ياراكـب اللـي للبعيـدات مصنـوع=
جيـبٍ جديـدٍ للمسـافـات قـطـاع

من ديرة اليابـان قـد جيـب مبـدوع=
امحكـمٍ صنعـه ابتصميـم وابــداع

فكسار ابيض واريلـة فـوق مرفـوع=
اليا مشاء ماعد يمشـي علـى القـاع

عليه ذيبٍ ماشكـى الضيـم والجـوع =
ذيـبٍ شجـاع وللثقـيـلات فــزاع

انحربه الا غازي كما النجم بسطـوع=
شاعـر بليـغٍ مرضـيٍ كـل سمـاع

عطه التحايا وايضـاً القـول مطبـوع=
من شاعرٍ حلمـه تضيـع ولا ضـاع

قله ترا متعـب غـدا اليـوم مفجـوع=
بسباب من ساقت على قلبـه اوجـاع

اربـع اسنيـن وحبنـا راح بسـبـوع=
راحـت وخلتنـي مـع الهـم ملتـاع

بنتٍ وضعت اسمه على القلب موضوع=
حبيتهـا حـبٍ ماهـو بـي الانـواع
حبٍ شريـفٍ مادخـل فيـه ممنـوع=
حبٍ عفيفٍ اكتمـه وسـط الاضـلاع
ومن بعدهن جاني خبر لاعنـي لـوع=
علـمٍ لفانـي منـه القلـب مـرتـاع
دقت علي والنـاس هجـاد وهجـوع=
قالت يامتعب عوكست كل الاوضـاع

قالت وهي تذرف تقـل بيـر نابـوع=
جوني خطاطيبٍ وانـا اخـوي بيـاع

اخوي وامـي طوعنـي لهـم طـوع=
المال طمعهـم وانـا اخـوي طمـاع

اخوي جيتـه قلـت ياخـي مخـدوع=
وامي بعـد جيتـه ولا فـاد الاقنـاع

اصبحت مثل اللي من السـم ملسـوع=
بارضٍ خلا مابه سوا اذيـاب وسبـاع

قلت ارحلي يابنت والهـم لـه نـوع=
وهمي انا نوعه ماهـو بـي الانـواع

متعب يقول وقول متعب اليا ضناك=

لامن طفش جاب القلم واحظر البوك



ثم زين القيفان قافٍ على اك=

ويناطحه قافٍ مزين على اوك




ياجد ابو فارس عسا الرب يحماك=

انت الذي لاعدو الطيب عدوك



عساك تسلم والمنايا تعداك=

حيثك عزيز وفرحة الناس لاجوك



وصيتني باشياء تهمن من اشفاك=

علمتني ياجد والناس عرفوك



يامتعب افطن لاتغربلك دنياك=

خلك كما طيرٍ من الكف هدوك



وعن طاعة الله بالك الناس تنهاك=

ماتنفعك ناسٍ عن الرب ضلوك



وتر الردي لو هو يصاحبك خْلااك=

واهل النمايم لامشو منك سبوك



واهل المصالح علمهم لايتنصاك=

ترهم مصالح لو على الراس حطوك



وترجيت الطُْيب اتنومس اليا جاك=

لامن لفا يمك على الطيب سموك



يامخاوي الطُْيب ترالناس تبغاك=

لاقلت قولٍ اكثر الناس طاعوك



ويامخاوي الانذال ماحدٍ تمناك=

لو هو كثر مالك تر الناس عافوك



يامجالس الطُْيب تر المدح يزهاك=

ويامجالس الصعلوك نبوك صعلوك



نصايحٍ قاله وقلته على اك=

ويناطحه قافٍ مزين على اوك

جيتك وقلبي بيـن ناريـن محـروق =
تكفا حبيب القلب عطنـي ابتسامـة
من فرقتك حزني معي صار مرفوق =
كـلٍ يقـول اليـوم متعـب علامـة
عيت جروحي منك يازين لاتـروق =
بينـي وبينـك تـم قلبـي انقسامـة
طيفك معي عايش على طول ياشوق =
والله ذبحنـي ياحبيـبـي غـرامـة
اسهر لحد الشمس ماتظهر شـروق =
نومي ثواني يصطفق فـي احلامـة
عيت هواجيس الزمن عنـي اتفـوق =
ماقـو اميـز ياهـلـي بحتكـامـة
اصبحت مثل اللي على الموت مفهوق =
ميس مـن الدنيـا وضايـع مرامـة
حتى السعادة والفرح صارت شفـوق =
حاير يدور فـي طريـق السلامـة
وده يعوض عمرة ان كان مسـروق =
بين العذاب وبيـن سجـن اتهامـة

متعب غدا يامشوح اليـوم منصـاب=
منصاب مـن هـمٍ لفـاه وسطابـه

يشكي عليك الحال ياعز الاصحـاب=
وزودٍ على الصحبـه فهـم وقرابـه

لانك رجـل مانتـا سفيـهٍ وكـذاب=
من صلب نـاسٍ بالملاقـاء ذيابـه
وش هقوتك باللي طعني بلا اسبـاب=
بطعنه غدر ماحـدٍ لمحـه ودرابـه

