فصل على قدك من الخام ملبسك
 

‏فصل على قدك من الخام ملبسك
ماينفعك ثوبن طويلن تجره

ولاتستشير اللي برايه معاكسك
مامن ورى الراي المعاكس مبره

حجن بدون احرام مايكمل النسك
لوطفت وسط البيت تسعين مره

احذر تصاحب واحدن ماينومسك
اليا التقا الجمعين كره وفره

واليا ضحك ناب الاسد كاد يفرسك
لاتنخدع في ضحكته خاف شره

ولاتبدي اسرارك على من ينافسك
ونفسك على حمل اثقل الشيل ضره

عليك باللي بالشدايد ينومسك
يصبر على الشدات برده وحره

اللي بتقديرك ووزنك يحسسك
مركا الرجوله متكاه ومقره

شجرة وفا منتوجها زاكي المسك
يشبه لنجم اسهيل والا المجره

قدم يمينك له الياجا يخامسك
وعطه العهود الوافيه لاتغره

مشعل عسام الغافل التريباني الشمري في 14/2/1441هجري

هلابك يابوعبدالرحمن وصـــح لسانك ملاااايييين
تحياتي لك لاعــــــــــدمنا وجووودك.

واليا ضحك ناب الاسد كاد يفرسك
لاتنخدع في ضحكته خاف شره
مشعل التريباني .... يعطيك الله العاااااااااااافيه ..
وصح الله لساانك ولاهنت
شكرا لك

يسلّم منطوقك شاعرنا العذب
إلهي يسعدك وَ يديمك يّ مبدع
~

اخ اني
اخواتي
شكراللجميع علي حسن المتابعه لاهنتو

اللي بتقديرك ووزنك يحسسك
مركا الرجوله متكاه ومقره

شجرة وفا منتوجها زاكي المسك
يشبه لنجم اسهيل والا المجره

يسعد لي نبضك وفكرك شاعرنا القدير مشعل التريباني
لاهنت يابعدي على هالشامخه . دمت شامخ

اختي بزونه
اخوي الساري
اخوي هدوو الجوري
شكرالكم جميعا على المرور والاطرى الله لايهينكم جميعا

السلام - - قصيده جميله - - تسلم

صح لسانك اخوي الشاعر / مشعل لاهنت