شاعر مميز الكلمة و متفرد القافية
لقصائده ألق خاص و توقيع مختلف عن غيره .

رغم حداثة عهده في [ بعد حيي ]
إلا أن قصائده ترسم له تاريخاً طويلاً مع الإبداع
و فن صياغة الكلمة

شاعر إنتهج نهجاً غزلياً في معظم قصائده
و تميز في سحر الوصف و جمال الذوق
مما أكسبه و بجداره
لقب { أمير الغزل }

في جنبات هذه الصفحه
سيكون لنا لقاء مع مبدع الوصف
و أسطورة الحرف

ياحاسديني لـو عرفتـو خفايـاي=مثلي دعيتو لاعسـى ماتصيـرون

همي جبل واحزن من القوس والناي=لاجاوبوهـن مبدعيـنٍ يويـنـون

من دون مشهاتي تعثرت بخطـاي=ورجليي الثنتيـن عيـو يسيـرون

من زود مابي راحت الناب بشفـاي=عظـة قهرياللـي عليّـه تحنـون

شربت من كدر المشارب بيمنـاي=وخذيت من نقع الغثى غرف وحفون

انا العليل اللي عصى الوقت بدواي=وضاع القدى مابين حسرات وظنون

يسوقني قلبي علـى كبـر بلـواي=كما يساق لمجمع النـاس مسجـون

لاجيت ابوح بعلتي تفـرح اعـداي=واليا سكت ابلع تقل حـد مسنـون

دون السعاده قصر الحـظ بمنـاي=وكنيت من تبغ الشقى كـل غليـون

عليك يـارب المخاليـق شكـواي=يالله عسى ماصابني تجعلـه هـون

عشنا وشفنا نعتبر ونتعبّّر= ولا يجهل الرواد خدٍ مشابه
المستريح اللي يهلل وكّبر= واللي يهمه مصحفه لاقرابه
والعبد في حكمة قديرٍ مدّبر= واللي كسب ذنبٍ على الله عقابه
لاحان وقت الثلث الاخر تدّبر= ايات ربك واحتسب من احسابه
ياللي تبي طعم السعاده تصّبر= على التعبد لين تلقى الاثابه
الموت قادم والاوادم تقبّر= والعبد لا زم بالنعش ينمشابه
ولابد بالحفره عليك يتزبّر= هل التراب من الاهل والقرابه
واللي يعزك حيل قام يتعبّر= وهلت دموعه مثل وبل السحابه
وقامو يواسونه وهوماتعبّر= الموت ماعاف النبي والصحابه
ويوم القيامه عنّه الرب خبّر= اما عفى ربك تواجه عذابه
ياويل من وجهه كأيبٍ مغبر= والمسعد اللي في يمينه كتابه

مدي من اوكار راسي واسرحي صوبه= ياجملة افكار متعب والاحاسيسي
يم ادعج العين دكي تقل مركوبه= اللي على كورها كسابة العيسي
مري على هاجرتني بس هالنوبه= وداع الاموات والاعلام تنكيسي
طعنات الايام له في خافقي هوبه= حدر المحاني كما صفق المراويسي
واقلبي اللي كواه الهم بعجوبه= لين المعاليق من صلوه ميابيسي
لامن طرالي هذاك الولف واسلوبه= راعي ردوفٍ تشادي لطعاميسي
ياشبه من ميزه شكله ودبدوبه= دونه سرايا الرمك حدر المطاويسي
اليا ذكرته ادوج البر واجوبه= على المراقيب كني هايم القيسي
فرقاه وقدة غظى بالصدر مشبوبه= والعين في محجره مثل الدبابيسي
ياعزتي للمولع عقب محبوبه= تقل بصدره يشبون المقابيسي

