|
أحداث في الذاكرة "
http://www.shy22.com/upfiles/g2R70601.gif الكثير من الأحداث اللي صارت بحياتنا .. رغم مشاهدتنا لها خلف الشاشات .. إلا أنها ما زالت محفورة بالذاكرة .. ممكن صعب نسيانها ؟! لأنها غيرت مجرى التاريخ .. فكرة الموضوع .. بسيطة .. بس .. شغلوا الذاكرة شوي .. بليز لا أحد يقول ما أذكر يا ويلكم ترا .. لا تحبطوني :( كل عضو يقول لنا كيف وصل له الخبر ؟.. و وين كان ..؟ وش ردت فعله ..؟ كثيرة الأحداث اللي صارت .. ( وفاة ابن باز .. الأميرة ديانا .. محمد الدرة .. هدى غالية وغيرها بس أعتقد هده الأقوى .. لأنها غيرت مجرى التاريخ .. http://www.shy22.com/upfiles/08967884.gif 1- وفاة الملك فهد بن عبد العزيز .. رحمه الله 2005 م ( ملك المملكة العربية السعودية ) http://www.shy22.com/upfiles/Y2067884.gif 2- مقتل الأمير الشاعر طلال الرشيد .. رحمه الله 2003 م http://www.shy22.com/upfiles/i4t67884.gif 3- وفاة الرئيس رفيق الحريري .. رحمه الله 2005 م ( رئيس سابق لـ لبنان ) http://www.shy22.com/upfiles/EGV67884.gif 4- إعدام الرئيس صدام حسين .. رحمه الله 2007 م ( رئيس العراق ) http://www.shy22.com/upfiles/Ap567884.gif 5- انهيار مبنى الاقتصاد بأمريكا - واشنطن ( أحداث 11 سبتمبر 2001 ) http://www.shy22.com/upfiles/0KM67884.gif 6- مقتل الشيخ أحمد ياسين .. رحمه الله 2004 م ( مؤسس حركة حماس فلسطين ) http://www.shy22.com/upfiles/Ypl67884.gif 7- قبلة الوداع بصفعة الحذاء .. لجورج بوش رئيس الولايات المتحدة الأمريكية ( 14 /12 / 2008 ) 8- أي حدث خاص غير حياتك .. وما تنساه ؟؟؟ إن شاء الله الفكرة عجبتكم وتكون بنظركم خنفشارية .. :) |
هايدي الله يعطيك الف عافية بصراحة موضوعك فيه من الذكريات المؤلمة والحزينة
كنت اذكر وفات الامير طلال جاتني مكالمة من صديق وكنت انا مسافر برا عندما قال ان الامير طلال قتل بصراحة حزنت ولاكنت مصدق الخبر حتى انتشر بوسائل الأعلام رحمة الله عليه وسكنه فسيح جناته......... الله يقووويك هايدي سلمتي من كل شر |
* النوووفي * يعطيك العافية عل مشاركة .. ليه كتبت ذكرى بس وحدة ؟؟ :( يللا مو لازم تكتبها كلها اليوم .. بس شغل المخ والمخيخ كويس .. وأول ما تذكر تعال وسجلها هووون بنتظرك .. << تورط :d يسلمك ربي .. على المرور الزوووق .. |
فيه احداث كثيره مرت واهمها
