خلك سموووووح
 

هي الليالي تمر وبقدرة الله تروح
أحد كسب زينها وحد ن كسب شينها

ونا أحس الليالي سببت لي جروح
عواصف أيامها حطتني بعينها

تدور ولارحمتني يوم أنا قمت أنوح
ترمي علييه وتطويني على هوينها

لاذقت معها غبوق أولاشربت الصبوح
لاذقت طعم الليالي ولاعرف زينها

ماها إليامن بغيته جاسراب ن يلوح
يومي من البعد لي ويغيب في حينها

الشعف اليامن تركني جت شعوف ن تموح
أخاف تزداد ثم تظهر براكينها

ماني على قدرة الله بالملاقا نطوح
والصبر ضاقت حدوده والسعه وينها

أنا أحسب من يصادقني صديق ن نصوح
أثره إيجمع علوم ن غابره إسنينها

ياحامي الركب باالله لاتمر أوتروح
هذي بقايا حياتي شوف هي وينها

أبيك إدور عليها في هذيك السفوح
عطها اﻷماره وهي تعرف مضامينها

الياجيت أبنساه قال القلب خلك سموح
لاتترك ألي بقربك مدت إيدينها

الشاعر/ اورنس بندر الضحيك

اورنس الضحيك
يسلّم قلبك وَ احساسك المرهف شاعرنا
ابدعت بَ صياغة الابيات ، عوآفي
قريباً راح تنضم لديوانك يّ مبدع
الهي يسعدك وَ يديمك
~

وتم بعيد
أشكرك على جمال ردك وكلماتك الجميله
الله يسعدك

امير الشمال

تحياتي لسموك العطره