ياشيخ ياسِتْر الضعوف المساكين=ياعز منهو كاتبٍ بك قصيده
يامسند اللي طاف بين المِلَبِّين=اللي دعا ربه يِسَخِّر عبيده
يالهيلع النادر صعوط المجانين=فِعْلَك مْشَرِّف لابتك والبديده
الشعر يَخْجَل من مقامك بْثِنْتِين=الوصف يَقْصِر والهقاوي بعيده
من وين اجي ياسَيِّد المجد من وين=ياشيخ يانَبْع الكرم يالوليده
أنت الشموخ اللي يِهِز الميادين=أنت السجايا الفاخره والحميده
أنت الذي عِلْمَك يِسِر السلاطين=وجاهك يِغَطِّي من تَعَثَّر رصيده
مِتْصَدِّر القمه وكل العناوين=يوم السنين اللي مضت والجديده
في دَاخْلِك دوله تغيث االملايين=وفي وَقْفِتَك كل المخارج سعيده
أحمد إبن نايف عَلَى العِسْر واللِّين=اللي فعوله يالطنايا فريده
ياشيخنا قَدْرَك على الراس والعين=نُومَاسَنَا عند الظروف الشديده
جِرْبان يعني هامة المَجْد ياحسين=نَسْل الشيوخ اللي ينومس بِرِيده
شْيوخَنَا مْن اوَّل الوقت للحين=غَصْبٍ على جور السنين العنيده
المال يِجْمَع لَجْل بُكْرى وبعدين=ورَبْعِي صناديد المواقف تبيده

هلا وغلا يابو خليفه صح لسانك ابيات رووعه

المشاركة الأصلية كتبت بواسطة ابو طارق الشمري (المشاركة 1726802) هلابك يابوخليفة والحمدلله على السلامـــة وصـــح لســانك بحجم الكووون وعشرة انعام فيك وفي الشيخ احمد النايف الفيصل الجرباء تقبل إعجابي وأجمل تحياتي لاعــــــــدمنا وجووودك.

المشاركة الأصلية كتبت بواسطة وتم بعيد (المشاركة 1726831) يسلّم قلبك وَ احساسك شاعرنا الهي يسعدك وَ يديمك يّ فاضل ~

المشاركة الأصلية كتبت بواسطة على النيه (المشاركة 1726863) صح لسانك شاعرنا المتألق حد الرضا وسلمت يمناك للشامخة الجزله لاهنت

المشاركة الأصلية كتبت بواسطة ذوق الحنان (المشاركة 1726871) ي هلا وسهلا والف المراحب بجودك شاعرنا الراقي عياده افتقدناك عساك ما تفقد غالي يا هلا وسهلا نور بعد حيي بجودك صح لسانك علي الجزلات من القصايد تسلم يدك ويسلم منطوقك ويعطيك الف الف عافيه تحياتي لك من الازهار عطرها

المشاركة الأصلية كتبت بواسطة ام بي ام (المشاركة 1726879) صح الله لسانك قصيده جميله بما تحتوي تقبل مروري الاول في المنتدي دمت بخير ( ام بي ام )

المشاركة الأصلية كتبت بواسطة أمير الشمال (المشاركة 1726886) هلا وغلا يابو خليفه صح لسانك ابيات رووعه

المشاركة الأصلية كتبت بواسطة ابو الملكات (المشاركة 1726950) كنت هنا مع حرفك الانيق استمتع بروعه كلماتك دوماً انتظر جديدك المتميز اكيد احلى وأجمل كل الود