غبة بحر
 

السلام عليكم ورحمة الله وبركاته

اكرر الترحيب باخي وصديقي

ابو ابراهيم الشاعر الكبير

غبة بحر

حدثت بيني وبينه مساجلات

ساضيف بعضها هناء

وادعوه هناء ان اراد المزيد

هذه محاورة بالواتساب

محمد

والله اني شاعرن باللي شغل قلبك وبالك
وخابر عواد مبطي بالخفيفة والثقيله
بس انا ذالليل اببحث في سرايرك وحوالك
يمكن اني ياطويل العمر اشيل لما تشيله !

عواد
ادري انك تفهم الموضوع ماتطرح سؤالك
البلاء اني في مكاني وانت تكشت كل ليله
ليت لي حيله واجيلك
وانت يسعدني قبالك
والله اني ماكذبت ان قلت هذي مستحيله
محمد
انت عارف من تعنى بالمشاعر لين جالك
عندنا زندن خطير وعندنا والع فتيله
اعتبرني ياعزيز النفس في جنبك وجالك
وكان ربي مدني باقف معك في كل ليلة

عواد
صاير تشقر وتكتب ياصديقي مابدالك
راعي الغاية يبررها ويلقاله وسيلة
المحامي بالمحاكم يحضر الجلسة بدالك
هكذا القانون يجري مثل سيل في مسيله
محمد
كل شين ياطويل العمر بالتدبير سالك
انشد اللي صارع الدنيا وذاق من المليله
ماعليكم زود وحالي يمكن انه مثل حالك
هكذا الايام يوم ويوم والدنيا طويله

كفو والله انت ومحمد دامت انفاسكم وابداعاتكم

كل الشكر شاعرنا عواد

تسلم يافهد شرفتنا بمرورك

شاكر وممتن

الاقتباس غير متاح حاليا
البقا يا الاسلمي عسى عمرك طويل
كل الشكر لك

الاقتباس غير متاح حاليا
تعيش ياشعرنا

تسلم يابومحمد وصح لسانك ولسان ابوابراهيم ملاااايييين
وننتظر ماتجود به قريحتكم وأقلامكم.

صح ابدنك اخوي ابو طارق ونشاء الله تبشر بخير

السلام عليكم ورحمة الله مساكم الله بالخير جميعا الحقيقة اني تشرفت ايما شرف بانضمامي لهذاالصرح الأدبي الشامخ بمن فيه واتمنى من الله ان افيد واستفيد وفي هذه الليلة السعيدة لااخفي اعجابي وتقديري لشاعرنا العلم اخوي عواد العلي الشمري من دون نقص باخواني الشعراء المتواجدين وعليه،حاولت الاحتكاك بشاعرنا عواد للاستفادة منه ومن شاعريته ،،،فاقول



ياسلامي على اللي سرهم مايبين ،،،مير ذالليل اببحث في خوافي خفاه
لو تطول الليال ولوتطول السنين ،،،راعي الطيب مايندم لشين عطاه

وعليكم السلام

هلا وغلا

لنا الشرف يالغالي

جاري الرد

مرحبا ياصديقي واطلب الله يعين
من تمنى عسى المولى يحقق مناه
ياعزيزي ترانا كلنا مذنبين
اترك العلم الاول واكشف اللي وراه

ودي انك بعير اشداد ضلعك متين ،،،مايهمك براد الوقت ولادفاه
مير ابنصحك فل احجاج للمقبلين ،،،والمقفي عطه علباك وهذاجزاه

صح لسانك ابوابراهيم

جاري التنفيذ

احسن الظن يامحمد وخلك فطين
دام صدري شمالي منت لاحق مداه
ول ياذا القصيمي تنظر بنص عين
مابقى الا على عواد تسحب قناه


ههههههه

لاتحسس يالذيب من بطاي بالرد الامور طيبه

اثر عندك تمر حلوة وحب وطحين ،،توي ادري من اللي ملتحف باالعباه
بس لي حاجتن معناه يبطي دفين،،ليت عواد يبديها ويترك عصاه