قيس يتوجد يزعّـج الهـم باهـات=
وجيوش صدره في خفوقـه تناحـت
يقول من عينـه سهيـره ولا بـات=
يـوم الخلايـق بالمنـام استراحـت
ياعين عيدي بالنظـر كـل مافـات=
وشوفي سنين العمر وشلون راحـت
مرت علينا فـي ثوانـي ولحظـات=
لمحت بصر واسرع من البرق لاحت
ليـال جتنـا بالهنـا و المـسـرات=
وليال منها عبرت المـوق ساحـت
يما خذت عيني من النـوم غفـوات=
ويما تمـادت بالسهـر ماستراحـت
نبني قصـور احلامنـا بالمجـرات=
وليا صحينا من حلا النـوم طاحـت
سرب الاماني غـردت بالمتاهـات=
على غصون الياس والغيب ناحـت
المسعد اللـي مـادرى بالمسافـات=
ولا عد كيلو مـع خطـوط تماحـت
ماجرب المشوار بالـدرب ساعـات=
لين ان كبده من غثا البعـد فاحـت
يامستريـح البـال لدهـر ميـلات=
أحذر ترى لليـلٍ سواتـره زاحـت
ولو قلت ابسلا واسرق الوقت بسكات=
الناس لو تدري براحتـك صاحـت

هل هلن هل من هلـن هطـل=
انهمل هم انهمل هـام انهمـال
شد شوق الشعر شهدك يانحـل=
شرق المشرق وشعشعني شمال
ياشعاع الشمس وشبك تضمحل=
شفت من شدك على شد المقال
النشاما بشعر شمـر تشتعـل=
شيب ابشعري شواهيقٍ تشـال
شف شفـي ثـم شلـن بشلـل=
أشتها شعري شعوراً شم شـال
كلي ابكلك وكمـل بـك مثـل=
كيف كان ولا يكون الا كمـال
مكتحل بالقاف كلـك مكتحـل=
مكتمل كامـل وكلـك بكتمـال
القمر لا شاف شكلك ماسفهـل=
استحى من طلته وا صبح هلال
اي تغطا منك يشربـك ابثمـل=
ياقمر من زينها يلبس ظـلآل
ان بغينا وصف حسنك ماحصل=
انثريني شعر شاعر مايشـال
ياغزال الريـم تكفـا ياغـزل=
لاتعلقني علـى روس الجبـال
خل من يشفاك يحـلا بلعسـل=
ويرتشف كيفه على نبع الخيال
سطر القيفـان خليهـا جلـل=
من يعشقك مايشوف الا جمـال
جل جوف(ن)جلاله له وجـل=
ياجليل الكون يـارب الجـلآل
ارجعي للخلف في ماضي هُبل=
وانحتيني صخر يابنت الحلال
اكتبيني حرف في موقـع قُقـل=
واشطبيني دام (للخافي ضلال)
واسعديني يـوم بيـام الملـل=
واختفا دربي على قولة محـال
ياعيون اللي يداعبهـا الخجـل=
سحر هاروت المثنى كيف قال
لو اقول القاف ماضنـي كمـل=
يبهر ابحسنه زحازيح الرجال
شعر شاعر قام ينحتله جُمـل=
نكتب القيفان لا مـال العقـال

