه
على ظمك على لقياك تراني نار مشتبه=دخيلك منى لحظه وصالك لاتمنينه
سجين أبقلعت أعيونك حرام أنك تعذبه=سمعتي قبل سجانه تعذب في مساجينه
أنا طفل(ن) مثل طفلتك أبي شعرك العبه=ولعبي معاك أنتي إلا يالله يازينه

أول معك دايم معك يم طوعك=أطلب رضاك أبلا سبب وأنت زعلان





والحين بارحل عنك مابي ربوعك=وش فايدة قربي وقربك علي شان





لاعاد تبكي ماتهمـ (ن) دموعك=تمثيل دمعن تسكبه فوق الاوجان





ماعاد تفرق غيبتك من رجوعك=مات الغلا خوذيه بيديك جثمان





صورة للعالم عليا خضوعك=يامخفيه خلف الكواليس شيطان





أضخم مسلسل والبطل به دموعك=نصك خيال واقعك غير ماكان





حلقه أخيره وانطفت به شموعك=مشهد مفارق وانتهى قبل الالوان

الوقت ضدي وإنت والوقت ضـدي=غربة مشاعر منك وآهات وجروح

قلت أبعدي الباكـر وباكـر وردي=وإنتي بنيتي للجفاء سد وصـروح

خيبت ضني فيـك بيحـت سـدي=هذا ومالك فيه ياشيـن مصلـوح

بيني وبينك حب واصبـح تحـدي=على الفراق المر والـوع والنـوح

هـذا بـودك كـان مـاكـان ودي=ولا الفراق أمـر مامـر بالـروح

واخر رسالـه بـس تقفيـن ردي=موضوعها من كل الاعماق مسموح

لن الغـلا فينـي لعفـوك يـودي=القلب وافي والخطى منك مدموح

رواد موت و ننطح الفرس والروم=وجيوش هتلر عن بغاهـا نديـره
توضيح لك يامغير العلـم وعلـوم=يمغير الصفحـات دون المشيـره
تبي لربعك علم ماهـو بمقسـوم=ولحدن شقابه يوم وقت المريـره
دونك ترى التوضيح يلفاك مفهوم=باقـلام خطتلـك علومـن كثيـره
الي لفاه الذيـب مابـات محـروم=عده من الضيفان شيـخ الدغيـره
والا لبن عيـاش ماياصـل الـوم=موفي حقوق الجار ياعـز جيـره
وآل الرمال وطيبهـم يذكـر ودوم=علمن ثبت برزخه حـد الشطيـره
وخوينا شلناه خمسة عشـر يـوم=من صرغ جينا كلنـا لـه جبيـره
صغيرنا يوم الضنك شال زيـزوم=شحاذ جنب عـن ردات ومعيـره
حفيا قدم يادربنا قيـض وسمـوم=نطرد سـرابً لاح عـز الظهيـره
ظميا وقيضه ينقل الويل مزمـوم=عفيت غريب ماشرب من غديـره
واذكر عبكلي واعطي الناس معلوم=ماضي لنا وتاريخ مجد ومسيـره
وأبطال الاسلم لارتخى كل محزوم=شدو حباله والتقـى مـع قريـره
هذي فعايل ربعنا وتاركـن كـوم=ماجبتلك علـم العلـوم الخطيـره
علك فهمت وصار ياهوه مفهـوم=العلـم واضـح جـاك لاتستثيـره

قبل التقي بك وانا منك شقيان=وقبل أنتهي منك رجعت وبديتك
حلمي وجودك ماتصورت هجران=ماجاء بنفسي ترحلي من لقيتك
كنتي عيوني والاهل لي والاوطان=كنتي المدينه والامل لي وجيتك
هب الحصاد وزرعنا تو مابان=يالي من أعروق الغلا قد سقيتك
يالي بكيتي هم لوعات الاحزان=مثلك أنا ياروح روحي بكيتك
هذي رساله نار ثوره وبركان=أحساس خامد ثار أنا من هويتك
وهذا الفراق أعطيك دامه علي حان=بس أستري يابنت أنا ماعطيتك

عمري قضى ياأخر الهرج كلمات=وصيتن بعطيك من دمع عيني
أنا أعرف أني عشق عشت وخيالات=أوهام حلم(ن) يومك أنتي تجيني
طيفك مسافر بي جميع أتجهات=واليا نزل بكفوف راحت يديني
سراب حب ومكتمل به دعايات=زيفك تصور في حقايق سنيني
صدقت نفسي ماتوقعت كذبات=وانك على قولك تموت وتبيني
وأن المدامع فوق خدك سكيبات=وأنك تجني كل ماطال حيني
أثريني الي في عيونك وفاء مات=وأنا أعترفلك صار هذا يقيني
بلا عزا في صمت موتي وبسكات=وادفنت لادمعه ومن حس فيني
خوذي وصاتي دام مابه خيارات=سترك على الي صار بينك وبيني

اسمح لعيني تنتثر لك وتبكيك=عين(ن) بكت لا مالها غيرك انتي
القلب يانزف طعنته من أياديك=أضمده بيدي رحيلن طعنتي
رحتي تركتيني الا وين الاقيك=وينك رحلتي فيه وينك سكنتي
أصيح أناديلك تصد واناديك=واردد حروفي ولاله اذنتي
الدار عقبك ضيقت خلق راجيك=على طلال اليوم ياليه شنتي
ليه الجفاء ليه البعاد وتجافيك=ليه التغلي ليه مانتي حظنتي
يعني عرفتي مابهم من يساويك=أنتي ترا بسواتك الحب أهنتي
مع السلامه قلتها اليوم مابيك=لو كان قربي غالين كان صنتي

عذبتني ولعتنـي فيـك بالحيـل=ويومي طلبتك شوفتك ماعطيتي
لايابخيلـه ماطلبـت البهاذيـل=حاجه بسيطه بس ليتك وفيتـي
ودي معك جلسه وزين التعاليل=أرويك ترويني ظميت وظميتـي
يالي عشانك لي تهون المواصيل=أنتي عشاني يالغلا وش بنيتـي
تقفين شوفي حالتي بالتحاليـل=معلول حبك والدواء ماعطيتـي
حبي جنون وواصلـن للمهابيـل=ليتك لعقلـي ياجنونـي هديتـي
هذي حياتي كلهـا بالتفاصيـل=أغليك لاكـن بالغـلا مادريتـي

تبعد علامك ليه هـذا وانـا أبيـك=وأرخصت من شانك عزيزن عرفتي
وينك تعالي داوي الجـرح بيديـك=لمي بكفك جرح من هـو جرحتـي
ضمي بحنانك ضمي بكـل مافيـك=طلال ماله غيـرك إنتـي فهمتـي
أضماء وجودك بشربك وين الاقيك=محتاجلك رغم الذي بـي فعلتـي
غيرك فلا أضنه حياتـي يساويـك=إنتي مكانك فـوق أبـد مانزلتـي
ردي علي مادام لي صوت اناديـك=أبقى أنـا أو إن غيـري عشقتـي
أو أرتحل وابقى على ذكر ماضيك=ماضي جميل(ن) كنت أنا فيه وانتي
أول اذا هلـت دموعـك أواسيـك=واليوم هلـت دمعتـي ماحظنتـي
هذا قصيدي كـل ماحـل طاريـك=حزن وفراق وهم بي من رحلتـي