ابيات ترحيبيه باللوى عضو مجلس الشورى تركي حمود العنزي في مجلس الاخ محمدسميان الشمري
 

ابيات ترحيبيه باللواء متقاعد وعضومجلس الشورى تركي حمود العنزي
في مجلس محمد سميان الجعفري الشمري

[poem=font="simplified arabic,7,black,bold,normal" bkcolor="white" bkimage="" border="groove,8,gray" type=2 line=0 align=center use=ex num="0,black""] عطونا الزاج والبوك المسطر=سفير الشعر حل وجاب مابه

نبي نكتب ونبحر بالقوافي=ونسوق القافيه سوق الجلابه

تراحيبٍ بضيفان الضياغم=هل المجد الموثق والرحابه

هلابك يابويوسف عند شمر=عدد ماهل همال السحابه

عدد ماارزم سحاب الوسم وامطر=ومن يحضر بصحبك مرحبا به

نرحب فيك في بيت ابومتعب=عريب الساس والطولات جابه

صخيٍ مابخل في راس ماله=على البذل الصخي تهذل ركابه

يروم المرجله والطيب ملكه=حوى كل المراجل في رحابه

بنا بالطيب لاهل الطيب بيته=كريمٍ دايمٍ مايصك بابه

هلابك في مظيفه مرحبابك=نرحب فيك ياساس النجابه

خوي طيب ولك فعلٍ مجرب=فعولك ما توفيها الكتابه

ملكت المرجله والطيب كله=وسيف الطيب في كفك نصابه

ورثت المرجله من روس وايل=صناديدٍ تهقوي من هقابه

وختم القاف صلى الله وسلم=على محمد ( واله) والصحابه

عليه افضل صلاتي والسلامي=عدد رمل الوطى واللي وطابه[/poem]

مشعل عسام الغافل التريباني الشمري في1442/4/21هـ

يستاهل تركي صح لسانك

قصيده اقل مايقال عنها رائعه

استمتعت بقراءة قصيدتك

اخوي سلطان صح بدنك لاهنت يبعدي شكرالمرورك

هلابك يابوعبدالرحمن وصح لسانك ملاااايييين
والنعم بالمادح والممدوح
تحياتي لك لاعـــــــدمنا وجووودك.

تم التنســـــيق

مشعل التريباني .. تسلم وص الله لسانك ولاهنت
قصيده جميله
يعطيك الله العاافيه .. شكرا لك ..
تقديري

يعطيك العافية

اخوي ابوطارق
ونعم بحالك وصح بدنك لاعدمتك

اخوي المشرف
اخوي مشرف اقسام عام
صحت ابدانكم جميعا الله لايهينكم

صح فكرك وبوحك يستاهل الممدوح وانت طيب ياطيب

صح لسانك وعلا شانك
امتعتنا بجمال طرحك
شكرا بحجم السماء

اخواني
واخواتي
صحت ابدانكم جميعا شكراللجميع

اخوي اميرالشمال
صح بدنك لاهنت شكرالمرورك