|
سالفة:ضب ابو عزيز
مشرفينا الكرام أخواني.أخواتي السلام عليكم ورحمة الله وبركاته من حقيبة 1397هجري تذكرت سالفه صارت .. كنا نتجمع انا وبنات الجيران ببيت جارتنا ام عزيز عشان بنتهم الكبيره تدرسنا حساب .. نفرش البساط المخطط احمر وازرق بسط الحوش وام عزيز الله يجزاها خير تسوي لنا ابريق شاهي وزنجبيل وحليب وآخر بسطه مابقى إلا الفصفص.. بيوم رحنا ندرس وأشوف هاك الكرتون جمب الجدار وفيه ضب صغير وكانت اول مره اشوفه بهالصغر .. الطاسه الدراسيه ظايعه خلقه لا جواً ولا بحراً ولا براً ومع شوفت ضب انتهى التركيز على الدرس وبدى التفكير يدحدر وشلون أخذ ضبهم.. طلبته منهم واكيد عيو قلت لأم عزيز طيب أخذه اليوم وأجيبه بكرا وأكنس لكم الحوش قالت خوذيه وانتبهي لا يجيه شي تراه لبو عزيز .. رجعت فيه للبيت والصبح حطيت الضب بشنطة المدرسه بوريه صديقاتي!! كنا يوم أثنين واليوم هذا يصير فيه تفتيش على البنات والشناط فتشو وانا ولاااااا جبت خبر ضب ابو عزيز نسيته مره مره .. ويوم حطت يدها المراقبه بالشنطه واصرخي هاك الصرخه جلجلت معها اركان مدرستنا النصف طين ايه ده ؟بسم الله الرحمن الرحيم..ايه ده؟بسم الله الرحمن الرحيم وانا اناظر بكل برائه واقول : ذا !!اللي بااااااالشنطه!! قالت ايوه (الله يرحمها ويحللها ويبيحها حيه او ميته ويجزاها خيرعنا،اللهم آمين) قلت:هاااااااااذا ضب ابو عزيز؟؟؟؟؟؟؟ ولا عادت،، بدل ما أكنس حوش بيت ام عزيز كنست حوش المدرسه مع مصادرة الضب و أخذ تعهد بعدم احضار حيوانات او حشرات يعانون الجراد اجمعه بقزايز الببسي .. منقووووووووول |
هههههههههههههههههههااااي مسكينة حوش ام عزيز وحوش المدرسة وكله عشان ضب يسلمووو عنوووده الله يعطيك العافية لك ودي |
اقتباس:
هلا حبيبتي تشرفت بمرورك |
ههههههههههههه
عقاب رائع تسلمي يالعنود لاهنتي |
اقتباس:
يسعدك دوووووووم |
| الساعة الآن 03:54 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010