يـوم الوطـن !
سلام يايوم الوطن والتباشير=سلام يايوم الوفاء والعزيمه سلام ياابطال الوطن يالمناعير=سلام يااحفاد الرجال العظيمه يوم الوطن هذه السنة شامخ وغير=فيه الجهات الأربعة مستقيمه بقيادة اللي جيّته جيّة الخير=الخير في وجهه عسى الله يديمه فعله فلا يحتاج نبذة وتقرير=وايْديه للمحتاج دايم كريمه ملك بوجه الكايدة والأعاصير=يوم الملوك بْرغْد الاحلام نيمه سلمان غيث اللي شكَى شحّة البير=اللي من الحسرة حلوله عقيمه ابوفهد وقت السنين المعاسير=يعدّ لقدوم المصيبة وليمه هذا الذي لاقال حتى الأساطير=من خشيته شافت مذلّة زعيمه هذا الملك ماهم ملوك الدنانير=اللي تغيب ولا تجيب الغنيمه يوم الخيانة تبتدي صمْت وتغير=يموت من خان السعودي بضيمه هذا ملكنا يامر الأمر ويشير=على الذي ذاق القهر مع نديمه من هيبته شف نظْرته والتعابير=وشلون صارت لجل شعبه رحيمه وشبله ولي العهد خلّا زمَهْرير=تالع بمنهو يستحق الشتيمه لعداه مايعطي مساحة وتبرير=جاهم ونكبات العواقب وخيمه إن ولّعت ماقال كم المخاسير=خلاّ عدو الدار يصلَى جحيمه لحدود داره ما تجوز المعاذير=النار ياويل العدو من هشيمه إذا وقف تاقف شعوب وطوابير=واذا جلس تنزل على الجود غيمه واذا مشَى ياقف له المجد تقدير=واذا ابتسم هب البراد ونسيمه واذا لمح في نجمة الليل تقصير=حوّل بها للقاع ستر وحشيمه لاصارت الأحوال تبغَى تدابير=شال الثقال اللي علينا مْقيمه الناس وسباع الخلا ونادر الطير=إستامنوا به لاغياب وجريمه من زود حرصه لالفونا المسايير=أصبح أبو للاجئة واليتيمه وبحماه مهما يصير ويصير ويصير=لنا بتوجيهه معزة وقيمه هذا محمد ماخذا الوقت تنظير=هذا الذي وقته مهابة وشيمه سيفٍ لنا يوم السيوف البواتير=تخشاه يوم الغبن جور وظليمه ودرعٍ لنا لاصار بالوضع تخدير=يبين لاصحاب العقول السقيمه وعلاقته بالشعب من دون تصوير=علاقته بالشعب جداً حميمه اميرنا اللي طوّر الدار تطوير=حتَى اهتنَى ابن الوطن في نعيمه ماتشوفنا ناطَى على الأرض ونْسير=وخطْواتنا ماتعترف بالهزيمه للشــاعر / عيادة الجهيلي. |
الله يديم علينا نعمة حكامنا
وَ نعمة الأمن وَ الأمان الحمد لله على نعمة السعوديه :127: ، يسلّم قلبك على انتقائك المميز الله يسعدك وَ يرضيك :152: |
أدام الله علينا رضاه .. وأفاض علينا رزقه وهداه.. وتولانا في حماه .. وحفظ لنا هذا الوطن شامخا عزيزاً امنا ... ؛ ؛ سلمت الذائقة المتميزة شاعرنا الرائع ابو طارق |
اقتباس:
لاعـــــــــدمنا وجووودك. |
اقتباس:
لاعـــــــدمنا وجووودك. |
صح لسانه شاعرنا المحبوب عياده الجهيلي
وتسلم ابو طارق على هالنقله |
الله يحفظ وطنا ويحفظ ابو فهد وولي العهد والله يديم على وطنا امنه وامانه وعزه ورخاه قصيده ابياتها كفت ووفت صح لسان من كتبها وسلمت يمين من نقلها وشكراً لجنابك ملايين ولايسدن تقديري |
اقتباس:
صح بدنك يالزميلي ولك الشكر الجزيل على تشريف الصفحة لاعــــــــدمنا وجووودك. |
اقتباس:
لاعــــــــدمنا وجووودك. |
صح لسانه ابو خليفه شكرا ابو طارق |
اقتباس:
هلابك يالامير وأشكرك على تشريف الموضوع صح بدنك ولاعـــــــدمنا وجووودك. |
الساعة الآن 07:54 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010