قيس المواجع يشتكي قيـس الاعجـاب=
واكتب باللسـن صـورة(ن) تنتخينـي
ياشيخ شفـت الهـم يحنيبـك ارقـاب=
عبر لنا ياشيـخ.. بعقـل(ن) رزينـي
يقول خوذوا من عرب.. رجل كذاب!!=
شفتوا على اعينكم طغـا طامعينـي؟؟
هاذا انا.. ياللـي تسمونـي ارهـاب!!=
مسلم وأصلـي صورتـي تحتمينـي!!
وين العرب ..وين ألجمل بين العرآب؟؟=
عجزت نساكـم لاتجيـب العوينـي!!
يالليل خذنـي لأخـرك وقفـل البـاب=
وافتح شبابيـك القهـر شـوف عينـي
يالليل طالت غربتـي والقمـر غـاب=
وشابـت مـن الغربـه بقايـا سنينـي
أسجد ..وجرحي بين الاضلاع مرتاب=
جرح الزمـان اللـي تضمـه يدينـي
راحـت حياتـي كلهـا هـم وعتـاب=
حتـى السعـاده رافضـه تحتويـنـي
ياما رقيت مـن العنـا راس مرقـاب=
وياما بكـت عينـي مـوادع جنينـي
اجرع لهيب النـار وفـراق الاحبـاب=
حتى احترق منها الخفـوق الحزينـي
صبرت لين القلب باقصـا الحشـا ذاب=
والسالفـه ماعـاد لصـبـر فيـنـي
طال القهـر والهـم جمـره ومشهـاب=
ذوب ضلوعـي والعـزا جمرتيـنـي
تكفخبي الغربه علـى جـال وشعـاب=
وتزويني امـواج القهـر مـع ونينـي
تايه بلليل(ن) منحبـك كنـه أغـراب=
الخوف واجـراس الخطـر تحتوينـي
والدرب شفرة موس والوقـت مخـلاب=
والـزاد عبراتـي وبـاقـي حنيـنـي
هاذي حياتي صورتـه داخـل كتـاب=
وانـا بداخلهـا اسـيـر وسجيـنـي
وانا بأرض العـرّب محتلـه أغـرآب=
جيبـوا عـزى ياعزوتـي تعتزينـي

الله يا شيـخ (ن) وبشتـه يضكـه=
من قو باسه كاظم الغيـظ يشكيـك
كل الطرق ماهـي الروما..لمكـه=
متساويه في عين منهـو بيحميـك
صحيح من قال الزمن فيه ربكـه=
والحر الاشقر فر من صيحت الديك
فروخ الحباري دونها مـن يفكـه=
اناء علي الخرب..وانـا ابناخيـك
الله واكبر.... ياالزمـان المشكـه=
قيس يتنحى في الزمان المماليك!!
عزي القلب كـل هاجـس يدكـه=
واصبح ملاذن للهجوس الصعاليك
ياخذ بـي التفكيـر جولـه ولكـه=
واغيص في عمق البحور المهاليك
تزويني الامـواج لاخـر مضكـه=
والصدر ضاق من الهموم الدواكيك
مل الصبـر معـاد لصبـر سكـه=
دربي على نيبان وقت(ن) مشاويك
يارب عفوك طالبـك منـه فكـه=
ابطلبـك يـارب شفنـي ابدعيـك
ياوقت تكفا منهج الضيـق صكـه=
وافتح لي ابواب السعه والشبابيـك
عجـل بمفتـاح الفـرج لا تلكـه=
قدام بابـه واقفـن فـي حراويـك
العمـر وصـل منتهـاه ومحكـه=
وانا على طول اليالـي مخاويـك
خلاص جاني يازمن منـك حكـه=
واخذت جرعه كافيه من بلاويـك
ياصاحبي جاك الخبر منـك زكـه=
قررت أبادلك المشاعـر وأخليـك

الله ياقلـب(ن) بـه الـدم فـايـر=
من سطر راسه خط بعض المكاتيب
سجين حبك يشتكـي ظلـم جايـر=
وين انت ياضيف الغـلا للمعازيـب
ما زارني من عقب غيبتـك زايـر=
ألا هبوب القيـض عـج ولواهيـب
سوت عواصيـف الهبايـب دوايـر=
تذراء على باب الولـه بالمخاليـب
اشوف طيفك من ورا الحزم سايـر=
أفرح وهلي بك بزيـن التراحيـب
أرقـا وترقـا والمسافـه تطـايـر=
لين اصبحت بين السما والمراقيـب
أقرب وتبعد بـك حـزوم الزبايـر=
حتى اختفا زولك بوسط الغياهيـب
مثل السراب اللي يسـوق البشايـر=
لا مسقي الظامي ولا من مشاريـب
صحراء على عيني تسف العبايـر=
ولا سواد ابيضه في كاهل الشيـب
ياصاحبي شبت ضلوعـي سعايـر=
وتوقفت كـل العـروق المجاذيـب
هبت على صدري عصوف الضماير=
القلب والشريان صارت مشاهيـب
وطلعت من حربك... أجر الخساير=
قيدت فـي يـدي كلبشـة كلاليـب
وحطيت لك بيـن الحنايـا شكايـر=
ورشاش كلاشنكوف واربع محاريب
وصرفت لك من زود شوقي ذخاير=
وفتحـت ميـدان الغـلا للتداريـب

