ياجرح لا تشكــي كفــــــوف المنــاعـــــير=
لا تشتكي ياجـــــــرح دامـــــه شــكتــــــنا
حـنــا فـديـنــا شــــــوق بــنــت الـغـنـاديــر=
ولاعــــاد فـيـهــــا دم جــــوف اوردتــنـــا
هب الــهــبــوب وقـلـت يـالله عـسى نطير=
كــلـــن عــلـــى راســـــه الــيـا طـيـرتـنــا
حـــنـــا تـحـمـلـنــا هـــبــــوب الاعـاصـيــر=
هـــبـــت ريــــــاح افــرقــهــا و شـتـتــنــا
صـفـت علـى جـســـاس او سـالـم الـزيـر=
جـــف الـزمــان الــلــي بـخـيــره جـفـتـنـا
كـلــن عـلــى ارضـــه يجيب المـسـايـيـر=
وحـنــا نـشــد فـــراق وصــــل امتـعـتـنـا
نــبــذر مـــــع الالام دمـــــع الـقـواطـيــر=
لـيـت الـدمـوع بـجــوف روحـــه سقـتـنـا
جانـا الفـراق الـلـي حـصـاده مخاســـيـر=
نــبـــذر شــقــاالايــام لا مـــــن كـوتــنــا
نسعـد علـى المـرواح وملاعـب الطـيـر=
ومــخـدت الاهــــوال تــفـــرش وبـتــنــا
احـلامـنــا فـــــوق الامــانـــي مـداويـــر=
رحــنـا عــلـى مـنـهـاجـهـا و صـدرتــنــا
يـامـا عـلــى الـواقــع خـذتـنـا مـشـاويـر=
نـركـض عـلـى طــي الـزمــان وطـوتـنـا
هــاذي سنـيـن العـمـر اهوالـــــهـا بـيــر=
نـرجع عــلــى ارضــــه الــيــا وردتــنــا
ايــه الـوصــل حـالــت عـلـيـه المـقـاديـر=
ولــــو تـسـتـحـي اظـهـورنــا محمـلـتـنـا
يالله عـسـى فــي خاتـمـه تـالـيـه خـيـــر=
يـــوم المـــنيـــه للــمقـابـر خــــذتـنـــــا

اه يـادنـيـا الـتـعـاسـه والــخــراب=
هزي جذعك ويتساقـط لـك رطـب
لـو تـعـرب جيـدهـا تلـقـا الـذهـاب=
رحــت فيـهـا يانجلـيـز ويـاعـرب
شرقهـا ينعـق كمـا نعـق الـغـرآب=
هز غصنه وأخـره حامـض عنـب
بانتـظـار الـفـرح ياتـيـك الـعـتـاب=
سـلّـم الـوجـاع يحـدربـك غـصـب
ياكراسي الجـرح فـي سلّـم عـذاب=
ياعيون الشـوق فـي لهفـت محـب
انطـوى همـي عـلـى قلـبـي وذاب=
والهـجـوس تــزج جـوفـه بالـهـب
تلهث الاحـلام مـع درب السـراب=
والأمانـي شــب غصـنـه والتـهـب
مـن همـوم الغيـث يجـلاه التـراب=
وتنقـع اجـروح المحبـه بالغـضـب
ياطريـق الفـرّح مـاهـذا الضـبـاب=
ينعكـس دربـك علـى بـوح الهـدب
اه ياقـيـس المـواجـع لـــو تـهــاب=
هـاذي اشـواق المحبـه لـك مطـب
مـرتـن تنـثـر همـومـك بـاشـعـاب=
ومـرتــن ذرّ الـمـاســي لـلـمـهـب
هي جروح الامس ضمه في كتاب=
مـع جــروح الـغـد تنـثـره الكـتـب
مـع محابـر وقتهـا بـوح الخـطـاب=
وألمـاسـي تشطـبـك لــوح انكـتـب
والزمان اللـي همومـه صـك بـاب=
فـي جــدار الـهـم يطـويـه العـتـب
ارسميني في سمـا غيمـك مصـاب=
وامطريني في نظـر عينـك ذهـب
ياكراسي الجـرح فـي سلّـم عـذاب=
ياعيون الشوق في لهفت محب..!

ياشيخ كان المال شيّخ معاليك=
كلي عذر لشيوخنا من زماني
تبدلت ايامها مع لياليك=
خله على الله ياسهيل اليماني
ان كان قل المال خيب هقاويك=
صبراً جميل ولالنا فيه ثاني
ياشيخنا مع ددسنك مالنا فيك=
أكتب قصيده في عريب المجاني
يمكن يحول دنيتك شقلبه هيك=
توقيع يده حولك في ثواني
تصير حراً عقب ماكان لك ديك=
وتركب على للي وارده بهبهاني
ياما على رياله حافت مواطيك=
يشري قلوب ضعوفها بالحناني
عرفت ياشيخي على مقصدي ليك=
الشيّخه بليا مال ماله بشاني
الشيخ شيخ المال والكل يدعيك=
كلن يقول الشيخ هذا مكاني
انتم هوات الشعر والشعر يفديك=
انتم حلات الشعر قبل المعاني
هاذي فحول الشعر صفت وتنخيك=
كلن يقول الشعر شحذت لساني
قلط فقاره من يوقع على الشيك=
كريم سبلا مايهاب الهواني
وش رايك ياشيخي على مطعم البيك=
وجبه على الماشي بليا صواني
مدام شيخ المال خيب هقاويك=
كلي عذر لشيوخنا من زماني!!

