{{ديوان الشاعره \ بنت القصيد }}
[TABLE1="width:95%;background-color:black;"] | [/TABLE1]السلام عليكم ورحمة الله وبركاته ديوان الشاعره \ بنت القصيد http://dc15.arabsh.com/i/02903/x3nq2orjz707.png شاعره تكتب بحرف شفاف وكلمه راقيه واحساس جميل تتميز بقوة الكلمه والمعنى لها اسلوبها الخاص والذي يظهر عبر انسكاب حرفها الجميل مع ديوانها واريج قصائدها ,, ,, |
العيد مر وكل حيٍ تعيّد
http://www.b3b7.com/vb/showthread.php?t=90818 العيـد مـر وكـل حـيٍ تعـيّـد = ياهيه ليه اليوم مـا شفـت عيـدي وش حال قلب اللـي بقلبـي تقيّـد= اللي عليه اشفـق وحبّـه يزيـدي اللـي بدربـه دوم رجلـي تسيّـد= دايم على دربـه ومربـوط قيـدي مدري وش اللي في حياتي محيّـد= لا طاح حيده لا ولا طـاح حيـدي يا صاحبـي حبّـك بقلبـي تشيّـد= طول الغياب اليوم وش هو يفيـدي والبعد نار البعد يـا صـاح كيّـد= فعلـه بقلبـي ياحياتـي شـديـدي احلف بربّـي انـت هاليـوم سيّـد= يا فرحتي لا قلت شوفـوه سيـدي كثر الغيـاب اليـوم يمكـن يبيّـد= ذاك الغرام اللي مشى في وريـدي عوّد تـرى نـار(ن) بقلبـي تقيّـد= ما ينفعك كثـر الولـع يالرّغيـدي عاجبك حال اللـي لحالـه وحيّـد= ما همّه الا وش تبـي وش تريـدي وش صاب قلبك ما شي(ن) به شديّد= ما كنّه اللي شايل(ن)عطف ميـدي شفنـي انـا للحيـن مانـي معيّـد= شفني انا لليوم مـا شفـت عيـدي |
قصيدة مايسولف بالحريم الا الحريم
http://www.b3b7.com/vb/showthread.php?t=86116 القصايد في بحر فكري تهيم = والمعاني في ورق غصني شذى أن حكيت أوفيت معناك اليتيم = قمت من نومي وبعيوني قذى لاتفكر عندي فراقك نعيم = لاتهيم وتحسب ان بعدك أذى أنت دايم ماتبي قرب الحريم = لاتبرر في ( إذا كان وإذا ) القرار الحق والعقل السليم = ولاّ من قلّد على رتم وحذا ولاّ منهو بالقصايد يستهيم = ولاّ منّا ولاّ كوذي أو كذا مايسولف بالحريم الا الحريم = وكل واحد في يده شال القذى |
وشلون دنياك ولا اقول وشلونك http://www.b3b7.com/vb/showthread.php?t=80218 يالديره اللي جروحي حلّها طبّك= وشلون دنياك ولا اقول وشلونك..؟؟ ياعل تسقى ربوعك كل ما طبّك = محبوبي اللي غدا رهنك ومفتونك نسناس الاشعار في وجه الورق هبّك = يهز غصن الشعور العذب لعيونك وعروق قلبي من اشواقي تلاعبّك = ايتلّها لك غلا يحميك ويصونك يانار الاشواق صدري كل ما شبّك= كن المحاني عن السجه يراعونك مزروع حبك بقلبي زارعه ربّك= لعيون من يرخص الارواح من دونك ماكنّك الا زلالٍ والغلا صبّك= في جوف صدرن خفوقه ضامي مزونك اهل الحفر يالحفر خلوني احبك= من زود حبي لاهلك اللي يحبونك |
اكرم ولا ادوس الخطا لاتمشيت
http://www.b3b7.com/vb/showthread.php?t=95314 بنت القصيد وبيت شعـري تبنيـت = مني وفـي ونابـعٍ مـن صميمـي انظم بيوت الشعر بيـتٍ ورا بيـت= على حديـث الشعـر والا قديمـي لاحسّني هاجوس شعـري تغنيـت= وسريت ليلي مع قصيـدي نديمـي لامن دعاني شـارد القـاف لبيـت= وجا للمعاني فـي خيالـي رزيمـي طبيت في سوق الجزيـل وتنقيـت= ابيع واشري ماشريـت الحطيمـي الشعر خاواني وانا معـه خاويـت= من صغر سني قاف شعري كريمـي ابدع جديد القاف بالحـال مابطيـت= في وادي الجزلات فكـري يهيمـي اكرم ولا ادوس الخطـا لاتمشيـت= اشوم وابعد عـن مـدار الغشيمـي في طاعة الله كل ماصبحت وامسيت= فضل مـن الله ياعسـى يستديمـي بين السطور بقاف شعري تجليـت= اعتز في نفسـي وطبعـي حليمـي في هرجة الهراج لا قال ماوحيـت= مارخي سموعي مثل بعض الحريمي اخذ هواي واوفي الكيـل لاعطيـت= اعبد واخاف اللي بسـري عليمـي شيهانةٍ فـي راس رجمـي تعليـت= ارقى سما مانـزل بقـاعٍ يضيمـي اعرف حدودي زين ماقـد تعديـت= ادل دربـي واعرفـه مستقيـمـي اقبل على المقبل والا اقفيت قفيـت= اعرف صديقي زين واعرف خصيمي اصلي وفصلـي عاليـه ماتدنيـت= القاسمي جدي وساسـي قصيمـي قافي نخانـي بالمديـح وتنخويـت= والمعذره لو زدت عن حـد تيمـي بنت القصيد وبيت شعـري تبنيـت= مني وفـي ونابـعٍ مـن صميمـي |
بنت الحمايل http://www.b3b7.com/vb/showthread.php?t=95412 بنت الحمايل يافهد قيدهـا اسلـوم = والبنت ميزتها لا صـارت عريبـه اللي نهار الهوش تاقف مع القـوم= لا طشت الثـام الاصالـه مهيبـه اخوانها لامـن تعـزوو بهـا دوم= حلّـو كبـار المعضـلات الرهيبـه من دونها فرسان شجعان وقـروم= اللي لها شيخـن تحظـظ نسيبـه دوّر على اللي لا تغرّبـت محشـوم= تحفظ شعر وجهك ولاهـي تعيبـه مستورتن باخلاق ماهيـب بهـدوم= اللـي رديّ القـوم دايـم تريـبـه اللي تعزك لا غدا السوق به سـوم= سوم الشرف سوم الطهر سوم طيبه اللي معاها دايـم الـدوم مخـدوم= هذي سعد منهو تجي من نصيبـه ماقول انا بنت الحمولـه يازيـزوم= يقوله اللـي شايفـن بـي طليبـه الظرف يابن الناس واصلك مختوم= يامثمّن الهرجـه تراهـا مصيبـه وان جات للضيقه فلا طالك اللـوم= الضيق له ذيبـن بصـدري قنيبـه محدن قضا عمره بلا ضيق وهموم= هـذي علينـا بالليالـي ضريبـه |
الساعة الآن 03:12 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010