اليا انهرس ثلثين ليلي وجفني غط= غدى هاجسي يرسل على القلب تنكيده
كما الشوك احسه بالنواظر يبطه بط= تركيه دقات الهواجيس وتزيده
هذي ليال العام مرتحت يومٍ قط= تجمع خلايا الذاكره هم وتعيده
جعل فوق خدي قاسي الوقت مثل الشط= كما نهر دجله يجرح القاع ويفيده
لاجيت ابا انسى داخلي صار شيل وحط= تختل لحظي سود الايام وتصيده
غدى الحزن سطرٍ فوق خدي عليه نقط= معالم الحسره عناوين تعقيده
جرى الدمع لين انه رسم فوق خدي خط= كما يرسم الوسمي على القاع تجعيده

الحب الحقيقي

http://www.b3b7.com/vb/showthread.php?t=94056

مابعد حبيـت غيـرك ولا قلبـي نسـاك =
ميسٍـن منّـك وشوقـي يهيـم ويزرقـك
كل ماحط بخفوقـي غـلا يفـرق غـلاك =
نار شوقي لو اضمـك حبيبـي تحرقـك
ايه انا اغليتك واشوف اسمك بصورة ملاك =
يابعـد كـل الاسامـي وعينـي تفرقـك
اه ياحـر القطيعـه وساعـات الـهـلاك =
لو تجي عنـدي واهـل العبايـر تغرقـك
اجذبت واحات حبـي وخفاقـي ضمـاك =
كل ماجيت انطق اسمك تحشرج واشرقك
اتركك وافكـر انسـاك والا انـي معـاك =
يسرقـن طيفـك وقلبـي يعـود يسرقـك
مامسح حبك من الواح محبوبـك بطـاك =
ميسـن منّـك وشوقـي يهيـم ويزرقـك

ياهقوتي لاقيظت واحتما الريـح =
مامن مقيلٍ في رجـوم الحتايـف

ماتذري الحمْر زوال الصحاصيح =
عليك في ظل الطويـل المهايـف
في فيته عكف المخالب مفاجيـح =
شيخان قومٍ في صدور المظايـف
انصي حجا سنجار ياهابة الريح =
عن لاهب الجوزاء ذعاذيع طايف
الله خلق لقفـول بقعـاء مفاتيـح =
عليك في مفتاح الاقـدار نايـف
اللي دماغه ينسف الرعب ويزيح =
منه العدو لهو وراء الصين خايف
بحرٍعليه تسير سفـن الملاليـح =
شال الحمل عنها وسارت خفايف
له غبةٍ تخشـاه كـل السوابيـح =
وفي جوفه اللولو جميل الوصايف
نهر العطى مروي الكبود المشافيح =
اللي لحقها من ضماهـا كلايـف
لوهو على الكرسي بعيد المطابيح =
عين الدها تبصر شعوب وطوايف
ياقمـة القمـه ودونـه لوالـيـح =
يامودع الارهاب مفلس وعايـف
كل الهقاوي تعتزي فيك ياالسيـح =
بك شمرت ساعد وعظت شفايف
يانهر دجلـه يافـرات الفلاليـح =
مروي النخيل اللي عذوقه رعايف
الجدي تقدابه هل الفطـر الفيـح
وجدي الهقاوي لظلم الياس نايف