موت الملك فهد بن عبد العزيز واذكر بعد ان امي كان اشدنا حزن عليه لدرجه انها سجلت تاريخ وفاته بدفتر خاص عندها وخبر موت طلال الرشيد لها اثر كبير في النفس مثل الغصه خصوصا ان خبر وفاته كانت مؤلمه جدا اما مبنى الاقتصاد في امريكا اذكر اني شفته مباشر ومدري وش السالفه واذكر كان وقتها اختي توها متعينه ونكلمها ونقول لها الخبر وهي ماتدري وش السالفه اما مقتل صدام حسين انا ما احبه لحد يفهمني غلط بس حسيت بغصه والسبب اني قبل مقتله حلمت فيه حلم انه يبكي ويقول انتم احسن مني عرفتو ربكم وانا لا وقلت له الله غفور رحيم ونطقت الشهاده عنده وقام ونطقها بعدي وما انساه هذا الحلم طول عمري با الرغم اني ما افكر فيه ولا تهمني اي معلومه عنه بس جاني الحلم اما الباقي ما اتذكر من الاحداث اشكرك هايدي على الفكره الحلوه ربي يسعدك ويعافيك |
* أنوار الشمال * الله يسعدك عل المشاركة .. سبحان الله حلمك غريب .. الله يرحمه ويرحم جميع المسلمين .. مو لازم كل الأحداث .. أهم شي نورتينا بوجودك .. يسلمك ربي .. على مرورك الرائع .. |
بصراحة الخبر الي صدمت فيه هو
وفاة الأمير فيصل بن فهد ( الله يرحمه ) كان له أثر عليّ كبير هايدي .. يعطيك العافية على الفكرة الجميلة |
* هلالي * يسلمك ربي عل مشاركة .. الله يرحمه الأمير فيصل .. صادقة والله كانت صدمة .. بس ما أذكر الحدث مره .. أعتقد كان في رحلة علاج .. حتى لما رحت المدرسة كانت كلها جرايد عن وفاته .. الله يعافيك .. سررت بوجودك الجميل .. وبذكر الحادثة .. |
يسلموووووو هايدي على الموضووع التوووحفه صراااحه ,\
\ أهم وأكبر حدث أثر فيني << رغم اني كنت صغيره وقتها بالأبتدائي بالنسبه لي أعتبر حدث ( غزو الكويت ) في أغسطس آب << كنا بعطله ومددوا الأجازه على ما أذكر بس حنا رجعنا بدري من السفراستدعوا بالوالد يرابط بس والله تفاعلت مع الأحداث في ذيك الفتره خصوصآ لما جونا الكويتيين وسكنوا في بيت عندنا بالحاره وجوا بنات كويتات درسوا عندنا بالمدرسه وأذكر ايام استلامات (الوالد ) ماكنا نشوووفه الابالصدفه يجي دقايق يبدل ويرجع يرااابط وحنا متسمرين قدام التلفزيون وجالسين بغرفه ملزقين درايشها على شكل x وكله كووووم والكمامات كوووم وزعوها عشان الكيماوي<؛<يوم جابها لنا ابوي خفنا نحسب اننا خلااص بنموت وربي احداث عشناها وحنا صغار مستحيل تنسى وعرفنا أشياء أكبر من أعمارنا ( غزو + غاز كيماوي + صواريخ سكود وباتريوت + صفارات الأنذار ) عشنا حرب حقيقيه حتى بالشوارع حطوا مراوش عشان اذا جاء الغاز اللي بالشارع يدخلون فيها ويفتحون الدش ويعدون تحت الماء والا الأغاني الحماسيه ( هبت هبوب الجنه ) ( نعم نحن الحجاز ونحن نجد ) <<<< كح كح ياقدددددمك طلع معك غبااااار والا يوم تحررت صدق فرحنا فرحه وربي كن الغزو كان عندنا وحنا اللي تحررنا <<< الله لايعيد ذيك الايام هذا اللي طلع معي الحين للحديث بقيه مع أحداث لاتنسى ,,, ودي {{{ دلوووعه |
* دلوووعة حايل * يسعدك ربي عل مشاركة الحلووووه .. << مبسوطة أففففف والله شكلها أيام صعبة .. بس للأسف ما أذكرها كتير .. أذكر اللزق اللي عل أبواب والشيايبك .. لأن العالم كلو نزعها إلا أحنا .. ولما سألت أهلي قالوا عشان حرب الخليج .. وأذكر الأغاني .. لأن جلسوا يعرضوها كتير .. أسعدني مرورك المميز .. الله يسلمك بنتظر باقي الأحداث .. |
