ياعابد السمعه عسى الله يشافيك=دوّر علاجٍ ينقذك من بلاها
الطيب ماهو بالسواليف ياتيك=ياصار مالك ماقفٍ به تباها
ياصار لبسك مايغطي عوانيك=تصبح علومك ناقصٍ مستواها
كان القريّب ماكسنّه حسانيك=اسدل على طيب المصالح غطاها
حتى ايش لوربك من المال معطيك=الباقيات افعال يسمع صداها
والكبرفي نقرة حضوضى يوديك=اكبح غرور النفس واقصر عناها
الطهبله والكشخ فعل الصعاليك=ثقال النفوس اللي قليلٍ حلاها
فصل لباسٍ في مقاسك ويكسيك=ونفسك عن الهسات قصّر خطاها
واصعد بفعل الطيب ماني موصيك=اشفق على الجزلات وارفع لواها
خلك سند للي يعزك ويغليك=ياقامت العازات تطحن رحاها
هذا الصحيح بدون زيفٍ وتشكيك=الكبر بيرٍ نشّف الوقت ماها

صح لسانك قصيده جميله أنت مدرسه يتعلم الكثير منك معنى الشعر شكرا