شآعر متمكن
اتقآن وآبدآآع للقآف
اسلوب متميز وعزف منفرد
تصوير ومفرده ومعنى
يُبحر بعمق ويجلب أجمل اللآلىء الشعريه
وقصآئده خير شآهد على ذلك ..

لآ ترتجي ضحكي ليا صرت غايب =
ولآ ترتجي خآطر همومه كثيره
الوقت لعبه ما نفعها طلآيب =
وانا كسير ٍ والليالي مجيرهـ
وجدي على من مات بالشوق شايب =
مآ شآشفت عْيونه سوآهآ بصيرهـ
يمرّ عآم ٍ والمجآرح ندآيب =
مرسومة ٍ بالعين لو هي ضريرهـ
جمر الغلآ بالشوق يلعب طرآيب =
والدمع يذرف من سبآيب سعيرهـ
لو حآل بين الحب سبعين نآيب =
مع حبنآ لله يمسّه قصيرهـ
صحيح أنا بديآر والحآل عآيب =
لكن مرآسيل المحبّه شطيرهـ
وصحيح مآ حنآ عروق ونصآيب =
لكن عروق القلب تبقى سفيرهـ
البآرحه عيني كمآ عين تآيب =
هلّت حنينه والمعآبر غفيرهـ
مآت الوصل بالنآس والوضع سآيب =
وكلّ ٍ على مرمآه يركب بعيرهـ
أرخيت رجلي فوق ضلع العجآيب =
أرجي عسى صوتي يجيب البشيرهـ
إقرا كلآم ٍ من صدوق الكتآيب =
وأختر على كيفك سلآم ومطيرهـ
رجوآك باللي كلّ مآ دبّ هآيب =
مآ خآب من يرجآهـ لو هي كبيرهـ
وأحذر رفيق ٍ بالموآجيب خآيب =
ولآ الرّدي مآ قد سمعنآ نعيرهـ
وإن غبت خلّك بالمثآقيل جآيب =
مدّت كريم ٍ مآ مثيله خشيرهـ
نآس ٍ تجيب الضيق قسمة وهآيب =
لين الحنآيآ هزّها من عسيرهـ
الجرح لآ من صآر بيد القرآيب =
يبطي وهو بالجوف يسمع هديرهـ
أقفيت عنهم والسبآيب سبآيب =
مآ غير سيف الشوق ضيّع جفيرهـ
أضحك لحآلي والدموع الضرآيب =
والحظّ مثل حْظوظ الأسلم حديرهـ
صورة حبيب الروح بين الهدآيب =
مآ تنمحي لو بيننآ كمّ ديرهـ

لــو تنـشـدي بالـشـوق والـصـوت الجمـيـل
ما يروي الضامي من الشـوق ابرسـول =
طـــال انـتـظـاري والـصـبــر وقــتــه طــويــل
اشتقت لك والشـوق فـي سيفـه يجـول =
قــــطّـــــع خـــفـــوقــــي بــالــبـــعـــاد وبــالــمــكــيــل
مــن شــاف حـالـي يـرتـجـي حـبّــن مـثــول =
ايـــــــه الــــغــــلا بــــانــــت مــــواريّــــه تــخـــيـــل
يـدبــك رعـدهــا مــثــل دبــكــات الـخـيــول =
جيتـك وانـا حـافـي عـلـى رمـضـى المقـيـل
رجواي في شوفت عيونك يا الخجـول =
لـبـطـيـت عــنــي جــيـــت كــنـــي مـسـتـزيــل
أركـــض كـمــا الـمـجـنـون والـعـقــل امــعــزول =
لــــــو الـــزمـــن بـيـديــنــه الــعــســـره يــغــيـــل
ولــــــو قــفّــلـــت بـيـبـانــهــا الــدنــيـــا وتـــحــــول =
لله تــنـــاســـيـــت الــمـــحـــبّـــه يـــــــــــا عـــمــــيــــل
ولله عـــن اعـيـونـي تـغـيّـب يــــا الـجـفــول =
طـــــارت فــراشـــة حـبّــنــا فـــــوق الــنــزيــل
بــــيـــــن الــبــســاتــيــن الــعــلــيــلــه والـــهـــطــــول =
منـك الـغـزال ايـغـار يــا العـيـن الكحـيـل
لا هبّ نسناس ٍ تلاعـب بالكسـول =
غـطّـت رمـوشـك خـــدّ يـلـمـع كـــلّ لـيــل
وتـداعـب اجـفـانـي عـلــى لـيــل امـعـسـول =
فــيــك الــحــلا والـطـيــب والـغـنـجـه تـمــيــل
وفيـك الغـرور الـلـي مثيـلـك مــا يـطـول =
لا قـفّــت اردافـــه هـــوى ثــوبــه يـشـيــل
مــــــن زيــنــهــا الــفــاتــن مـــلانـــا بــالــذهـــول
ما طاحت ادموعه سوى يوم الصهيل=
يــوم الـزمـن فــرّق ولـيــف ٍ بـالـرحـول
والـيــوم تـطـلـب مـنّـنــا بـالـصــوت اشــيــل=
وانــا اقــول الـصــوت مـــا سـاعــد أقـــول

