منتديات بعد حيي - مقشوش اكلات حائلية اتجنن

المقشوش هو: اكله شعبيه مشهوره في السعوديه وخصوصا منطقة حائل وهي لذيذه ومفيده جدا لذلك انا قلت لازم اعرفكم عليها ياليت كل وحده تجربها لانها باذن الله ماراح تندم

المقادير:
هي كافيه لعشر اشخاص اواكثر عاد انتي اذا تبين لك ولزوجك بس سوي نص المقدار
1-كوب ونص طحين ابيض0
2-كوب ونص طحين اسمر0
3- بيضه0
4- 3 علب زبـــادي0
5-1 ملعقه خميره0
6-1 ملعقه باكينج بودر0
7- 5 ملاعق حليب بودره0
8- فنجان سكر مطحون0
9- رشة ملح0
10- 2 كوب ونص لبن0 تعجن هذه المقادير مع بعضها باليد حتى تصبح شبيهه بعجينة اللقيمات او اثقل شوي وتترك لتخمر على الاقل 4 ساعات بمكان دافئ ولنتيجه افضل تعجن بالليل لتترك طوال الليل تخمر على راحتها ومن صباح اليوم التالي تسوينها0

الطريقه:
تقومين وتجيبين صياني تيفال وتضعينها على عين الفرن من فوق وبعدين تجيبين العجينه راح تلاحظين وجود زي الفقاعات هذا دليل على ان العجينه خمرت جيدا قد تحسين انها غلظت بعض الشي لذا لا مانع من انك تزودينها قليل من الماء بعدين تحركينها بيدك انتي لابسه قفاز هنا تكون مجهزه صحن فيه القليل من الماء بجانب العجينه00
ناتي لمرحلة التنقيط تقومين وتاخذين قليل من العجينه باليد طبعا وتحاولين تكورينها ومباشره تضعينها عللى الصينيه وتغمسين اطراف اصابعك بالماء ثم تعملين الثانيه وهكذا هي تحتاج خفة يد وسرعه واذا ماقدرتي بيدك ممكن تستعينين بالملعقه واذا خلصت كور العجينه من تحت تدخلينها الفرن وتحمرينها من فوق ثم اذا خلصت تضعينها في حافظه للحراره واذا خلصتي كل الكميه من العجينه تضعين عليها نصف زبــده وترشينها بالسكر وبالهناء والعافيه