|
(((ديوان الشاعر عقاب النهار)))
بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين http://www.dohaup.com/up/2009-04-09/...1738620008.gif (((ديوان الشاعر عقاب النهار))) اليوم كلنا ضيوف عند الشاعر الكبير عقاب النهار الشمري مراقب الأدبيات في منتدانا الغالي بعد حيي http://www.dohaup.com/up/2009-04-10/..._159565975.jpg والحاصل على http://www.albarzh.com/vb/images/medals/wsam-sh3er.gif وسام الشعر http://www.shy22.com/upfiles/Htd62130.jpg ووسام شكر وتقدير من الإدارة واترككم مع ابداعات شاعرنا المميز |
رسنت انا مهرتي واسرجتها لاجلك(المصافحة الأولى)
رسنت انا مهرتي واسرجتها لاجلك=وجيوشها من بنات الفكر تبغاكا عهد ٍ علي ما اجى عندك واقرب لك=ولاجيب انا اسمك واعيش اليوم ذكراكا قطعت كل السبل عنك وعن وصلك=الا الغلا وسط قلبي صعب الادراكا يمكن تناسيت ورب البيت بحلف لك=حاولت لكن عجزت اليوم لا انساكا الله يسعدك في دربك وابافرح لك=واهل دمعي على بعدك وهجراكا كن الغلا صار تحت امرك وعبد ٍ لك=والقلب كنه غدا عندك وبحماكا تدري الي غبت اعد الوقت واحسب لك=متي على الله يدور الوقت والقاكا عشقت هرجك قبل عرفك وبشرح لك=افرح الى جيب لي اسمك وطرياكا حسيت باول لقا انى احد اهلك=واقول ياكيف انا بصبر بلياكا ماتدري الى هرجت ابهر واطالع لك=وامزج جمالك مع هرجك وحلياكا واعيش فى عالمى وادعي وأطلب لك=من شر حسادنا الرب ياقاكا لا ماهويتك ابى اصلك انا وفصلك=ابيك وحدك ولا ابي حي ٍ سواكا والله لو لا الملامه وقول ما اخبلك=عند اللذى ماتقّدر مثل شرواكا لااجر انا الصوت فى اسمك وابندهلك=وقول انت اللذى من الناس انا اهواكا واليوم جا من قطع حبلي مع حبلك=وابعد ورود الغلا وانبت لي اشواكا والشيمه اللى تربينا به اطيب لك =تصيح فيني واصيح اليوم وانخاكا ان شفتنى لاتناظر لي وبشهد لك=لو ترفع يدّك تسّلم باتعداكا وضحت للى سألنى قال من شكلك=وشبك تغيرت قل يعقاب وش جاكا http://www.b3b7.com/vb/showthread.php?t=22365 |
الصغير صغير لو 00
كانها للصدق وجتنا بالحميا =ماقبلنا الذل ولانرضى الاهانه http://www.b3b7.com/vb/showthread.php?t=22590مايهز الراس لا ذاك ولا ذيا=نعترف بالله وحقه والامانه من زعل يضرب براسه فى طميا=شمر ٍ ماجاه من عرف الخيانه ان بغيتوا الحق ولا عنكم اخفيا=الجمل وان هاج نكرب له عنانه مانعرف الجمهره والعنصريا=ولانقدر شخص من شان المكانه ماعرفنا الفرق وكله بالسويا=والرجل يفرض مكانه باتزانه المراجل ماتجى بصفق اليديا=والمشاتم والمعاند واللعانه عارفينه ماتبى درس وبليا=اشهد انى شفت من شد لحصانه دون جنحان ٍ ترفرف بالعليا=ارنب ٍ مرت على الوقت وزمانه ماقنص صياد ولابرقع حديا=كود من للصقر يطرب لشويانه جالس ٍ فى صدر مجلس يا أعنيا=لو رفع نفسه طريقه للطمانه لايغثبر صافى الما من هذيا=الصغير صغير لو كثر اهذيانه مانجى بالدلبحه لا ماتهيا=الحيايا سم لايغرك ليانه تكشر بنابك تبى تضحك عليا =عارف الضحكه هى الموت بعيانه دام عينى لواحد ٍ فينا وليا=مانهاب ابليس واسلوب الشطانه بس بختمها بكلمه لى هنيا=مايدوم الظلم بامر الله وشانه |
