منتديات بعد حيي - راعي القرن الأشقر

قصيدة ضويحي الهرشاني..
راعـي القـرن الاشقـر شــد قلـبـي وتـلـه
بـيُـح الـسـد مـنـي عـقـب مـانـي بكـامـي

عـنـز ريـــمٍ تـقــود الـصـيـد دقـــه وجـلــه
عـذبـت نـاقـل البـنـدق سـريــع الـولامــي

ياوجـودي عليهـا وجــد مــن فـاطـرٍ لــه
غرهـا النـوم عنهـا فـي فـروع المظامـي

فوقـهـا قربـتـه وحــذاه مــع مـزهـب ٍ لــه
واختفت جـرة الفاطـر غشاهـا العسامـي

خــابــر الــمــا بـعـيــدٍ والــدحــل مـايــدلــه
وما حواليه من يعطيه حمض العلامي

صاحبـي وان هـرج لــه هـرجـةٍ مانمـلـه
كود امل اللبن من در هـدف السنامـي

لــــه زمـانـيــن حــبــه مـاتـعــدى مـحــلــه
كــود بــرق الصبيحـيـه تـعـدى سـنـامـي

ليتـنـي شــذرة ازمــامٍ عـلــى مـبـسـمٍ لـــه
فوق بيض تلاعج مثل بـرق الظلامـي

لـيـتـنـي ربــطــة ازرارٍ عــلــى لــبــةٍ لـــــه
فوق فرع النهود وحـدر طـرق اللثامـي

كـن فـي عينـه اليمنـى عسـاكـر وسـلـه
عسكر الروم حمـران الوجيـه الطغامـي

ان قتلـنـي عشـيـري بالـهـوى فــدوةٍ لـــه
ذبـح خلـي حـلال وذبــح غـيـره حـرامـي

من عيون الشعر

نقله/ اورنس الضحيك