|
شفت الجريفاني دموعه هماليل
احمد الجريفاني يرثي زوجته في ابيات يقول فيها
ياهل دمع العين يمسح بمنديل حتى يجف او ياقفن الدموعي وانا رديت عليه بهذه الابيات
شفت الجريفاني دموعه هماليل=يبكي فراق اللي زهت بالردوعي دمعه على خده مثل فايض السيل=لاعه فراق مغيزل العين لوعي وانا ادري ان الفقد هم وغرابيل=مار القدر ماتفيد فيه الدموعي كان انت تبكي داعج العين بالميل=حنا طفت عنا جميع الشموعي قبلك فقدنا متعبين المعاميل=اهل المكارم عايزين الطبوعي فقدت ابوي منفّذ البن والهيل=اللي ببيته ينعمون الربوعي راع الصخى يوم الردي يبخس الكيل=للي يصوع البن بالكف صوعي وفقدت اخوي اللي اليا ضامن الشيل=يبرك لحملي وايتحمّل لطوعي اخو دهيره ياحصل بالدهر ميل=قرمٍ على لطم المعادي بتوعي يا الله يامنشي ثقيل المخاييل=تفتح لهم بالخلد باب الشروعي (((مشعل عسام الغافل التريباني)))في1443/7/4هـ |
رد على مستوى عالي
صح لسانك وعلا شانك أخي الكريم |
اخوي سالم الزير
صح بدنك لاهنت يبعدي شاكرومقدر لك المرور |
أخي الكريم مشعل أنت منبع الإبداع قصيدة جزلة ومعاني فخمة
شكري وتقديري لجنابك. |
اخوي احساس رسام
صح بدنك الله لايهينك يبعدي |
رحم الله زوجته
واطال الله عمرك مشعل عسى ماتفقد غاليك |
صح لسانك
قصيده وتعزيه بيض الله وجهك تقديري |
تسلم يابوعبدالرحمن وصح لسانك ملاااايييين وآمـــــين على دعائك
تحياتـي لك لاعـــــــــدمنا وجووودك. تم التنســـــــيق |
اخواني الافاضل
انين الصمت هوجاس ابوطارق صحت ابدانكم جميعا الله لايهينكم شكرالكم جميعا |
صح لسانك مليون
ودام بوحك الراقي |
صح لسانك ابو عبدالرحمن
|
اخواني الافاضل
صحت ابدانكم حميعا شكراللجميع على المرور لاهنتو |
صح لسانك ولسان الجريفاني شكرا |
| الساعة الآن 07:20 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010