اسيـــــــــــــر الحــــــــــــب
انا وان هزني شوقي على الماضي أوقتٍ راح=طرالي من طرالي بالهوا غروٍ يرد الروح http://www.b3b7.com/vb/showthread.php?t=24634اسير الحب متعذب غدا عمري حزن وصياح=دفنت الهم في صدري وكشفني دمعي المفضوح انا لولا ظلام الليل يغطي دمعي الفضاح=يبين الحب في وجهي لناسٍ تفهمه بوضـوح رفعتيني من الوادي على سفح الجبل سـواح=وتركتيني مع احلامي على ذاك الجبل مطـروح انا في شوفتك لي علاج حسبت انك طبيب جراح=تعالج من وقع لجلك وزودت الجروووح جـروح انا طبيت من شانك ابحر من الهوا سباح=ابي يمناك تنقذني اناظر وينها ماتلـوح انا وشلون ابنسا ضحكتك واسلوبك المـزاح =مع الضحكه مع البسمه مع صوتٍ يجي مبحوح ملكت الزين كل الزين ومن عندي خوذيه اوشاح=ولا غيرك سكن قلبي وغيرك لو يجي بيـروح الا ياليت يتجدد زمان ٍ فات معك وراح=اعيد الماضي الحاضر بذكرى والزعـل مدموح ذبحتيني ذبحتيني بسيف الحب دون سـلاح=وانا المذبوح من شانك ولالك بالهجر مصلـوح الا ياهاجري بعدك مثل سيفٍ مع ذبـاح=وانا المذبوح يهل الثار ومن شافه تره مسموووووح |
اســـــــــمك على جســـــــمك
اسمك على جسمك00وعقلك لكم قال= انك ملاك00وكل خلقه بتهواك لا والذى00ثبت اراضيه بجبال=وسبع ٍ بسطها00وسبع فوقك تعلاك ان الغرور اللى00كسا جسمك اهبال=وان التواصل معك00من شان حلياك اصل الوفا طبعى00وهذى هى الحال=معك ومع غيرك00ماهو لأجل لقياك ياللى تباهى00فى جمالك وتختال=عندى ولا تسوا00ترى اليوم طرياك واللى براسك 00عندنا عده(000)=ماهو شرف حبى00 لمثلك وشرواك جيتك على 00درب المراجل ولا احتال=فكر وشف عقلك00على وين وداك ماجيت دارك لا00ولا جيت نزال= ادور القصره00ابى حروة احماك كنت اشترى عرفك00على كل ابو حال=وبانت موارى جيرتك00يوم جيناك مثلك مثل صوره00على شكل تمثال=صوره من الماضى 00بقى اليوم ذكراك ماهو بنا اللى00يعقّب اليوم فنجال=تنشدى للى عرفنى00 اليا جاك انا احمد الله00بالغلط مالى 00احبال=ولانى افرق00بين هذا وهاذاك لاعدوا00 اعيال الحمايل00له ارجال=حنا نصبنا00بالمراجل00له اشباك واللى ابالى00لبست الخصر والشال=منك ومن شكلك00ملايين تسواك اللى غلاها بالحشا00ياملا مال=لا قلت احبك00قالت الروح تفداك حطى الرحايل00وابعدى كل ولوال=لاتحسبينى شخص00انا باتمناك http://www.b3b7.com/vb/showthread.php?t=26564 |
دمـ الحزن ــوع
بسم الله الرحمن الرحيم بناء على طلب من الاخت شادن ان اكتب قصيده تحكى عن ما فيها او ما تعانى منه فى هذا الوقت من معاناه لا تستطيع ان ان تقاومها وهو التفكير فى والدها رحمه الله واسكنه فسيح جناته الا ان صورته باقيه فى ذهنها