جرحي مهو جرحٍ حبيبٍ مع احباب=
جرح الرفيق اللي جرحنـي جوابـه

اقفا علي بسبـاب خايـب ونصـاب=
ومن طاوع الخايب خـاب الرجابـه

كنت افتخربه واحشمه عند الاجنـاب=
لامن حكو ماحـدٍ تجـرا وحكابـه

وكنت اقف بجنبه صـدوقٍ الياهـاب=
ولي وقفـهٍ بالـدرب لامـن غدابـه

وكنت انصحه بعلاج جرحه الينصاب=
ويالالاسف جرحي نزف من صوابه

الطعنه اللي لالفتنـي مـن اغـراب=
ماهمتن لـو هـو خطيـر التهابـه
مير البلاء ياجتك من ضمن الاقراب=
تعدهـا غلطـة رفـيـق وقـرابـه
ياصاحبي حطيت قولي على البـاب=
وسديت انـا مابيـن بابـي وبابـه

ياصاحبي يازيد نفسي غدت غير =
نفسي غدت ياخـوك دومٍ عليلـة
امن اولٍ تصبح وتمسي على خير=
واليوم صارت يارفيقـي ثقيلـة
بسباب نـاسٍ غيرتهـم دنانيـر=
اللي يعدون الفقـر بـه فشيلـة
امن اولٍ ياتون عنـدي مساييـر=
في مجلسي يازيد صبـحٍ وليلـة
واليوم صارو يارفيقي هاواميـر=
وتغيرو اهـل النفـوس الذليلـة
مرابعهم بديـار اهـل القواريـر=
ومـن اولٍ مرباعهـم بالنثيلـة
راع الغنم ماقيل راعي مغاتيـر=
والسيل يعرف مصدره من مسيلة
والي نوى فرقاي من دون تفسير=
يزعل ولايرضى وينسى اجيلـة
الزرع ماتشكل عليه العصافيـر=
الزرع ثابت كـل طيـرٍ يجيلـة
وابختمه يازيد يالله عسى خيـر=
يالله ترحـم كـل نفـسٍ عليلـة

يالي نويت البعد مانـي بجافيـك=
ماقدر على فرقاك يانور عينـي
مهما يطول الصد ماني بناسيـك=
ومهما يصير الوقت بينك وبينـي

بالحب خاويتن وجيتك مخاويـك=
جيتك وتدري وادري انك تبينـي

لو كنت انا مابيك قد قلت مابيـك=
اقدر اقوله وادري انـك فطينـي
لاكن انا هايم ومغـرم وباغيـك=
ومجنون مع مهموم عقبك سجيني

هاويك انا باغيك ناويك شاريـك=
دايم وطيفك في منامـي يجينـي

ان كنت ضايق جيت يمك اسليك=
مابيك انا يانور عينـي حزينـي

حبك جرى بالدم والقلب ناويـك=
يفداك عمري مع بقايـا سنينـي

بقول لك بيتٍ وانا انسان هاويـك=
يامنيتـي يافرحتـي ياضنيـنـي

افز لامن مر صوتـك وطاريـك=
واضيق لامن صرت مثلي حزيني

اخذت من وقتـي دروسٍ كثيـرات=
درستها فـي دنيتـي ليـن عديـت
وحطيتهـا لـي يارفيقـي علامـات=
امشي عليها لامُن اصبحت وامسيت
ماشكي انا للناس وقـت الصعيبـات=
النـاس ماتنفـع اليامـن توفـيـت
اشكي على المعبـود رب السمـوات=
الي يميت ويخرج الحي مـن ميـت
ودرب الكذب مامشيه هو والطمنات=
الـي يعيـب ويجدعـن لاتمشيـت
امشي مع اهل الطيب واهل الجمالات=
كسابت الناموس والمـدح والصيـت
الي لهم بالطيـب روحـه وجيـات=
انـا اتشـرف عندهـم لاتقهويـت
واهل النمايـم والكـذب والخيانـات=
ابعدت انـا عنهـم ومنهـم تبريـت
ودرب الخوي امشيه لو هو مسافات=
ماذكر انـي عـن رفيقـي تخليـت
والصاحب الي لانوى الصد بسكـات=
كانه تغـلا عـن وجـوده تغليـت
مقيولهٍ قبلـي وانـا اقولـه اثبـات=
من صد عن عيني فانا عنه صديـت
والكلمـه الـي تجدعـن للمتاهـات=
احذر انا منهـا قبـل قـول ياليـت
قبـل اتوهـق وانطقـه بالعبـارات=
والناس خلفي تبتسـم يـوم زليـت
دروس وقتي صغتها وسط الابيـات=
والعذر منكم كـان بالقـاف زليـت

قالت نسيت وقلت انا كيف ابنساك=
وشلون ابنسى دام روحي معاكـي
قالت صحيح وقلت قلبـي تمنـاك=
يام الحلا والزيـن قلبـي هواكـي
الزين انتي والحلا مـن حلايـاك=
كل العذارا غايـره مـن حلاكـي
بالزين يام الزيـن ماحـدٍ تحـداك=
بالزين وحدك والعـذارا وراكـي
سبحان منهو كونـك ثـم سـواك=
وسبحان منهو بالمحاسن عطاكـي
تعالي شوفي داخل القلـب مبنـاك=
امصممه تصميـم فـي مستواكـي
راحت ثلاث اسنين والقلب يهـواك=
ماذكر ان القلـب لحظـه نساكـي
عقبك نزل في داخل القلب دكـاك=
همٍ يدكه والسبـب مـن غلاكـي
وشـي حياتـي ياحياتـي بليـاك=
الهم عقبك والسهـر مـن بلاكـي
وش جاك بالصده وبالبعد وش جاك=
ماحدٍ عن جروح الحبايب نهاكـي
اما تعالي واكسبي شخص يهـواك=
ولا عسى درب السلامـه معاكـي