توك تجي وانا قضيت اول الليل = مابين ونات القهر والتعاسه
صبري قضى وانا باب التعاليل= ارجيك ياكل الطرب والوناسه
يانفحة العنبر ويا دلة الهيل = صحيح يوجد بالمزايين ماسه
عليك ليل الشمري يالحلا ويل = خطرٍ على سر الغلا واحتباسه
مسحت دمعات الشقى بالمناديل = وصبري من الفرقى تعدى قياسه
ياعود زملوقٍ نقع حدره السيل= برضٍ حماه الخوف عن كل ناسه
عليك رددت القوافي موواويل= والمرتفع غنيت قافي براسه
ياداعجٍ بالميل مثل الدرابيل = حصة عديمٍ به شموخ وفراسه

البارحه قمت اتململ ولانمت=كني قريص اللي يموت بنابه
عليك ياللي عن هوا غيرها صمت=اصيا م زهادٍ بوقت الصحابه
بنيت بيتك بالسراجيف واقمت= وغيرك رحل وا قفى تواما ركابه
لاتطول الغيبه على شوفتك عمت= كما يعوم اللي خوا الكيف صابه
على الثمان البيض ومعنقك همت=هومة جلاويٍ لدار القرابه
انا بقلبي في سما ديرتك حمت= حوم اشقرٍ ستل جناح المهابه
القلب عاف البيض غيرك وانا شمت= مغليك لو تنزف جروح الاصابه

شفت ذاك الطريق اللي يـودي جنـوب=اسلكـه ليـن تاتـي وادي الحشـتـره
دام جوك ربيعي قبل صيـفٍ وشـوب=والعلـوم الدقاقـه مشتـره مشـتـره
ياقليـل الحسانـي ياكثيـر الـذنـوب=بيـع هـذا بعـد هـذا وهـذا اشتـره
انـت والله مالـك مذهـبٍ يالكـذوب=عن سما ديرتـي بقشطـرك قشطـره
برجمك رجم مثل بليـس يامـا تتـوب=لين تمشي بخـط الصـدق والمسطـره
انت تاجر مرابي واسهمـك باالقلـوب=مايهمـه ولـو كـل الرصيـد خسـره
انت قبل امس وجه الزيف كان محجوب=والصدف شالة اللي عن عيون ستـره
يامفظل محاصيـل الزمـن والجيـوب=والوفا اللي يجي وسط القلوب اشكـره
لاتحسبك بعـد هـذا تصيـر محبـوب=ياشقيـق الجحيـم الموقـده لسـعـره
انت مثلـه اليـا زاد اشتعالـه هبـوب=وانت طبق الاصل لاحمّـرة وجمـره
واحسافه بذرت بصبخ اغـلا الحبـوب=وارجي اثمارها لومـة بحلـو شجـره
يوم كلن حصد محصول زرعه كسوب=ما كسبنا من الصبخـى ياكـود غبـره
شجرة العوشزه ماسرة اللـي يجـوب=ماتظلـل ولوهـي خضـراً مثـمـره

ياشبه وضحى زاهيتها الدناديش = تروس طابور الجوادا العطاشي
برشامها لاروحت له قراقيش= مع ذود شيخٍ ماتحرى المعاشي
دايم مفرع والشوارب مطانيش = وان درهمت قدمه من الزوم هاشي
في ربعته تلقى النشاما مهاتيش = شيخٍ يقلط باالصحون الكباشي
اللي يخيش عايل القوم تخيش=نواضره مثل قديح الفلاشي
عليه هيبات الاسود المشاويش= لاكشرت باانيابها للهواشي
دايم مدللها تروس القناطيش= عقل ادمي لوهي فصيلة مواشي
العين عين اللي تعلى الخنابيش = راعيه حدره ما تدرى العفاشي
حول ومع تحويلته ينثر الريش = من مخلبه غدا يثوع الطشاشي
طلعو عليه من الولع عاش ويعيش = من التعب ماقد خذا لو نتاشي
ينفخ يشادي مستهيش الحنافيش = افمه مقص مذرعين القماشي
لاسلهمت فوق الوجن بالمعاكيش = حصة صيارم مهي حصة خشاشي
ابو نهودن حدر جيبه متانيش = كنه زبيدي السهل والدشاشي
والردف طعسٍ كارباته رشاريش =ماداجبه راع الغنم والدباشي
والساق مبرومٍ لحجله لواليش = حس الطيور اللي على جال طاشي
تنقض على الامتان شقر العكاريش = والخد براقٍ لمع بالنواشي
عليه حالي مثل حال الدراويش = سعادتي بقصاد والحزن كاشي