يـــــــا أمـــــــة الــتــاريـــخ بــالــهـــون بــالـــهـــون=
لـيــش الضـجـيـج ولــيــش كــثــر الـحـكــاوي
حـــــنّــــــا تـــعــــوّدنــــا مــــهــــانــــات صــــهــــيــــون=
إكــتــابـــهـــم نــتــلـــيـــه صـــــبــــــح ومـــــســــــاوي
نـرضـع مـــن المـسـمـوم والـوضــع بـسـكـون=
لا تــلـــفـــت والــــوضــــع بــــيــــن الــتـــســـاوي
صـرنــا عـلــى مــــا قــيــل شــاكــر ومـمـنــون=
نـــرفـــع تــحــيـــات الــعــهـــد يـــــــا الـــخــــواوي
لـــــو يــضـــرب الـطـبـلــون يـهــتــز طــبــلــون=
الله عـــــلـــــيــــــنــــــا بــــالــــشـــــجـــــاعـــــه دواوي
مــعــلــومــه وكـــــــــل الــســوالــيـــف بـــلـــعـــون=
تــلـــقـــى ســــلامــــي بـالــشــواهــيــق عـــــــــاوي
مـــديــــت يــمـــنـــى بــالـــخـــون لله اتــــخــــون=
حــنـــا عـــــرب كـــيـــف الـخـيــانــه ضـــنـــاوي
لـــعــــب الـخــيــانــات وتـخـاطـيـطـهــا هــــــــون=
ولــلــخــارج ارقـــــــاب اخــويــانـــا عـــطــــاوي
صــــرنــــا فـهـيـمـيــنــن بــــإشــــارات وعــــيــــون=
مــــــــا نــخــتــلــف فــيـــهـــا ولابــــــــه نـــــــــراوي
مــقـــيـــود بــالـــغـــارب وهــامــاتــنــا اقـــــــــرون=
هـــــذي سـيــاســه وفـتــهــم يــــــا الـــعـــزاوي
تال الزمان اصحبـت يـا ذيـب مطعـون=
والــكـــلـــب ســـــــــاد ونــبــحــهـــا بـــالـــعـــلاوي
يـنـبــح ورى بــحــرن شـواطـيــه احــصــون=
يــــــا رافـــضـــي والــعــلــم صـــوتــــه يـــــــداوي
تـبـطــي تــمــس الــديــن والــديــن مـضـمــون=
لــلـــي حــمـــى بــيـــت الـحـجــيــج الــنــحــاوي
يــــــــــا أمـــــــــــة الـــتــــاريــــخ تــاريـــخـــكـــم دون=
بــــــشـــــــار فـــــــــــــي دم الــمــســـاكـــيـــن زاوي
ويــــن الأخــــوّه ويـــــن شـــــدّات بـالــعــون=
درعــــــــــا وجـــــولـــــه طــفــلـــهـــا بــالــشـــقـــاوي
طــفــلـــن يـــصــــوّر والــديــنـــه بـــــــلا لــــــــون=
ويـنـحــر كــمــا نــحــرة خــــروف الـضـحــاوي
والــبــنــت مـغــصــوبــه غـــريــــرات بــلــحـــون=
والــــخـــــدّج الــــلـــــي عـــمـــرهـــا بـــالـــطــــراوي
كــلّـــن عــلـــى مــوتـــه بــالأوقـــات يـــدنـــون=
وكلّـن طـرق بالوقـت مـا صـرت قــاوي
عــلــى شــواطــي دمــهــا رســـــم مـشــجــون=
تـــقــــول انـــــــا تـــــــوي كــســيـــر الــخـــطـــاوي
يـــــــا أمـــــــة الــتــاريـــخ تــكــفـــون تــكــفـــون=
ويــــــــــن الــغــبــيــنــه بــالــنـــفـــوس الـــنـــقــــاوي
تـــحـــرّكــــوا بــالــنـــصـــر والـــمــــجــــد تـــحــــظــــون=
خــلـــوا لــكـــم صـفــحــه بـالـحـجــا والــمـــراوي
إســــلامــــنـــــا بــثــبـــاتـــنـــا لـــــــيـــــــه هـــــــلـــــــون=
والـــقـــلـــب يـــــرثـــــي بـــالـــعــــزا والـــــدعـــــاوي
ويـن انـت يـا صــدام يــا قـايـد الـكـون=
عـــقـــبـــك نــــجـــــرّ احــســوفــنـــا والــــعـــــزاوي
أيــامـــنـــا صــــــــارت مــســاهــيـــر وحـــــــــزون=
هـــــــذا فــــقــــد أمــــــــه والآخــــــــر لــــقــــاوي
وانــــــا ســـعـــودي غــيــرتــي لــــــو تــقــولـــون=
ســـمـــعـــن وطــــاعـــــه لـلــمــلــيــك الـــعـــفــــاوي
نـــفــــداك والـــــــروح ابـصـمـاصـيـمـهــا اتــــمــــون=
لــجــلـــك نـــمــــوت ولا نــخــيـــب الــهـــقـــاوي
شف سوريا ما عاد باقي بها اغصون=
والـــعـــيــــن بــالـــدمـــعـــه لــحـــقـــهـــا مـــــكــــــاوي
شــــــرع عـــلـــى بــيــبــان عــيــنـــاك مـــخــــزون=
واجــمــع مـــــن الــنـــاس الـعـطـايــا رهـــــاوي
قـلــتــه وانــــــا بــالــقــول غـــايـــب ومــجــنــون=
الــســيـــف حـــامــــي والــقــصــيــده غــــنــــاوي
الــشـــمـــري بــالـــقـــول وابــلـــيـــس مــلـــعـــون=
الـوقـت يـطـحـن مـثــل طـحــن الـرحــاوي

