|
لغزالتحدي 2/محلــول حله مـــحمــد اديهم..الجواب الماوس
ياهلا بكم أخواني: أتمنى أن أرضي أهل العشق والتحدي : بلغز جديد يقول:
قرْب لِي الفنجال مازون هيله=أبي تقهوى وأقعدالراس بالْكِيف وأجيب لغزٍلي جديدٍمديله=مايلْحقه نقصٍ ولاقول ياحِيف ياويش شيٍ وهوجديدٍ بجيله=ماله بسالف وقت الأجدادعرّيف يمْشي بأمر راعِيه من دون حيله=مطْواع وعلّمه ينقله دون تحرِيف يبقى مكّن ومن بغى له يجي له=كم مدمنٍ قابله وماهوبكييّف يروح بمْرك وكنْ حاله ذِليله=يُورِي بنفْسه بالْعجل ودون تكْليِف مدْرِي يذكّرْأويُؤنّث دلِيله=بس المؤكدأسمه مترْجم أوضِيف موجودعندك وشْ تبي بالطّويله=حتّى هلْ المقناص بسْلُومهم شِيف [/poem] * شروط اللغز: --أن لاتقل مشاركة العضو عن 50 مشاركه سابقه بالمنتدى على الأقل --أن تكون الإجابه بأبيات شعريه .. ولايشترط الوزن ولو كان بيت واحد --يكون للعضو اربع مشاركات في اليوم الواحد --اللغز مفتوح .. *لاتؤخذالأجابه العامه فقديكون الحل جزء من كل او العكس فأرجو ان تحدد الإجابه بمسماها تحديداً.@ *هناك جائزه بطاقة سوا بمبلغ 300 ريال .. وفق الله الجميع |
اش قد احاول مابقدر
للغز والاشعار ينطيك عوافي خيي لجاوي |
صح لسانك يالطيب
لكن ماحولك توضيح هو قديم او لا بزعمي انه حول الاجهزه |
اللجاووي
الله يعطيك الف عاافيه يارب مبدع بالحق وكلمة مبدع قليله في حقك يكفي اجتماع الكل حول لغزك وانتظاره بفارغ الصبر ومشاركاتهم والمحاولات لم ااتي للمشاركه بل لتسجيل اعجابي بالالغاز ا انا اكتفي بالمتابعه بين الحظه والاخرى حتى انني اوقات افتح صفحه خاصه لمتابعه اللغز وصفحه للمنتدى لاني مهما حاولت اجد صعوبه في فهم الابيات ولكن اشهد لك بالابداع وفقك الله ورعاك تحياتي |
.
. عزيزي واستاذي اللجاوي انت قلت تكفون لا تحلونه بسرعه .. وتكفى يا طويل العمر تهز جبال ورجال .. وانا هلحين ما غير اتنافض من تأثير الكلمه يعني :) الوكاد بنعطي الاخرين فرصه .. ولو ان الحل عارفه .. لكن بنصبر شوي :) لكن المهم بالموضوع هو .. اني قدمت لكي اسجل كلمه بحقك ايها المبدع .. ولو ان شهادتي بك مجروحه .. لانك من قسمي ههههه وتخبر حنا عيال كار واحد من قبيلة همس القوافي كلنا .. لكن ما اقول إلا // إلى الأمام يا اللجاوي .. وكلي فخر واعتزاز بما تقدمه .. تقديري |
اللجاوي بيض الله وجهك دائماً مبدع ماشاء الله عليك جاري التفكير وياصلك الحل بعد ثلاث ايام ان شاء الله طبعاً ثلاث أيام بسبب الشرط |
اقتباس:
حياك اختي اللغز سهل حاولي اذا تقدرين |
اقتباس:
|
اقتباس:
يحفظك ربي بارشا .. يكفي تواجدك ومرورك أسعدني... وياهلا فيك |
صح السانك يابعدي شف انا عندي رمعه بس قهر احطه في كم بيت وتطلع خطاء وش رايك وش اسوي
|
اقتباس:
اهــــــلاً فيك ابن الهيلا والله وجودك شرف.... وتر قولي لاتحلــــونه على طول فيه نوع من التحدي ....:h57:وآآآثق الرجال ههههههههه...!!! أذا واثق بحلك أسدحه يابعدي ولا يهمك احد وياهلا بك يا مشرفنا ومبدعنا |