لعيونكِ هيوده بجوابـ مع إني دخلتـ بس أشيك وأطلع
لإن حيلي مهدود هد من الجامعـــــــــــه بس الموضووووع عجبن > وهـ وهـ على هيك مواضيع 1- وفاة الملك فهد بن عبد العزيز .. رحمه الله 2005 م ( ملك المملكة العربية السعودية ) إممممم أذكر تفاصيل هاليوم كنتـ أنا نايمـــه فجـــأه إلا قعدتن اختي وهي خايفه ومحتاره يعني بإختصااااااااار محتاسه قلتـ وش السالفه قالتـ الملك فهد مااااااااااااات قلت صادقه انتي وإلا شكل السهر مأثر عليك قالتـ قومي يالخبله وشوفي التلفزيون عشان تصدقين وفعلا قمتـ إلا كل أهلي قايمين من النوم وأشكالهم تخرع نفس بهتـ الوجيه يوم وفاة أبوي وقبل حتى أشوفـ التلفزيون حسيتـ إن الدنيــــــــــــــــا خلاص سودتـ بعيوني وكنتـ اقول الله يرحمه ومو مصدقه حتى كنتـ أقول الله يصبر بناته على فراقه هن أكثر شي راح يتأثرن وحتى ولده عبدالعزيز كنتـ أقول الله يصبره أحسسسسسسسه يغلي أبوه بشكل مو طبيعي إمممممممممم وأذكر يوم وفاته أصدر قرار ببيتنـــــا مافيه تشغيل تلفزيون على مسلسلاتـ ومافي توليع مسجل على طقاقاتـ لانه كنا بعطله 24 ساعه رقص ومافي روحاتـ وجياتـ هذا القرار للعنصر النسائي لاننا كنا متأثرين بقووووووووه بس والله أخواني ماأذكر شو حالتهم > أحد سألك > :) الله يرحمـــــــــــــــــــه ويغفر له 2- مقتل الأمير الشاعر طلال الرشيد .. رحمه الله 2003 م والله هذاك الوقتـ مأعرفـ أميرنا واجد بس أخوي جانـــا وقال تروا الأمير طلال قتل إختي شهقتـ قالتـ إشاعه أكيد لانه أكثر من مره يتعرض لطلق الرصاص بس الله ينجيــــه ويجينــا الخبر إنه ماتـ يعني نفس كل مره قاله أخوي يابنتـ الحلال أذاعوه بالجزيره أو العربيه ماأذكر بالضبط وكان هذاك الوقتـ ماعندنــــــا هالقنواتـ ويوم شفت أخوي مصمم وإختي مصصمه إنقهرتـ أسألهم منو وهم مستمرين بنقاشهم انقهرتـ بزياده وقلتـ أبوي ماتـ وماردينا الموتـ عنه بس أبي أعرفـ أي واحد لانه 2 طلال الرشيد قالتـ اللي مجلته فواصل آآآآآه بهذيك اللحظه رحتـ لعالــــــم ثاني أتخيل وشلون بيستقبلون الخبر أهله وصارتـ أيام وفـــــــــاة الوالد تنعـــــــاد أكثر من مره بغيتـ أنفجر أيام آآآآآآآه ماأتمنى أبد أحد يذوقــــه فجأه فقتـ من سرحاني بأصواتـ أهلي اللي بدى يعلى بزيااااااااااااااااااااااااااااااااده قلتـ وش السالفه رجال وماتـ الله يرحمه عشان أخفف من التوتـــــــــــــــــــر قالن بلاك ماتدرين إنه ماتـ غـــــــــدر ولا وبالجزائر والجريمه مخطط له ولا وولده نوافـ معه بالرحلـــــه حسيتـ خلاص الدنيــــــــا مابه ولا لون وتسسسسساؤلاات ببالي ليه