يادموع الحزن يا مرتع شقاى= ارحمينى مابقى فـ اليد حل **********كل ماقت اتناسا جا بلاى=افتكرتك وابتدى دمعى يهل يايبه اظلم بعد بعدك فضاى=وكل شي بدنيتى اصبح ملل صورتك مافارقت عينى وغلاى=باقى وجسمى من الفرقي نحل كل بسمه فارقت عقبك شفاى=ياربيع ٍ غاب وجا بعده محل ما اظن غيرك يبى يروى ظماى=ويسقى اعروق الغلا بعد البلل لاتلوموني وربى مو خطاي=الغلا من واحد ٍ عز وجل كل ماصليت انا ارفع يداى=لك بجنات النعيم اعلى محل واطلبوا ربي وابى تدعوا معاى=بجنة الفردوس كل مسلم رحل تقديرى ****** عقاب نهار الشمرى http://www.b3b7.com/vb/showthread.php?t=28424 |
كنـى المملـوك بيـدك
استبيح العذر لحظه باغى من وقتـك دقـا =قبل ماتقفى وانا اقفى اسمـع الهـرج الثبـات http://www.b3b7.com/vb/showthread.php?t=26290اقسم ان الحب يمك لك بنيتـه مـن نقـا =ما قصدت الا تصيري لى شريكـه بالحيـاة انتى لى شمس(ن)شعاعه بهجتى يوم اشرقا =ما منحت القلب غيرك صرتلى سيد البنـات كنـى المملـوك بيـدك تملكـه او تعتقـا =تحت امرك بين ايدينك احسب انى لك عصاة شالنى حبك رفعنى عن الخلايق بـى رقـا =وسط قصر(ن)مايجى حوله سوا مى ونبـات واسعد اللحضات لحظه يوم تطلبنـى لقـا =لالمحتك عقب مده ضاعت اعلومـى شتـات ما دريت ان العواذل لك صحايـب وارفقـا =دربوك او علموك اليوم من شيـن الصفـات صارلى ثانـى كلام(ن)مـن كلام(ن)تنطقـا =كله الغاز او رموز(ن) بينن هـرج الوشـاة من عدو(ن)لى نصحتك لا هرج ما يصدقـا =شفته ابهرجه عطاك او ما عطالك قلت هات للاسف ما قال صدقتـه وكنـه لـك سقـا =هرجه اللى سـم افعىحطنـى لـون العبـاة خنتنى والقلب منـى فـى يمينـك محرقـا =عقب مانتى كل كلى صرت انا اطلبك النجـاة خاينه يا خاينـه مثلـك حـرام انـه بقـا =مثلكم مفروض ما يذكر على لسانـى بتـات لعن ابو جدك حرام انك على الدنيـا شقـا =مثلكم مفروض يدفـن وسـط وادى للبنـات خذها كلمه من لسانى بنطقه لـو نشرقـا =خل ما بينى وبينك يعتبـر ماضـى وفـات |
من شال همى بعد امي
شدى اعنان القوافى ,, ياحروفى واكتبى= لاضواك الليل وجاوب ,, كل ذيب لصوت ذيب http://www.b3b7.com/vb/showthread.php?t=27657ارعدى ثم ابرقى ,, وامطرى ثم اسكبى = قاف من شب بشبابه ,, لاقرالى هو يشيب سطرى لى بالمعانى ,, قاف شكله يرهبى = كنها لذياب شلفا ,, تذبحك والا تعيب من صغر سنى وهمى ,, زاد لى والمشربى = مانفع بى طب شعبى ,, لا ولا ينفع طبيب مالقيت الحب بأنثى ,, من وانا عهدى صبى =انحرمت من الامومه ,, ادعى مالى من يجيب جانى من هو خالى وامى ,, لا وهوّ عمى وابى = هو صديقى هو عشيرى ,, هو رفيقى والقريب هو ابوى اللى تكفل بى ,, وسهل مطلبى = ان طلبت السهل جابه ,, وان طلبت ايضا الصعيب شال همى من وانا ,, طفل ٍ صغير ٍ والعبى = واحتزم للحمل شاله ,, يوم