ياعيد شفتك بالعـرب جبـت عيديـن=
نبـي نغيـر عيدنـا حـزت صيـام
شفني اوصف وضع مابيـن قوسيـن=
متى العرب تصحى على صرخة الشام
انفض شليلي ورتكـي للحمـل زيـن=
واقول هـذا مبتغـى حـق الاسـلام
((ياحسين والله مالها سبت رجليـن))=
ياحسين شفت العز في مـوت صـدام
لا والله الا شفـت بالعـيـن ذلـيـن=
صغروا بها حكام وكبروا بهـا اقـزام
هذا التناقـض عندنـا سـاد للحيـن=
لاتشوف بعيونك على بـث الاعـلام
من شان يسكت عن قضيـه فلسطيـن=
حرك صغـار القـوم وطيـح حكـام
هـاذي سياسـه وسياسـه براهيـن=
طير الوغا يبرق على واهجـه حـام
مصر تسولف بحرب سبعـه وستيـن=
واليوم تحريـره علـى ناظـره قـام
ياليبيـا شفتـك علـى خـط برليـن=
مدري يخيلك علـى بـوح الاحـلام
((تبدلـت كـل السبـل والقوانيـن))=
حتى شيوخ القوم خافوا مـن اعـدام
يامعركـه يرمـوك ياوقـت حطيـن=
ياتارك العـزه علـى واقـع اوهـام
الحمـد الله بقـرن واحـد وعشريـن=
وشلون لو حنا على وقـت الاجـرام
وخلن اوصف وضع مابيـن قوسيـن=
((برج التجاره)) ينتظر دك الاسـلام

طليفيح شفتك باول الخيل وتسيـر=
وسط الجيوش اللي تقطع هديـره
اول يسمونك هلل الخيـل تبشيـر=
من قبل متسمى حمـات الجزيـره
تقوم لا جالك غـزاة(ن) محاديـر=
وتعتز لا جالك جموع (ن) كثيـره
ياما قدمت اخـلاف دك الطوابيـر=
وياما عطيت انذر.. قبل البشيـره
وياما تشيل بحدب سيفـك مأسيـر=
وياما تفك ايدين عطفـك أسيـره
من هيبتك طاحت رجالاً مغاويـر=
ومن طيحتك قامت رجالاً كسيـره
القاف ياقف لـك معـزه وتوقيـر=
ويكفي فخر انت البشير و نذيـره
واليوم يالبيرق ترفـرف بتعبيـر=
عسى سمو القـاف يسعـد اميـره
ياطير ياطير البقـا ليـه ياطيـر=
تكفخ على الهدات يابـن المغيـره
لا تعجبك نفسك ابجمع العصافيـر=
مدري غشامـه راس ولا معيـره
خلك على ماقيـل بيـن صقاقيـر=
وجدع رداء نفسك وفـوح عبيـره
وانا تراني لا صفقتك على خيـر=
تطيح غربانـه ويزهـا مطيـره
والكبر شين ومن تكبر على الغير=
ابليس من كبره يصالـي سعيـره
ياثـور ياثرثـار ياثـور يامثيـر=
ثارت هجوسـن ثوروهـا اثيـره
منهو يعلم ثور عنتر علـى النيـر=
منهو يقدر بـالا غـلا تستشيـره
ياحامل المسك ابتعد نافـخ الكيـر=
وسيف الابتر نكسه فـي جفيـره
قبلك ترى يضحك على سالم الزير=
يوم البسـوس بحربهـا تستثيـره
احدن يشوف ارجال بعينه تصاغير=
واحدن يحط ارجال بحجمه كبيره
والعقـل نعمـه واليالـي مداويـر=
وكلن يشوف اطباع نفسه ابغيـره

