فتن ونهب وسلب ومساقط نجوم=ومظاهرات وقتل واشعال نيران
عزاه ياشعب(ن)من العز معدوم=من بعد ماكانوا للامجاد عنوان
مهزوم فكرياً ومهزوم بعزوم=ومهزوم حتى بالملاعب وخسران
حنا العرب في كوم والعالم بكوم=اجوائنا دخان والارض بركان
يامدّعي الاصلاح لاتبعدالحوم=لاتنشر الفتنه على كل الاوطان
الصلح والاصلاح يحتاج لقروم=ناس(ن)بكلمه رجحوا كل ميزان
ماهو بيحتاج لجماعات ورخوم=بياعة الكلمة على صم الاذهان
باسبابهم تفرق القوم والقوم=من بعد ماصاروا قرايب وخلان
ياامعات(ن)فكرها صار مسموم=ياجمرة الخبث المعتّق من ازمان
يازمرة التفريق والحقدواللوم=الى متى وانتم عن الحق عميان
وياقايدالتشتيت ماتفرق السوم=السوم غالي وانت خايب وطفران
غادي وضايع ومتردد ومنجوم=ارجع ترى مافات شي ارجع الآن
ويالله تصلح حالنا دايم الدوم=وتديم عز اللمملكه بين الاوطان
وتعين كل الناس حاكم ومحكوم=وتمدنا بأمن وامان(ن)وايمان
وتعز ابو متعب ذرى كل مظيوم=الحاكم اللي له معزه وله شان
اللي بحكمه مابنا انسان مظلوم=الابشي(ن)مادري به كحيلان
ويالله يامنان يافارج هموم=ياعالم(ن)مابالنوايا والاكنان
انك تطول عمر قرم(ن) وزيزوم=مليكنا راع الوفاء راع الاحسان

ياامعات(ن)فكرها صار مسمـوم
ياجمرة الخبث المعتّق من ازمان
يازمـرة التفريـق والحقدواللـوم
الى متى وانتم عن الحق عميـان


حفظ الله ابومتعب وادام عليه نعمة الصحه والعافيه
شاعرنا المميز | محمد العواد..
رائعه حقآ قصيده غآيه في الجمآل
صح لسآنك ملآيين على هذة الابيات الرائعه
والشامخه والجميله
سلم فكرك وعذب بوحك
ونبض حرفك الراقي
تقبل وافر التقدير والاحترام
ولآتحرمنآ جديدك
دمت بفرح
تستحق التميز والتقييم