قم يانديبي فوق بنزن منمر = مراوحه عند اشتغاله يديره
خصايص التبريد لجن وعمر = صياح خفراتٍ على شيخ ديره
لو طال خطه راعيه ما تذمر = الياقدح نوره وكمل مسيره
يشدي لسودا يوم دلة تغمر = لحاقة معها رهات بمطيره
انصى الامير اللي قديمٍ تومر= ما ومره كثر الدراهم واميره
نسل السباع اللي تنومس بشمر = لاحل سل مهندن من جفيره
ابن الزعيم اللي على المجد شمر = شيخٍ لعسرات المواقف ذخيره
فارس توفى لكن المجد عمر = لو ان يجحدله جمايل وسيره
الصيرمي منه القرانيس خمر = ماهي سوالف عاجزن وسط صيره
لاصنقرت بالقيظ والحزم جمر = فيةّ اجا ولا ملاوي سميره
هذا شداده بالمفاخر مقمر= وعقبه عباته جبعتها العثيره
اسمه على تاج الزعامه مسمر = يجير من طيبه على الصعب جيره
لا ياسطم حالي من الوقت دمر = والحر برقع صاقره ما يعيره
ياسطم يوم ان المواقف تثمر = وقفاتنا صارت علينا كسيره
ياسطم ما حنى دجاجٍ وحمر = رجال قومٍ له زنود وبصيره
عرش الزعامه عقب فارس مدمر= كلن علينا قام يشعب بعيره
حنا كسبنا المجد من فوق ضمر = بالحدب ما هي منحةً من وزيره
اما على روس العوالي نعمر = اقلاع عزن عاصيات وعسيره
عرد الجوانب سورها ما يطمر= في عرضها الشيهان يعلف صغيره
ولا بكيف اللي يزمر يزمر = وهذي نهاية حقبة عقب اميره

ودي اغني براس المرتفـع وابكـي=عقب الخسارة بحب الشوق وافلاسي
واقلبي اللي من الهاجوس له دبكـي=من كثر مادرتها بالراس وا راسـي
كني مهاجر حرارٍ وان شبك شبكي=ماصاد من هدته غيـر التلولاسـي
عليك يامن حبكني بالغـلا حبكـي=كما تحبك الهواجس ذاهل الناسـي
يابو نهودن ثمرها ناضـج النبكـي=في فيضةٍ ريفها والوسـم محتاسـي
عليك اصوغ القوافي واسبكه سبكي=وارصعه بالغلا ترصيع الالماسـي
كل المشاعر واحاسيسـي تنادبكـي=وانته مطنش حبيبك ليـه يالقاسـي
خليـت قلبـي فداويـن تعزبكـي=وانا عقب خافقي مافادنـي باسـي
ابكي عليك الليالي وانـت ماتبكـي=قلبي جعلته كمان ونوب مرواسـي

راكب اللي تقل هملـول برديـه=زين جلده مع خطات الريع داوي
لارعد في ثالثـه ملعـون بيـه=اسردٍ عجه كما الغيـم النشـاوي
لاا نصلق ياتقل يشبهلـه وزيـه=الشهاب اللي ورا العفريت هاوي
مبطين عن طرق بيد جرهديـه=زين مرواحه مع الدو الخـلاوي
باغيٍ شوف الهنـوف الشمريـه=بنت شيـخ لاتناخـو بالنخـاوي
يـوم حـزات العلـوم الاوليـه=كسبهم بالشلف ماجيبن شـراوي
جده اللي فـوق بنـت المعنقيـه=لاغدى الطابور صولات وحداوي
عين حرٍ حل سبقـه مـن يديـه=فرعوبـه للهدد حـزة ظحـاوي
والردوف اليا مشى سون كذيـه=يقصر المقنع ولوانـه رهـاوي
عود ريحانٍ سقـاه الشـط ميـه=ارجحين حدر ظل الغيـد راوي
اخسر الخفرات كله بـس هيـه=النتيجه هي من عقب اليسـاوي

الله يجازي ساعة العسر باللين= تباً لساعات القهر والهظيمه
لاياوجودي وجد من يشكي الدين= من كثر فقره صارمن دون قيمه
على الذي عهدي بها الجيم والسين= راحت ماغير الذكريات القديمه
لا ياعيون مدعجات الشياهين= رقط الصدور مصخرات الخريمه
شكل الكرز كنه على ناظج التين= وحمر الطعوس اللي عقب دث ديمه
عليه غيم الحزن يمطر من العين =واصبحت لهموم الظماير وليمه
وجدي وجود اللي وقع بالميادين= في ساعةٍ فيها تبور العزيمه

يالوف قلبي لوف زرعٍ بعاصوف= داسه هماليل المطر دوس باالقاع
قبل الحصاد من البرد جاه راجوف= طاحة سنابلها على الارض وقاع
راعيها يصفق من الظيم بكفوف= واصبح يدوج لاشرابه ولاباع
يالوف قلبي لوف ريحٍ لشفشوف= اللي نحتها مع مدى الوقت ذعذاع
هوا الشمالي مودعٍ صلبها جوف= مع الزمن خلا تجاويفه انواع
عليك ياللي مابعد شفتها شوف= الا انها داخل هنى بين الاضلاع
نشدت عّنه قالو الخصر ملهوف= والعين عين اللي على الجول طلاع
ممشوقةٍ كله مزابير وردوف= خلخا لها حس القطى يوم ينزاع
اليا ابتسم باللي كما الدر مرصوف= قامة تلاالا بين اشافيه لماع
عنق الفريد اللي رتع كل حجروف= قفره عقب مزن الحيا له تمرياع
ابوجديلٍ فوق الامتان منسوف= احبال دلوٍ جابة الما من القاع
الله وامانه به على كلهن نوف= ولا يزعل الصدق المرصع باالاسناع
عليه قلبي تقل يمزع من الجوف= في كف قرناسٍ عصابه ولا طاع
راعي رموشٍ لارماحٍ ولاسيوف=صواقعٍ ظوحه شعق قبل صرقاع
يغضي بهن طرفٍ تقل دوم مطروف= من الحيا كنه عن الناس بقناع
اخفى جماله خلف شالٍ ونفنوف= بنت الاكارم نومسه حلو الاطباع
وانا لواني بالطواريق مكشوف = عشرة نقى مالي بها قصد واطماع
يالوف قلبي لوف شوبٍ لقفقوف= لاعه سموم القيض من عقب مرباع
عليك ياللي بين الاقراب معروف= من منهل العقيل صوعه بلا صاع
هنيت من ياصل هوا البال ويشوف= من شان اريح خاطري واقضب القاع