يامشغلن قلبـي عسـى الله يجازيـك=
حتى الكرى من نـوم عينـي خذيتـه
وش حيلة اللي يسهـر الليـل يبكيـك=
حرق جفون العيـن دمـع(ن) بكيتـه
حلمي تلاشى ونتهـى صبـر مغليـك=
وش عاد ينفـع دام صبـري قضيتـه
اقول يمكن هاجـس الحـب يدعيـك=
وترقا معي..بالمرقـب اللـي رقيتـه
تكثر على رجـم الهقـاوي مساريـك=
وتقراء نشيـدٍ فـي غرامـك هجيتـه
واقول.. يمكن فـي طريقـي الأقيـك=
واعلمـك بالـدرب عـن مـا لقيتـه
اشرح لك الماضي واذكرك ماضيـك=
حتى تذكر جرحـي.. اللـي رئيتـه
واخـذك بـدروب المأسـي وأسليـك=
واقـول ذا دربٍ برجلـي مشيـتـه
الوعـك.. بالحـب حتـى يبكـيـك=
واعطيـك منديـلٍ بدمعـي سقيـتـه
واقول توك فـي غرامـي واجافيـك=
حتى تشوف اشلـون حالـي طويتـه
راجع غرورك قبـل تظلـم لياليـك=
قبـل يـروح العمـر وتقـول ليتـه
العام يومنـي علـى الـود شاريـك=
بعت الوفـا بغـرورك اللـي جنيتـه
خنت الوفـا يخايـن العهـد بيديـك=
انت السبب في كل جرح(ن) حويتـه
فتش بصدري بين الاضـلاع تنعيـك=
كـل المشاعـر ولاحاسيـس ميتـه
اقول!!!مات القلـب ماعـاد يعنيـك=
خلاص حبك مـن ضلوعـي محيتـه
لو اطمع أن القلب يرجـع ويدعيـك=
داخل لهيـب النـار بيـدي رميتـه
لو ادري أن قيسْ المواجـع بيشكيـك=
جدعت راسي.. تحت رجلي وطيته!!!

الامس مثل اليوم ولا امس مثل امس=
مـاراح منـك مايعيـدك لأمـسـه
تكبر هقاوينا على طلعـت الشمـس=
ويغيب ماضينا على غروب شمسـه
وين الذي يصدا حلها علـى الهمـس=
وتطرب لهـا اذنً تصنـت بهمسـه
هذيك منهي داعبت مفـرق الخمـس=
وقامت تضم ايدين بصبـاع خمسـه
قبل الفراق اللي يحدن على الطمـس=
واقع مريراً يطمس العيـن طمسـه
افراقه اللي لهّب الجـوف بالحمـس=
وزادت غبون الوقت في جمر حمسه
يامخظبه يـدك علـى حنـه المـس=
رحتي تركيني علـى غيـر لمسـه
اقول!!! يومي طالعن مثل (قبل امس)=
مثل الغريق اللي نشغ قبـل غمسـه

ياقيس وشبك في معانيك مكتاض=
لا تستوي ياقيس قبل النجاضي
هات القلم وأكتب ترى خاطري هاض=
والصدر مل من الهموم الرباضي
صارت همومي سحب وجهودي أفياض=
ماحولت منها ترده أفياضي
بيني وبين الوقت عاقد ونقاض=
أمسيت به مذنب وهو صار قاضي
ياما حكمني حكم ظالم ومغتاض=
وياما عصيته واسفرت بالتراضي
مره يصدربي على صافي الحاض=
ومره يوردني ضحول الحياضي
وانا من النوعين راوي ومرتاض=
حتي يذوب الوقت في مر حاضي
واسقيه من دلو المعاند اليا فاض=
واقول له ما كان بالأمس ماضي
ياوقت.. من ضم أضحى جمرة القاض=
تشويه مع حر السموم أرماضي
ابشتكي لمنهو للارواح قباض=
مالي على حكم الايلاه اعتراضي
والصامد اللي بين الاضلاع نباض=
ضمد جروحه وللهموم التغاضي
دليل نو الغيث.. برقه اليا ناض=
والصدق مصباح الدروب العراضي
وأصبر.. في بعض المواجع والأمراض=
اخير من قرب النفوس المراضي
ناسً لها في منهج الخبث مركاض=
ياسرعهم عند العلوم الغضاضي
وأخذت من دنياي درسن وميعاض=
من واقع الدنيا خذيت أتعاضي
منها تعلمت التسامح والاعراض=
والصد عن شوف الوجيه البغاضي