ياكثر ماتجرح الدلال بسلوبك= ماتدري اني بحبك يالغلا هالك
مايذبحن كود سنسالٍ وراء ثوبك= اليا ابترم بالنحر عسى الحلا فالك
ياكثر ماساق رجلي خافقي صوبك= يامخبي الورد والرمان في شالك
دوبك على الحال ياكل الحلا دوبك= يومي تشربكت يالفتان بحبالك
متى يحين القدر واسير بدروبك = يذهب خوا الراس لاشفيت فنجالك
انته مناتي حبيبي بس عذروبك= قلبي تقل تنتله يمناك وشمالك
الله يعيني مادامي صرت محبوبك= ذبحتني وانت عندي فوق منزالك
انا دخيل العيون وعطر خرنوبك= اليا تدلى على الارداف شلالك
هنيت من شاركك زادك ومشروبك= واصير لك يامعذب خافقي مالك
اجلس معك حزت المشراق وغروبك= وتجيب لي قهوة الاشواق بدلالك

حاولت اسلي خاطري مار مزعوج=اليا بغيت ادلـه رجـع زاد همـي
همن على همن غشاني تقـل مـوج=موج المحيط اللي اليا هـاج دمـي
الوج لوج اصغيرن لاج من حـوج=يتيـم وابكـم مايسولـف واصمـي
قلبي غزاه الحزن فوجٍ ورا فوج=غصبن تسلل له مـع عـروق دمـي
ماسلتن صـف التعاليـل وهـروج=ولاقصة الـراوي مديـر المعمـي
والله يالولاسجـة الـرجـل وادوج=واشراف مرقابٍ من الطول زمي
لانوح نوح اللي على الغصن بهبوج=ورقن تجر الصوت من كـل يمـي
ولاقنيب مسلوعٍ من عقب لوج=ماطاه من كثـر الهريـف متدمـي
حداه عن جوا العرب حس لجلوج =وكوسر عواه براس جالٍ مقمي
واتل قلبي من ورا مهدف العوج =تل السواني من غزير المجمي
او تل حمرن فوقه الدل وخروج = في دربهن صم الحوافر ترمي
من كثر مابه من ملفات ودروج =همن على كل الاحاسيس عمي
اغضي قهر سطوت دهر رحت مفلوج=طيحت خلا مامن صديقٍ يسمي
قبلي شكوا منه هل الخيل وسروج =كمٍ عديمٍ ذوقه كل غمي
دنياك لاهبة بعاصيرها الهوج =ماله ولد خالٍ ولا ولد عمي

