بعض البشر ودك تحطه بعينك=وتظفي عليه عن الهبايب هدبها
سيفٍ مجرّد تحمله في يمينك=يقضي على الفتنه ويقطع عصبها
قرمٍ على جمع الرفاقة يعينك=مايشعل الفتنه ويجمع حطبها
حسنتك يظهرها ويجتاز شينك=يظهر جميلك والعيوب يحجبها
يدفن عيوبك مايبيّح كنينك=ونار الحسد والحقد يطفي لهبها
من مثل هذى لاتفلّت يدينك=جوّد حبال العروة اللي قضبها
يرفاء خطاك ويرفعك مايهينك=وعجفاك عن شوف العيون يحجبها
هذا الصديق اللي ليا قلت وينك=تلقاه في يسر السنين وشحبها
حطه على يمناك يحمى عرينك=ياجهزت شهب الليالي سربها
ياقلت وينك قال عيني لعينك=فزعة صديقٍ صادقٍ محتسبها

صح لسانك قصيده جميله شكرا