منتديات بعد حيي

منتديات بعد حيي (https://www.b3b7.com/vb/index.php)
-   منتدى هَـمْسُ القَـوَافِي (https://www.b3b7.com/vb/forumdisplay.php?f=17)
-   -   مجاراة لعدة شعراء (https://www.b3b7.com/vb/showthread.php?t=146392)

مشعل التريباني 04-02-2020 03:15 PM

مجاراة لعدة شعراء
 
الشاعر / مطلق البخيتان
------

اشوفك منفلت في تالي ايامك على القيفان=تغير شي والا الحجر سوى بك سواياته

تجي نوب على مدح وتجي نوب على تحنان =شتاتك واضح مابين نزواتك ونزواته

عطن علمن يريح صاحبك يالذيب ياسرحان=فهل ذيبان فاقد شاة والا الجرح بشواته
--------
ردي عليه


يابو سالم هلا بك دونك اعلومي يابن بخيتان=ترى الليله. مع ايام مضت للشعر بصماته

ترى الحجر الكئيب اسدى علي. الشعر والأشجان=ونشعر والقوافي كلها ندرك منصاته

ندوج. البيت من غرفه اليا غرفه اليا الليوان =من الحجر الذي ياصاحبي هذي نهاياته
--------
محمد المغيلث

صحت السنتكم جميعاً


انا ماني بلومك يامحمد والقصيداحيان=يسلي صاحبه لاضاق وهذي من حسناته

وسلملي على مطلق وقله يقفل البيبان=يخليك بمحطاتك ويقعد في محطاته

عسى الله مايقاصينا ويرحمنا رفيع الشان=وتوتجيه الحكومه لاجل صحتنا قراراته
---------
اخوكم الشاعر حمودحجاب


انا بمشي علي المعني مدام الشعر للعصلان =وياويل الي يعاتبي وكلن له مساراته

وحوش الضلع في سلمى بمان ومن قديم ازمان=ويكفينا زمان اليوم من شره ولوعاته

اجاري مطلق الظاهر واجاري محمد اكحيلان =وانا سلطان ابو دايل شجاع بكل هقواته
-------
الشاعر / سلطان فهيد العوض.
------------

دعادني للقصايد يامحمد قافها الفتان =وحازت لي معانيه وجازت لي مجاراته
لونه تنوزن هي والذهب في داخل الدكان =نزل سعر الذهب وانهار وزنه مع جنيهاته
قصايد رغم قصر ابيوتها تسوا لها ديوان =واهلها من بيوت الشعر واطنابه وهاماته

الشاعر /خالد الرقيباء
----------

هلا بحمود ولد حجاب يوم إنه رمى النيشان=دخل للمفصل اللي يفصل المعنى بمعناته
وسلطان الفهيد أهلًا هلابه عنصري مليان=عزيز وغالي عندي قبل حتى مجاراته
وشاعرنا سليل الشعر والمبدع بكل أحيان=قصيري خالد فريحان تاج الشعر بأبياته
ولاني ناسي اللي درسن في ماضي الأزمان=سليل بداح وأستاذي محمد في حواراته
عسى عمره طويل وبالعوافي يلبس التيجان=وعسى ربي يحقق له مطالبيه وغاياته

مطلق البخيتان
-----


قريت ابيوت ابو سالـم مصـخر شرد القيفان =وردك يا مـحـمـد شــدنـي فـي كل حـالاته
وانا مـانـيب لاشـاعـر ولا كـني فصيح السان =لـو ان الـشاعر اللي مـثلكم تصعب مجاراته
صحـيح الحجر مثر بالبشر ولاانت ياكحيلان=مثل ذيب الخلا لا من سراء حول على شاته
------
الشاعر / سالم المذعور
---------

يقولون العرب واهل الحديث وصفوة العربان=ترى عيب الحديث وعلته من علة رواته

واشوف من الحديث اللى تحت عيني جزيل سمان=مثل صافي القراح اللي يصافق ضفة فراته

ترى طول المدى ياطال عمرك الصحيح يبان=وهوى الانسان يفضح ما يريده شف مشهاته

وكل اناء باللي فيه ينضح فاضي ومليان=وكم مليان فاضي في فضاه وفي عرب ساته

محمد في ضميره علم وادري به فصيح لسان=عسى البابور يرمي في بحره الجم مرساته
-----
سعد بن خزيم الشهراني


انا يالربع مشتاقن مجارى معتلين الشان=يصوغون البحور اللي يشوقني مجاراته

يجيبون البيوت مرصعه باللول والمرجان=بواخرهم تغوض اليم وتمتر محيطاته

تحديتو عيون الشعر واللي يحكم الاوزان=واناطيري فرد ريشه وحط الشعر بصماته

ترا الاسلام يامرنا نقر لطاعة السلطان=تدبر محكم التنزيل والقرأن واياته

عساالله يرفع البلوى عن الاسلام والاوطان=كريمن ماخسر حين تلذذ في مناجاته

مشعل التريباني

ابو طارق الشمري 04-02-2020 07:46 PM

هلابك يابوعبدالرحمن وصح لسانك ولسان زملائك الشعراء ملاااايييين ولله دركم
رائع ماكتبتوا لاعــــــــــدمنا وجووودك.

تم التنســيق

متاابع 04-02-2020 08:07 PM

يعطيك العافية ابو عبدالرحمن
صح الله لسانك

مشعل التريباني 04-02-2020 09:24 PM

اخوي ابو طارق
صح بدنك بالنيابه عن جميع الشعرى لاهنت يابعدي

مشعل التريباني 04-02-2020 09:25 PM

اخوي متالع
صح بدنك لاهنت شكرالمرورك

أمير الشمال 04-02-2020 09:28 PM

صح لسانك دائما متميز شكرا

مشعل التريباني 04-03-2020 06:26 AM

اخوي اميرالشمال
صح بدنك لاهنت يبعدي


الساعة الآن 10:01 PM.

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
HêĽм √ 3.2 OPS BY: ! ωαнαм ! © 2010

mamnoa 5.0 by Abdulrahman Al-Rowaily