وافها النصيب ساهر ٍ بالليل لجلى ,, عينه لى تترقبى = وان نظر دمعه بعينى ,, يستجّن ويستصيب طفل مايدرى وش ابغى ,, بالطلب يستغربى = هو عطش هو جوع والا ,, يشتكى يبغى الحليب واحمد الله صرت رجل اليوم ,, وافتل لشنبى = واعساى اقدر ارد ,, الواجبه لاغلى حبيب يالله انى رافع ٍ يدَى ,, ومنك المطلبى = ياعظيم الملك يا من ,, هو دعى لك تستجيب تحفظه واقدر على ,, ماهّو يوده او يبى = وانت عالم بالخفايا ,, ياعليم وياحسيب |
15____________ عام
شفتها صدفة(ن)من بعد خمسة عشرعام= ما عرفته اعرفتنى عقـب فرقـا سنيـن اقبلت تقصـر الخطـوه وقالـت سـلام=نبرت الصوت واضح به دموع او ونيـن التحظت العيون وضـاع منـى الكـلام=يوم شفت الدمـوع ابعينهـا والحنيـن الحيـا والخجـل والنـاس وذاك اللثـام= وقفّنـى لا امسـح دمعـهـا باليـديـن قلت كفكـف دموعـك لاتلعثـم حـرام=ما طلبتى عطيتـك بـس وشـو تبيـن قالت انت ولا غيـرك عسـى ماتضـام=ما ابى المال ولالـى حاجة(ن)مكتفيـن حام فكرى على الماضى وبحـرالغـرام=واحيت الشوق فى قلب ابغلاهـا دفيـن قلت وينك بعد وقت(ن)مضـى يامـرام=غاويـه فـى عذابـى يالله انـك تعيـن كم سهرت الليالى بيـن نجـم اوظـلام=اتحـرا شبيهـك بالسمـا لـى يبـيـن يـوم جينـا لحارتكـم عطـاه الهـدام=والدركتر على بيتـك غـدا لـه رطيـن اصبح الجو عندى عقب صحوه عسـام=ورحت للـى جمعنـا موقع(ن)تذكريـن قلت علـك تجينـى يـوم خلقـه نيـام=واتحـرا علـى الله يـوم يمـي تجيـن طول الوقت عندى قلت وش بـه عـلام=لالفيتـى ولا شفتـك لـنـا تنشـديـن رحت انشد بحارتكـم ارجال(ن)احشـام=قالوا انه رحـل والله مـا ادرى لويـن هـذه قصتـى والظـن مانـى مــلام=عامل(ن)ما بوسعـى والاهـل خابريـن
اصرخت كنهـا لحظـه طواهـا انتقـام=التفت من مشى حوله يسـار او يميـن قلت ياهيـه شوفينـا ابوسـط الزحـام =هدى وضعك وابيك ابصوتك تقصريـن قالت انـه لفانـى علـم مثـل الغمـام=قال ابووويـا تـرى لديارنـا راحليـن باغى(ن)للقرايـب والأهـل والعـمـام=ببني البيت وصعب(ن) يا(؟؟؟)تقعديـن يـوم رحنـا لفانـا واشرقـت بالكـلام=قالوا انـه خطبنـى غصـب تتزوجيـن ما اقدر ارفض وتعرف سلمنـا باهتمـام=كل بنت(ن)لابن عمـه ولـو ترفضيـن اقسم أبمن امر حجـه بلبـس الاحـرام =ما نسيتك وليلـى بيـن هـم او انيـن بينـت كفهـا تشـر لـذاك الـوشـام=صورة العين وشمه قاصده حرف عيـن
قلت انا ارجوك يكفـى لاتزيـدى سـلام=روّحى يـا عساك ابدنيتـك تسعدين
http://www.b3b7.com/vb/showthread.php?t=26781 |
ســــبع البحــــور