اقتباس:
ياهلا بك اخوي سلام.....نتظرك يابعدي وياهلابك.... تخبر توجيهات المنتدى يابعدي ودي الكل يشارك بعدين سهله بس كم رد منك على بعض المواضيع وتستوفي الشرط |
اقتباس:
ياهلا والله بشاعرنا ولايهمك ياما رمعنا وطلعت غلط ...هات اللي عندك حتى لوهو بيت واحد.... وياهلابك |
اهلاً بلغز التحدي وهالمره ابحله بأذن الله !!:3fgedg:
صح لسآنك شآعرنآ اللجاوي لغز مليان ويبيله تفكير !! سلمت وسلم فكرك الرآقي .. وشروط وافيه يستحقها اللغز اتمنى ان يلتزم بها جميع اعضآءنا .. لاهنت شاعرنا المتألق وعساك للقوه .. << جاري التفكير ولي عوده بأذن الله .. |
فزعه ياذيب اذا حلي غلط قل صح لا تفشلن عند هالمزين هههههههههههه
قل للجاوي لا يشب الفتيله=يصبر معي اشوي ويصير حريف ترى خطوط الطول والعرض حيله=والعشق ذابحني وانا كلي ارهيف القارمن فالليل يسوا قبيله=لا صرت ناوي بالرحيل المواليف يعني ان الحل القارمن <<< يارب انه صح هههههههه |
اقتباس:
يالله طلبتك ترهش بنوسيله=وتسكب علينا خمسة ايام ترهيف ويزين مطلاع الخلاء وكل قيله=وننصب خيام وفي فياضه غطاريف أحسنت وابياتك جزال وجليله=بس اعتذرلك وانت ياخوي عريف حاول يابعدي خيره بغيره انتظرك...يابعد قلبي( صح )... انك خطير اي والله... هاه شفت كلمت صح كتبته لك توي |
قهر وانا ياحول لي شوي اعصر في هالمخ الله يخلف علي انا موخي هههههههههههههه
|
اقــول ياللجاوي ما فيك حيله **** وفالك مليون من قلوب المواليف قوقل كروم حل لغزك يالدليله **** معروف عند الناس من غير تعريف |
اقتباس:
يارمرحبا بك وياهلا دون ميـــله ***** ترحـيبة البدوبفـرح جيـت الضيف ياليت ودي لــو تحـــله بكيـــــله ***** مــار العذر منك وحله مـا هو طيف أعتذر لك يابعد حيي ماهو الحل... اتظر اجابه غيره.... |
صح لسانك
اللجاوي طايرة العيون والمخ صار يتحرك بوش لي عوده |
اقتباس:
ياهلا وأنتظر اجابتك شرفني وجودك يابعدي |
أظن حله ياللجاوي شاحن الجوال ...اللي يسمونه ترانس بالانجليزي <<<<وش الاحراج والله الشعر مالي فيه الا التذوق عشان كذا كتبت البيت كذا .... حاتم حائل |
اقتباس:
ياهلابك اخوي والله اتمنى لو حله مثل ماقلت خييييره ... بغيره...!!!تشرفت بحظورك |
حي اللجاوي حي راع الجزيله=وحي القصيد اللي مايحتاج تنضيف ان كانه الجوال دايم نشيله=ياما دفع مخباي فيه المصاريف |
الموت كم فرق حليل وحليله=والحب كله لرموش المراهيف والحل عندي لابغيت الحصيله=ترى الرسايل بين الاحباب توليف يعني الحل الرساله في الجوال يارب انه صح ابي مره بعمري احل لغز |
اقتباس:
اهلا هلابـك عد وبل وهمـيله **** واعــدادماناضت بروقــه رفــاريــف ودي تحـلـه يالقرم مع دليـلــه **** بس أعتذرحاول على حلك اتضيف ياليت بس بعيد يالغالي ...شرفني وجودك |
اقتباس:
