بص شوف صرخة بيعمل ايه
السلام عليكم ورحمة الله وبركاته
يمكن الكل لاحظ غيابي يومين عن المنتدى وبدأت التساؤلات وطلعت إشاعات علي ويمكن البعض سماها باللجوء السياسي لأحد المنتديات ويمكن صارت مشاكل بين القبائل بسبب هذا الغياب الغير مقصود <==== مصدق عمره ولا أحد حس فيه أساسا ً هههههه المهم حبيت اقولكم قصة صغيرة يعني موجز والتفاصيل بالصور قريبا ً إن شاء الله يوم الثلاثاء وأنا منطق على المكتب جاني اتصال من شخص عزيز جدا علي من أهل القصيم قالي ( هاه منصور وينك بوه وراك ماترد علي بسرعة المهم اشرايك تمرن ببريده عندي مناسبة ولازم تحضر ) عاد انا رجال احب احضر المناسبات وفجأة أختلف لوني وضاعت خطوتي واستأذن من المدير واطلع من الدوام وألقط الطريق السريع إلى القصيم وقبل أطلع من الرياض بإتجاه القصيم وألزق شطرطون على اللوحة عشان ساهر صحيح ولله الحمد إني ما أسرع لكن تحسبا ً لأي كاميرا ساهر إلا على طاري ساهر تصدقون مرة أمشي (68) والسرعة المسموح فيها (70) صورتني وجتني مخالفة:074: المهم حضرت المناسبة وانبسطت طبعا ً مناسبة شبابية ويوم جاء الأربعاء الظهر قالي صاحبي واحد من اخوياه بحايل ابوه تعبان اشرايك تروح معي نزوره ؟ قلت هذي الساعة المباركة يالله وبشوف حايل لأول مرة وتذكرت منتدى بعد حيي أو الفله ورحنا لحايل وزرنا ابو الرجال والحمد لله بخير الرجال وطلع من المستشفى (شكل وجهي وجه خير عليه) وأخذت كم صورة لحايل وإن شاء الله انزلها بالمنتدى وأكثر شي اعجبني جبال حايل ومنتزه فوق التل صراحة خوقاق وشفت سماح سنتر بس ما دخلتها وقالوا إن ليلة الأربعاء جاكم برد مو بصاحي بصراحة الصفة العامة حايل حلوة بجد ما توقعتها كذا وإن شاء الله ما تكون المرة الأخيرة انتظروا التفاصيل قريبا ً إن شاء الله مع تحيات محرر صحفي سابق صرخة قلم |
وهذا تصميم بسيط بمناسبة سفرتي لحايل
الصور طبعا من google وإن شاء الله أنزل الصور اللي صورتها إذا الله أحيانا http://www.m5zn.com/uploads2/2012/2/...b60snm5za6.jpg |
’, سلمت على حُسن الآنتقـآء... لآ عدمنـآ جَديدگ.. تَقديري لگ..~ |
تصميم طيب
سلمت يداك صرخة قلم |
|
رائع انت
يعطيك العافيه |
يعطيك العافيه صرخة قلم ينقل للقسم المناسب |
رحله مووفقه وتقرير مميز..
بانتظار الصوور .. بووركت جهوودك لاهنت.. |
حياك ربي
على الرحب والسعه موفق باذن الله |
مها السبيعي
يا هلا ربي يسلمك من كل شر مشكورة على مرورك |
احمد الشمري
يا هلا الطيب هو طيب حضورك |
الزميلي
هلا عفوا ومشكور على مرورك |
رماس
يا هلا وانتِ وحضورك هما الأروع |
على النيه
يا هلا مشكورة على مرورك ويا كثر ما انقلت مواضيعي :) |
صمت الحنآيا
يا هلا مشكورة على حضورك |
الساعة الآن 06:11 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010