طير(ن)يـرفـرف بالجنـاحـيـن مـكـسـور @@@@ يـبـي المطـيـر او لا قــدر مــن جـنـاحـه شفتـه مريـض وصـرت لـه مثـل دكتـور @@@@ قـعــدت اعـالــج بـــه واداوى جـراحــه خــف او تنـهـض بالجناحـيـن مـسـرور @@@@ عانـق بهـا نـوض السـحـاب او ريـاحـه اخـذلــه ايــام(ن)مــع الــجــو ويــــدور @@@@ يضـوى عليـا الليـل او يشعـق صبـاحـه وانـــا اتـحــرا واقـف(ن)تـقـل نـاطــور @@@@ مـاذقـت لــذ الـنــوم ولا شـفــت راحـــه اثــره رجــع يــم ماكـر(ن)لـه ومخـبـور @@@@ عــاود حنـيـنـه يـــم شـوفــت امـراحــه غلطـه واحسبـه حـر مـن ماكـر اصقـور @@@@ طـبـع الـوفـا مــع صاحـبـه والـصـراحـه كنت احسب انى عارف(ن)سبع الابحور @@@@ واليـا دخـلـت البـحـر اعــرف السبـاحـه مسكين مـا عـرف السراحـه مـن الـزور @@@@ وحـيـد بارض(ن)خالـيـه وســط واحـــه فكـرى قديم(ن)ماضـيـن ليـبـه اعـصـور @@@@ مـا عـرف عـصـر الفبـركـه والفصـاحـه ياطـيـر لايـاخـذك فــى نفـسـك اغـــرور @@@@ خـذ لـك سـكـن واتــرك دروب الوقـاحـه بعطـيـك كلـمـه بـرمـجـه هـيــه بـالـفـور @@@@ الـكـلـب مـــا يـنـفـعـك كــثــرة نـبـاحــه مـن عافـنـا لــو هــو خــذا بالـهـوا دور @@@@ مـنــى تـــراه الـيــوم مـطـلـق سـراحــه http://www.b3b7.com/vb/showthread.php?t=30160 |
لافسوق ولارفث
ياهجوسي اطرديه 0 فرخ من هو له نفثــ=لجلج بليل الظلام0 ممتطي صهوة فرس http://www.b3b7.com/vb/showthread.php?t=30428بأرض صبخا وان مشيت 0 للمواطي هي دعثــ=المطر هل استهل 0 بس مابه من غرس ابتسم وانا حزين 0 اضحك وفيني غثثــ=حكمتي قايد جيوش 0 بس ما حولي حرس ابتديتك حلم كان 0 في سما قلبك يبثــ=من براد ومن مزون 0 بين جهل ومن درس ياسما صافي وجوي 0 بلا فسوق ولا رفثــ=صافى وافي للنوايا 0 ماحمل قلب ٍ شرس اسقي صحرا به ضما 0 فيها قلب ٍ جاك دمثــ=رشه من طشه ونظره 0 تحيي من عينين خرس احتويتك شم ورد 0 بأرض مابه من حرثــ=وانتهض طفل ٍ صرخ 0 في محيط بلا عرس اللتحظته بالعيون 0 كن من حولي جثثــ=حي في وادي فنا 0 جيت بس مني احترس شع من دونه لهب 0 بيني وبينه مكثــ=في صراع وفي نزاع 0 اقتربت اصبح خرس يامحيطه لاتحيطه 0 دامه حثك لي وحثــ=في عطا زايد نقا 0 ناتجه باللون طرس خله أثنين التواصل 0 ثالث ٍ بألارض أرثــ=عهد مع وعد بشرف 0 يكسر الـ/ رومه وفرس اجمع اوراق ٍ شتات 0 في هشيم ٍ قبل جثــ=والا شلتك من حياتي 0 شيلة الممروض ضرس |
ليـــــــــلة زفافـــــــــــك
ماجت لـى الدنـيـا عـلــى مـــا اتـمـنـاه=صعب(ن)مـنـالـك لوعـلـيـكـم بـكـيـنـا http://www.b3b7.com/vb/showthread.php?t=28818انــت الوحـيـد الـلـى بحـبـك هـويـنـاه=وانــت الوحـيـد الـلـى بحـبـك شقـيـنـا كم واحد(ن)مكسور وكسـره جبرنـاه=وكسـر الخواطـر صعـب والله عليـنـا كـم ليلة(ن)ضلـمـا لشـوفـك سريـنـاه=نـاطـا الخـطـر لجـلـك ولابـــه دريـنــا بروى عيونى شوف من هو عشقناه=وابوصـف اللـى فـى عيـونـى هويـنـا وصفك حسين او وصفكم لو وصفناه=يـزعــل عـــذارا وصـفـكـم لاحـكـيـنـا نـــادر ولا زول(ن)بــزولــك رأيــنــاه=الـزيـن مــن صـبــع الـقــدم للجبـيـنـا كمـلـك ربــى فــى جـمـالـك