ابيات حلوه كانفــل في خميله **** منطوق ماشابـه من الهرج تزييف ياليت يابعدي والله ةتمنيت ....بس لا يأس مع الحياه.....حـــاول وفــالك طــيب |
اقعد ياللجاوي والله بلشنا هههههههههههه بس هذي رمعه
اغديه الانترنت راع الفضيله......يطيع دايم مايحب التصاريف |
اقتباس:
ياليت والله اتمنى تخيله *****مثل الذي يخيل برقٍ له يشيف حياك وأعتذر يابعدي.....حــــاول |
مانتم بحل ليش مااعلنتو عن اللغز انا احب اكون بكل صفحه لي حل من الاولى حته الخامسه مدري ليش احس الصفحه الخامسه هي الاخيره هههه الجاوي صح لسانك بس ياحيي نبي بدون شعر مدري انا افكر بالحل ولا بالقافيه ههه وش رايك ..؟؟ |
يوم جين حطيت رجلك الجاوي ههههههه مار ماني متحريتك ابجاوب تهقا ماهي السياره هي الي تمشي بطوعي وانا الي اجيه بمكانه وبعدين تودينن للمكان الي ابي ومنه مذكر الجيب ومؤنث الكامري هااه قربت ولا بواشنطن ..؟؟ |
اللغز فلته والخواطر قتيله=والراس داخ وتالي العلم تصريف والحل كنود والمغازل فشيله=وشمر هل الطولات وبليس حريف شف عاد اذا ماهو الكنود ابنتحر ترى |
مطعون انزح وراك لا تحل وبعدين وش مسهرك رح نم الجاوي طرا علي عقب حل مطعون الا ماهي البوصله الي يسمونه ماجلان هاااه وينك انت المفروض ماتنام تسهر اتابع حلنا |
يالشاعر المبدع ابرمع بحله ... يمكن أصيبه تونـا باول الصيف جهاز كنود ينقل العلم كله ... والا كاميرا اتصورك دون تزييف ممكن الحل جهاز الارسال ( كنود) او الكاميرا بانواعها سواء عاديه او كاميرا الفيديو اللي تنقل الحدث او الصوره او المكان كما هو بدون تزييف .. ويا طلع الحل صح بكمل الأبيآت .. |
اقتباس:
وبعدين ماهوب ماجلان انتي وخشك شوفي الحلول قبل بعدين ارمعي مدري ارمحي هههههههههههههه |
صح لسانك شاعرنا اللجاوي على براعة طرحك المعهودة
وبانتظار ردك على مطعون وعلى النية.. لاتتأخر تخبر القريحة الشعرية والمه ...هههههه من جنبوه الا هالثلاث مية ماتجي كاش ههههه والا عشا لشخصين بمطعم البانوش بالخبر هههههه عساكم ع القوة وصباحكم الغاز مليانه .. وبالتوفيق للجميع .. |
طيب ياللجاوي ماهو ورق الكربون ترا ما بقى عندي الا ورق الكربون ،،، اللي يستخدم لنسخ الكتابة ،،، والله اعلم حاتم حائل |
اقتباس:
ياحيا الله مستحيله.....بالنسبه لك بشعر او بدون شعر صعبه عليك يابعدي هههههه هذا مطعون يفحط تفحيط والحقيقه انه خطير.... بس ماجابه ... يالله انتظرك بس لاتروحين للقطب الشمالي خلك حولنا... |
اقتباس:
خطييييره وتفكير قوووووي... بس لاتعودينه شاوري قبل ماتنزلين الحل..الجو عندكم بالقطب الشمالي برديابعدي..ياهلابك |
اقتباس:
والله خجلنا واستحيت وفشــيله****شعرك جميل وصوغ فنان حريف اخجلتني بابــياتٍ حلوه جزيلــه****المعــذره تر للمقـــادير تصــريف ياهلا مطعون عزالله انك شاعر يابعدي .... وتفاعلك رآآآآئع.....يبي لك شوي |
| الساعة الآن 10:37 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010