يامل قلبن ليال الشوق تلعبه=بين الحنايا يجي ويروح لعبوبه
اسهر وعاني ونار الشوق مشتبه= كن السعاير بوسط الجوف مشبوبه
لاغابت الشمس بين الجنح والغبه= احس نفسي مع الدنيا بغيبوبه
لاقلت هانت تجيه اشواق منكبه=والعين لاحان وقت النوم منكوبه
لامن طرالي بعيد الدار مع قربه= زادت عليا هموم وكثرت دروبه
ياغربه الشاعر اللي زادته غربه=جوه الحناشل وكل المال قفوبه
ياهاجسً كل مامريت افكربه= يضيق صدر القصيد وينفض جيوبه
يادم قلبي اشوفك،عيني انظربه=ياقصةً في صميم العرش مكتوبه
ياغنوة الشاعر اللي جت من قلبه= غنابها في ظلام الليل مسحوبه
ياطفلةٍ ترسم الاحرف على التربه= يانفحت النسمه اللي زادت اعذوبه
يالون روضن زهاه الورد وزهربه=روضن زهاه الربيع ولبسه ثوبه
من واديً يوم ذاك السيل دحدربه=اللي سقاه المخيل وفاضت اشعوبه
شربت من مبسمك كاس العنا شربه= امر من علقمٍٍ طعمه ومشروبه
يابنت عوداً خذاه الموت وحدربه= من عقبه الدار بيتً طاحت اخروبه
كنك فتاةً عن الاحباب مغتربه=انشهدنك على الاحباب مغصوبه
ياديرةً ون شرقه لادهل غربه= متى شروق الشمس يطلع على غروبه
ليا بعد حي ماودي اطولبه=لاقلت عديت صرت موجهن صوبه
لو قيس ليلى بغا مجنونه بحبه= كان السمن مانتثر من يد محبوبه
ولو بوسنه هرسك الاشواق من صربه=كان الارهابي مشال احزامه ابنوبه
ياقاف شعري على وجهك اطالبه=ون مامشى وجه قافي جبت مقلوبه
شيً يخج الحشا بسيف والحربه=خلك على وجهتك لاتجيب شقلوبه
من عالم الثالث اللي حرفه اعربه=راحت اماني حبيبك كلها اعروبه
ليا بعد حي جيتك شوق منصبه= مجلتك وسط حرف اشواق مصبوبه
ياقيس ربك يزيل الهم والكربه=وش لك بخلقً علينا اليوم محسوبه
ياوقت!!وش فيك كل الناس مضطربه=حتى الضماير من الاحساس مسلوبه
ياالله ياللي جميع الخلق يجهربه= ياواحداً فوق عرشه عالم اغيوبه
ترفق بحال الذي دنياه مكتربه= تروفبه يالاهي وستر عيوبه
تغفر لزلات عبداً تاه عن دربه=اليك ربي دعائه واغفر ذنوبه
التايب اللي طلب عفوك ويشعربه=وانت الكريم الجواد وقابل التوبه

الغربه اللي عقلت خافقي طوع=
في دايره حب البقا كتفتني
ضاقت على المشتاق وعيونها تزوع=
أضرب حنايا عرشها ماسمعتني
وشكيمة الايام بعقالها اسبوع=
تعسف مشاعر همها وعسفتني
قامت ترزم ميلة البعد للوع=
ودرهم ذلول الشعر لامن نصتني
مع سكة الضميان نمشي على جوع=
حافي رجل في دربها لاطوتني
تخنق على حلق القا زرق الادموع=
وتضحك على منطوقها لا بكتني
اشواك حبً تنثني حوله افروع=
تلطم حنايا جوفها لا جرحتني
كن الثمر من جيدها عقد منزوع=
تساقطت اوراق ياس وكلتني
اغروب شمس ولا بقا حولك اجموع=
نرقا معالي شمسها لا قفتني
بسلك الحرير اللي من الشوك مزروع=
تشربكت في خافقي ونزعتني
تبي الصحيح بخافي يابن ياسوع=
تثولثت بين الضماير وجتني
ياقربها في ناظرك حبت الكوع=
وياكبرها ياعبرها لا بلتني
ثارت مع الغربه ..وسيوفها قطوع=
تمرجحت في خافقي ..وذبحتني