وشـفـنـاه=ولا كامل(ن)غـيـره ومـنــه ارتجـيـنـا ياللـى بحـرف السيـن خـذ مـا خذينـاه=وهــات الـلـذى مـنـى بحـبـك عطـيـنـا عطـنـى رسـايـل حبـنـا الـلـى كتـبـنـاه=واصبـر علـى مــا صــار والله يعيـنـا ليـلـة زفـافــك ليـتـنـا مـــا حـضـرنـاه=ولا شفـت منظـر فـى عيونـى حزيـنـا يومك امشـرع فـى لباس(ن)كرهنـاه=وعريـسـك المحـبـوب عـنــك يمـيـنـا لامـا عــرف شى(ن)بقلـبـك عرفـنـاه=انـــى بغـيـتـك وانـــت مـثـلـى تـبـيـنـا تبـكـى وانــا ابـكـى هادم(ن)مابنيـنـاه=جـسـر الـمــوده بيـنـنـا مـــن سنـيـنـا يضـحـك ولا يــدري بدمع(ن)ذرفـنـاه=مــنــى ومــنــك حــــرّق الوجـنـتـيـنـا غـنـوا فــرح كل(ن)يـصـفـق بيـمـنـاه=وانــا صفـقـت الـكـف حـسـره عليـنـا |
يسرى بى الهاجس مع ظلمة الليل
يسرى بى الهاجس مع ظلمة الليل=الى ذكر من هو زهى بالوصوفى http://www.b3b7.com/vb/showthread.php?t=29707واسج واسرح فى سما حبنا حيل =ويغيب فكرى بس فيها يلوفى يهل دمع العين مثل الهماليل= ان قال من حبه سكن وسط جوفى باخر لقا حافظ كلامه بتفصيل=قبل السفر جتنى هذيك الحروفى بغيب عنك ولاتفيد المراسيل= وانا ترى ما نساك منكم ياخوفى تنسى زمانى باللقا والتعاليل=والكل منا فى حبيبه يروفى يجيك منهو يشبه البدر وسهيل=وتقول عمرى ضاع كله حسوفى هذى ترىطبع ٍ بكل الرجاجيل=نسمع ونقرا غير شى ٍ نشوفى عطنى عهد عطنى وعد دون تحليل = ولانى بصدق من يزيد الحلوفى حتى ولو قلبك مع غيرى ايميل =اعرف ترى ما انساك لو لى تعوفى لاتحسبينى عشت حبك بتمثيل=دور البطل وابى الخلايق تشوفى احيان لو تظرب فلا تشكى الويل = فى كل وقت وقت حسب الظروفى ارحم ولاتسمع كلام ٍ بتفصيل=يجى على جرح ٍ كوا ما بجوفى يابنت من جاله كثير المحاصيل=اللى دعوا له بالنعم ومعروفى ماخاب منوا جاه باغى المداخيل =من ربع للفزعات دايم وقوفى يا ادعج غنج مالك شبيه ٍ بذا الجيل=ياعين ريم وقايده للخشوفى ظامر بطن راكز نهد شعر ٍ مهيل =ظلما بلا قمرا غدى بالردوفى ولك وقفة الظابط الى جاه تكميل=وخد ٍ كما القمرا وذيك الكتوفى وشفايف ٍ كن العسل فيهن امحيل=وزاد الحلا ذيك الثمان الصفوفى منساك لو تنسى العرب ركبة الخيل=ويقلب نفود الارض كله حيوفى حبك مشى بالدم درو ٍ كما السيل= ونبت هواكم وسط قلب ٍ شغوفى كتبت انا اشعارى وقلت المواويل=ما اشوف غيرك كنى فيك امعطوفى علك تعودى بالليالى المقابيل=وكل هم فى شوفك تراه امخلوفى |
باتوجد وانا وجدي بحالي (( التوجد ))
