ياولـد هـو ليـش يزعـلـك الصحـيـح=وليـش انــا مـاازعـل بنـقـدك لقلـمـي

وليـش مـا تأتـي مـع العالـم صـريـح=ولـيـش تـاتـي فــي كــلامٍ مدغـمـي

اعـرف ان النـاس ماتخـدم شحـيـح=لا تصـيـر اصـــم واعـمَى وابـكـمـي

ولاتظـنّـك كــل نـطـقـك بالفـصـيـح=وكــل مــن حـولـك تكـلّـم باعجـمـي

ولا تـوقّــع كــــل مـاقـلـتـه مـلـيــح=وكـل مــن حـولـك غـبـي مايفهـمـي

كـان ماتقـدر علـى الجـزل استـريـح=ماتـشـب الـنـار مــن نـفـخ اشـرمـي

امـش سيـده وانتبـه واحـذر تطيـح=الـطـريـق الـلــي سلـكـتـه مـظـلـمـي

ســد بـابـك لايجـيـلـك مـنــه ريـــح=واستـريـح مــن الـبـلاوي واسلـمـي

الـذيـابـه مـاتـخـاف مـــن الـنـبـيـح=مايهـاب الـذيـب كــود مــن الـرمـي

ماكتـبـت الشـعـر ادور بـــه مـديــح=وعـن طـريـق الـحـق مــازل قـدمـي

انـت مثـل الــي يعـبـدون الضـريـح=عــن طـريـق الـحـق عينيـنـك عـمـي

فـي عيونـك كـل مـن حولـك قبـيـح=وكــل هــرجٍ غـيـر هـرجـك مبهـمـي

والصـراحـه مايـصـح الا الصحـيـح=مــن طـهـر قلـبـه يصـيـر المـكـرمـي

الحسـد خيّـم علـى القـلـب الجـريـح=وصـار قلبـك بالحسـد يـزمـي زمــي

وصرت تنظـر بالعيـون ولـك فحيـح=وصرت من زود الغضب تطمي طمي

والله انـي مـا انحنيلـك لــو تصـيـح=مـااتـرك الثعـبـان يـنـهـش بلـحـمـي

طيـع شــوري قــر يالـوجـه الفلـيـح=قـبـل لاياصـلـك رمـحـي واسـهـمـي

والله انــي لــك بـمـا قلـتـه صـريـح=وغيـر هـرج الصـدق ماينطـق فـمـي

صح لسانك قصيده جميله شكرا