الـحـب رسـمــه شكّلـتـهـا بـالأحــلام=
طفلـه عـلـى ضـلـع الشـقـاوه رسـاهـا
تـذرف دمـوع ٍ خطّهـا ريـش رسّــام=
البـنـت خـرسـا والمـدامـع حـكـاهـا
عيـنـه مــن المـبـكـى منـافـيـخ ورّام=
والحال صعـب ٍ ينـدرى وش بلاهـا
عطيتـهـا بـيـض المطـابـع والأقـــلام=
قلت إرسمي والوقـت حـره كواهـا
شفت العيون اللي نداها بالإعـدام=
واسمـع ونيـن ٍ بالحنـا مـع شجـاهـا
أقفت علـى درجـه خطاهـا تصـدّام=
خطواتـهـا خـطـوة جـريـح ٍ فـداهــا
راحت تجيب أوراق رسماتها العام=
ترجـف يدينـه رجـف بـرد ٍ كسـاهـا
في صفحته عصفورة ٍ فوق الأعدام=
غنّـت علـى روض ٍ خضـاره غطاهـا
راعـيـت والعجـبـه تـلاويـن وأقـســام=
وشــدّ الفـكـر مــا بـعـد لـلــي تـلاهــا
بيـت ٍ نسوهـا بالقـدم كـلّ الأنـسـام=
جدرانـهـا بالـحـزن تـسـمـع دعـاهــا
والشجره اللـي غصنهـا باللحـن قـام=
ماتـت عروقـه مــن حبـيـب ٍ نسـاهـا
ضمّيت حزنك بيـن جـدران ولثـام=
وسـنّـدت مـتـنـي والمـعـابـر طـواهــا
صحـيـت لـجـل الحقيـقـه بـالأوهـام=
واثـــر الحقـيـقـه أجـبــر الله عـزاهــا
طـيـر المـنـيـه فـــوق بيبـانـهـا حـــام=
وآخـر دعــاوي كلمـتـه فــي عنـاهـا
صحيـح خرسـا لكـن الوقـت هـدّام=
يضحـك علينـا بالمحبـه بـيـن مـاهـا
قصّـة محبّـه فـي قلـوب البشـر ســام=
تحـت القمـر والكـذب فيهـا ضواهـا