المملكـه دار الامـن والنظـامـي=
واكبر دليـل محاربتهـا للارهـاب
ماله ملـف اجـرام مظلـم ودامـي=
عكس اليهود وعكس دستور الاحزاب
شعـب السعوديـه دعـاة السلامـي=
دستورنا من والي العـرش بكتـاب
الرجـل والمـرأه بكـل احترامـي=
تسمع لهم كلمه ويفتـح لهـم بـاب
والطـب والتعلـيـم والالتـزامـي=
يرعنـه عيـون العدالـه والالبـاب
في ظل عبـدالله صروحـه تقامـي=
يوم اشرقت شمسه ظلام الجهل غاب
الحق يرقد فـي سهـول الظلامـي=
ماهمته سـود العقـارب ولا الـداب
لوكثـرن سـود الذحـاح التنامـي=
تولد بلاشوكـه ولا ملقـط اجنـاب
واللي تشيل الموت وسـط الافامـي=
الفك ابـو نابيـن مابـه ولا نـاب
رفرف بجنحـان السعـد ياحمامـي=
مادام لسيوف العدل غمـد ونصـاب
سلالـة التاريـخ روس ومقـامـي=
اللي لهم بالمجد روضـه ومحـراب
عين المواطن فـي حماهـم تنامـي=
والرمل تقطف مدهم قطف الاعنـاب
اهل الشداد اللـي بـراس السنامـي=
تلبسهم السنـه جلابيـب وحجـاب
لهـم ولانـا والوفـا كـل عامـي =
نبقى لبيت الحكم عمـدان واطنـاب
شعب الحرم بأمر المليـك الايمامـي =
كل الوطن بسمه هتف حب واعجاب
عبـد الله التـاريـخ والاهتمـامـي =
به يرتقي مجد العرب كـل مرقـاب
ليثٍ اليازمجر غضـب واحتدامـي =
اقفت سباع الغاب تخـدع بالارقـاب
شعبه بحبـه كـل ابوهـم هيامـي =
صوبه ترف قلوبهم رف الاسـراب
مـادام ابومتعـب سليـم القـوامـي=
خلك على روس الشماريخ ياعقـاب

عروق صدري دروب وخافقي حاره=
يذري عليها غبار الهجـر واللالـي
هذي شوارع حبيب القلـب وديـاره=
خيم عليها الظـلام ومسكنـه خالـي
الحزن فيها غـدى يلعـي بمزمـاره=
وانا على نغمـة الهجـران ولحالـي
مكسور خاطر ولالي طب وجبـاره=
محدن عليه بكى ببكي علـى حالـي
انا زرعت الوفاء وتعبت ياخسـاره=
خسرت خسران سوق الاسهم المالي
هاذي ترى موجة الاحداث واخبـاره=
اخر شعوري حبيبي واخر اعمالـي
واللي حما البيت واللي شرف احجاره=
لو انك بعيد ماشوفـك علـى بالـي

انا بـلاي اللـي دلعهـاااا عوافـي=
لوهي تعذبني لهاااا البـاب مفتـوح
شلت خفوقي في حـلات الاشافـي=
له شفةٍ تبري هواجيـس وجـروح
تذبح بعرجودٍ مـن الشقـر ضافـي=
لااقفت يشوحنـه بواكيرهـا شـوح
مثـل مصاليـع الزبيـدي تشافـي=
برضٍ خلا ماعاسته نزل وسـروح
توه علـى اول شبتـه واحترافـي=
خشفٍ ينزز يوم يصفق هوا السوح
غـرة مهـاتٍ ربعـت بالفيـافـي=
يتلاه جندوب المهـا تقـل سـاروح
لاشوشة صاب الجـوازي خفافـي=
وقامن يحرثن الوطى من غلا الروح
شوقي عليها مثل وصف الطوافـي=
مشاعري تفتل مـع الـدم وتفـوح

طلي مع النافذه حتى تغـار النجـوم =
يامسعد الطائره واللي على الطائـره
مبرومة الساعد الابيض عساها قـدوم =
حتى يحل الفـرح بعيونـي الحائـره
يبرق جبينك مع الشباك برق الغيـوم =
يانجمة الارض لنجوم الفضاء زائـره
حامت لك اشواق قلبي مثل مانته تحوم =
ولك الاماني جعلتـه داخـل الدائـره
تقطف لك النية الحسنه بكف السلـوم =
اعماقي المخلصه واشواقـي الثائـره
لوالزمن صوب امالي تطيـح وتقـوم =
بحرابه المرهفه وجروحهـا الغائـره
القلب عن حب غيرك ياحبيبي يصوم =
ويفطر على شوفتك لاعادة الطائـره