قتتتتتتتل ولحد الآن هالسؤال ماله جوابـ محدد كلن يجاوبـ ويفسر على كيفه واللي قاهرن ليه لحد الآن ماقبض على القاتل حتى تقدم بهالقضيه ماصـــــار ليه يعني دمه بيروح هدر وأدري إنــــــه هالقضيه ماراح تتقدم بس ماأقول إلا حسبي الله على من خطط للجريمـــــــه ونفذه جعــــــــــــــــــــــــله بنار جهنم الله يرحمك ياطــــــــــــــلال ويصبر أحبابك على فراقك 3- وفاة الرئيس رفيق الحريري .. رحمه الله 2005 م ( رئيس سابق لـ لبنان ) بس اللي قطع قلبي منظـــــــــر حادثهم لاني ماكنتـ أعرفه عنه غير إنه كان عندنا بالسعوديه عشــــــان كذا ماكنتـ متأثره حيل بوفاته > مع عنه كل حالة وفاة تجيني حالة صمت رهيبه وأحب أعتزل وأجلس بلحالي 4- إعدام الرئيس صدام حسين .. رحمه الله 2007 م ( رئيس العراق ) شوفي قبل لاتفكر حتى أمريكــــــا تهجم على العراق كنتـ أكره شي اسمه صدام كره مو طبيعي لانه كان عندي كتبـ عن أيام يوم يرش على شعبه كيماوي بصراحه الصور تطلع الشيبـ بالراس صورة إم ضامه طفله تبي تحميه من الموتـ وماتتـ وطفله على صدر ضامته فعلا صوره لحد الآن أذكرهــــــا وأشياء ثانيه مكتوبه عن أساليبه بالتعذيب واللي كان كاتبه إذا ماخابـ ظني عراقي يكتبـ حال شعبه واللي شافوه وحتى يوم يهجم على الكويتـ والرعبـ اللي لحد الآن الناس تسولف به خوفـ وبرد ومطر وغير أبوي اللي كان متطوع بالحربـ ماندري هو يرجع وإلا لا على فكره أنا ماحظرتـ أيام الغزو بس اللي سمعته من أمي وخواتي يشيبـ بالراس بس على كثر كرهي له أعجبني يوم كان يستفز أمريكـــــــــــــــا وثقته العاليــــــــــه بس ماكنتـ متوقعه أبد إن نهايته كذا انقهههههههههههههههههههههرتـ ح ـــيل توقعتـ بتصير قضيته مثل قضية فلسطين ماله حل بس انصدمتـ يوم امسكوه وانصدمتـ أكثر يووووووووم أعدموه فعـــــــــلا نهايه غير متوقعه أبد لرئيس قوي مثل صدام حتى البلوتوثـ اللي انتشر عن اعدامه والحركه السخيفه اللي انسوت يوم الإعدام مقدروا يتقيوون إلا يوم اعدم جبنـــــــــــــــاء حتى يوم إعدامه غلط بأول أيام العيد مستنين لين يزل العيــــــــد مادام انكم حاكمين وقاضين الله يغفر له ويرحمـــه ماندري امكن على كثر ماسوى بشعبه ربي قادر يغفر له ويدخله الجنــــة (( إن الله غفور رحيم )) 5- انهيار مبنى الاقتصاد بأمريكا - واشنطن ( أحداث 11 سبتمبر 2001 ) هاليوم أذكر كنـــــــا بالصاله كلنا مجتمعين > العائله الكريمه :) وكان التلفزيون مولع بس مقصر على الصوت الوكاد اننـــــــا كلٍ يحوس بحاجه أذكر كنتـ جالسه عندي اختي تكتبـ لوحه أو تسوي عمل الوكاد كنا نشوف التلفزيون على بالنـــــا قاعدين يسوون تجاربـ يجربون شي معروفـ الأجانبـ 24 ساعه بس يحوسون غصب بيطلعون إكتشاف بس شفنا كلمه مباشر فوق وبعدين