مرحبا ياطنب نجد وياعموده= جيتك للعاصمه جيت سحابي
انت ياسلطان ابو خالد وجوده= جود وسمٍ لاتهشم بالروابي
السعد والعز في شجرة سعوده=ماعليك من الحديا والغرابي
لوتبابي وسط لندن في وعوده= وش يجيب الشط لحزوم السرابي
ابوخالد تنقل الكايد زنوده= تخمر الندر الياحام العقابي
قايد لامن تقدم في جنوده= يظرب العايل على حد العلابي
انعمي يالمملكه وارقي سنوده= طاب سلطان الصخى والجود طابي
لو تناقز في جنابيها زيوده= مايخرعنا حداها والجنابي
دام سلطان الصخى يحمي حدوده= لايهومنك محصنة المخابي
من يعز الدين جعل الله يزوده= والخوارج جعل ابوها للذهابي
عارفين اهل العمايم مع يهوده= يوم حاربهم ابو بكر الصحابي
لو نسب للمصطفى سالف جدوده= وش يجيب محمدٍ للاهل الكتابي
سنة الاسلام بالكعبه بنوده= عند حكام الشريعه يالمحابي
عزو الاسلام والعالم شهوده= فوق قب الخيل وظهور الركابي
عارفين البيض ماتشبه لسوده= واعذروني كان قصرت بجوابي

شكل العيون الكحيله يوم سجيتي= كل الحلا يرسمه شكلك ونظراتك
وجهك على خمس كفك يخرب البيتي= النور خدك ولون الورد بشفاتك
ياليت والله وياليتك وياليتي=تقبل سواتي معك واقبل لك سواتك
هوليه حطيت حييني على ميتي= طالع على كل خديني علاماتك
شيهانتي يوم هديتي و دليتي= حمتي وجيتي على الخفاق بدلاتك
هنا ظربتي بمخلابك وقديتي=افيه من كثر مااشكي من معاناتك
عزالله انك بتعذيبي تقصيتي= اليا نشدتك تعل القلب بسكاتك
تبات كل الخلايق بس مابيتي= حرام تسهر عيوني وانت بسباتك
ياحلوة القد كفيتي ووفيتي= غفرت سيتك في رجوى حساناتك

كنك لميع اللي من الهند مدقوق= بيدين شجعانٍ على الخيل قامو
يانجمةٍ دونه نشا المزن وبروق= اجحفت لجلك والمشاميت لامو
ياعزوتي لك هزني زايد الشوق= سهرت وحدي والمخاليق نامو
سرحت لك سرحة هل النوق بالنوق= يمك مغاتير الغلا فيك هامو
في قربك انسى كل الاحزان واروق= ولا غبت سربه في سما الحزن حامو
يادرةٍ يفخر بها تاجرالسوق= تزاودة سوامته يوم سامو
تنساق ركبان الغلا يمكم سوق= سوقة هل الاسلام بقونتنامو

سجيت مع عثعثٍ تزمي مراقيبه= لين اعتليت المعلي حيل واشرفته
لا غابة الشمس طنب بالعوا ذيبه= ماغير قمرية الوادي موالفته
نطيته عصير من مابي واغنيبه= وهيظت مكنون خفاقي وسولفته
واقلبي اللي وسيعاتٍ مضاريبه= بنادق الوقت ثارن فيه ونصفته
اصبر مدام انها ضريبة الطيبه= الله يعين الخفوق اللي مكلفته
قلبي عقب صاحبي تصفق دواليبه= عليك ياللي مضالي وقت ماشفته
لك واحة بالضلوع وسورها هيبه= والقلب شمسيتك والحب سالفته
اقسم بربٍ جهل كل الملا غيبه= لولاك بعض القصايد كان ماللفته

اشوفك بالمنام ولاصحيت العين ماتشوفك=اليا مني بغيت مشاهدك جفن السهر نامي
ياليت انك تجودي باللقا من جود معروفك=على شان الليالي السود تصبح مثل الايامي
تخيلتك قمر واحلا قمر واقبل حروفك= تبسمت لخيالك وامسح الدمعات باكمامي
الا ياليت قلبي مثل قلبك واقدر اعوفك= حرام اصبح ضحية كبريائك وافقد احلامي
يهيض الك الحنين ويستبيح القلب مظروفك= بصندوق الرسايل كل مسجٍ ورد وخزامي
تعالي وامسحي دمع الفراق بلين كفوفك= على شان اني اسامحك يامعزوفةالامي
بعد هذا الفراق المر ياكل الحلا اشوفك= احس ان الاماني حققت والعمر قدامي