منتديات بعد حيي - جمـال نجـد وفتـنـة حايلـيـه

http://b3b7.com/vb/mwaextraedit4/extra/74.gif

جمـال نجـد وفتـنـة حايلـيـه

..

مات الجمر وقلوب الاحبـاب حيـه ..
. والموت لا ماتـت قلـوب الحبايـب

ياشيشتي لو فيـك ذنـب وخطيـه ..
. معاك احس اني عن النـاس غايـب

العام كانوا لي من الاصحـاب ميـه .
.. وقت الرخا لكـن جفـوا بالنوايـب

لاهنت يا قلبن شكـى مـن خويـه ..
. كم راس من طعنات الاصحاب شايب

مرات اقـول ان الخبـل يـا هينـه .
.. ولقيتهـم يشكـون ظلـم القرايـب

ومرات اقول النـذل لا رحـم حيـه .
.. واثر النذل في بعض الاوقات صايب

يا نفـس شيليهـا علـى السامريـه .
.. شيلة طرب ماعـاد فيهـا طلايـب

وش لـي بتنبيـه القلـوب العميـه ..
. وحنا في هالدنيـا دروب وركايـب

ابتغـزل فــي هـذيـك البنـيـه .
.. بنـت تفـل القلـب فـل الذوايـب

كـم بعثرتنـي واجمعتنـي هنيـه ..
. بنفس المكان اللي جمعنـا غرايـب

يا ضعفهـا معهـم وعنـدي قويـه .
.. منها غـدا ثلثيـن قلبـي خرايـب

مرباعهـا بيـن العيـون الشقيـه ..
. ومقيضها بيـن الجـروح العطايـب

ما اقول يذبـح زينهـا بـس هيـه .
.. تلفت لها قلب عـن الحـب تايـب

ولا اقول مغـروره ولا هـي خليـه .
.. فيهـا دلـع طفـل تبنـاه شايـب

جمـال نجـد وفتـنـة حايلـيـه ..
. وش جمـع الثنتيـن فيهـا عجايـب

اليا اقبلـت بيـن احسنـات وسيـه .
.. ياكثر ذنبي بين طيـب وغصايـب

واليا ادبـرت فـي دمعتيـن نديـه .
.. قلب معاها وقلب في الصدر ذايـب

راح العمر ما بيـن روحـه وجيـه .
.. ياكثـر غلطاتـي ولانـي بهايـب

شب الجمر مـادام الاشـواق حيـه ..
. وطف العتب والعمر ضحك ونصايب

راقت لي اتمناء ان تعجبكم