طلع شريط مكتبوبـ انفجار مبنى ........... إلى آخره على طووووووووووول الريموت عّلو الصوت بساع وفجأه طلعوا بوش وهو يركب الطياره من مزرعته وحنـــــــا نتقامز وصراخ من الوناسه لانه شكل بوش يفقع من الضحك وهو ذال ويبي يهج خليه يعرف الذله هالخنزير بس بعدين تغير رايي حسيتـ انه اجرام وغير كذا اتهامهم لنــــا وسواليفهم مع الطلبه المسلميــــــــــن والسعوديين بالذاتـ وهي السالفــــــــــه كله مدبره منهم وبهم وحنـــــــا يالمسلمين وخصوصا السعوديين مالنــــــــــا يد بهالموضوع أبد بس من يقتنع يكذبون الكذبه ويصدقونه !!!!!!!!!! 6- مقتل الشيخ أحمد ياسين .. رحمه الله 2004 م ( مؤسس حركة حماس فلسطين ) آآآآآآآآآآآآآآآآه ومليووووووووون آآآآآآآآآآآه منظر كرسيه بس يقططططططع القلبـ ألم ونبكي دم بدل الدموووووع كانتـ صدمه ياااااااااااااالله ياكثر مانصدمنــــا بهالحياه الله يصبرنــــــا بس تفاصيل دقيقه ماأذكر حيــــــــــل غير انه كنت مرابطه عند التلفزيون بشوفـ وشلون الإحتلال أطلقوا الصاروخ لحد ماأصابه وكنت بشوف موقفـ الناس لمّـــــــا تعرفـ بس كالعاده نستنكر ونشجبـ ........... 7- قبلة الوداع بصفعة الحذاء .. لجورج بوش رئيس الولايات المتحدة الأمريكية ( 14 /12 / 2008 ) أول ماسمعتـ الخبــــــــــــــــــر حسيتـ بطير من الوناسه وكنتـ بشوف بوش بعيووووووووني يوم يستقبل القبلـــــــه حسسسسسسسسسسسسسسسسسيت انه رد ولو نتفه صغيره من اللي يسويه هالخنزيل ولد الخنزيره بالمسلمين جعل نهايته مثل نهاية شارون >> أحلى حدثـ في عام 2008 ختاميه حلوه مـــــــو :) ’, هايدي كالعاده كالعاده مميزه > ماشاء الله عليكِ ’, |
كل الاحداث اللي ذكرتي غيرت مجرى التاريخ لكن غزو دوله عربيه لشقيقتها الكويت كان هو الاكبر و منظر وزارة الكهرباء والماء بالكويت واغنية ارض الكويت تصيح اني رهينه لا يمكن انساه ابد ابد |
موضوع مميز مثل صاحبته
اسوأ حدث واسوأ ذكرى هي غزو الكويت وما اعتقد احد بيحس فيها غير اللي عاشها وفقد من اهله واحبابه الكثيرعلى يد رئيس كان عميل لامريكا وخاين لشعبه وامته حسبي الله ونعم الوكيل فيه ... له رب بيحاسبه شكرا هايدي على الموضوع مع انك قلبتي المواجع :) |
* غيود * وااااااو ردك قميل أوي أوي << متشققة من الفرحة .. أحنا كمان زيكم صار لبس بالاسم بين 2طلال الرشيد .. وكنت مو مصدقة لين شفت الخبر بالجريدة .. بالصور أما صدام نفس الفاجعة ما توقعت كدا نهايته انقهرت والله .. وأكيد قبلة الوداع أحلى حدث بـ 2008 ونهاية سيئة لتركه للحكم .. << ما تتشمت أسعدني مرورك العطر وردودك ترد الروح .. << تحب الحكاوي .. يعطيكِ العافية .. |
هايدي ياعسل
الموضوع تووووووحفه لكن <<<<<<ماتتذكرها لصغر سنها (اي هين ) |
وااااااو موضوع يجنن ..
