قصيده رائعه ومعبره ومشهوره ولها مناسبه وهي
كان الشاعرالمعروف /عبدالله لويحان رحمه الله
في مصر وبالتحديد في القناطرالخيرية
وشاهد حنظلة بحجم البطيخ فذاق طعمها وقال :


شـعـر ٍ مـثـل يافاهـمـيـن التمـاثـيـل
كـل ٍ يجـي شعـره بحسـب اقـتـداره

مـن عـاش ينظربالسنيـن المقابيـل
يـذوق مـن عقـب البـروده حــراره

الطيب يخلق مـع قلـوب الرجاجيـل
ماهـوب فـي بنـك التـجـاره تـجـاره

والرزق من عند الولـي بالتساهيـل
مـاهــوب بـالـقـوة ولا بـالـشـطـاره

من عاش في حيله وكذب وتهاويل
ياسرع من عقب الطلـوع انحـداره

والشـور ماينـفـع قـلـوب المهابـيـل
كالزنـد وان حـرك تطـايـر شــراره

لوتأمره بالعدل يعـرض عـن الميـل
بستـل علـى رأيـه بربـح وخـسـاره

والطـبـع مايـنـزال غـيــره بتـبـديـل
مثـل الجـدي مـرسـاه ليـلـه نـهـاره

والحنظله لوهـي علـى وادي النيـل
زادت مـرارتـهـا القـديـمـه مـــراره

هـــذا مـثــل يافـاهـمـيـن التـمـاثـيـل
كـل ٍ يجـي شعـره بحسـب اقـتـداره

أهلا وسهلا أسعدني تواجدكم شكرا