واهني اللي مقرّه لواليحه
 

‎واهني اللي مقرّه لواليحه
‎اشقرن ماقرنسوه الطواريحي

‎ان قصد رزقه يستّل لوافيحه
‎كل ماضاقت عليه أمتطى الريحي

‎الفضا له حومةٍ به وتطبيحه
‎وله ورى الغيمه مقر. ومراويحي

‎راس من بِيض العمايم مصابيحه
‎فوق راسه يجمد المزن ويسيحي

‎ماترجى اللي تواما ملاويحه
‎ مكّرِمٍ. ساعة وساعاتٍ شحيحي

‎مالكٍ حرِّيته في مساريحه
‎له مسارٍ مايبيله تصاريحي

‎غابطه. لو. ماالحيا جر له صيحه
‎تقطع الشريان. قطع. المسابيحي

‎كثرت اقفاله. وقلّت مفاتيحه
‎مايعدل مايل. الوقت تصحيحي

‎ايتوجد هامةٍ من. زحازيحه
‎هامةً تنزاح. عنها الزحازيحي

‎ياالله. انك تغفر الذنب وتبيحه
‎اصّوكٍ يدحم. هل. الكود وتزيحي

‎اطّلب له بين. سجدة وتسبيحه
‎واذكره. بقيام ليل. وتراويحي

‎لاطرى سجت القدم مع صحاصيحه
‎ سجّةٍ كلّه توجِّد. وتطويحي

شعر/ متعب بن فارس بن طواله

صح لسانه❤❤❤

نص جزل معنى ومعاني
صح لسانك شاعرنا القدير
ولاهنت ,,

صح البوح والاحساس غالينا وشاعرنا
دام نبض قلبك

هلابك يابوفارس وصح لسانك بحجم الكووون
دمت كما تحب ولاعـــــــدمنا وجووودك.

يسلّم قلبك وَ احساسك شاعرنا
الهي يسعدك وَ يديمك يّ فاضل
~

‎غابطه. لو. ماالحيا جر له صيحه
‎تقطع الشريان. قطع. المسابيحي

‎كثرت اقفاله. وقلّت مفاتيحه
‎مايعدل مايل. الوقت تصحيحي

ماشالله عليك الشاعر متعب عليك بياض الوجه

صح الله السانك بيض لله وجهك

صحت ابدانكم جميعاً والله يسعدكم اخواني وخواتي ممنون لكم على التواجد والاطراء

خير المناقب
 

بسم الله ارحمن الرحمن الرحيم

اشكركم على مروركم والمعذره على التأخير
نورتو متصفحي