منتديات بعد حيي

مدخل

وَجه الكلآم آكثَر بَرَآءَه من الصَّمْت
و ف صَمتي آكثَر ، من كَلآم البَرَآءَه

أقول أنآ مهموم نعسآن مآنمت !
أقول : أخيط من التوجّس ؛ إضآءه

على شفاة الفكره المُتعبه . . صِمت
وكآن النهآر أقصَر , و كنت إرتمآءه

عمق

سمآ خوف الكلآم اللي جرَح هذآ الحديث أنفآس
بقآيآ الصوت من ضيقة . . عتآب و غيبة أحبآبي

سؤآلٍ كل مآيطري . . ؛ يطير من الجفون نعآس :
من اللي قَبل مآ يرحل . . ترَك فَقده عَلَى بآبي ؟!

متى صآر التعب صوتي !؟ و هي هَذي وجيه النآس
حضرت من التعب فيهآ . . وأنآ الحآضر من غيآبي

يآ كل الفَقد من بَدري . . | غصون المَغفره يبّآس
هنآ الأَصفَر خذآ شَكل الملآم . . و جَفَّف عتآبي

أحس إني وحيد . . أكثر من أيَّة وحده و إحسآس
أخاف آضيع في الوحده ؛ من الوحده , عَلَى مآ بي

يآ آخر صَمت في صَدري / كأن الحزن له حرّآس
و كنّي . . لآ تنهَّدتك . . يردُّونك , و أنآ مآبي

كِذآ صآر الوطَن غربه ؛ من الغربه ولآ يندآس
أَحَد مآ له أحَد . . حتى ثيآبي . . مآ هي ثيآبي

نحَلت ومآ رحل ( ليلٍ ) ملآ هذا السهر وسوآس
ولآ ردّوا موآويلي . . و هي توصل لـ غيّآبي

كثير من الوجع أبيَض , كثير من الخضآر إفلآس
كثير اللي - بَعَد غآبوا - خطآويهم عَلَى ترآبي

أنا لي حزن مآ يفنى . . ورى هذآ السؤآل / أنفآس
من اللي قبل مآيرحل . . ترَك فَقده عَلَى بآبي ؟!

مخرج

أحتآج أضحك .. كثر مآ الوقت : عآيفني
أحتآج أفرح .. كثر مآ الدمع : هلّيته !!

مآلي أنآ : ذنب .. يآ عيني ، و يآ جفني
مآ كآن بـ إيدي : فرح .. وأقول : خلّيته

ليه الزمن .. مآ يبي لـ الحين ينصفني ؟
إحسآس الآمآل .. بـ الفرحه : تعدّيته !!

لو مرّني : هـ الفرح .. مآظنّ يعرفني !
يآ حزن الأيّآم .. فرحي : وين خبّيته ؟؟؟

لاأرواحكم النقيه