|
الفريســـة .!
هذا الخطأ اللي ماتوقعت يخطيه= شف كيف كشّر طيب القلب نابه أثر الحسد لاعشعش بصدر راعيه= يجعل من قلوب الحبايب ذيابه اللي تعلم من سكوتي تماديه =علمني استقبل خطاه برحابه والواجب انه لو جحد فزعتي فيه =مايجحد حقوق النسب والقرابه وانا اللي يوم ان المصايب تبكّيه =كنت اقرب إله بضيقته من ثيابه اللي تعاف اوله ينعاف تاليه =وانا كفا صدري من الغيظ مابه من لا وقف لي وقفة رجال مابيه =يغني عن حضور المقفّي غيابه ومن لافزع بالكايده مع بني خيه =وقت الرخاء مايحسب حساب لابه علمت غيري كيف لاصد ماجيه =وانا تعلمت الصبر والصلابه لن الشجاع ان مالقى من يواسيه =ان مانشدته ماعلمت بمصابه مادام بعدي عن رفيقي بيرضيه =نذرٍ علي اني فلا اطق بابه عيب التفت في جاه مخلوق وادعيه =وللمبتلي ساعة دعاء مستجابه الضعف مااطيقه ولا اطيق طاريه =والدمع لايرقى ولا ينرقابه والحلم يغنيني عن الكبر والتيه =والظلم محصيني كآبه كآبه ان ماجمعت وجيه مافرّق وجيه =ومن لابنيته ماسعيت بخرابه وانا لو اني بلتفت بلتفت ليه =الرمح غاالي والفريسه ذبابه بدري علي احسب له حساب واجيه =وبدري عليه يشيلني من حسابه كاني عتقته بعتقه رأفةٍ فيه =الا الطلابه ماخشيت الطلابه مهب على شانه عشان المشاريه =سامحت طيشه وابتليت بعذابه اليا كسر في خاطرك شخص تغليه =حتى المعاتب تستحي من عتابه اللي سكن صدري من الغيض يكفيه =ملّت تفاصيلي سكوت ورتابه اللي بيدخل في مزاجي بسوّيه =وباخاطب الفض الغليض بخطابه مثل الغلا اللي باخذه منه بعطيه =ويسمع جوابي مثل مااسمع جوابه دام احترامي للقرابه مجرّيه =ياشيخ ملعون امها من قرابه لو كل شخص بيحتقر في باخاويه =مااكون حزت من المراجل مهابه ياهيه مثلي مايقولون له هيه =مدري متى تتعلمون الذرابه اللي معلّمك الكتابه على ايديه =لمحة بصر ويبعثرك من كتابه ومثلي ليا من قلت لك قول بوفيه =والقرم لا من وكد العلم جابه سمّه تحدّي سمّه اللي تسمّيه =بس الوكاد انه مهوب استجابه اللي مهب قد المواجه يخليه =ومن لاقدرت تهيّبه منك هابه الله يعز وجيه ويطمن وجيه =حنا بشر لكن بشر وسط غابه ومن لافزع بالكايده مع بني خيه =وقت الرخاء مايحسب حساب لابه للشــاعر / حـــامـد زيــد |
اليا كسر في خاطرك شخص تغليه.... حتى المعاتب تستحي من عتابه
اختيار رائع ومميز وراقي تحيتي وتقديري لك أخي أبا طارق |
اقتباس:
شرفت الموضوع لاعــــــــدمنا وجووودك. |
بوح بديع راقي
صح نقلك وذوقك ويسلم لسانه شاعر الابداع حامد زيد ابو طارق حماك الله ورعاك |
اقتباس:
حياك الله استاذي وصح بدنك ولك الشكر الجزيل على تشريف الموضوع حفظك الله ولاعـــــــــدمنا وجووودك. |
نص يزخر بـِ الجمال فاخر آنت يَ شاعرنا الراقي لك باقة إحترام من حدائق الروح |
اقتباس:
رفع الله مقدارك ولاعــــــــدمنا وجووودك. |
لله درك على الانتقاء الراقي
كل الشكر ابو طارق |
اقتباس:
حياك الله سموالذوق ولك الشكر الجزيل على حضورك الراقي وتشريف الموضوع لاهنت ولاعـــــــــدمنا وجووودك. |
دائما ابو طارق لا تختار إلا لـ نجوم الشعر ومُعتلي عرشه
اختيار راقي ومميز من ذائقه اتسمت بالجمال دائما الله يعطيك الف عافيه دمت بـ ود |
اقتباس:
أسأل الله تعالى أن يرفع مقدارك ويحفظك من كل مكروه تقبل تحياتي لاعـــــــــدمنا وجووودك. |
| الساعة الآن 12:38 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010