حلمك ابعد يالنداوي طير ذبّه = واطلع بروس الضلوع العوج دايم
اتق الله في الخفوق اللي تحبه = مانعيد العيد والخفّاق صايم
قال:جرحي.قلت:بيدي كل طبه = بس تكفى خل طير العز حايم
من يباعد بالهقاوي هيل حبه = يرجع القناص من رمحين هايم
لاتمد الكيف بشمالك واكبّه = بنت شيخً لابس الشيخه عمايم
طفلنا لو يبتدي في كلمة( أُبّه) = ماتخطّى في حراج الذل سايم
ماكلين قشار طيبك فوق لبّه = شاربينه مالنا في الشهد لايم
ماتفسر من غموضي قوم خبّه = لاتبيح السر حتى للبهايم
ان سئلني قلت:طيب العود شبّه =خل شالي يحتضني بالولايم
مالعبّي يالسنافي غير حبّه = خوفي انه يملك الخثرات ضايم
لاتلوم الغصن لاقامت تهبّه؟ = ساهرين الليل والمرتاح نايم
راحلينً بالمواني دون سبّه =مبحرين بيوم عاصف.جو غايم

سارجين الخيل والمقفي لعبّه = ناثرين النقع والميدان قايم
من يصلي فالرواتب مستحبّه! = ركعتين بالضحى وقت السمايم

صح لسانك
عنود الصيد

ابيآت فاق الجمآل جمالاً
ونص كزخات المطر
عزفتِ لوحه راقيه بأحسآس شفاف
دام مداد قلمك الماسي
وداام فيض احساسكـ العذب
سلم بنانك وسلم فكرك
وطبتِ بالفرح
واهلا بك ِمعنا ,,