ياراكب اللي لون بـَـدْيه كحل قوت=او رِمشْ عيـْنِه لاغـَـفـَى في مبيته
لاصار عندك حزن والهم مكبوت=والناس حولك والأحاسيس ميته
نـَزِّل شْمَاغك وازْعَج الجرح بالصوت=وارْكَب على منخآت عمشاء و صيته
من فوق حرٍ اشتهر باسْمِه الحوت=يجيب لحظات الأمل لا بغيته
بديه مثل غروٍ غنج لابسن كوت=ضيـّق على خصره والارداف بيته
ومراتبه فيها معاناتك تفوت=ويروح من فكرك سرابٍ رجيته
في داخله لون البنفسج مع التوت=وفي مِقْدِمِه شيخٍ فزع مانخيته
صدامه الخلفي على الحزْن منحوت=كنه يوادع كل دربٍ مشيته
يَاسَآيقه كَوِّع على خط بيروت=وانـْصْ الذي لاضاق وقتي نصيته
يفدونه اللي بَسْ كشخات وبشوت=اللي على شيخة حكي من وعيته
ويفدونه اللي طيبهم غَمْز وسْكُوت=اللي على خبْث ولعانه لقيته
ممدوح عـِزِّي يابعد كل سربوت=اللي على مرقاب همِّي لفيته
رجمٍ رقيته من غثاء الوقت مبهوت=واليوم من فعلك طنآخه رقيته
يابو طويرش جعْل الانذال للموت=ياعلّهم فدْوَة نعولٍ رميته

المشاركة الأصلية كتبت بواسطة الـ ساري (المشاركة 1744252) عاداته الجهيلي الابداع ماهي غريبه الله يستر عليه كلك ذوق ابو طارق ربي يسعدك على ذوقك الرفيع لاهنت

ابو خليفه دائما متميز شكرا لك ابو طارق

المشاركة الأصلية كتبت بواسطة أمير الشمال (المشاركة 1744279) ابو خليفه دائما متميز شكرا لك ابو طارق

المشاركة الأصلية كتبت بواسطة هدوء الجوري (المشاركة 1744284) تسلم تسلم مراقبنا المميز على روعة الانتقاء لشاعرنا الكريم والمتألق دائم ..

المشاركة الأصلية كتبت بواسطة وتم بعيد (المشاركة 1744310) يسلّم ذوقك على انتقائك الجميل الهي يسعدك وَ يديمك طال عُمرك :152:

المشاركة الأصلية كتبت بواسطة فرح (المشاركة 1744334) قصيدة جميله يسلم اختيارك

المشاركة الأصلية كتبت بواسطة على النيه (المشاركة 1744355) انتقاء رائع ومميز لشاعرنا المتألق والمتجدد دائما أنيق ك عادتك ي راقي