غـنّـت مـواويـل العـذوبـه مـــن شْـبــاط=
وحـشـرت قـيـري بالمـراويـس تفـحـيـط
وآخــذ مـــن المـلـبـور مـوشــة تـنـشّـاط=
وكــــنّ عــجّــة عـبـرتــي دون تـقـلـيــط
تــذرف همالـيـل الـشـواهـد بـالإفــراط=
وأكتب من جْروحي على لوح تحنيط
الـلــي تـحـايـل دونـنــا قــبــل يـنـشــاط=
فـرقـاه كـســر ٍ مـــا لـقــى قـيــد تـربـيـط
عـدّلـت كـسـر وصـــاب قـلـبـي تـجــلّاط=
مــن ويــن مــا طقّيتـهـا عـــوج تسـلـيـط
أنــدب عـلـى حــظٍّ تـوفّـى بـالأشــواط=
عــزّاه يــا شـوقـي ولا حـولــك وْسـيــط
هبّـت سمـوم القـيـض عانـيـت ببـسـاط=
وضحكـت عيونـي مـا غشـاهـا تباسـيـط
الجـرح ينـزف مــا لـقـى خـيـط خـيـاط=
والـحــال مـنـكـوبـه هــواهــا تـخـابـيـط
ليـل ٍ ســواده مـوحـش هْـنـاك يحـتـاط=
وصوت الهوى يصفق صفيـره تشاحيـط
جنّـبـت عــن درب المقفّـيـن الأنـشـاط=
اللي خـذوا مـع جـادّة الـدرب تفريـط

ياصبر صبري وعن ظروفي تملّيت=
والشوق جمّر وسط ضلع ٍ نحايـف
مبطي وانا شوقي تزايـد وخفّيـت=
ياقف شعر جسمي وأردّ الحسايـف
اللي تحايـل بيننـا حيـن لدّيـت=
داره بعيـده والمراويـح طايـف
شدّيت قلب ٍ شاقهـا يـوم شدّيـت=
حبّه تهـادى بالعـروق وتسايـف
شمّ المطر لاقبل مزونـه تناشيـت=
تجذب عطوره غير بين الولايـف
إسبر عيون المنتظر مالهـا بيـت=
يحتار دمعه فـوق خـدّه نوايـف
شفني مريض ٍ وان ذكرتك تشافيت=
ضحكي علا والروح تسلى مصايف
خيّطت لك من كفّي اليـا تمشّيـت=
حرير ياقـى لا تواجعـت عايـف
أخفيت جـرح ٍ طـال لله تشكّيـت=
والعين يذرف دمعهـا بالمضايـف
خانت تعابيري حروفـي وقفّيـت=
ممشا ً يسوده ليلها اعيون خايـف
خايف زمان ٍ ضامني ما تعشّيـت=
من قطفة المحبوب يـوم الزوايـف
فاحت معاميلـه نهـار وتقهويـت=
علّ وعسى محبوبتي لي طوايـف
قصّة تعلّة روميـو بـه وجوليـت=
وأحلى من افراح اللقى بالصدايـف