أحس رجعتيني لأيام زمان << ليش عجوز الأخت ^^ بس راح أحاول اختصر الإجابات .. 1- وفاة الملك فهد بن عبد العزيز .. رحمه الله 2005 م ( ملك المملكة العربية السعودية ) هذي اكثر شي غيرت حياتي .. احس بعد ما سمعت الخبر اني ضايعه وما راح هالإحساس الا بعد اسبوعين ^^ كان عطله ذاك اليوم .. وكنت انا الوحيده اللي صاحيه بالبيت من اهلي كلهم نايمين الساعه 8 الصبح .. و دقت عمتي علي انا خفت لانه مو عاده تدق علي هالوقت .. كانت خايفه وقالت شغلي التلفزيون شوفي الأخبار ..! اقسم بالله ما ادري وش قالت بعده على طول شفت الخبر وقمت اقعد اهلي << ما ادري ليش ^^ وبث ^^ 2- مقتل الأمير الشاعر طلال الرشيد .. رحمه الله 2003 م الله لا يعيده ذاك اليوم .. قسم نكد بنكد .. كانت وحده من جماعتنا ما لها كم يوم متوفيه .. وكالعاده جو كآبه مخيم عالبيت .. حتى اللمبات نصهم طافي .. واذكر جاء ابوي حزة المغرب وحنا كنا مجتمعين بالصاله .. وقال لنا الخبر .. صح كنت اعرفه لكن مو ذاك الزود .. يعني اتابع المجله و اسمع بعض قصايده لكن مو متابعه حيل .. بس و الله حزنت عليه من قلب .. 3- وفاة الرئيس رفيق الحريري .. رحمه الله 2005 م ( رئيس سابق لـ لبنان ) ما ادري ليش لكن ما اذكر الخبر نفسه من وين دريت به .. لكن اذكر اني حزنت << وش دخلك بالموضوع ^^ حسيت ان موته خيانه .. 4- إعدام الرئيس صدام حسين .. رحمه الله 2007 م ( رئيس العراق ) كان فجر العيد صح .. أنا ما دريت الا الظهر .. ما ادري وين كنت غاطسه << بالمفاطيح أكيد :000: لكن على ظلمه وجرائمه قسم رحمته يوم اعدموه .. ولو الموت له هيبه ومكانه .. 5- انهيار مبنى الاقتصاد بأمريكا - واشنطن ( أحداث 11 سبتمبر 2001 ) اول ما شفته احسبه فيلم جديد ^^ ما توقعته حقيقه .. لكن بعدين بدت تطلع البلاوي ^^ 6- مقتل الشيخ أحمد ياسين .. رحمه الله 2004 م ( مؤسس حركة حماس فلسطين ) كان يوم اثنين بشهر 2 .. وعلى ما اعتقد التاريخ 25 بالهجري طبعاً ^^ أول مره بالتاريخ اشغل التلفزيون قبل اروح للمدرسه << شفايه ^^" و اذكر على العربيه كانوا ناقلين التفجير بعد صلاة الفجر .. ما شفت التقرير لكن قريت الخبر وسكرته .. وما ادري وشلون حالتي بالمدرسه ذاك اليوم .. انا اللي علمت الفصل بالخبر ^^" 7- قبلة الوداع بصفعة الحذاء .. لجورج بوش رئيس الولايات المتحدة الأمريكية ( 14 /12 / 2008 ) شفته اول ما نزل عالنت ^^ و على طول حطيت اخبار ال bbc وشفته مباشر ^^ حتى المذيعه ماسكه نفسه لا تضحك ^^ 8- أي حدث خاص غير حياتك .. وما تنساه ؟؟؟ وفاة جدي و جدتي .. تحملوني اذا كنت طولت ^^" و تسلمين هيوده على احلى موضوع .. دمتم .. |
| الساعة الآن 09:41 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010