باتـوجـد وانــا وجــدي بـحـالـى وجـد عود(ن)كبير(ن)واتـركـووووووه فـى شعيب(ن)علـى حــد الجبـالـى لاعضيـد(ن)ولاورع(ن)بـغـوووووووه فـى مقـره جلـس والـدمـع سـالـى ايتذكـر زمــان الـلـى جـفـوووووه كــم ذاق العـنـا ومــر اللـيـالـى يطـرد ابرزقهـم ولا اشـكـرووووووه قــال ويــلاه مـنـهـم عـزتـالـى كيـف طعـم اللبـن والله نـسـوووووه اظـلـم اللـيـل مــع نجم(ن)ايـلالـى وجاوب الذيب مع ذيب المحـووووووووه اقبـلـن لــه وكـبــن الـرمـالـى فى عجل صـوب وجهـه كوحـوووووه مـد يــده يــدور صــاح عـالـى واعـذابـى عصـايـا كـســروووووه قــال ويــلاه مــا حـى(ن)درالـى اشرقنـه دمـوعـه واحـشـرووووووه سـمـع الـصـوت ربع(ن)ماتـبـالـى وانحنـى ركبهـم يمّـه بـغـوووووووه جــاه الاول تنـخـى فــى اهبـالـى شافهـن يـوم للـعـود اجـدعـووووه سـل سيفـه ولا هــو بــه يبـالـى وهربـن بعـد مـالـدم انـثـرووووووه راح لـلـعـود شـالــه بأحتـمـالـى قـال بالـلّـه ياربـعـى اسعـفـووووه فـكــه الله وقـــال الله يـاوالــى وعرفـوا بقصتـه ثــم طمـنـووووه قالـوا ابشـر وحـنـا لــك اعيـالـى زاحـوا الهـم عنـه ثـم خـذووووووه حالـى كــم حالـتـه مـمـا جـرالـى كننـا قـلـب واحــد واقسـمـوووووه ذقـت فــى دنيـتـى مر(ن)وحـالـى دنية(ن)خـلـت العـاقـل يـبـووووووه مـع حبيـب (ن)قريب(ن)اللـى اموالـى فايز(ن)بالغلا عندى اعرفـوووووووووه هــى ابيـهـا ولا غـيـره ابـالــى يوم انا بالهـوا حضـى رمـووووووووه هوصغير(ن)بنـا لـه قـصـر عـالـى وسـط قلبـى مقـره واخبـروووووووه من هلى ومن هلـه ومـن هـو صفالـى ومن عرف للهوا بعينى اعرفووووووووه صارلـى مــدة(ن) معـهـا وسـالـى عذبتـنـى بهـواهـا وانـشـدووووووه لـه عيـون(ن) كـمـا حر(ن)بعـالـى صايد الصيد او عجزوا يمسكوووووووووه ولـه جديـل (ن) علـى الامتـان مالـى وخدها نوض برق(ن)خايلـوووووووووه فــى ديــار(ن) ولا فيـهـا مفـالـى شافـوا البـرق فرحـه واتبعـووووووه يــوم صـكـن هواجيـسـى تـوالـى فـى معالـيـق قلـبـى حـرقـوووووه جبتـلـى فـزعـة(ن)لاشـك مـالــى مع هـوا البـال حظـى حطمـوووووووه يـوم ابيهـا حليـلـه مــن حـلالـى اعترض لى قريب(ن)له دعوووووووووه جبـت لـه زورة(ن)فيـهـا ارجـالـى من صناديـد ربعـى واطلبـووووووووه وجانـى رده عـلـى قلـبـى يصـالـى مثـل ممـروض بالمطـوا كــووووووه |
طــعنــــــــة ,,,,, اصــحأأأأأب
ونيت ونة من قرص رجله الداب =والسم الازرق فى عروقه تسرب http://www.b3b7.com/vb/showthread.php?t=24158يوم انكسر نابه على الساق وانساب=كنه يشوف الموت بالعين قرب بشكى ولانى مدور الحق طلاب=بس العجب شفته ومنه اتغرب ليه الصديق اليوم ماله ترى احساب=وكثير من يدخل على الجمع خرب ياكثر من يضحك وهو شخص كذاب=والغل فى جسمه غذاه وتشرب وياشين من تفتح له القلب والباب=والناتج ان ماقلت كله تسرب اكبر قهر لاجتك طعنه مـن اصحـاب=والكـل منهـم لا سألتـه تـهـرب عقب الصداقه اصبحوا عندك اغـراب=ولا يحس بالمعنى سوى شخص جرب هذا وانا ما اظلم عريبين الانساب= اللى ولدهم للمراجل امدرب وفكر بخال اعيالك ان كنت خطاب=ياتى من الجدين من هو امعرب |
| الساعة الآن 08:08 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010