الـمـشـاعـر فـايـضــه بالـمـعـانـي=
والجديـلـه تنتـكـس بالمـغـانـي
هزّت اوتـاره علـى ليـل دانـي=
واشتعل مسرح جماهيـر سـوره
( ......... ) تطربك في هواها=
طبّت الملعب عظيمـن سواهـا
مـن يـجـاري لعبـهـا مــا قـواهـا=
يرتمي خسران حسـرة قصـوره
زينهـا يجـذب مراسيـل ساطـي=
لا تنـاهـض مشيـهـا بالبـسـاطـي
ما تشوف الناس حوله قواطي=
مـا مثيلـه بالبـشـر فــي عـصـوره
عين (......... ) السنافي رقيبـه=
وعايشه تحت الترف مع حبيبه
حظّ مـن ضمّـة حشاهـا نصيبـه=
ويـا عسانـا ننتشـي مـن عطـوره

ياعين أنا أشوف الصبر أخير من منّـة بخيـل=
والرزق بيدين الولي والنـاس ماهـي ناصحـه
أشوف انا بعض العرب ماترغب العلم الجميل=
ولاجيتهـا فـي نفعـة مارحـت نفسـك سامـحـه
ربع معك وقت الرخا وان مال بك وقتك تميـل=
والا عـلـوم المرجـلـة ماهـيـب فيـهـا فـالـحـه
مادام حظي منعثر وش لـي بصنـع المستحيـل=
خلـه كفـاه اللـي مضـاه اليـوم وايّــا البـارحـه
ليت الردي من خلقته يكتب على وجهـه دليـل=
والا يـعـلـق فـــي جبـيـنـة لـــلاوادم لايــحــه
أنـا زرعـت الحنظلـة وأسقيتـهـا بالسلسبـيـل=
لكن جنيت الشوك من روس الغصون المالحه
مايلّـدغ مـرة ومـرة كــود مــن عقـلـة هبـيـل=
ومـن لاحسـب للمقبـلـة مايحتـسـب للرايـحـه
دنيا تشوف بها الفهد يخشى من البسّ الذليل=
والذيـب عـداه العشـا صـوت الكـلاب النابحـه

يا مرحبـا باللـي لفتنـي مـن مراسيلـه مسيـل=
هتـان وبلـه بيـن ريضـان المـرابـع سايـحـه
اقلط على تمرت محبّه مع بخـور وريـح هيـل=
واسمـع كــلام ٍ ينغـلـي بـيـن الحنـايـا فايـحـه
وش لو تنكّر صاحبي من بعد جردان الطويـل=
مـا فيـه مـرّ ٍ ذقـت مثـلـه والمعـابـر فاضـحـه
كنت أرتجي والعين مرماها بـروق ٍ تستخيـل=
بـات الحلـم مكسـور جنحانـه بأمانـي جارحـه
ما عاد بالوقت المسمّى لا صديـق ولا عميـل=
كلّن يـدوس اخـوان دمّـه بالفلـوس الطامحـه
لا بـارك الله بالـورق كـانـك تبيـهـا يالهـزيـل=
ولا بـارك الله بالشنـب كـان الفعايـل رازحــه
أركيت كوعي فوق مركى دون خلق الله نزيل=
يا وقت كافي مـا جرالـي مـن دمـوع ٍ جامحـه
ما عاد به ذيب ٍ وانا مدعاي وينك يـا الخليـل=
والـيـدّ كـانـك مــا قويـتـه بالمعـافـر صافـحـه