|
فطيره بالنمل !!!
السلام عليكم ورحمة الله وبركاته
اخواني خواتي اكيد استغربتو من العنوان لكن هذا هو ماحصل بالضبط انا من عقب اللي شفته حرمت اكل المطاعم بقولكم وش صار معي اشتهيت فطيره لبنه بالعسل قلت اطلبها من مطعم مشوار اللي على طريق مشار لانه شكلهم نظيفين واكلم واطلب والله ويجيبونها لي واول ما مسكتها شوفوا شكلها  فطيره عاديه مافي شكلها شيء وش زينه بس شوفوا يوم فتحتها وش حصلت ؟!!  قسم بالله العلي العظيم حصلت فيها نملتين ميتات !!! يمكن مو باين بالصوور بس يشهد علي الله داخل الفطيره نمل ليش التهاون بأروح البشر لو اني ماكلها الحين من المسؤول ؟؟!! بس ربي خلاني افتحها قبل اكلها اخليكم مع الصور يمكن توضح اشكال النمل في الفطيره !!    |
احمد ربك جت على النمل
وحدة من زميلاتي تقول في رمضان تقول كنا مسافرين وافطرنا بالطريق وطلبنا شوربة تقول وزوجي وعيالي ماذقوها بس انا وقاعدة اشرب من الشوربة لين وصلت نص العلبة تقول الا اشوف ذيك الحشرة وووع قرف تقول وانا احسبها من البهارات الصحيحة زي الكمون والكزبرة لان بعض المظاعم يحطوها على شكلها بدون طحن تقول بعد ماقربت الملقعة من فمي وع واتسبدي تقول الا اطالع في الكمون الا له رجول تقول وادقق الا حشرة صغيرة .. يعني نحن نأكل من ايدي غير امينه والمطاعم شر وعمت بلوته عافاك الباري والحمد لله على سلامتك |
الحمد لله على السلامه
ويعطيك العااافيهـ زين خليتنــآ ننتبهـ وأن شـآء الله مانشوف هذا الشي :) تحيـــــــــآتي |
نملتين وماخفي بالمطاعم كان اعظم
ان جيت للمواد الغذائيه تلاقيها منتهية الصلاحيه زيت الغلي اسود من كثر الاستعمال وما يغيرونه غسل اللحوم والدجاج باماكن الله يكرمكم الخضره يجيبون اردى نوع وارخص نوع والخافي اعظم سلامتك اخوي وجت سليمه اشوى انهم نمل مو شي ثاني ووع :) |
احمد ربك ماكليتها وفعلا ماخفي اعظم
وان شاء الله مانحتاج لأكل المطاعم مافي انفع وانظف من اكل البيت بس الظاهر اللي مسوي الفطيره النيبالي حرام عليكم يامشوار من عقب التركيين تجيبون نيباليين يعطيك العافيه خيووو ع التنبيه ~ |
حسبي الله ونعم الوكيـــــــــــــل انا شفت بالنت ساندوش لوزين(تصبيــــــــره) فيها ناموس وش يحسون فيه بعدها عفتهـــــــــــــــا شكله يقرف ههههههههههههههههه شـكــ وبارك الله فيك ـــرا لك ... لك مني أجمل تحية . تقبلو مروري محبة الله |
حسبي الله عليهم
لارقابه ولاخوف من الله الله يكون بالعون والحمد لله على سلامتك يابعدي.. |
استغفر الله ,,
وسااخه لابعد حد ,,, مااادري وين الرقاابه مااافيه ازين من البيت ,, |
ربك يعين لارقيب ولاحسيب
|
وعليكم السلام ورحمة الله وبركاته لاحول ولا قوة إلا بالله :( .. حمداَ لله على سلامتكَ , ومافيهِ أفضلَ من أكلَ وطبخَ البيتَ :) . ودي / |
لو مشتكيهم مسوين فيهم زي الجندول
|
اشكركم جميعكم على المرور
|
| الساعة الآن 06:57 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010