اهلا هلا يا اللي بحد المنعطف فيك التقيت=اسهل لقا يوم التقيت بطلتك واصعب لقا
تبغى الحقيقه ما هقيت الاستباحه ماهقيت=حتى الخفوق اللي يذود عن المشاعر ماهقا
اسقيتني من دلّت الاشواق فنجال وشقيت=وانا قبل ماذوق فنجالك بعيد عن الشقا
لجلك سقيت بمهجتي بذر وبدا لجلك سقيت=ولا حسافه من بذر لجلك على الحس وسقا
مدري وش اللي من كثر همسك على احساسي لقيت=ومدري هو الاحساس من كثر احتباسه وش لقا
رحت ورجعت وفي محلّك لا نزلت ولا رقيت=الا الغلا يرقا الغلا واحد على الثاني رقا
زرت الخيال بجيتك لو انت رحت وما بقيت=الا خيال(ن) من خيالك حرّك القلب وبقا
اهلا هلا يا اللي بحد المنعطف فيك التقيت=اسهل لقا يوم التقيت بطلّتك واصعب لقا

صح لسانك وعلا شانك على القصيدة

الرائعه..تشكر على طرحها لنا لا عدمناك.

المشاركة الأصلية كتبت بواسطة عفنااك (المشاركة 860955) صح السانك على الرائعه مرزوق قصيده اكثر من رائعه ولها معاني تفوق الجمال قرائتها عدة مرات سجل ذروة اعجابي فيها واتمنالك دوما التوفيق تقبل مروري

المشاركة الأصلية كتبت بواسطة خالد النعام (المشاركة 860968) عشت وسلمت على هالباذخه قصيده طيبه طابت ايامك