منتديات بعد حيي

مدخل

صح الغياب احيان راحة بال ،
واحيان .. لا والله طلعة روح !

أقسى من الجرح و الاهمال ،
سوالف المجروح : لـ المجروح !

عمق

ضاق الفضا والحكي ما عاد ياسعنـي
والجرح لامن غفيت شـوي صحانـي

ينزف وينزف وينزف ليـن يودعنـي
في قبر صمتي ولا ادري منهو الجاني

شتتني الشوق لعيونـك .. وجمعنـي
طاريك .. واحيا قصيدي فيك واحياني

يجبرنـي الحـب والتحنـان يدفعنـي
لمواصلـك واتغنـى فيـك قيفـانـي

اباتكـلـم ولـكـن لاتقاطـعـنـي
مبطي وانا ودي اكشف لك عن احزاني

صبر عيونك ولو لحظـات واسمعنـي
كلام من قلبي ووقف علـى لسانـي

انت اول احسـاس حبيتـه وولعنـي
وانت آخر الناس في قلبي ووجدانـي

وانت اصدق انسان طاوعني وطوعني
وانت اكذب لسان عشمني وممنانـي

يجرحنـي البعـد وفراقـك يلوعنـي
والشعر يشرب احاسيسـي ويروانـي

ياسيد الجـرح والذكـرى تشجعنـي
اجيك وانسى عناي وكبـر حرمانـي

لو ان عمري على وصلك ينازعنـي
بعت العمر والعمر في غيبتـك فانـي

والوقت سيفٍ بحـده جيـت تقطعنـي
وجيت ألحق اللي بقى لكـن ممدانـي

العمر راح اكثـره والصبـر ودعنـي
والريح ثارت علي وهـزت اركانـي

طعنتني في جفـاك وجازلـك طعنـي
واستسلم القلب لك يا حظرة الجانـي

طعنة غيابك لهـا عاميـن توجعنـي
وش حيلتي في جفاك ونزف شريانـي

ابعدنـي الوقـت والتذكـار رجعنـي
لعيونك وجيت اسابق دمعـة اعيانـي

والشوق في غيبتك ما عـاد ينفعنـي
والصبر عن شوفتـك مـر وتعدانـي

لاتمـوت الحلـم بعيونـي وتمنعنـي
من ابسط الامنيات واعـذب الحانـي

دليتـك العـام تكفـى لاتضيعـنـي
وان كان ضيعتني هالحـزن يلقانـي

اباتشتـت اليـن الشـوق يجمعنـي
وابكتبك شعر ليـن الوقـت يقرانـي

مخرج

وينك عن أحساسي ووينك عن الجو
الجو يشبه ضحكتك وامنياتك

أستبشرت كل البشر وامطرت تو
جو الشمال اليوم من جد فاتك

لارواحكم النقيه